ക്യു-കൗൻ ഖുർആൻ ഫെസ്റ്റിവൽ അഞ്ചാമത് എഡിഷൻ പ്രഖ്യാപിച്ചു

മർകസ് മാലിക് ദീനാർ സംഘടിപ്പിക്കുന്ന ക്യു-കൗൻ ഖുർആൻ ഫെസ്റ്റിവലിന്റെ അഞ്ചാമത് എഡിഷൻ ലോഗോ മർകസ് ഡയറക്ടർ ജനറൽ സി മുഹമ്മദ് ഫൈസി പ്രകാശിപ്പിക്കുന്നു

കോഴിക്കോട്: വിശുദ്ധ ഖുർആൻ മുഖ്യപ്രമേയമാക്കി ഇസ്‌ലാമിക ആശയങ്ങളിൽ ഗവേഷണ പഠനത്തിന് പ്രചോദനം നൽകുന്ന ക്യു-കൗൻ ഖുർആൻ ഫെസ്റ്റിവലിന്റെ അഞ്ചാമത് എഡിഷൻ മർകസ് ഡയറക്ടർ ജനറൽ സി. മുഹമ്മദ് ഫൈസി പ്രഖ്യാപിച്ചു. ‘ദിവ്യസൗരഭ്യം അനുഭവിച്ചറിയുന്നു’ എന്ന പ്രമേയത്തിൽ പാറപ്പള്ളി മർകസ് മാലിക് ദീനാറും പൂർവ വിദ്യാർഥി കൂട്ടായ്മ ഹംദും സംയുക്തമായി സംഘടിപ്പിക്കുന്ന ഫെസ്റ്റിവലിന്റെ മുഖ്യ പരിപാടികൾ ഡിസംബർ 3, 4 തീയതികളിൽ കൊയിലാണ്ടി കൊല്ലം പാറപ്പള്ളിയിൽ നടക്കും.

ഫെസ്റ്റിവലിന്റെ ഭാഗമായി ഖുർആൻ പ്രമേയമായ വിവിധ പരിപാടികൾ നടക്കും. കേരളത്തിലെ വിവിധ ഇസ്‌ലാമിക കലാലയങ്ങളിൽ നിന്നുള്ള നൂറിലധികം വിദ്യാർഥികൾ ഫെസ്റ്റിവലിൽ സംബന്ധിക്കും. പ്രഖ്യാപന സംഗമത്തിൽ മർകസ് അക്കാദമീസ് ഓഫ് ഖുർആൻ സ്റ്റഡീസ് ഡെപ്യൂട്ടി ഡയറക്ടർ ഹാഫിള് അബ്ദുസ്സമദ് സഖാഫി മൂർക്കനാട്, മർകസ് മാലിക് ദീനാർ പാറപ്പള്ളി അഡ്മിനിസ്‌ട്രേറ്റീവ് ഓഫീസർ ഹാഫിള് അബ്ദുൽ ഹസീബ് സഖാഫി, ഹംദ് ഭാരവാഹികൾ  സംബന്ധിച്ചു.

Leave a Comment

More News