Day: August 11, 2026

അമേരിക്കയിൽ കൺവെൻഷൻ സംഘടിപ്പിക്കുമ്പോഴും അതിൻ്റെ ഭക്ഷണക്രമീകരണങ്ങൾ ആസൂത്രണം ചെയ്യുമ്പോഴും നല്ല സർവീസ് ഉറപ്പാക്കാൻ താഴെ പറയുന്ന കാര്യങ്ങൾ പ്രാരംഭ ഘട്ടത്തിൽ തന്നെ കണക്കിലെടുക്കേണ്ടതുണ്ട്: ​1. ടൈം സോൺ വ്യത്യാസങ്ങളും ഭക്ഷണ സമയവും: ​അമേരിക്കയുടെ നാല് വ്യത്യസ്ത ടൈം സോണുകളിൽ നിന്നാണ് അതിഥികൾ ( നാട്ടിൽ നിന്നും മറ്റു രാജ്യങ്ങളിൽ നിന്നും വരുന്ന അതിഥികളെ കണക്കിലെടുക്കാതെ അല്ല ഞാൻ എഴുതുന്നത്) കൺവെൻഷനിലേക്ക് എത്തുന്നത്. ​ഉദാഹരണത്തിന്, ന്യൂയോർക്കിൽ (EST) രാവിലെ 8:00 മണി ആകുമ്പോൾ കാലിഫോർണിയയിൽ (PST) നിന്നുമെത്തിയ ഒരാൾക്ക് സമയം പുലർച്ചെ 5:00 മണി മാത്രമായിരിക്കും. കൺവെൻഷൻ്റെ ആദ്യ ദിവസങ്ങളിൽ ഈ സമയമാറ്റവുമായി പൊരുത്തപ്പെടാൻ അതിഥികൾക്ക് ബുദ്ധിമുട്ടുണ്ടാകും. ​അതിനാൽ, പ്രഭാതഭക്ഷണവും മറ്റ് ഭക്ഷണസമയങ്ങളും നിശ്ചയിക്കുമ്പോൾ എല്ലാവരുടെയും ടൈം സോൺ വ്യത്യാസങ്ങൾ കൂടി പരിഗണിച്ചുകൊണ്ട് ടൈം ഷെഡ്യൂൾ തയ്യാറാക്കുക. ​2. ​നമ്മുടെ അസോസിയേഷൻ അല്ലെങ്കിൽ സഭാ കൺവെൻഷനുകളിൽ പങ്കെടുക്കുന്ന ഭൂരിഭാഗം…

ഡാളസ്: സി.എസ്.ഐ ഡാളസ് കോൺഗ്രിഗേഷന്റെ ഈ വർഷത്തെ വാർഷിക സഭാ കൺവെൻഷൻ  ഓഗസ്റ്റ് 21 വെള്ളിയാഴ്ച മുതൽ 23 ഞായറാഴ്ച വരെ നടക്കും. റവ. ബൈജു ഈപ്പൻ  കൺവെൻഷനിൽ ദൈവവചന പ്രഘോഷണം നടത്തും. “ദൈവിക വഴിനടത്തൽ” – സങ്കീർത്തനങ്ങൾ 27:14) എന്നതാണ് ഈ വർഷത്തെ കൺവെൻഷൻ ചിന്താവിഷയം. കൺവെൻഷൻ സമയം: ഓഗസ്റ്റ് 21 (വെള്ളി): വൈകുന്നേരം 7:00 ഓഗസ്റ്റ് 22 (ശനി): വൈകുന്നേരം 7:00 ഓഗസ്റ്റ് 23 (ഞായർ): രാവിലി 9:30 ഗാർലൻഡിലെ ദേവാലയ പാരിഷ് ഹാളിലാണ് (2422 N Glenbrook Dr, Garland, TX 75040) ചടങ്ങുകൾ ക്രമീകരിച്ചിരിക്കുന്നത്. കൺവെൻഷൻ യോഗങ്ങളിലേക്ക് ഏവരെയും സ്വാഗതം ചെയ്യുന്നതായി ഭാരവാഹികൾ അറിയിച്ചു. കൂടുതൽ വിവരങ്ങൾക്ക് www.csicod.org എന്ന വെബ്‌സൈറ്റ് സന്ദർശിക്കുക.

ന്യൂയോർക് /തിരുവല്ല: വയനാട് ഉരുൾപൊട്ടലിൽ സർവ്വതും നഷ്ടപ്പെട്ട കുടുംബങ്ങൾക്കായി മലങ്കര മാർത്തോമാ സുറിയാനി സഭ നിർമ്മിച്ച് നൽകുന്ന പുതിയ വീടുകളുടെ സമർപ്പണ ചടങ്ങ് 2026 ആഗസ്റ്റ് 15 ശനിയാഴ്ച നടക്കും. വയനാട് വൈത്തിരി താലൂക്കിലെ വടുവഞ്ചാലിൽ വൈകുന്നേരം 3.00 മണിക്കാണ് ചടങ്ങുകൾ ക്രമീകരിച്ചിരിക്കുന്നത്. മാർത്തോമാ സഭാ പരമാധ്യക്ഷൻ അഭിവന്ദ്യ ഡോ. തിയോഡോഷ്യസ് മാർത്തോമാ മെത്രാപ്പോലീത്ത ചടങ്ങിന്റെ ഉദ്ഘാടനവും പൊതുസമ്മേളനവും നിർവ്വഹിക്കും. റൈറ്റ് റവ. ഡോ. മാത്യൂസ് മാർ മക്കറിയോസ് എപ്പിസ്കോപ്പ ചടങ്ങിൽ അധ്യക്ഷത വഹിക്കും. കേരള കാർഷിക വികസന കർഷക ക്ഷേമ വകുപ്പ് മന്ത്രി ശ്രീ. ടി. സിദ്ദിഖ് മുഖ്യാതിഥിയായി പങ്കെടുത്ത് ഗുണഭോക്താക്കളായ കുടുംബങ്ങൾക്ക് വീടുകളുടെ താക്കോൽ കൈമാറും. ഉരുൾപൊട്ടൽ ദുരന്തത്തിൽ വീടുകൾ നഷ്ടപ്പെട്ടവർക്ക് ആശ്വാസമേകുന്ന മാർത്തോമാ സഭയുടെ വയനാട് പുനരധിവാസ പദ്ധതിയുടെ ഭാഗമായാണ് ഈ ഭവനങ്ങൾ നിർമ്മിച്ചിരിക്കുന്നത്. സമർപ്പണ ശുശ്രൂഷകളിലേക്കും പൊതുസമ്മേളനത്തിലേക്കും ഏവരുടെയും പ്രാർത്ഥനാനിർഭരമായ സാന്നിധ്യം…

ഹൂസ്റ്റൺ: സൗത്ത് വെസ്റ്റ് ചർച്ച് ഓഫ് ഗോഡ് സ്റ്റാഫോർഡിന്റെ വാർഷിക കൺവൻഷൻ ഓഗസ്റ്റ് 14, 15 തീയതികളിൽ നടക്കും. ചർച്ച് ഓഫ് ഗോഡ് മുൻ ജനറൽ ഓവർസിയർ ഡോ. ടിം ഹിൽ, പാസ്റ്റർ ഗ്ലാഡ്സൺ വർഗീസ് എന്നിവർ കൺവൻഷൻ യോഗങ്ങളിൽ പ്രസംഗിക്കും. ഇരുദിവസവും വൈകിട്ട് 6.30ന് ആരംഭിക്കുന്ന കൺവൻഷനിൽ ആരാധന, ദൈവവചന ശുശ്രൂഷ, ആത്മീയ കൂട്ടായ്മ എന്നിവ നടക്കും. 15ന് രാവിലെ 10.30ന് ‘മിഷൻ ചാലഞ്ച്’ പ്രത്യേക സമ്മേളനം നടക്കും. Strategic Missions Focusing on Unreached People Groups എന്ന വിഷയത്തെ ആസ്പദമാക്കിയുള്ള സമ്മേളനത്തിൽ ചർച്ച് ഓഫ് ഗോഡ് വേൾഡ് മിഷൻസ് റീജനൽ സൂപ്രണ്ട് ഡോ. സുഷിൽ മാത്യു മുഖ്യപ്രഭാഷണം നടത്തും. സൗത്ത് വെസ്റ്റ് ചർച്ച് ഓഫ് ഗോഡിലാണ് (235 Avenue E, Stafford, TX 77477) സമ്മേളനം. പ്രയർ മൗണ്ട് മീഡിയയാണ് കൺവൻഷന്റെ മീഡിയ…

ചിക്കാഗോ: നോർത്ത് അമേരിക്കയിലെ ഏറ്റവും വലിയ മലയാളി സംഘടന ആയ ചിക്കാഗോ മലയാളി അസോസിയേഷന്റെ ഈ വർഷത്തെ ഓണാഘോഷം ഓഗസ്റ്റ് 14, വെള്ളിയാഴ്ച വൈകിട്ട് 5.30ന് മോർട്ടൻ ഗ്രോവിലുള്ള സെന്റ് മേരീസ് ക്നാനായ കത്തോലിക്കാ പള്ളി ഓഡിറ്റോറിയത്തിൽ വിപുലമായ പരിപാടികളോടെ നടക്കും. കേരളത്തിന്റെ തനിമയും ഓണത്തിന്റെ ആഘോഷപ്പൊലിമയും ഒത്തുചേരുന്ന പരിപാടിയിൽ മെഗാ ചെണ്ടമേളം, മെഗാ തിരുവാതിര, വിവിധ നൃത്തനൃത്യങ്ങൾ, കലാപരിപാടികൾ എന്നിവ അരങ്ങേറും. ലോകപ്രശസ്ത മജീഷ്യൻ ഗോപിനാഥ് മുതുകാട് അവതരിപ്പിക്കുന്ന മാജിക്, മെലഡി, മിഷൻ എന്നിവ സമന്വയിപ്പിച്ച എം-ക്യൂബ് ഷോ ഇത്തവണത്തെ ഓണാഘോഷത്തിന്റെ പ്രധാന ആകർഷണമാകും. ഓഗസ്റ്റ് 14ന് വൈകിട്ട് 5.30ന് ഓണസദ്യയോടെയാണ് ആഘോഷങ്ങൾക്ക് തുടക്കമാകുന്നത്. തുടർന്ന് വർണാഭമായ ഓണഘോഷയാത്ര, മെഗാ ചെണ്ടമേളം, മെഗാ തിരുവാതിര, വിവിധ കലാപരിപാടികൾ,മുതുകാട് ഷോ എന്നിവ അരങ്ങേറും. മലയാളികളുടെ പാരമ്പര്യവും സംസ്കാരവും പുതുതലമുറയിലേക്ക് പകരുന്ന തരത്തിൽ കുടുംബസമേതം ആസ്വദിക്കാവുന്ന വൈവിധ്യമാർന്ന പരിപാടികളാണ്…

മുപ്പത്തിയാറു വർഷങ്ങൾക്കു ശേഷം ദേവൻ ആ കോളേജിന്റെ പടിവാതിൽ കടന്നപ്പോൾ, സമയം ഒരു നിമിഷത്തേക്ക് പിന്നോട്ടു നടന്നതുപോലെ തോന്നി. അവൻ അറുപതുകാരനായിരിയ്ക്കുന്നു. പക്ഷേ ആ ഒരു നിമിഷത്തിൽ അവന്റെ ഉള്ളിൽ നിന്ന് ഒരു ഇരുപത്തൊന്നുകാരൻ പുറത്തുവന്നു. കോളേജ് വേനലവധിക്കായി അടച്ചിരിയ്ക്കുകയാണ്. ഒരിക്കൽ പ്രഭാതം മുതൽ സന്ധ്യവരെ വിദ്യാർത്ഥികളുടെ ചിരിയുംകളികളും മുദ്രാവാക്യങ്ങളും കൊണ്ട് നിറഞ്ഞിരുന്ന ആ കുന്നിൻ മുകളിലെ ക്യാമ്പസ് ഇപ്പോൾ വിജനമായിരിയ്ക്കുന്നു. നീണ്ട വരാന്തകളിൽ കാറ്റ് മാത്രം സഞ്ചരിക്കുന്നു. അടഞ്ഞ ക്ലാസ് മുറികളുടെ ജനലുകളിൽ വേനൽവെയിൽ പതിഞ്ഞുകിടക്കുന്നു. കാമ്പസ്സ് സജീവമാകുവാൻ ഇനി കഷ്ടിച്ച് ഒരാഴ്ചയേ ഉള്ളൂ. കൊറിവരച്ചിരുന്ന ചുവരുകൾ ചായം തേച്ചു മിനുക്കിയിരിയ്ക്കുന്നു. കുന്നിൻ മുകളിലെ ആ കോളേജിന് എഴുപതോളം വർഷങ്ങളുടെ പഴക്കമുണ്ടായിരുന്നു. ഒരു സ്ഥാപനമെന്നതിലുപരി അത് ആ ഗ്രാമത്തിന്റെ ആത്മാഭിമാനമാണ് . തലമുറകളായി അവിടെ പഠിച്ചിറങ്ങിയവർ ലോകത്തിന്റെ പല കോണുകളിലേക്കും പോയിട്ടുണ്ടെങ്കിലും, അവരുടെ ഓർമ്മകളിൽ ആ…

കാരോൾട്ടൻ: ആഗസ്റ്റ് 7-ന് നിര്യാതയായ കേരള അസോസിയേഷൻ ഓഫ് ഡാലസിന്റെ മുൻ സെക്രട്ടറി ശ്രീ. ചാക്കോ ഇട്ടിയുടെ ധർമ്മപത്നി അന്നമ്മ ഇട്ടി (79)യുടെ പൊതുദർശനം ആഗസ്റ്റ് 11 (ചൊവ്വ) വൈകിട്ട് 6:00 മുതൽ 9:00 വരെ സെന്റ് തോമസ് ക്നാനായ പള്ളി, 727 Metker St, Irving, TX 75062 വെച്ചും, സംസ്കാര ശുശ്രൂഷ: ആഗസ്റ്റ് 12 (ബുധൻ രാവിലെ 9:00 മുതൽ ഉച്ചയ്ക്ക് 12:00 വരെ സെന്റ് തോമസ് ക്നാനായ പള്ളി, Irving, Texas വെച്ചും, സംസ്കാരം:ആഗസ്റ്റ് 12 (ബുധൻ) ഉച്ചയ്ക്ക് 12:30 ന് Rolling Oaks Memorial Center, 400 Freeport Pkwy, Coppell, TX 75019 വെച്ചും നടക്കും. ഡാലസിലെ സാമൂഹിക, സാംസ്കാരിക, ജീവകാരുണ്യ പ്രവർത്തനങ്ങളിൽ നിറസാന്നിധ്യമായിരുന്ന അന്നമ്മ ഇട്ടി, ടെക്സസ് ഇർവിങിലെ സെന്റ് തോമസ് ക്നാനായ യാക്കോബായ പള്ളിയുടെ സജീവ അംഗവുമായിരുന്നു.…

 യു.എസ് സെനറ്റിലേക്ക് മിഷിഗണ്‍ ഡെമോക്രാറ്റിക് പ്രൈമറി തിരഞ്ഞെടുപ്പില്‍ അബ്ദുല്‍ അല്‍ സഈദ് നേടിയ വിജയം അമേരിക്കയിലെ തീവ്ര വലതുപക്ഷ സയണിസ്റ്റ് വിഭാഗങ്ങള്‍ക്കിടയില്‍ വലിയ ആശങ്ക സൃഷ്ടിച്ചിരിക്കുന്നു. മുന്‍ പൊതുജനാരോഗ്യ ഉദ്യോഗസ്ഥനായ അബ്ദുല്‍ അല്‍ സഈദ്, മിഷിഗണിലെ ഡെമോക്രാറ്റിക് സെനറ്റ് പ്രൈമറിയില്‍ യു.എസ് പ്രതിനിധി ഹാലി സ്റ്റീവന്‍സിനെയാണ് പരാജയപ്പെടുത്തിയത്. ഏറെ ശ്രദ്ധേയമായ വിജയം, ഡെമോക്രാറ്റിക് പാര്‍ട്ടിയിലെ പുരോഗമന വിഭാഗത്തിന്റെ ശക്തമായ മുന്നേറ്റമായാണ് വിലയിരുത്തപ്പെടുന്നത്. ഏകദേശം 65 മില്യണ്‍ ഡോളറോളം പുറത്തുനിന്നുള്ള പ്രചാരണ ചെലവ് സ്റ്റീവന്‍സിനെ പിന്തുണയ്ക്കുന്നതിനായി ചെലവഴിച്ച സാഹചര്യത്തിലും അല്‍ സഈദ് വിജയിച്ചു. ഇസ്രാഈലിലേക്കുള്ള സൈനിക സഹായം അവസാനിപ്പിക്കുക, അമേരിക്കന്‍ രാഷ്ട്രീയത്തിലെ കോര്‍പ്പറേറ്റ് പണത്തിന്റെ സ്വാധീനം കുറയ്ക്കുക, കാമ്പയിന്‍ ഫിനാന്‍സ് പരിഷ്‌കരിക്കുക, സാധാരണക്കാരായ നികുതിദായകരുടെയും മധ്യവര്‍ഗത്തിന്റെയും ജീവിതച്ചെലവ് കുറയ്ക്കുക തുടങ്ങിയ വിഷയങ്ങളാണ് അല്‍ സഈദ് തന്റെ പ്രചാരണത്തില്‍ മുന്നോട്ടു വെച്ചത്. അമേരിക്കയുടെ വിദേശ നയം പുന:പരിശോധിക്കണമെന്നും അദ്ദേഹം ആവശ്യപ്പെടുന്നുണ്ട്.…

വാഷിംഗ്ടണ്‍: വിസ സംബന്ധിച്ച ട്രംപ് ഭരണകൂടത്തിന്റെ കർശനത ക്രമാനുഗതമായി വർദ്ധിച്ചുകൊണ്ടിരിക്കുകയാണ്. പ്രസിഡന്റ് ഡൊണാൾഡ് ട്രംപിന്റെ രണ്ടാം ടേമിൽ ഇതുവരെ 1.75 ലക്ഷത്തിലധികം വിദേശ വിസകൾ റദ്ദാക്കിയതായി യുഎസ് സ്റ്റേറ്റ് ഡിപ്പാർട്ട്‌മെന്റ് പറയുന്നു. വിസ വ്യവസ്ഥകൾ ലംഘിക്കുന്ന, ക്രിമിനൽ പ്രവർത്തനങ്ങളിൽ പങ്കെടുക്കുന്ന, അല്ലെങ്കിൽ യുഎസ് സുരക്ഷയ്ക്ക് ഭീഷണി ഉയർത്തുന്ന വിദേശ പൗരന്മാർക്കെതിരെയാണ് ഈ നടപടി സ്വീകരിച്ചിരിക്കുന്നതെന്ന് യുഎസ് സ്റ്റേറ്റ് ഡിപ്പാർട്ട്‌മെന്റ് പറയുന്നു. നിയമങ്ങൾ പാലിക്കുന്നവർക്ക് മാത്രമേ രാജ്യത്തേക്ക് പ്രവേശനം അനുവദിക്കൂ എന്നും ഭരണകൂടം പറയുന്നു. വിസ അസാധുവാക്കൽ എന്നാൽ ഒരു വിദേശ പൗരന് അമേരിക്കയിൽ തുടരാനോ പ്രവേശിക്കാനോ ഉള്ള അനുമതി റദ്ദാക്കലാണ്. പൗരത്വം അസാധുവാക്കലിൽ നിന്ന് ഇതിനെ വേർതിരിച്ചറിയേണ്ടത് പ്രധാനമാണ്. മുമ്പ് യുഎസ് പൗരന്മാരായി മാറിയ വ്യക്തികൾക്ക് മാത്രമേ പൗരത്വം അസാധുവാക്കൽ സംഭവിക്കൂ. സ്റ്റേറ്റ് ഡിപ്പാർട്ട്‌മെന്റിന്റെ കണക്കനുസരിച്ച്, ആക്രമണം, മദ്യപിച്ച് വാഹനമോടിക്കൽ, മോഷണം, മയക്കുമരുന്നുമായി ബന്ധപ്പെട്ട കുറ്റകൃത്യങ്ങൾ എന്നിവയുൾപ്പെടെയുള്ള…