ഇരിക്കുവാൻ ഇടം തേടി വന്ന
രാഷ്ട്രീയക്കാരനോട്
കസേര ചോദിച്ചു
“ഇരിക്കുവാൻ തിടുക്കമോ?
എൻ്റെ കാലു നാലും
ആടിയിരിക്കയാണ്
മന്ത്രി ചൊല്ലി ” സാരമില്ല
എനിക്കാടുന്ന കസേരയാണിഷ്ടം
കാലു വാരുവാൻ
എളുപ്പവുമാണല്ലോ
ഇണങ്ങിയും പിണങ്ങിയും
വളർന്നും പിളർന്നും
പല കളി കണ്ട കസേര വീണ്ടും
പൊട്ടിച്ചിരിച്ചു.
വോട്ടു ചെയ്ത ജനമോ വെറും
കഴുതകളാകുമ്പോൾ
മറ്റൊരു വെള്ളക്കഴുകൻ
കൂർത്ത നഖങ്ങളുമായി
വാനത്തേരിൽ താഴ്ന്നിറങ്ങി
ജനമോ വീണ്ടും മരക്കഴുതകൾ
