Year: 2024

ഷിക്കാഗോ: മലയാളി അസ്സോസിയേഷൻ ഓഫ് ഗ്രെയ്റ്റർ ഷിക്കാഗോ (MAGC) യുടെ ഓണാഘോഷ പരിപാടികൾ ആഗസ്റ്റ് 24 ശനിയാഴ്ച ലിബർട്ടിവിൽ ഹൈസ്കൂളിൽ വച്ച് നടത്തും. പാചക കുലപതി പഴയിടം മോഹനൻ നമ്പൂതിരി മുഖ്യാതിഥിയായി എത്തുന്ന ആഘോഷപരിപാടികളിൽ, അദ്ദേഹത്തിന്റെ രുചിവിസ്മയം ഷിക്കാഗോ മലയാളികൾക്ക് നേരിട്ടനുഭവിക്കാൻ അവസരമൊരുക്കിക്കൊണ്ട് 30 ലധികം വിഭവങ്ങളും 3 പായസവും അടങ്ങിയ സമൃദ്ധമായ സദ്യക്കുള്ള ഒരുക്കങ്ങൾ നടന്നുകൊണ്ടിരിക്കുന്നു. പരിപാടിയോടനുബന്ധിച്ച് മിഡ് വെസ്റ്റിലെ പ്രഗത്ഭരായ കലാകാരന്മാര്‍ അണിയിച്ചൊരുക്കുന്ന കലാസായാഹ്നവും ആഘോഷങ്ങൾക്ക് മാറ്റ് കൂട്ടും. ആഗസ്റ്റ് 24 വരെ നീണ്ടുനില്‍ക്കുന്ന റീൽ ചലെഞ്ച് പോലുള്ള വിവിധ മത്സര പരിപാടികളും ഇതിനോടൊപ്പം സംഘടിപ്പിക്കുന്നുണ്ട്. സദ്യയുടെ പന്തി തിരഞ്ഞെടുക്കൽ, മറ്റ് ആഘോഷപരിപാടികളെ സംബന്ധിച്ച വിവരങ്ങൾ, സമയക്രമം തുടങ്ങിയവ MAGC വെബ്സൈറ്റായ www.magconline.com ൽ ലഭ്യമാണ്. MAGCയുടെ 10-ാം വാർഷികത്തോടനുബന്ധിച്ചുള്ള ഈ ബൃഹത്തായ ഓണാഘോഷ പരിപാടികളിലേക്ക് എല്ലാ ഷിക്കാഗോ മലയാളികളെയും ഹൃദയപൂർവം ക്ഷണിക്കുന്നതായി പ്രസിഡന്റ്…

വാഷിംഗ്ടണ്‍: യുഎസ് പ്രസിഡൻ്റ് സ്ഥാനാർത്ഥി ഡൊണാൾഡ് ട്രംപിനെ വധിക്കാൻ ശ്രമിച്ച തോക്കുധാരി തോമസ് മാത്യു ക്രൂക്‌സിന് ട്രംപ് വേദിയിലെത്തുന്നതിനു തൊട്ടു മുമ്പ് പടിഞ്ഞാറൻ പെൻസിൽവാനിയ ഫെയർഗ്രൗണ്ടിൻ്റെ ഏരിയൽ ദൃശ്യങ്ങൾ പകർത്താൻ ഡ്രോണ്‍ ഉപയോഗിച്ചതായി കണ്ടെത്തിയത് മുൻ പ്രസിഡൻ്റിന് നേരെയുള്ള മാരകമായ ആക്രമണത്തിന് മുന്നോടിയായി കാര്യമായ സുരക്ഷാ വീഴ്ചകൾ നടന്നെന്ന് ഈ സംഭവം അടിവരയിടുന്നു. ഉദ്യോഗസ്ഥർ പറയുന്നതനുസരിച്ച്, ട്രംപിൻ്റെ റാലിക്ക് മുന്നോടിയായി ബട്ട്‌ലർ ഫാം ഷോ ഗ്രൗണ്ടുകൾ പരിശോധിച്ച് ക്രൂക്ക്സ് ജൂലൈ 13 ന് പ്രോഗ്രാം ചെയ്ത ഫ്ലൈറ്റ് പാതയിൽ ഡ്രോൺ പറത്തി. ഇവൻ്റ് സൈറ്റിനെക്കുറിച്ചുള്ള വിശദമായ വിവരങ്ങൾ ശേഖരിക്കാൻ ക്രൂക്ക്സ് പലതവണ ഡ്രോൺ പറത്തിയിരിക്കാമെന്ന് ഉദ്യോഗസ്ഥര്‍ പറഞ്ഞു. ജൂലൈ 3 ന് ട്രംപ് പ്രചാരണ പരിപാടി പ്രഖ്യാപിച്ചതിന് തൊട്ടുപിന്നാലെ ക്രൂക്ക്സ് റാലി സൈറ്റിനെ കുറിച്ച് ഗവേഷണം ആരംഭിച്ചതായും ജൂലൈ 7 ന് രജിസ്റ്റർ ചെയ്തതായും റിപ്പോർട്ട് കൂട്ടിച്ചേർക്കുന്നു.…

ഫിലഡല്‍‌ഫിയ: വേൾഡ് മലയാളി കൗൺസിൽ ഫിലഡൽഫിയ പ്രൊവിൻസിന്റെ കാരുണ്യപ്രവർത്തനങ്ങളുടെ ഭാഗമായുള്ള സമൂഹ വിവാഹം 2025 ഒക്ടോബര്‍ രണ്ടാം തീയതി കോട്ടയത്തുള്ള പ്രമുഖ ഓഡിറ്റോറിയത്തിൽ വെച്ച് നടത്തുമെന്ന് സംഘാടകര്‍ അറിയിച്ചു. ഓഡിറ്റോറിയത്തിന്റെയും സമൂഹ വിവാഹവുമായി ബന്ധപ്പെട്ട എല്ലാ കാര്യങ്ങളുടെയും വിശദ വിവരങ്ങൾ ഉടൻ തന്നെ പ്രമുഖ വാർത്താ മാധ്യമങ്ങളിൽ കൂടി പ്രസിദ്ധപ്പെടുത്തുമെന്നും പ്രൊവിൻസിന്റെ ചുമതലപെട്ടവർ അറിയിച്ചു. കേരളത്തിൽ സാമ്പത്തികമായി ബുദ്ധിമുട്ടുന്ന യുവതീ യുവാക്കളിൽനിന്നും തിരഞ്ഞെടുക്കപ്പെടുന്ന ഇരുപത്തിയഞ്ചു ദമ്പതികളുടെ വിവാഹം നടത്തികൊടുക്കുവാനുള്ള ഒരു ബൃഹത് പദ്ധതിയാണ് പ്രൊവിൻസ് ഏറ്റെടുത്തിരിക്കുന്നത്. ഈ പദ്ധതിയുടെ പരിപൂർണ്ണ വിജയത്തിനായി ജൂലൈ 14 ഞായറാഴ്ച വൈകിട്ട് നാലു മണിക്ക് പ്രൊവിൻസ് പ്രസിഡന്റ് നൈനാൻ മത്തായിയുടെ ബെൻസേലത്തുള്ള വസതിയില്‍ വെച്ച് യോഗം കൂടുകയും വിവിധ സബ്കമ്മിറ്റികളെ തിരഞ്ഞെടുക്കുകയും ചെയ്തു. അപേക്ഷകളുടെ നിജസ്ഥിതി ഉറപ്പു വരുത്തുന്നതിനും അർഹതപ്പെട്ടവർക്ക് ഈ കാരുണ്യ പ്രവർത്തനത്തിന്റെ പ്രയോജനം ലഭ്യമാക്കുന്നതിനും കേരളത്തിൽ ഈ മേഖലയിൽ…

കോട്ടയം: 66-ാമത് കെ സി മാമ്മൻ മാപ്പിള ട്രോഫിക്ക് വേണ്ടിയുള്ള ഉത്രാടം തിരുനാൾ പമ്പാ ജലമേള സെപ്റ്റംബർ 14ന് ഉച്ചയ്ക്ക് 2:00 മണിക്ക് നീരേറ്റുപുറം പമ്പാ വാട്ടർ സ്റ്റേഡിയത്തിൽ നടക്കും. അത്തം ദിനമായ സെപ്റ്റംബർ 6ന് ഈ വർഷത്തെ ജലമേളയുടെ പതാക ഉയർത്തൽ കർമ്മം നടത്തപ്പെടും. അത്തം മുതൽ ഉള്ള ദിവസങ്ങളില്‍ വിവിധ കലാപരിപാടികൾ വഞ്ചിപ്പാട്ട് മത്സരം, അത്തപ്പൂക്കള മത്സരം, സ്കൂൾ കോളേജ് തലങ്ങളിലെ കുട്ടികളുടെ ചിത്രരചന മത്സരങ്ങൾ, നീന്തൽ മത്സരം, മെഡിക്കൽ ക്യാമ്പും,കനോയും കയാക്കിംഗ്, വിളംബര ഘോഷയാത്ര, തുടങ്ങിയ കലാപരിപാടികൾ സംഘടിപ്പിക്കും. ഉത്രാടം നാളിൽ ഉച്ചയ്ക്ക് 2:00 മണിക്ക് നടക്കുന്ന ജലമേളയിൽ കേന്ദ്ര-സംസ്ഥാന മന്ത്രിമാരും ജനപ്രതിനിധികളും കേന്ദ്ര സംസ്ഥാന സർക്കാർ ഉദ്യോഗസ്ഥരും പങ്കെടുക്കും. ജലമേളയിൽ കേരളത്തിലെ പ്രമുഖ ചുണ്ടൻ വള്ളങ്ങളും 30 ചെറുവള്ളങ്ങളും പങ്കെടുക്കും. ജലമേളയുടെ പ്രവർത്തന ഉദ്ഘാടനം കോട്ടയം പ്രസ് ക്ലബ്ബിൽ കേന്ദ്ര മന്ത്രി…

തിരുവനന്തപുരം: ശ്രീ പത്മനാഭ സ്വാമി ക്ഷേത്ര പരിസരത്ത് സസ്യേതര ഭക്ഷണത്തിന് നിരോധനമേർപ്പെടുത്തി. എക്‌സിക്യൂട്ടിവ് ഓഫീസറാണ് നിരോധന ഉത്തരവിറക്കിയത്. ക്ഷേത്ര ഭരണസമിതി യോഗത്തിലാണ് സസ്യാഹാരം മാത്രമേ ഉപയോഗിക്കാവൂ എന്ന ഉത്തരവ് പുറത്തിറങ്ങിയത്. എക്‌സിക്യൂട്ടീവ് ഓഫീസില്‍ ചിക്കൻ ബിരിയാണി വിളമ്പിയതിന് പിന്നാലെയാണ് നടപടി. ക്ഷേത്രത്തില്‍ ഗുരുതരമായ ആചാര ലംഘനം നടന്നതോടെ നിരവധി വിശ്വാസികളും ഹൈന്ദവ സംഘടനകളും പ്രതിഷേധവുമായി രംഗത്തെയിരുന്നു. അതേസമയം ക്ഷേത്ര ഓഫീസിന് സമീപത്തെ ഡൈനിംഗ് റൂം ഉപയോഗിക്കുന്നതിലും സമയ നിയന്ത്രണം ഏർപ്പെടുത്തിയിട്ടുണ്ട്. ഡ്യൂട്ടിയിലില്ലാത്തവർ ഡൈനിംഗ് റൂം ഉപയോഗിക്കരുത്. എക്‌സിക്യൂട്ടിവ് ഓഫീസില്‍ ജീവനക്കാർ പ്രവൃത്തി സമയം കഴിഞ്ഞും തുടരണമെങ്കില്‍ മുൻകൂർ അനുമതി വാങ്ങണം. അവധി ദിവസങ്ങളില്‍ ഓഫീസ് തുറക്കുന്നതിലും കർശന നിയന്ത്രണമേർപ്പെടുത്തിയിട്ടുണ്ട്. ശ്രീപത്മനാഭ സ്വാമി ക്ഷേത്ര പരിസരത്ത് ചിക്കൻ ബിരിയാണി സല്‍ക്കാരം നടന്നത് ജൂലൈ ആറിനാണ്. ക്ഷേത്രം എക്‌സിക്യൂട്ടീവ് ഓഫീസറുടെ കാര്യാലയത്തിലാണ് മാംസം വിളമ്പിയത്. ജീവനക്കാരന്റെ മകന് ജോലി ലഭിച്ചതുമായി ബന്ധപ്പെട്ടായിരുന്നു…