Day: August 11, 2026

പടിഞ്ഞാറൻ കൊളംബിയയിൽ 7.4 തീവ്രത രേഖപ്പെടുത്തിയ ശക്തമായ ഭൂകമ്പം നാശം വിതച്ചു, നിരവധി നഗരങ്ങളിൽ കെട്ടിടങ്ങൾ തകർന്നു, ആളുകൾ അവശിഷ്ടങ്ങൾക്കിടയിൽ കുടുങ്ങി, കുറഞ്ഞത് 77 മരണങ്ങളെങ്കിലും സ്ഥിരീകരിച്ചു. തെക്കേ അമേരിക്കൻ രാജ്യമായ കൊളംബിയയിൽ തിങ്കളാഴ്ച ശക്തമായ ഭൂകമ്പം അനുഭവപ്പെട്ടു. പടിഞ്ഞാറൻ മേഖലയിൽ ഉണ്ടായ 7.4 തീവ്രത രേഖപ്പെടുത്തിയ ഭൂചലനം നിരവധി നഗരങ്ങളിൽ അനുഭവപ്പെട്ടു. ഇതുവരെ 77 പേർ ദുരന്തത്തിൽ മരിച്ചതായാണ് അനൗദ്യോഗിക കണക്ക്. പെരേര, കാലി, മാനിസാലെസ്, ക്വിബ്ഡോ എന്നിവിടങ്ങളിലെ കെട്ടിടങ്ങൾക്ക് കേടുപാടുകൾ സംഭവിച്ചു. അവശിഷ്ടങ്ങൾക്കിടയിൽ കുടുങ്ങിക്കിടക്കുന്നവർക്കായി ദുരിതാശ്വാസ, രക്ഷാപ്രവർത്തകർ തിരച്ചിൽ നടത്തിക്കൊണ്ടിരിക്കുകയാണ്. തലസ്ഥാനമായ ബൊഗോട്ടയിൽ നിന്ന് ഏകദേശം 400 കിലോമീറ്റർ പടിഞ്ഞാറ് സാൻ ഹോസെ ഡെൽ പാൽമറിനടുത്താണ് ഭൂകമ്പത്തിന്റെ പ്രഭവകേന്ദ്രം. യുഎസ് ജിയോളജിക്കൽ സർവേയും കൊളംബിയയുടെ ജിയോളജിക്കൽ സർവീസും 7.4 തീവ്രത രേഖപ്പെടുത്തിയതായി കണക്കാക്കുന്നു. പെരേരയിൽ പതിനെട്ട് മരണങ്ങൾ റിപ്പോർട്ട് ചെയ്യപ്പെട്ടു, അതേസമയം മാനിസാലെസിലും മറ്റ്…

ഹൂസ്റ്റൺ : സെന്റ് മേരീസ് മലങ്കര ഓർത്തഡോക്സ് ഇടവകയുടെ ഈ വർഷത്തെ വലിയ പെരുന്നാൾ ആഗസ്റ്റ് 16ന് വിപുലമായ പരിപാടികളോടെ ആഘോഷിക്കും. പരിശുദ്ധ ദൈവമാതാവിന്റെ വാങ്ങിപ്പു പെരുന്നാളിനോടനുബന്ധിച്ചുള്ള പെരുന്നാൾ കൊടിയേറ്റ് ആഗസ്റ്റ് 9 ഞായറാഴ്ച വിശുദ്ധ കുർബാനയ്ക്കുശേഷം ഇടവക വികാരി റവ. ഫാ. രാജേഷ് കെ. ജോൺ നിർവഹിച്ചു. പെരുന്നാളിനോടനുബന്ധിച്ച് ആഗസ്റ്റ് 1 മുതൽ 13 വരെ എല്ലാ ദിവസവും വൈകുന്നേരം 7 മണിക്ക് സന്ധ്യാനമസ്കാരം, മധ്യസ്ഥ പ്രാർത്ഥന, തുടർന്ന് നേർച്ച എന്നിവ ഉണ്ടായിരിക്കും. ആഗസ്റ്റ് 14 വെള്ളിയാഴ്ച വൈകുന്നേരം 7 മണിക്ക് വിശുദ്ധ കുർബാനയോടെ പതിനഞ്ചുദിവസത്തെ നോമ്പിന്റെ സമാപനം (നോമ്പുവിടൽ) നടക്കും. തുടർന്ന് റവ. ഫാ. പി. കെ. വർഗീസ് ഭക്തിനിർഭരമായ വചനപ്രഘോഷണം നടത്തും. ആഗസ്റ്റ് 15 ശനിയാഴ്ച വൈകുന്നേരം 6 മണിക്ക് സന്ധ്യാനമസ്കാരവും തുടർന്ന് റവ. ഫാ. പി. കെ. വർഗീസിന്റെ വചനപ്രഘോഷണവും നടക്കും.…

ഹൂസ്റ്റൺ: ഹൂസ്റ്റൺ സെന്റ് മേരീസ് ക്നാനായ കത്തോലിക്കാ പള്ളിയുടെ പുതിയ സൺഡേ സ്കൂൾ കെട്ടിടത്തിന്റെ ഗ്രൗണ്ട് ബ്രേക്കിംഗ് കർമ്മം ഓഗസ്റ്റ് 9 ഞായറാഴ്ച രാവിലെ 8:45-ന് നടന്നു. ഇന്ത്യയിലെ മിയാവോ രൂപതാ മെത്രാൻ മാർ ജോർജ് പള്ളിപ്പറമ്പിൽ ചടങ്ങിൽ മുഖ്യാതിഥിയായിരുന്നു. അറ്റോർണി ഫിലോൺ ട്രാൻ, മുൻ സിറ്റി കൗൺസിൽ അംഗം ജെഫ്രി ബോണി, ഹണ്ടിംഗ്ടൺ ബാങ്ക് പ്രതിനിധി ആഷ് പുതുച്ചിറയിൽ, ഫോർസൈറ്റ് ഡെവലപ്പേഴ്സ് പ്രസിഡന്റ് അനീഷ് സൈമൺ എന്നിവരായിരുന്നു വിശിഷ്ടാതിഥികൾ. ഗ്രൗണ്ട് ബ്രേക്കിംഗ് കർമ്മത്തിന് മുന്നോടിയായി മാർ ജോർജ് പള്ളിപ്പറമ്പിൽ, വികാരി ഫാ. ഏബ്രഹാം മുത്തോലത്ത്, ഫാ. ജോഷി വലിയവീട്ടിൽ എന്നിവരുടെ കാർമ്മികത്വത്തിൽ വിശുദ്ധ കുർബാന അർപ്പിച്ചു. പ്രോജക്ട് കോർഡിനേറ്റർ ജാസിം ജേക്കബ് തയ്യിൽപുത്തൻപുരയിൽ അതിഥികളെ പരിചയപ്പെടുത്തുകയും ഏവർക്കും സ്വാഗതം ആശംസിക്കുകയും ചെയ്തു. പുതിയ കെട്ടിടത്തിന് “ഹൊറൈസൺ സെന്റർ“” എന്ന് നാമകരണം ചെയ്തതായി വികാരി ഫാ. എബ്രഹാം…

ഓക്ലഹോമ: ഭാര്യയും ചെറിയ മകളുമടക്കമുള്ളവരുടെ കൺമുന്നിൽ വച്ച് കടുവയുടെ ആക്രമണത്തിൽ മൃഗസംരക്ഷണ ജീവനക്കാരൻ ദാരുണമായി കൊല്ലപ്പെട്ടു. ‘ടൈഗർ കിംഗ്’ ജോ എക്സോട്ടിസുമായി ബന്ധമുള്ള റയാൻ ഈസ്ലി (37) ആണ് മരിച്ചത്. ഒക്ലഹോമയിലെ ഗ്രോളർ പൈൻസ് ടൈഗർ പ്രിസർവിൽ നടന്ന പ്രകടനത്തിനിടയിലാണ് സംഭവം. പരിശീലന കൂട്ടിൽ വെച്ച് കടുവ റയാനെ ആക്രമിക്കുകയും കടിച്ചുകീറുകയുമായിരുന്നു.  സംഭവസ്ഥലത്തുണ്ടായിരുന്ന സന്ദർശകരും റയാന്റെ ഭാര്യയും മകളും ഈ ദാരുണ സംഭവത്തിന് നേരിട്ടു സാക്ഷിയായി. കനത്ത പരിക്കുകളും അടിയേറ്റുള്ള ആഘാതങ്ങളുമാണ് മരണ കാരണമെന്ന് പിന്നീട് പരിശോധനയിൽ സ്ഥിരീകരിച്ചു. ഇത് വെറുമൊരു അപകകടമാണെന്നാണ് അധികൃതർ വ്യക്തമാക്കിയത്.

ഹൂസ്റ്റൺ/കോട്ടയം: ലോകസമാധാനം, മാനവികത, സാമൂഹിക ഐക്യം എന്നിവ മുൻനിർത്തി പ്രവർത്തിക്കുന്ന വേൾഡ് പീസ് മിഷൻ സംഘടിപ്പിക്കുന്ന അന്താരാഷ്ട്ര സമ്മേളനം അടുത്ത ജനുവരി 9-ന് കോട്ടയം നാഗമ്പടത്തെ സീസർ പാലസ് കോൺഫറൻസ് ഹാളിൽ നടക്കും. ഇന്ത്യയുൾപ്പെടെ വിവിധ രാജ്യങ്ങളിൽ നിന്നുള്ള സമാധാന പ്രവർത്തകരും സാമൂഹിക നേതാക്കളും വിദ്യാഭ്യാസ, ആരോഗ്യ, സാംസ്കാരിക, മാധ്യമ, മനുഷ്യാവകാശ മേഖലകളിലെ പ്രമുഖരും സമ്മേളനത്തിൽ പങ്കെടുക്കും. ഒരു ഹൃദയം, ഒരു ലോകം എന്ന സന്ദേശം ഉയർത്തിപ്പിടിച്ചാണ് സമ്മേളനം സംഘടിപ്പിക്കുന്നത്. ലോകത്ത് വർധിച്ചുവരുന്ന യുദ്ധങ്ങളും സംഘർഷങ്ങളും ദാരിദ്ര്യവും പരിസ്ഥിതി പ്രതിസന്ധികളും ലഹരിവ്യാപനവും സാമൂഹിക വിഭജനവും ഉൾപ്പെടെയുള്ള വിഷയങ്ങൾ സമ്മേളനത്തിൽ ചർച്ച ചെയ്യും. സമാധാന വിദ്യാഭ്യാസം, സ്ത്രീശാക്തീകരണം, യുവജന പങ്കാളിത്തം, ഭക്ഷ്യസുരക്ഷ, ആരോഗ്യസംരക്ഷണം, പരിസ്ഥിതി സംരക്ഷണം, കുടുംബമൂല്യങ്ങൾ, ആഗോള സഹകരണം തുടങ്ങിയ വിഷയങ്ങളിൽ പ്രത്യേക സെഷനുകളും സംവാദങ്ങളും നടക്കും. സമ്മേളനത്തോടനുബന്ധിച്ച് വിവിധ മേഖലകളിൽ ശ്രദ്ധേയമായ സേവനങ്ങൾ നടത്തിയ വ്യക്തികൾക്കും…

ന്യൂജേഴ്സി: യു.എസിൽ Donald Trump-ന്റെ ‘MAGA’ തൊപ്പി ധരിച്ച കൗമാരക്കാരിയെ ബോർക്ക്‌വാഡിൽ വെച്ച് മർദ്ദിച്ച 33 കാരിയായ കാനഡ സ്വദേശിനിയെ യുണൈറ്റഡ് സ്റ്റേറ്റ്സിൽ നിന്ന് നാടുകടത്താൻ ഉത്തരവ്. കേസിൽ കൈറ്റ്‌ലിൻ ട്രേസി  കുറ്റം സമ്മതിച്ചിരുന്നു. ജൂലൈ 3-ന് ന്യൂ ജേഴ്സിയിലെ പോയിന്റ് പ്ലെസന്റ് ബീച്ചിൽ വെച്ചാണ് സംഭവം. ട്രംപിന്റെയും യു.എസ് ഇമിഗ്രേഷൻ ആൻഡ് കസ്റ്റംസ് എൻഫോഴ്സ്‌മെന്റിന്റെയും  ചിഹ്നങ്ങളുള്ള വസ്ത്രങ്ങളും തൊപ്പികളും ധരിച്ചെത്തിയ കൗമാരക്കാരെ ട്രേസി ആക്രമിക്കുന്നതിന്റെ ദൃശ്യങ്ങൾ പുറത്തുവന്നിരുന്നു. തുടർന്ന് ഒരു ദിവസത്തെ തടവുശിക്ഷ ലഭിച്ച ഇവർ ജയിൽവാസം ഒഴിവാക്കിയിരുന്നു. എന്നാൽ, ഇവർ യു.എസിൽ നിയമവിരുദ്ധമായാണ് കഴിഞ്ഞിരുന്നതെന്ന് പിന്നീട് നടത്തിയ അന്വേഷണത്തിൽ വ്യക്തമാവുകയും, ഇതിനെത്തുടർന്ന് അധികൃതർ നാടുകടത്തൽ ഉത്തരവ് പുറപ്പെടുവിക്കുകയുമായിരുന്നു.

ലബ്ബക്ക്, ടെക്സസ്: വെസ്റ്റ് ടെക്സസിലെ ലബ്ബക്കിൽ മലയാളി സമൂഹം ഒത്തുകൂടി ഓണാഘോഷം 2026 മനോഹരമായി ആഘോഷിച്ചു. ക്രിസ്റ്റ് ദി കിംഗ് സ്കൂൾ ഓഡിറ്റോറിയത്തിൽ വെച്ച് നടന്ന ചടങ്ങിൽ കേരളത്തിന്റെ തനിമയും സംസ്കാരവും സൗഹൃദവും ആവോളം നിറഞ്ഞുനിന്നു. അങ്കണത്തിൽ ‘2026’ എന്ന് മധ്യത്തിൽ ആലേഖനം ചെയ്ത മനോഹരമായ അത്തപ്പൂക്കളം ഒരുക്കിയിരുന്നു. മുതിർന്ന അംഗങ്ങളും പുരോഹിതന്മാരും വിശിഷ്ടാതിഥികളും ചേർന്ന് ഭദ്രദീപം (നിലവിളക്ക്) തെളിയിച്ചതോടെയാണ് ചടങ്ങുകൾക്ക് തുടക്കമായത്. ബിജു, ലെജോ എന്നിവർ അവതാരകരായ സാംസ്കാരിക സന്ധ്യയിൽ ഷീബ, ജെല്ലി, അഞ്ജു എന്നിവരുടെ പ്രാർത്ഥനാഗാനത്തോടെ തുടക്കമായി. ജിജി സ്വാഗതം ആശംസിച്ചു. ലബ്ബക്ക് മാർത്തോമ്മാ ചർച്ച് വികാരി റവ. ഫാദർ ജെയിംസ് കെ. ജോൺ ഓണസന്ദേശം നൽകി. വിളവെടുപ്പ്ത്സവം, സാമൂഹിക ഐക്യം, മൂല്യങ്ങൾ കാത്തുസൂക്ഷിക്കൽ എന്നിവയുടെ പ്രതീകമാണ് ഓണമെന്ന് അദ്ദേഹം ഓർമ്മിപ്പിച്ചു. ഐക്യം, നന്ദി, പരസ്പര സ്നേഹം എന്നിവ നിലനിർത്താൻ അദ്ദേഹം ആഹ്വാനം ചെയ്തു.…