ഹിമാചൽ പ്രദേശിലെ ഉന ജില്ലയിൽ, പേരയ്ക്ക മോഷ്ടിച്ചെന്ന് ആരോപിച്ച് വിരമിച്ച സൈനിക ഉദ്യോഗസ്ഥൻ പ്രായപൂർത്തിയാകാത്ത ഒരു പെൺകുട്ടിയെ ചങ്ങലയില് കെട്ടിയിട്ട് ക്രൂരമായി മര്ദ്ദിക്കുന്നതിന്റെ വീഡിയോ പുറത്തുവന്നതിനെത്തുടർന്ന് പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. സംഭവത്തില് പ്രദേശത്തുടനീളം പ്രതിഷേധം ആളിക്കത്തി.
റിട്ടയേർഡ് ആർമി ഉദ്യോഗസ്ഥന് തന്റെ വീടിനടുത്തുള്ള ഒരു പേര മരത്തിൽ നിന്ന് പെൺകുട്ടി പേരയ്ക്ക പറിക്കുന്നത് കണ്ടതായി റിപ്പോർട്ടുകൾ പറയുന്നു. ഇതിൽ പ്രകോപിതനായ ഉദ്യോഗസ്ഥന് പെൺകുട്ടിയെ പിടികൂടി വീട്ടിലേക്ക് കൊണ്ടുപോയി. ചങ്ങലകൊണ്ട് പടിക്കെട്ടിൽ കെട്ടിയിട്ട് ക്രൂരമായി മര്ദ്ദിച്ചു.
പെണ്കുട്ടി ഒരു കുടിയേറ്റ കുടുംബത്തിലെ മകളാണെന്ന് പറയപ്പെടുന്നു. അവരുടെ വീടിന് പുറത്തുള്ള ഒരു മരത്തിൽ നിന്നാണ് പേരയ്ക്ക പറിച്ചെടുത്തതെന്നതാണ് കുട്ടി ചെയ്ത തെറ്റ്.
മർച്ചന്റ് നേവിയിൽ ജോലി ചെയ്യുന്ന ഒരു നാട്ടുകാരനായ യുവാവാണ് സംഭവത്തിന്റെ വീഡിയോ പകർത്തിയത്. പെൺകുട്ടി കരയുന്നതും സഹായത്തിനായി അപേക്ഷിക്കുന്നതും വീഡിയോയിൽ വ്യക്തമായി കാണാം. അതേസമയം, പെൺകുട്ടി അത് മോഷ്ടിച്ചുവെന്ന് അവകാശപ്പെട്ട് സൈനികന് തന്റെ പ്രവൃത്തികളെ ന്യായീകരിക്കുന്നു. വീഡിയോ പകർത്തിയ യുവാവ് സൈനികനെ ചോദ്യം ചെയ്യുന്നതും കേൾക്കാം.
രോഹിത് എന്ന നാട്ടുകാരനായ ഒരു യുവാവ് ഉടൻ തന്നെ ചൈൽഡ് ഹെൽപ്പ് ലൈനിലും പോലീസിലും വിവരം അറിയിച്ചു. സൈനികന് പിന്നീട് തന്റെ തെറ്റ് സമ്മതിക്കുകയും പെൺകുട്ടിയുടെ കുടുംബത്തോട് ക്ഷമ ചോദിക്കുകയും ചെയ്തുവെന്ന് അദ്ദേഹം പറഞ്ഞു.
കാര്യത്തിന്റെ ഗൗരവം കണക്കിലെടുത്ത് പോലീസ് ഉടനടി നടപടി സ്വീകരിച്ചു. സൈനികനെ കസ്റ്റഡിയിലെടുത്ത് ചോദ്യം ചെയ്തു, ഇരയുടെ കുടുംബത്തിൽ നിന്ന് മൊഴി രേഖപ്പെടുത്തി. പെൺകുട്ടിയുടെ പരിക്കുകളുടെ വ്യാപ്തി വിലയിരുത്താൻ വൈദ്യപരിശോധനയും നടത്തി.
സൈനികനെതിരെ ബന്ധപ്പെട്ട വകുപ്പുകൾ പ്രകാരം കേസെടുത്തിട്ടുണ്ടെന്നും കൂടുതൽ അന്വേഷണം നടന്നുവരികയാണെന്നും പോലീസ് പറഞ്ഞു. ഈ സംഭവം വീണ്ടും സമൂഹത്തിൽ കുട്ടികളുടെ സുരക്ഷയെയും അവകാശങ്ങളെയും കുറിച്ച് ഗുരുതരമായ ചോദ്യങ്ങൾ ഉയർത്തുന്നു.
This person needs to be behind bars asap. Tying and beating a girl child mercilessly just for stealing a guava from his garden? What even is wrong with people, just imagine the trauma this child will carry.
📍Una@KanoongoPriyank action must be taken. pic.twitter.com/QSV4bOFnZr
— Nikhil saini (@iNikhilsaini) April 5, 2026
