Year: 2026

കോഴിക്കോട്: പീഎം ശ്രീയിൽ കേന്ദ്ര അനുകൂല നിലപാട് പ്രഖ്യാപിച്ച വിദ്യാഭ്യാസ മന്ത്രി എൻ. ഷംസുദ്ദീന് ബിജെപിയുടെ പൂച്ചെണ്ട്മായി എബിവിപി രംഗത്ത് വന്നതോടെ പി.എം ശ്രീയിൽ കോലീബി കൂട്ട് കെട്ടിന്റെ ഉത്തമ തെളിവാണ് വെളിപ്പെട്ടതെന്ന് നാഷണൽ യൂത്ത് ലീഗ് സംസ്ഥാന സെക്രട്ടേറിയറ്റ് ആരോപിച്ചു. മുൻപ് എൽഡിഎഫ് സർക്കാർ ഒപ്പിട്ടത് കൊണ്ട് പദ്ധതിയിൽ നിന്ന് പിന്നോട്ട് പോകാൻ ആവില്ലെന്ന മുഖ്യമന്ത്രി വി.ഡി സതീശന്റെ കള്ളം പറച്ചിൽ സംസ്ഥാനത്തെ മതനിരപേക്ഷ ജനങ്ങളെ ഒന്നാകെ പരിഹസിക്കുന്നതാണ്. കേവലം MOU ഒപ്പിട്ടത് അക്കാലത്ത് തന്നെ മരവിപ്പിക്കുകയും പിഎം ശ്രി ഭാഗമായി ഒരു ഫണ്ട് പോലും വാങ്ങിയിട്ടില്ലെന്ന വസ്തുത ഇരിക്കെയാണ് വിദ്യാഭ്യാസ മന്ത്രി ശുദ്ധ കളവ് പ്രചരിപ്പിച്ചത്. കുഞ്ഞാലിക്കുട്ടിയും ഷാജിയും ഉൾപ്പെടെ പറഞ്ഞത് യുഡിഎഫ് ഭരണത്തിൽ വന്നാൽ ഒരു കാരണവശാലും പിഎംശ്രീ നടപ്പാക്കില്ല എന്നാണ്. സമസ്ത ഉൾപ്പെടെയുള്ളവർ പിഎം ശ്രീയിൽ സർക്കാർ നിലപാട് വ്യക്തമാക്കണം എന്നാവശ്യപ്പെട്ടിട്ടും…

വാഷിംഗ്ടൺ ഡി.സി: ഇന്ത്യൻ അപേക്ഷകർക്കുള്ള ഇബി-1 (Employment-Based First Preference) ഗ്രീൻ കാർഡിന്റെ മുൻഗണനാ തീയതി യു.എസ് വിദേശകാര്യ വകുപ്പ് പുറത്തുവിട്ട 2026 ജൂലൈയിലെ വിസ ബുള്ളറ്റിനിൽ ഗണ്യമായി പുറകോട്ടു പോയി .ഈ വിഭാഗത്തിൽ അപേക്ഷകരുടെ എണ്ണത്തിലുണ്ടായ വൻ വർദ്ധനവാണ് ഇതിന് കാരണം. ജൂലൈ വിസ ബുള്ളറ്റിൻ പ്രകാരം ഇന്ത്യക്കാർക്കുള്ള ഇബി-1 വിഭാഗത്തിന്റെ അന്തിമ തീയതി (Final Action Date) 2022 ഒക്ടോബർ 15 ലേക്ക് പിന്നോട്ട് പോയി. 2026 സാമ്പത്തിക വർഷത്തെ വിസ വിതരണം വാർഷിക പരിധിക്കുള്ളിൽ നിർത്താനാണ് ഈ നടപടിയെന്ന് യു.എസ് അറിയിച്ചു. വരുന്ന സെപ്റ്റംബർ 30-ഓടെ സാമ്പത്തിക വർഷം അവസാനിക്കുന്നതിന് മുൻപ് ഇന്ത്യക്കുള്ള വിസ വിഹിതം തീരുകയാണെങ്കിൽ, തീയതി ഇനിയും പിന്നോട്ട് പോകാനോ അല്ലെങ്കിൽ താൽക്കാലികമായി ഈ വിഭാഗം അപ്രാപ്യമാക്കാനോ (Unavailable) സാധ്യതയുണ്ടെന്ന് യു.എസ് മുന്നറിയിപ്പ് നൽകിയിട്ടുണ്ട്. ബഹുരാഷ്ട്ര കമ്പനികളിലെ ഉന്നത ഉദ്യോഗസ്ഥർ,…

ന്യുയോർക്ക്: നോർത്ത് അമേരിക്കയിലും കാനഡയിലുമുള്ള മലയാളി പെന്തക്കോസ്ത് വിശ്വാസികളായ പുതിയ എഴുത്തുകാരെ കണ്ടെത്തി പ്രോത്സാഹിപ്പിക്കുവാൻ, കേരള പെന്തക്കോസ്തൽ റൈറ്റേഴ്സ് ഫോറം ഓഫ് നോർത്ത് അമേരിക്കയുടെ നേതൃത്വത്തിൽ നടത്തപ്പെട്ട സാഹിത്യ രചനാ മത്സരത്തിലെ വിജയികളെ പ്രഖ്യാപിച്ചു. പുസ്തക വിഭാഗത്തിൽ ജോനാഥൻ ജോയി ഡാളസ്സ് പുറത്തിറക്കിയ “Perceving Biblical doctrines ” എന്ന ഗ്രന്ഥവും, ഡോ. റ്റിങ്കു തോംസൺ മിനിസോട്ട എഴുതിയ ” Spiritual fitness ” എന്ന പുസ്തകവും, സിസ്റ്റർ റോസമ്മ തോമസ് ചിക്കാഗോ എഴുതിയ ” From Eden to Eternity” എന്ന പുസ്തകവും, പാസ്റ്റർ ബാബുക്കുട്ടി ജേക്കബ് ഡാളസ്സ് പ്രസിദ്ധീകരിച്ച “വേദപുസ്തക ഭാവനകൾ” എന്ന ഗ്രന്ഥവും പാസ്റ്റർ ബേബി മാത്യൂ അടപ്പനാം കണ്ടത്തിൽ ന്യൂയോർക്ക് എഴുതിയ “ഇതാ ഞാൻ വേഗം വരുന്നു” എന്ന ഗ്രന്ഥവും 2026 ലെ പെന്തക്കോസ്തൽ റൈറ്റേഴ്സ് ഫോറം അവാർഡിന് അർഹത നേടി.…

വാഷിംഗ്ടൺ: വല്ലപ്പോഴും കഞ്ചാവ്  ഉപയോഗിക്കുന്ന വ്യക്തികൾക്ക് തോക്ക് കൈവശം വെക്കാനുള്ള അവകാശം നിഷേധിക്കാൻ സർക്കാരിന് അധികാരമില്ലെന്ന യു.എസ് സുപ്രീം കോടതിയുടെ ചരിത്രപരമായ വിധിയെ സ്വാഗതം ചെയ്ത് പ്രമുഖ തോക്കവകാശ സംഘടനകൾ. ‘അമേരിക്കൻ ഫയർആംസ് അസോസിയേഷൻ’ എക്സിക്യൂട്ടീവ് വൈസ് പ്രസിഡന്റ് പാട്രിക് പാർസൺസ് കോടതി വിധിയെ പ്രകീർത്തിച്ച് രംഗത്തെത്തി. രാജ്യത്തുടനീളം വല്ലപ്പോഴും കഞ്ചാവ് ഉപയോഗിക്കുന്ന ദശലക്ഷക്കണക്കിന് ആളുകളുണ്ടെന്നും, അത് ഭരണഘടനയുടെ രണ്ടാം ഭേദഗതി  പ്രകാരം അവർക്ക് ലഭിച്ചിട്ടുള്ള ആയുധം കൈവശം വെക്കാനുള്ള അവകാശത്തെ ഇല്ലാതാക്കാൻ കാരണമാകരുത് എന്നും അദ്ദേഹം പറഞ്ഞു.  കോടതി വിധി ചുരുക്കത്തിൽ:ചരിത്രപരമായ വിധി: മയക്കുമരുന്ന് വല്ലപ്പോഴും ഉപയോഗിക്കുന്നവരുടെ തോക്ക് കൈവശം വെക്കാനുള്ള അവകാശത്തെ തടയുന്നതിൽ നിന്ന് യു.എസ് സർക്കാരിനെ സുപ്രീം കോടതി ഐകകണ്ഠ്യേന വിലക്കി. കഞ്ചാവ് ഉപയോഗിക്കുന്ന എല്ലാവരും അക്രമാസക്തരോ അപകടകാരികളോ ആണെന്ന് മുൻകൂട്ടി അനുമാനിക്കാൻ കഴിയില്ലെന്ന് കോടതി വ്യക്തമാക്കി.  പശ്ചാത്തലം: ടെക്സസ് സ്വദേശിയായ അലി…

വാഷിംഗ്ടൺ: കിഴക്കൻ പസഫിക് സമുദ്രത്തിൽ മയക്കുമരുന്ന് കടത്തുന്നു എന്ന് ആരോപിച്ച് ബോട്ടിന് നേരെ യു.എസ് സൈന്യം നടത്തിയ ആക്രമണത്തിൽ മൂന്ന് പേർ കൊല്ലപ്പെട്ടു. ലാറ്റിൻ അമേരിക്കൻ മയക്കുമരുന്ന് മാഫിയകൾക്കെതിരെ ട്രംപ് ഭരണകൂടം നടത്തുന്ന സൈനിക നടപടിയുടെ ഭാഗമായാണ് വ്യാഴാഴ്ച ഈ ആക്രമണമുണ്ടായത്. ലഹരിക്കടത്ത് സംഘങ്ങളെ ലക്ഷ്യമിട്ട് കഴിഞ്ഞ സെപ്റ്റംബർ മുതൽ യു.എസ് സൈന്യം നടത്തുന്ന ബോട്ട് ആക്രമണങ്ങളിൽ കൊല്ലപ്പെട്ടവരുടെ എണ്ണം ഇതോടെ 211 ആയി ഉയർന്നു. എന്നാൽ, തകർത്ത ബോട്ടിൽ മയക്കുമരുന്ന് ഉണ്ടായിരുന്നു എന്നതിനോ കൊല്ലപ്പെട്ടവർ കുറ്റവാളികളാണെന്നതിനോ വ്യക്തമായ തെളിവുകൾ പുറത്തുവിടാൻ യു.എസ് സൈന്യത്തിന് കഴിഞ്ഞിട്ടില്ല. ഈ ആക്രമണങ്ങളുടെ നിയമസാധുതയെ ചോദ്യം ചെയ്ത് നിരവധി ഡെമോക്രാറ്റിക് സെനറ്റർമാരും നിയമവിദഗ്ധരും രംഗത്തെത്തിയിട്ടുണ്ട്.

ഡാളസ് : ലാന (ലിറ്ററി അസോസിയേഷൻ ഓഫ് നോർത്ത് അമേരിക്ക)യുടെ പ്രതിമാസ പരിപാടിയുടെ ഭാഗമായി ജൂൺ 19, വെള്ളിയാഴ്ച വൈകിട്ട് 8 മണിക്ക് (9 PM EST )zoom വഴി ഒരുക്കുന്ന സാഹിത്യ സംവാദം സംഘടിപ്പിച്ചിരിക്കുന്നു. ലോകസാഹിത്യത്തിന്റെ ഭാഗമായിത്തീരാൻ മലയാള സാഹിത്യത്തിന് വലിയ തോതിൽ സാധിക്കുന്നുണ്ട്. സമൃദ്ധമായ കൃതി കളിലൂടെയും പരിഭാഷകളിലൂടെയും അന്താരാഷ്ട്ര പുരസ്കാരങ്ങളിലൂടെയും മലയാളത്തിന്റെ കഥകളും കവിതകളും ഇന്ന് ആഗോളതലത്തിൽ ശ്രദ്ധിക്കപ്പെടുന്നു എന്നത് ഒരു വസ്തുതയാണ്. മലയാള സാഹിത്യത്തിന് ലോകസാഹിത്യ വേദിയിൽ അർഹമായ സ്ഥാനം കിട്ടിയിട്ടില്ല എന്നത് മലയാളികളുടെ ദുഃഖത്തിനും അമർഷത്തിനും കാരണമാണ്. മലയാളസാഹിത്യത്തോടൊപ്പം മറ്റ് ഇന്ത്യൻ ഭാഷകളിലെ സാഹിത്യമോ വിദേശ ഭാഷകളിലെ സാഹിത്യമോ വായിച്ചു ശീലമുള്ളവർക്ക് ഒരു കാര്യത്തിൽ സംശയമില്ല; ലോക സാഹിത്യവേദിയിൽ ഔന്നത്യത്തോടെ നിൽക്കാൻ എല്ലാ അർഹതയും മലയാള സാഹിത്യത്തിനുണ്ട്. എങ്കിൽ എന്തുകൊണ്ടാണ് മലയാളത്തിന് അർഹ മായ ശ്രദ്ധ കിട്ടാതെ പോവുന്നത്? മലയാള…

ന്യൂയോർക്ക്: അമേരിക്കയിൽ വേനൽക്കാലം ആരംഭിച്ചതോടെ വിവിധ സംഘടനകളും, ഫാമിലി കൂട്ടായ്മകളും, സൗഹൃദ ഗ്രൂപ്പുകളും വാരാന്ത്യ ആഘോഷങ്ങൾക്കും ഒത്തുചേരലുകൾക്കുമായി വിവിധ പാർക്കുകളിലായി പിക്‌നിക്ക് സംഘടിപ്പിക്കുന്ന പതിവുണ്ട്. ന്യൂയോർക്ക് ലോങ്ങ് ഐലൻഡിൽ കഴിഞ്ഞ 54 വർഷമായി പ്രവർത്തിക്കുന്ന മലയാളികളുടെ അമേരിക്കയിലെ ഏറ്റവും ആദ്യ സംഘടനയായ കേരളാ സമാജം ഓഫ് ഗ്രെയ്റ്റർ ന്യൂയോർക്ക് അതിൻറെ ഈ വർഷത്തെ ഫാമിലി പിക്‌നിക്ക് സംഘടിപ്പിക്കുന്നതിന് തയ്യാറായിരിക്കുകയാണ്. ജൂൺ 20 ശനിയാഴ്ച രാവിലെ 10 മണി മുതൽ ഉച്ചക്ക് 3 മണി വരെ ഈസ്റ്റ് മെഡോയിലുള്ള ഐസന്‍‌ഹോവര്‍ പാർക്കിലെ മൂന്നാം നമ്പർ ഫീൽഡിൽ സമാജം അംഗങ്ങൾ എല്ലാവരും ഒത്തുചേർന്ന് ഈ വർഷത്തെ ഫാമിലി പിക്‌നിക്ക് ആഘോഷിക്കുന്നതിനാണ് തയ്യാറെടുക്കുന്നത്. പിക്‌നിക്കിനുള്ള എല്ലാ ക്രമീകരണങ്ങളും നടത്തിയതായി സമാജം പ്രസിഡൻറ് ഹേമചന്ദ്രൻ, ട്രസ്റ്റീ ബോർഡ് ചെയർമാൻ വർഗ്ഗീസ് കെ. ജോസഫ്, സെക്രട്ടറി മാത്യുക്കുട്ടി ഈശോ, ട്രഷറർ വിനോദ് കെയാർക്കേ എന്നിവർ…