Month: June 2025

തിരുവനന്തപുരം: നടൻ കൃഷ്ണകുമാറിന്റെ മകൾ ദിയയുടെ ‘ഓ ബൈ ഓസി’ എന്ന ജ്വല്ലറിയിലെ സാമ്പത്തിക ക്രമക്കേടിൽ അറസ്റ്റിലായ മൂന്ന് വനിതാ ജീവനക്കാരുടെ മുൻകൂർ ജാമ്യാപേക്ഷയിൽ കോടതി ഇന്ന് വിധി പറയും. ജീവനക്കാരെ കസ്റ്റഡിയിൽ ചോദ്യം ചെയ്യണമെന്ന് ക്രൈംബ്രാഞ്ച് ആവശ്യപ്പെട്ടിട്ടുണ്ട്. ജീവനക്കാർ ഒരു ഘട്ടത്തിലും അന്വേഷണവുമായി സഹകരിക്കുന്നില്ലെന്ന് ക്രൈംബ്രാഞ്ച് കോടതിയിൽ നൽകിയ റിപ്പോർട്ടിൽ പറയുന്നു. ഹർജി ജില്ലാ പ്രിൻസിപ്പൽ സെഷൻസ് കോടതി പരിഗണിക്കുകയാണ്. ജീവനക്കാർ തട്ടിപ്പ് നടത്തിയതിന് വ്യക്തമായ രേഖകൾ ഉണ്ടെന്ന് ക്രൈംബ്രാഞ്ച് കോടതിയെ അറിയിച്ചു. കൃഷ്ണകുമാറും മകൾ ദിയയും എട്ട് ലക്ഷം രൂപ തട്ടിയെടുത്ത ശേഷം തങ്ങളെ തട്ടിക്കൊണ്ടുപോയതായും ജീവനക്കാർ ആരോപിച്ചു.

തിരുവനന്തപുരം: മുൻ മുഖ്യമന്ത്രി വി.എസ്. അച്യുതാനന്ദന്റെ ആരോഗ്യ നില ഗുരുതരമായി തുടരുന്നു. വെന്റിലേറ്ററിന്റെ സഹായത്തോടെയാണ് ചികിത്സ. കാർഡിയോളജി, ന്യൂറോളജി, നെഫ്രോളജി വിഭാഗങ്ങൾ സംയുക്തമായാണ് അദ്ദേഹത്തെ ചികിത്സിക്കുന്നത്. ചൊവ്വാഴ്ച ഉച്ചയ്ക്ക് പുറത്തിറക്കിയ മെഡിക്കൽ ബുള്ളറ്റിനിൽ അദ്ദേഹത്തിന്റെ ആരോഗ്യനിലയിൽ നേരിയ പുരോഗതിയുണ്ടെന്ന് പറഞ്ഞിരുന്നു. അതിനുശേഷം, ആരോഗ്യനില വഷളായി. പ്രായപരിധി കണക്കിലെടുത്ത് സാധ്യമായ ചികിത്സകൾ നൽകുന്നുണ്ടെന്ന് മെഡിക്കൽ വൃത്തങ്ങൾ അറിയിച്ചു. ഇന്നലെ മുഖ്യമന്ത്രി പിണറായി വിജയൻ വി.എസ് ചികിത്സയിൽ കഴിയുന്ന പട്ടം എസ്.യു.ടി സന്ദർശിച്ചു. പിണറായി അച്യുതാനന്ദന്റെ മകൻ അരുൺകുമാർ ഉൾപ്പെടെയുള്ളവരുമായി സംസാരിച്ചെങ്കിലും അദ്ദേഹം ഐ.സി.യുവിൽ പ്രവേശിച്ചില്ല. മന്ത്രിമാർ, എം.എൽ.എമാർ, വിവിധ രാഷ്ട്രീയ പാർട്ടികളുടെ നേതാക്കൾ, സാംസ്കാരിക പ്രവർത്തകർ എന്നിവർ ഇന്നലെ ആശുപത്രി സന്ദർശിച്ച് ബന്ധുക്കളെ കണ്ടു.

“കർത്താവ് ഒരുക്കിയ ദിവസമാണിത്; ഇന്ന് സന്തോഷിച്ചുല്ലസിക്കാം” സങ്കീർത്തനം 118:24 ന്യൂജേഴ്സി: സോമര്‍സെറ്റ് സെൻറ് തോമസ് സീറോ മലബാര്‍ കാത്തലിക് ഫൊറോനാ ദേവാലത്തില്‍ ഭാരതത്തിന്റെ അപ്പസ്തോലനും ഇടവക മധ്യസ്ഥനുമായ വിശുദ്ധ തോമാശ്ശീഹായുടേയും ഭാരതത്തിലെ ആദ്യ വിശുദ്ധ അല്‍ഫോന്‍സാമ്മയുടേയും തിരുനാള്‍ 27-മുതല്‍ ജൂലൈ 6-വരെ സംയുക്തമായി കൊണ്ടാടുമെന്ന് ഇടവക വികാരി ഫാ. ആന്റണി പുല്ലുകാട്ട് സേവ്യര്‍, ഇടവകയുടെ പുതിയ വികാരിയായി ചുമതലയെടുക്കുന്ന ഫാ. ജോണിക്കുട്ടി പുലിശ്ശേരി എന്നിവരുടെ സംയുക്ത പ്രതാവനയിലൂടെ അറിയിച്ചു. തിരുനാളിനു ആരംഭം കുറിച്ചുള്ള കൊടികയറ്റം ജൂണ്‍ 27 ന് വെള്ളിയാഴ്ച വെകിട്ട് 7.15-ന് വിശുദ്ധ യൂദാശ്ലീഹായുടെ നൊവേനക്കും തുടര്‍ന്ന് ആഘോഷമായ ദിവ്യബലിക്കും ശേഷം നടക്കും. ദിവ്യബലിക്ക് റവ. ഫാ. ഫിലിപ്പ് വടക്കേക്കര മുഖ്യകാര്‍മ്മികത്വം വഹിക്കും. എല്ലാ പിതാക്കന്മാര്‍ക്കുവേണ്ടിയുള്ള പ്രത്യേക പ്രാര്‍ഥനകള്‍ നടക്കും. തുടര്‍ന്ന് വിശുദ്ധ അല്‍ഫോന്‍സാമ്മയുടെ നൊവേനയും നടക്കും. പ്രാര്‍ഥന ചടങ്ങുകള്‍ക്ക് സെൻറ് തോമസ് വാര്‍ഡ് കുടുംബാംഗങ്ങള്‍…

നേറ്റോ ഉച്ചകോടിക്കിടെ ഹേഗിൽ വെച്ച് ഉക്രേനിയൻ പ്രസിഡന്റ് സെലെൻസ്‌കിയും യുഎസ് പ്രസിഡന്റ് ഡൊണാൾഡ് ട്രംപും തമ്മിൽ കൂടിക്കാഴ്ച നടത്തി. വെടിനിർത്തൽ, സമാധാനപാലനം, ഉക്രേനിയൻ പൗരന്മാരുടെ സുരക്ഷ തുടങ്ങിയ വിഷയങ്ങൾ ഇരുവരും ചർച്ച ചെയ്തു. ഇരു നേതാക്കളും ദീർഘവും ഗൗരവമേറിയതുമായ സംഭാഷണം നടത്തിയതായി ഉക്രേനിയൻ പ്രസിഡന്റിന്റെ ഓഫീസ് പുറത്തുവിട്ട പ്രസ്താവനയില്‍ പറഞ്ഞു. വെടിനിർത്തൽ, സമാധാനപാലനം, ഉക്രേനിയൻ പൗരന്മാരുടെ സുരക്ഷ തുടങ്ങിയ വിഷയങ്ങൾ ട്രംപുമായി ചർച്ച ചെയ്തതായി സെലെൻസ്‌കി പറഞ്ഞു. യുഎസിനും ട്രംപിനും നൽകിയ പിന്തുണയ്ക്ക് നന്ദി പറഞ്ഞ അദ്ദേഹം, ഈ സംഭാഷണം സമാധാനത്തിന്റെ ദിശയിൽ സഹായിക്കുമെന്ന് പറഞ്ഞു. സെലെൻസ്‌കിയുമായുള്ള കൂടിക്കാഴ്ചയെ ‘മഹത്തായ’തെന്ന് വിശേഷിപ്പിച്ച ട്രംപ്, ഇപ്പോൾ യുദ്ധം അവസാനിപ്പിക്കാനുള്ള സമയമാണെന്ന് പറഞ്ഞു. ഉക്രെയ്ൻ യുദ്ധം അവസാനിപ്പിക്കാൻ റഷ്യൻ പ്രസിഡന്റ് വ്‌ളാഡിമിർ പുടിനുമായി സംസാരിക്കാമെന്നും അദ്ദേഹം സൂചിപ്പിച്ചു. ഹേഗിൽ മാധ്യമങ്ങളോട് സംസാരിക്കവെ, സെലെൻസ്‌കിയെ നല്ല വ്യക്തിയായിട്ടാണ് ട്രംപ് വിശേഷിപ്പിച്ചത്. ഉക്രെയ്‌നിലെ…