Author: .

അഹമ്മദാബാദ്: 2023 ഏകദിന ക്രിക്കറ്റ് ലോകകപ്പ് ഫൈനലിൽ ഇന്ത്യ ഓസ്‌ട്രേലിയയോട് ആറ് വിക്കറ്റിനാണ് പരാജയം ഏറ്റുവാങ്ങിയത്. ടോസ് നഷ്ടപ്പെട്ട് ആദ്യം ബാറ്റ് ചെയ്ത ഇന്ത്യ നിശ്ചിത ഓവറിൽ 240 റൺസിന് എല്ലാവരും പുറത്തായി. മറുപടി ബാറ്റിങ്ങിനിറങ്ങിയ ഓസീസിന് തുടക്കത്തിലേ മൂന്ന് വിക്കറ്റ് നഷ്ടമായെങ്കിലും നാലാം വിക്കറ്റിൽ ട്രാവിസ് ഹെഡും മാർനെസ് ലാബുഷാഗും ചേർന്ന് കംഗാരുക്കളെ വിജയത്തിന്റെ വക്കിലെത്തിച്ചു. 43 ഓവറിൽ കംഗാരുക്കൾ വിജയിച്ചു 10 വർഷത്തിന് ശേഷം ഐസിസി കിരീടം നേടാമെന്ന ഇന്ത്യയുടെ പ്രതീക്ഷകൾ ലോകകപ്പ് ഫൈനലിൽ ഓസീസിനോട് തോറ്റതോടെ അവസാനിച്ചു. 2013ൽ ഇംഗ്ലണ്ടിനെ അവരുടെ തട്ടകത്തിൽ തോൽപ്പിച്ച് ചാമ്പ്യൻസ് ട്രോഫി നേടിയതാണ് ഇന്ത്യ അവസാനമായി ഐസിസി കിരീടം നേടിയത്. മഹേന്ദ്ര സിംഗ് ധോണിയുടെ ക്യാപ്റ്റൻസിയിൽ ഇംഗ്ലീഷിനെതിരെ അഞ്ച് റൺസിനാണ് ടീം ഇന്ത്യ വിജയിച്ചത്. എന്നാൽ വർഷങ്ങളായി ഐസിസി കിരീടം ഇന്ത്യക്ക് കിട്ടാക്കനിയായി. 2014ൽ ബംഗ്ലാദേശിൽ നടന്ന…

“അഹമ്മദാബാദ്: ഏകദിന ലോകകപ്പിന്‍റെ ഫൈനലില്‍ തോല്‍വി വഴങ്ങിയതോടെ ഇന്ത്യയുടെ കിരീട മോഹങ്ങള്‍ പൊലിഞ്ഞിരിക്കുകയാണ്. അപരാജിത കുതിപ്പുമായി ടൂര്‍ണമെന്‍റിന്‍റെ ഫൈനലിലേക്ക് എത്തിയ ഇന്ത്യയെ ആറ് വിക്കറ്റുകള്‍ക്കാണ് ഓസ്‌ട്രേലിയ തകര്‍ത്തത്. സെഞ്ചുറിയുമായി ട്രാവിസ് ഹെഡാണ് ഓസീസിന്‍റെ വിജയശില്‍പി ആയത്. ഇന്ത്യ ഉയര്‍ത്തിയ 241 റണ്‍സിന്‍റെ ലക്ഷ്യം പിന്തുടരാന്‍ ഇറങ്ങിയ ഓസീസിന്‍റെ മുന്‍നിര പൊളിഞ്ഞതോടെ മൂന്നിന് 43 റണ്‍സ് എന്ന നിലയിലായിരുന്നു. എന്നാല്‍ തുടര്‍ന്ന് എത്തിയ മാര്‍നെസ്‌ ലബുഷെയ്‌നെ കൂട്ടുപിടിച്ച ട്രാവിസ് ഹെഡ് ടീമിനെ വിജയത്തിന് തൊട്ടടുത്ത് എത്തിച്ചാണ് മടങ്ങുന്നത്. ഇന്ത്യന്‍ ബോളര്‍മാരെ പതിഞ്ഞും തെളിഞ്ഞും കളിച്ച ട്രാവിസ് ഹെഡ് 120 പന്തുകളില്‍ നിന്നും 137 റണ്‍സടിച്ചാണ് തിരിച്ച് കയറിയത്. 15 ബൗണ്ടറികളും നാല് സിക്‌സറുകളുമാണ് താരം നേടിയത്. ഇതോടെ മത്സരത്തിലെ താരമായും ട്രാവിസ് ഹെഡ് തിരഞ്ഞെടുക്കപ്പെട്ടു. ഐസിസി ടൂര്‍ണമെന്‍റുകളില്‍ ഇതു രണ്ടാം തവണയാണ് ഹെഡ് ഇന്ത്യയെ മുറിവേല്‍പ്പിക്കുന്നത്. കഴിഞ്ഞ ഐസിസി…

അഹമ്മദാബാദ്: “വലിയ ജനക്കൂട്ടം നിശബ്ദരാകുന്നതിനെക്കാൾ സംതൃപ്തി നൽകുന്ന മറ്റൊന്നില്ല” എന്ന് ഓസ്‌ട്രേലിയൻ ക്യാപ്റ്റൻ പാറ്റ് കമ്മിൻസ് മത്സരത്തിന് മുമ്പ് പറഞ്ഞിരുന്ന വാക്കുകള്‍ അന്വര്‍ത്ഥമാക്കി, അഭൂതപൂർവമായ ആറാമത് ലോക കപ്പ് ട്രോഫി ഉയർത്തിയപ്പോള്‍ പിൻ ഡ്രോപ്പ് നിശബ്ദതയായിരുന്നു അഹമ്മദാബാദിലെ മൊട്ടേര സ്റ്റേഡിയത്തില്‍. ആറ് വിക്കറ്റുകള്‍ക്കാണ് ഓസീസ് വിജയക്കൊടി പാറിച്ചത്. ഓസീസിന്റെ ആറാം ഏകദിന ലോകകപ്പ് കിരീടമാണിത്. ഇന്ത്യ ഉയർത്തിയ 240 റൺസിന് മറുപടിയായി ഓസ്‌ട്രേലിയ 43 ഓവറിൽ നാല് വിക്കറ്റ് മാത്രം നഷ്ടത്തിൽ ലക്ഷ്യം മറികടന്നു. സെഞ്ചുറി നേടിയ ട്രാവിസ് ഹെഡ് (120 പന്തിൽ 137) ഓസീസ് വിജയത്തിന്റെ ശില്പിയായി. അര്‍ധ സെഞ്ചുറി നേടിയ മാര്‍നസ് ലബുഷെയ്‌ന്‍റെ (110 പന്തില്‍ 58) പിന്തുണയും നിര്‍ണായകമായി. ലക്ഷ്യം പിന്തുടരാന്‍ ഇറങ്ങിയ ഓസ്‌ട്രേലിയയ്‌ക്കായി ഓപ്പണര്‍മാരായ ഡേവിഡ് വാര്‍ണറും ട്രാവിസ് ഹെഡും ചേര്‍ന്ന് ജസ്‌പ്രീത് ബുംറ എറിഞ്ഞ ആദ്യ ഓവറില്‍ 15 റണ്‍സ്…

അഹമ്മദാബാദ്: ഇന്ത്യയും ഓസ്‌ട്രേലിയയും തമ്മിലുള്ള ഐസിസി ക്രിക്കറ്റ് ലോകകപ്പ് ഫൈനൽ മത്സരം വീക്ഷിക്കാൻ പ്രധാനമന്ത്രി നരേന്ദ്ര മോദിയും ഓസ്‌ട്രേലിയൻ ഉപപ്രധാനമന്ത്രി റിച്ചാർഡ് മാർലെസും ഞായറാഴ്ച വൈകീട്ട് അഹമ്മദാബാദിലെത്തി. മോദിയും മാർലെസും വൈകുന്നേരത്തോടെ സ്റ്റേഡിയത്തിലെത്തുമെന്നാണ് പ്രതീക്ഷിക്കുന്നത്. വൈകിട്ട് വിമാനത്താവളത്തിലെത്തിയ മോദിയെ ഗുജറാത്ത് മുഖ്യമന്ത്രി ഭൂപേന്ദ്ര പട്ടേൽ, ഗവർണർ ആചാര്യ ദേവവ്രത്, ഗുജറാത്ത് ബിജെപി അദ്ധ്യക്ഷൻ സിആർ പാട്ടീൽ എന്നിവർ സ്വീകരിച്ചു. അൽപസമയത്തിന് ശേഷം മാർലെസും വിമാനത്താവളത്തിൽ ഇറങ്ങിയെന്നും അവിടെ മുഖ്യമന്ത്രി പട്ടേൽ അദ്ദേഹത്തെ സ്വീകരിച്ചെന്നും ഔദ്യോഗിക അറിയിപ്പിൽ പറയുന്നു. ടൂർണമെന്റിന്റെ ഹൈ-സ്റ്റേക്ക് ഫൈനലിൽ ആദ്യം ബാറ്റ് ചെയ്ത ഇന്ത്യൻ ടീം 240 റൺസിന് പുറത്തായി.