യാത്രകള് ആത്മാവിനെ കണ്ടെത്താന് സഹായിക്കുന്നു. പച്ചിലകളാല് പൊതിഞ്ഞു നില്ക്കുന്ന ഭയാനകമായ ഡ്രാക്കുള കോട്ടയില് നിന്ന് ഞങ്ങള് ബുക്കാറെസ്റ്റിലേക്ക് യാത്ര തിരിച്ചു. കോട്ടക്കുള്ളിലെ മിഴിച്ചുനോക്കുന്ന സ്ത്രീ പുരുഷന്മാരുടെ ചോരക്കണ്ണുകള് മനസ്സില് മായാതെ നിന്നു. ഭൂമിയെ പൂജിക്കാനെന്നപോലെ മരങ്ങളില് നിന്ന് പൂക്കള് കൊഴിഞ്ഞുവീണു. അകലെ കാണുന്ന മരങ്ങള്ക്കിടയില് അന്ധകാരമാണ്. സൂര്യപ്രകാശം മങ്ങി വന്നു. പടിഞ്ഞാറേ ചക്രവാളം തിളങ്ങാന് തുടങ്ങി. മനസ്സ് നിറയെ കണ്ണഞ്ചിപ്പിക്കുന്ന പര്വ്വത നിരകള്. ലോകസഞ്ചാരികളുടെ ആകര്ഷണ കേന്ദ്രമായ (ഡ്രാക്കുള കോട്ട കാണാന് സാധിച്ചതില് സന്തോഷം തോന്നി. യൂറോപ്പിന്റ മധ്യഭാഗത്ത് സ്ഥിതിചെയ്യുന്ന കാര്പ്പാത്തിയന് പര്വ്വതനിരകള് 51% റൊമാനിയയിലും ബാക്കി ഭാഗങ്ങള് ചെക്ക് റിപ്പബ്ലിക്ക്, പോളണ്ട്, സ്ലൊവാക്യ, യുക്രൈന്, ഹംഗറി, സെര്ബിയയിലും സ്ഥിതിചെയ്യുന്നു. റഷ്യ കഴിഞ്ഞാല് യൂറോപ്പിലെ കന്യക വനങ്ങളുടെ ഏറ്റവും വലിയ രണ്ടാമത്തെ പ്രദേശമാണ് റൊമാനിയ. റൊമാനിയയിലെ ഏറ്റവും ഉയര്ന്ന കൊടുമുടിയാണിത്. 2,500 മീറ്ററിനും (8,200 അടി) 2,550…
രാജഭരണത്തില് നിന്ന് കമ്മ്യൂണിസത്തിലേക്ക് (യാത്രാ വിവരണം): കാരൂര് സോമന്, ചാരുംമൂട്
