ന്യൂയോർക്ക്: മലങ്കര ഓർത്തഡോൿസ് സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഇൻഫർമേഷൻ ടെക്‌നോളജി പ്രൊഫഷണൽസ് ഫോറത്തിന്റെ ആഭിമുഖ്യത്തിൽ നവംബർ 11-ന് ഫെയർലെസ്സ് ഹിൽസ് സെന്റ് ജോർജ് മലങ്കര ഓർത്തഡോക്‌സ് ഇടവകയിൽ വച്ച് (520 Hood Blvd, Fairless Hills, PA 19030) ഒരു ഏകദിന സമ്മേളനം നടത്താൻ തീരുമാനിച്ചിരിക്കുന്നു. ഭദ്രാസനത്തിലെ എല്ലാ ഐ. ടി. പ്രൊഫഷണലുകളും രജിസ്റ്റർ ചെയ്യാൻ അഭ്യർത്ഥിക്കുന്നു. രജിസ്‌ട്രേഷൻ ലിങ്ക്: https://forms.gle/nSzwpeXzwpXqTkHbA
കൂട്ടായ്മയ്ക്കും നെറ്റ്‌വർക്കിംഗിനും ഒരു വേദിയൊരുക്കുക എന്ന ലക്ഷ്യത്തോടെ, ഈ വിഭാഗത്തെ സേവിക്കുന്നതിന് സഭയ്ക്ക് എങ്ങനെ എത്തിച്ചേരാം എന്നതിന്റെ സാധ്യതകൾ ആരായുന്നതിനൊപ്പം, വിവിധ പ്രായത്തിലുള്ള ഐ. ടി. പ്രൊഫഷണലുകളുടെ ഒത്തുചേരലായി യോഗം ആസൂത്രണം ചെയ്തിട്ടുണ്ട്. അവരുടെ വെല്ലുവിളികളെ വിശ്വസ്തമായി കൈകാര്യം ചെയ്യുകയും അതേ സമയം, സമൂഹത്തിലെ ഈ വിഭാഗത്തിന് അവരുടെ അതുല്യമായ കഴിവുകൾ ഉപയോഗിച്ച് സഭയെ എങ്ങനെ മികച്ച രീതിയിൽ സേവിക്കാൻ കഴിയുമെന്ന് കണ്ടെത്തുകയും ചെയ്യുവാൻ സമ്മേളനം സഹായിക്കുമെന്ന് പ്രതീക്ഷയുണ്ട്.
ഒരു ഇടവേളയ്ക്ക് ശേഷം ഐടി വർക്ക്ഫോഴ്സിലേക്ക് മടങ്ങുന്ന രക്ഷിതാക്കളുടെ (സ്ത്രീകൾ) വെല്ലുവിളികൾ”, “ഐടി വർക് ഫോഴ്സിൽ ചേരുന്ന കോളേജ് ബിരുദധാരികൾക്കുള്ള നുറുങ്ങുകൾ”, “വിസയുമായി ബന്ധപ്പെട്ട വെല്ലുവിളികൾ”, “ഐടി വ്യവസായം”, “മാനസിക സമ്മർദ്ദം കൈകാര്യം ചെയ്യുക” തുടങ്ങിയ വിഷയങ്ങൾ ആസ്പദമാക്കി ബ്രേക്ക്ഔട്ട്
സെഷനുകളും വർക് ഷോപ്പുകളും പ്ലാൻ ചെയ്തിട്ടുണ്ട്.
ഐ. ടി. വർക്ക് ഫോഴ്സിൽ ചേരാൻ ആഗ്രഹിക്കുന്ന കോളേജ് വിദ്യാർത്ഥികൾക്കൊപ്പം വ്യവസായ പ്രമുഖരും ഐ. ടി. യുടെ വിവിധ മേഖലകളിലെ പരിചയസമ്പന്നരായ പ്രൊഫഷണലുകളും പങ്കെടുക്കുമെന്ന് പ്രതീക്ഷിക്കുന്നു. ഭദ്രാസനത്തിന്റെ വിവിധ ഭാഗങ്ങളിൽ നിന്നുള്ള പ്രൊഫഷണലുകൾ ഇതിനകം വികസിപ്പിച്ച ഡിജിറ്റൽ ആപ്പുകൾ പ്രദർശിപ്പിക്കുമെന്നും ഉപയോഗപ്രദമായ വിവരങ്ങൾ പങ്കിടുമെന്നും പ്രതീക്ഷിക്കുന്നു.
ഐ. ടി. പ്രൊഫഷണലുകൾക്ക് അവരുടേതായ വെല്ലുവിളികളുണ്ട്. പലതും അവരുടെ തനതായ ജീവിതശൈലി, തൊഴിൽ സാഹചര്യങ്ങൾ, വർക്ക് ഷെഡ്യൂളുകൾ എന്നിവയുമായി ബന്ധപ്പെട്ടിരിക്കുന്നു. അവർ എവിടെയായിരുന്നാലും അവരെ കണ്ടുമുട്ടാനും അവരുടെ പ്രത്യേക ബുദ്ധിമുട്ടുകളും വേദനകളും മനസ്സിലാക്കാനുമുള്ള സഭയുടെ ഒരു ശ്രമമാണ് ഈ കോൺഫറൻസ്.
കോൺഫറൻസിൽ കെട്ടിപ്പടുക്കുമെന്ന് പ്രതീക്ഷിക്കുന്ന നെറ്റ്‌വർക്ക്, ഫെലോഷിപ്പ് ബന്ധങ്ങൾ വഴി പരസ്പരം പിന്തുണയ്ക്കാനും സഭയിലെ വിശ്വാസ ജീവിതത്തിൽ ഒരുമിച്ച് നടക്കാനും കഴിഞ്ഞേക്കും എന്ന് സംഘാടകർ പ്രത്യാശിക്കുന്നൂ. മുകളിലെ ലിങ്ക് ഉപയോഗിച്ച് കോൺഫറൻസിനായി എത്രയും വേഗം രജിസ്റ്റർ ചെയ്യുക.
കൂടുതൽ വിവരങ്ങൾക്ക്: മാത്യു സാമുവൽ 512.417.5458, സുനിൽ മാത്യൂസ് 517.914.8984 എന്നിവരുമായി ബന്ധപ്പെടുക.
