Month: June 2026

ഫ്ലോറിഡ: ഐവിഎഫ് (IVF) ചികിത്സയിലെ ഗുരുതരമായ അബദ്ധത്തെത്തുടർന്ന് മാറിപ്പോയ ഭ്രൂണത്തിലൂടെ ജനിച്ച പെൺകുഞ്ഞിനെ സ്വന്തം മകളായി വളർത്താൻ ദമ്പതികൾക്ക് കോടതി അനുമതി നൽകി. ഫ്ലോറിഡ സ്വദേശികളായ ടിഫാനി സ്കോർ, സ്റ്റീവൻ മിൽസ് എന്നീ വെള്ളക്കാരയ ദമ്പതികൾക്കാണ് ഓർലാൻഡോയിലെ ഫെർട്ടിലിറ്റി സെന്ററിന്റെ അബദ്ധം മൂലം കറുത്ത വർഗ്ഗക്കാരിയായ കുഞ്ഞ് ജനിച്ചത്. കഴിഞ്ഞ ഡിസംബറിലായിരുന്നു കുഞ്ഞിന്റെ ജനനം. തുടർന്ന് നടത്തിയ അന്വേഷണത്തിൽ കുഞ്ഞിന്റെ യഥാർത്ഥ ജൈവിക മാതാപിതാക്കളെ (Biological parents) ദമ്പതികൾ കണ്ടെത്തിയിരുന്നു. എന്നാൽ കുഞ്ഞുമായി വൈകാരികമായി ഏറെ അടുത്തതിനാൽ അവളെ വിട്ടുനൽകില്ലെന്ന് ഇവർ വ്യക്തമാക്കി. തുടർന്ന് ഇരുവിഭാഗവും തമ്മിലുണ്ടാക്കിയ സംയുക്ത കസ്റ്റഡി കരാറിന് സെമിനോൾ കൗണ്ടി കോടതി ഈയാഴ്ച അംഗീകാരം നൽകി. ഇതോടെ കുഞ്ഞിന്റെ സ്ഥിരമായ രക്ഷാകർതൃത്വം ടിഫാനിക്കും സ്റ്റീവനും ലഭിച്ചു. അശ്രദ്ധ കാണിച്ച ഫെർട്ടിലിറ്റി ക്ലിനിക്കിനെതിരെ ദമ്പതികൾ നിയമനടപടി സ്വീകരിച്ചിട്ടുണ്ട്.

വാഷിംഗ്ടൺ ഡി.സി: യുഎസ് സർക്കാർ ലോകമെമ്പാടുമുള്ള മുപ്പതിലധികം രാജ്യങ്ങളിലായി 120-ലധികം ബയോളജിക്കൽ ലബോറട്ടറികൾക്ക് ധനസഹായം നൽകിയിട്ടുണ്ടെന്ന രഹസ്യവിവരങ്ങൾ യുഎസ് നാഷണൽ ഇന്റലിജൻസ് ഡയറക്ടർ  തുളസി ഗബ്ബാർഡ് പുറത്തുവിട്ടു. മുൻ ഭരണകൂടങ്ങളിലെ ഉന്നതരും ഡോ. ഫൗചി ഉൾപ്പെടെയുള്ള ആരോഗ്യ ഉദ്യോഗസ്ഥരും ഈ വിവരങ്ങൾ ബോധപൂർവം ജനങ്ങളിൽ നിന്ന് മറച്ചുവെച്ചതായും സത്യം വെളിപ്പെടുത്താൻ ശ്രമിച്ചവരെ രാജ്യദ്രോഹികളായി ചിത്രീകരിച്ചതായും അവർ കുറ്റപ്പെടുത്തി. അപകടകരമായ വൈറസ് ഗവേഷണങ്ങൾക്കുള്ള (gain-of-function research) ഫണ്ടിങ് നിർത്തലാക്കാനുള്ള പ്രസിഡന്റ് ട്രംപിന്റെ ഉത്തരവിന്റെ ഭാഗമായാണ് ഈ സുപ്രധാന വെളിപ്പെടുത്തൽ. യുക്രെയ്ൻ ഉൾപ്പെടെയുള്ള രാജ്യങ്ങളിൽ പ്രവർത്തിക്കുന്ന ഇത്തരം ലാബുകളിൽ അതീവ അപകടകരമായ രോഗകാരികളെക്കുറിച്ചുള്ള ഗവേഷണങ്ങൾ കാര്യമായ മേൽനോട്ടമില്ലാതെ നടന്നിട്ടുണ്ടെന്നും, യുദ്ധസാഹചര്യത്തിൽ ഇവ പിടിച്ചെടുക്കപ്പെടാൻ സാധ്യതയുണ്ടെന്നും ഇന്റലിജൻസ് റിപ്പോർട്ടിൽ പറയുന്നു. വിദേശങ്ങളിലെ ഇത്തരം ലാബുകളെക്കുറിച്ചുള്ള കൂടുതൽ വിവരങ്ങൾ ശേഖരിക്കാൻ ഇന്റലിജൻസ് വിഭാഗത്തിന് തുളസി ഗബ്ബാർഡ് നിർദ്ദേശം നൽകിയിട്ടുണ്ട്.

ഡാളസ് :തകർച്ചകളിൽ നിന്ന് ദൈവകൃപയാൽ പുനർനിർമ്മിതമാകുന്ന ജീവിതങ്ങളെക്കുറിച്ച് ഡാലസ് മാർത്തോമാ ചർച്ച് വികാരി റവ. എബ്രഹാം വി. സാംസൺ എസ്രാ പുസ്തകം 3:8-13 വാക്യങ്ങളെ മുൻനിർത്തി ഓർമ്മിപ്പിച്ചു.അന്തർദ്ദേശീയ തലത്തിൽ ശ്രദ്ധേയമായ ഐ.പി.എൽ (IPL) ഓൺലൈൻ പ്രാർത്ഥനാ യോഗത്തിന്റെ ജൂൺ 16 ചൊവ്വാഴ്ച നടന്ന 631-ാമത് സെഷനിൽ മുഖ്യസന്ദേശം നൽകുകയായിരുന്നു റവ. എബ്രഹാം വി. സാംസൺ . നമ്മുടെ ചെറിയ പരിമിതികളെപ്പോലും വലിയ അത്ഭുതങ്ങളാക്കി മാറ്റാൻ ദൈവത്തിന് കഴിയുമെന്നും,നഷ്ടങ്ങളിൽ നിരാശപ്പെടാതെ, വിശ്വാസത്തോടെ ജീവിതത്തെ പുനർനിർമ്മിക്കാൻ നമുക്ക് സാധിക്കണമെന്നും അച്ചൻ ഉദ്ബോധിപ്പിച്ചു.ചുറ്റുമുള്ളവരുടെ നിരുത്സാഹപ്പെടുത്തലുകളെ പ്രാർത്ഥനയിലൂടെയും ദൈവവിശ്വാസത്തിലൂടെയും അതിജീവിക്കണം , പ്രാർത്ഥനകൾക്ക് മറുപടി വൈകുമ്പോഴും ദൈവത്തിന്റെ സമയത്തിനായി ക്ഷമയോടെ കാത്തിരിക്കണം, തകർച്ചകളിൽ ദൈവവചനത്തെ മുറുകെപ്പിടിച്ച്, പ്രാർത്ഥനയോടെ മുന്നോട്ട് പോകണമെന്നും അച്ചൻ കൂട്ടിച്ചേർത്തു സി. വി. സാമുവൽ സ്വാഗതവും,  പി. വി. ജോൺ പ്രാരംഭ പ്രാർത്ഥനയും നടത്തി. ശ്രീമതി ലീലമ്മ ഐസക് ബൈബിൾ…

സൗത്ത് ഫ്ലോറിഡ: ലോകകപ്പ് 2026ന്റെ ആവേശം ആഘോഷിക്കുന്നതിനായി കേരളസമാജം ഓഫ് സൗത്ത് ഫ്ലോറിഡ യൂത്ത് ക്ലബ് സംഘടിപ്പിച്ച ഫിഫ 2026 ഇ-സ്പോർട്സ് ടൂർണമെന്റ് ഐസ്ബ്രേക്കർ വലിയ ജനപങ്കാളിത്തത്തോടെയും ആവേശത്തോടെയും നടന്നു. ഫുട്ബോൾ പ്രേമികളായ യുവാക്കളെയും കുടുംബങ്ങളെയും ഒരുമിച്ച് കൊണ്ടുവന്ന ഈ പരിപാടി വിനോദത്തിന്റെയും സൗഹൃദത്തിന്റെയും മത്സരാത്മകതയുടെയും മികച്ച സംഗമമായി മാറി. കേരളസമാജം ഓഫ് സൗത്ത് ഫ്ലോറിഡ യൂത്ത് ക്ലബ് പ്രസിഡൻ്റ് ഗില്ലൺ ജോഷിയുടെ നേതൃത്വത്തിൽ സംഘടിപ്പിച്ച പരിപാടി പ്രതീക്ഷകൾക്കപ്പുറം വിജയകരമായി മാറി. പരിപാടിയുടെ ആസൂത്രണം, രൂപകൽപ്പന, നടത്തിപ്പ് എന്നിവ യൂത്ത് ക്ലബ് അംഗങ്ങൾ തന്നെ ഏറ്റെടുത്തത് അവരുടെ നേതൃത്വപാടവവും സംഘടനയോടുള്ള പ്രതിബദ്ധതയും സമൂഹത്തിനും സംഘടനയ്ക്കും അവർ നൽകുന്ന പ്രാധാന്യവും എടുത്തുകാട്ടുന്നതായി. യൂത്ത് ക്ലബിന്റെ എല്ലാ പ്രവർത്തനങ്ങൾക്കും പൂർണ പിന്തുണ നൽകി കേരളസമാജം പ്രസിഡന്റ് നോയൽ മാത്യുയും സെക്രട്ടറി സഞ്ജയ് നടുപ്പറമ്പിലും ഒപ്പമുണ്ടായിരുന്നു. ജോയിന്റ് സെക്രട്ടറി ദീപക് ഗോപാലകൃഷ്ണൻ…

അറ്റ്ലാന്റ: ജോർജിയ ഗവർണർ സ്ഥാനത്തേക്കുള്ള റിപ്പബ്ലിക്കൻ പാർട്ടി പ്രാഥമിക തെരഞ്ഞെടുപ്പിൽ പ്രസിഡന്റ് ഡൊണാൾഡ് ട്രംപ് പിന്തുണച്ച സ്ഥാനാർത്ഥിയെ പരാജയപ്പെടുത്തി ശതകോടീശ്വരൻ റിക്ക് ജാക്സൺ അട്ടിമറി വിജയം നേടി. ട്രംപും നിലവിലെ ഗവർണർ ബ്രയാൻ കെമ്പും പിന്തുണച്ച ലെഫ്റ്റനന്റ് ഗവർണർ ബർട്ട് ജോൺസിനെയാണ് ഹെൽത്ത് കെയർ വ്യവസായിയായ റിക്ക് ജാക്സൺ തോൽപ്പിച്ചത്. സ്വന്തം സമ്പാദ്യത്തിൽ നിന്ന് 100 മില്യണിലധികം ഡോളർ പ്രചാരണത്തിനായി ചിലവഴിച്ചാണ് ജാക്സൺ റിപ്പബ്ലിക്കൻ പാർട്ടിക്കുള്ളിലെ ഔദ്യോഗിക പാനലിനെ അട്ടിമറിച്ചത്. ട്രംപിന്റെ ശക്തമായ സ്വാധീനത്തെ പണക്കരുത്ത് കൊണ്ട് മറികടന്ന ഈ വിജയം യുഎസ് രാഷ്ട്രീയത്തിൽ വലിയ ചർച്ചയായിട്ടുണ്ട്. ആദ്യമായി പൊതുതെരഞ്ഞെടുപ്പിൽ മത്സരിക്കുന്ന റിക്ക് ജാക്സൺ, വരാനിരിക്കുന്ന പ്രധാന തെരഞ്ഞെടുപ്പിൽ ഡെമോക്രാറ്റിക് പാർട്ടിയുടെ മുൻ അറ്റ്ലാന്റ മേയർ കെയ്ഷ ലാൻസ് ബോട്ടംസിനെ നേരിടും.