Author: .

റോം: ഇറ്റലിയിൽ പ്രതിഷേധങ്ങളുടെ മറവിൽ നടക്കുന്ന അക്രമങ്ങൾക്കും കൊള്ളയ്ക്കും പൊതുമുതൽ നശിപ്പിക്കുന്ന പ്രവർത്തനങ്ങൾക്കും തടയിടാൻ കർശന സുരക്ഷാ നടപടികളുമായി പ്രധാനമന്ത്രി ജോർജിയ മെലോണിയുടെ സർക്കാർ രംഗത്ത്. രാജ്യത്തെ വിവിധ നഗരങ്ങളിൽ വർധിച്ചുവരുന്ന അക്രമസംഭവങ്ങളുടെ പശ്ചാത്തലത്തിൽ പുതിയ സുരക്ഷാ നിയമങ്ങൾ അംഗീകരിച്ചതായാണ് റിപ്പോർട്ടുകൾ. പ്രതിഷേധത്തിനിടെ അക്രമത്തിലും നശീകരണ പ്രവർത്തനങ്ങളിലും ഏർപ്പെടുന്നവർക്ക് അഞ്ച് വർഷം വരെ തടവും കനത്ത പിഴയും ലഭിക്കാവുന്ന വ്യവസ്ഥകളാണ് പുതിയ നടപടികളിൽ ഉൾപ്പെടുത്തിയിരിക്കുന്നത്. പ്രായപൂർത്തിയാകാത്ത കുട്ടികൾ നടത്തുന്ന കൊള്ളയ്ക്കും നാശനഷ്ടങ്ങൾക്കും അവരുടെ മാതാപിതാക്കളിൽനിന്ന് നഷ്ടപരിഹാരം ഈടാക്കാനുള്ള വ്യവസ്ഥയും ശ്രദ്ധേയമാണ്. ജനാധിപത്യ രാജ്യത്ത് സമാധാനപരമായി പ്രതിഷേധിക്കാനുള്ള അവകാശം എല്ലാവർക്കുമുണ്ടെങ്കിലും പ്രതിഷേധത്തിന്റെ പേരിൽ അക്രമം അഴിച്ചുവിടാനോ പൊതുമുതലും സ്വകാര്യസ്വത്തും നശിപ്പിക്കാനോ ആരെയും അനുവദിക്കില്ലെന്ന നിലപാടിലാണ് മെലോണി സർക്കാർ. നിയമവും ക്രമസമാധാനവും ഉറപ്പാക്കുന്നതിനൊപ്പം കുറ്റകൃത്യങ്ങൾ തടയുന്നതിന് കൂടുതൽ ശക്തമായ നടപടികൾ അനിവാര്യമാണെന്നാണ് സർക്കാരിന്റെ വിശദീകരണം. വടക്കൻ ഇറ്റലിയിലെ പ്രധാന സാമ്പത്തിക…

ഹ്യൂസ്റ്റൺ: ആഗോളതലത്തിൽ വിവിധ ക്രൈസ്തവ സഭകളെ ഒരുമിപ്പിക്കുകയും സഭകൾ തമ്മിലുള്ള ഐക്യവും, സഹകരണവും ശക്തിപ്പെടുത്തുകയും ചെയ്യുക എന്ന ലക്ഷ്യത്തോടെ വേൾഡ് ക്രിസ്ത്യൻ ചർച്ചസ് ഫെഡറേഷൻ (WCCF) സൗഹൃദ കൂട്ടായ്മയുടെ പ്രഥമയോഗം ഒക്ടോബർ 20 ന് മിസോറി സിറ്റിയിൽ ചേർന്നു. വിവിധ സഭകളിൽ നിന്നുള്ള വൈദിക ശ്രേഷ്ഠരായ റവ. ഡോ.ചെറിയാൻ തോമസ്, ഫാ. ജോസഫ് ജോർജ്ജ് കോർ എപ്പിസ്കോപ്പ, റവ. ഫാ. ജോൺസൺ പുഞ്ചക്കോണം, കൂടാതെ ജോൺ തോമസ്, ജോർജ്ജ് തെക്കേമല, ഹ്രസ്വ സന്ദർശനത്തിന് ഹൂസ്റ്റണിൽ എത്തിയ ബെന്നി കോട്ടപ്പുറം (മലങ്കര ടിവി), വിനോദ് കെ സ്കറിയ എന്നിവരും ആശംസകൾ നേർന്നു. ക്രൈസ്തവ സഭകൾ തമ്മിലുള്ള പരസ്പര സഹകരണം സാമൂഹിക പ്രതിബദ്ധത എന്നിവയുമായി ബന്ധപ്പെട്ട ചാരിറ്റി പ്രവർത്തനങ്ങളെപറ്റി യോഗത്തിൽ ചർച്ച ചെയ്തു. വിവിധ സഭകളുടെ പ്രതിനിധികളെ ഒരേ വേദിയിൽ ഒന്നിപ്പിച്ച യോഗം ക്രൈസ്തവ കൂട്ടായ്മയും പൊതുവായ പ്രവർത്തനങ്ങളും ശക്തിപ്പെടുത്തുന്നതിനുള്ള…

വാഷിംഗ്ടൺ: 2026-ലെ ഇടക്കാല തിരഞ്ഞെടുപ്പിൽ പ്രമുഖ ഇന്ത്യൻ-അമേരിക്കൻ രാഷ്ട്രീയ ദാതാക്കൾ ഡെമോക്രാറ്റുകളെ അപേക്ഷിച്ച് റിപ്പബ്ലിക്കൻ പാർട്ടിക്ക് മൂന്നിരട്ടിയിലധികം സംഭാവന നൽകിയതായി ഫെഡറൽ കാമ്പയിൻ ഫിനാൻസ് രേഖകൾ വ്യക്തമാക്കുന്നു. ഇന്ത്യൻ-അമേരിക്കൻ വോട്ടർമാർ പൊതുവെ ഡെമോക്രാറ്റിക് സ്ഥാനാർത്ഥികളെ പിന്തുണയ്ക്കുമ്പോഴാണ് ഈ പ്രവണത. എഫ്.ഇ.സി (FEC) ഫയലിംഗുകൾ പ്രകാരം, പ്രധാനപ്പെട്ട 11 ദാതാക്കളിൽ നിന്ന് റിപ്പബ്ലിക്കൻ ഗ്രൂപ്പുകൾക്ക് 1.08 കോടി ഡോളറും ഡെമോക്രാറ്റുകൾക്ക് 33 ലക്ഷം ഡോളറുമാണ് ലഭിച്ചത്. ട്രംപിന്റെ ‘മാഗ ഇങ്ക്’ സൂപ്പർ പാക്കിന് മാത്രം ആശ ജഡേജ മോട്വാനി, കൃഷ്ണ ത്രിപുരനേനി, അഞ്ജനി സിൻഹ എന്നിവരിലൂടെ 71 ലക്ഷം ഡോളർ ലഭിച്ചു. അതേസമയം, പ്രമുഖ വെഞ്ച്വർ കാപ്പിറ്റലിസ്റ്റ് വിനോദ് ഖോസ്‌ലയാണ് ഡെമോക്രാറ്റുകളെ സഹായിക്കുന്നതിൽ മുൻപിൽ; അദ്ദേഹം സെനറ്റ് മെജോറിറ്റി പാക്കിന് ഏകദേശം 21 ലക്ഷം ഡോളറോളം സംഭാവന നൽകിയിട്ടുണ്ട്.

ഡാളസ്: ലോകമെമ്പാടുമുള്ള മലയാളി സംഗീത പ്രേമികൾക്കായി ഒരുക്കിയ ‘സ്വർഗ്ഗീയ നാദം’ സംഗീത പരിപാടിയുടെ 50-ാം വാർഷിക പതിപ്പ് ശ്രദ്ധേയമായി. ‘തിരുനാമ കീർത്തനം – ഫേസ് ടു ഫേസ്’ എന്ന് പേരിട്ടിരുന്ന ഈ പ്രത്യേക ലൈവ് സ്ട്രീമിംഗ് പരിപാടിയിൽ പ്രശസ്ത സംഗീത സംവിധായകനും ജീവകാരുണ്യ പ്രവർത്തകനുമായ ഡോ. സണ്ണി സ്റ്റീഫൻ മുഖ്യാതിഥിയായി പങ്കെടുത്തു. ഒക്ടോബർ 21 ബുധനാഴ്ച (ഡാളസ് സമയം വൈകുന്നേരം 7:00 / ഈസ്റ്റേൺ സമയം രാത്രി 8:00) സൂം പ്ലാറ്റ്‌ഫോമിലൂടെ തത്സമയമായി ക്രമീകരിച്ച ഈ ഓൺലൈൻ സംഗീത വിരുന്നിൽ ലോകത്തിന്റെ വിവിധ ഭാഗങ്ങളിൽ നിന്നുള്ള നിരവധിയാളുകൾ പങ്കുചേർന്നു. 4,850-ഓളം ഗാനങ്ങൾക്ക് ഈണം പകരുകയും 2,900-ഓളം ഗാനങ്ങൾക്ക് രചന നിർവ്വഹിക്കുകയും ചെയ്ത തന്റെ ദീർഘകാല സംഗീത സപര്യയെക്കുറിച്ചും അനുഭവങ്ങളെക്കുറിച്ചും ഡോ. സണ്ണി സ്റ്റീഫൻ പരിപാടിയിൽ സംസാരിച്ചു. 2000-ൽ ‘കരുണം’ എന്ന ചിത്രത്തിലൂടെ മികച്ച സംഗീത സംവിധായകനുള്ള ദേശീയ,…

ഡാളസ്, ടെക്സസ്: ഇന്ത്യൻ നവോത്ഥാന നായിക ‘പണ്ഡിത രാമാഭായി’ യുടെ പേരിൽ ക്രിസ്ത്യൻ ഫെലോഷിപ്പ് ഓഫ് ഇന്ത്യ ഏർപ്പെടുത്തിയ പ്രഥമ പുരസ്കാരം പ്രശസ്ത മാധ്യമപ്രവർത്തകൻ മാത്യു സാമുവലിന്. മതന്യൂനപക്ഷങ്ങൾ നേരിടുന്ന പ്രശ്നങ്ങൾക്കെതിരെ മാധ്യമ ഇടപെടലുകൾ നടത്തിയതിനാണ് പുരസ്കാരം നൽകുന്നത്. ഉയർന്ന ബ്രാഹ്മണ കുടുംബത്തിൽ ജനിച്ച്, ക്രിസ്തുവിനെ രക്ഷകനായി സ്വീകരിച്ച ശേഷം സമൂഹത്തിലെ അന്ധവിശ്വാസങ്ങൾക്കും സ്ത്രീകൾക്കെതിരെയുള്ള അതിക്രമങ്ങൾക്കുമെതിരെ പോരാടിയ ധീരയായ പണ്ഡിത രമാബായിയുടെ സ്മരണ പുതുക്കിക്കൊണ്ടാണ് ഈ പുരസ്കാരം നൽകുന്നത്. ദരിദ്രരുടെയും പാർശ്വവൽക്കരിക്കപ്പെട്ടവരുടെയും കണ്ണീരൊപ്പാൻ  രമാബായ് നടത്തിയ അസാധാരണ ശ്രമങ്ങൾ ഇന്നും നമുക്ക് വഴികാട്ടിയാണ്. ഇതേ ധീരതയോടെയാണ് മാത്യു സാമുവൽ തന്റെ മാധ്യമ പ്രവർത്തനം തുടരുന്നത്. ഭരണഘടനാപരമായ അവകാശങ്ങൾ നിഷേധിക്കപ്പെടുന്ന ന്യൂനപക്ഷങ്ങൾക്കും ക്രൈസ്തവർക്കും വേണ്ടി അദ്ദേഹം ശബ്ദമുയർത്തി. ഇന്ത്യയുടെ ഉൾഗ്രാമങ്ങളിൽ സഞ്ചരിച്ച്, അവിടുത്തെ ദരിദ്രരും നിരക്ഷരരുമായ ഗോത്രവർഗ്ഗക്കാർക്കിടയിൽ മിഷനറിമാർ ചെയ്യുന്ന സേവനങ്ങളും അവിടെ സംഭവിക്കുന്ന ആത്മീയ ഉണർവുകളും ലോകത്തിന്…

ഹൂസ്റ്റൺ: ലോകത്തെ ഏറ്റവും മികച്ച കാൻസർ ചികിത്സാ-ഗവേഷണ കേന്ദ്രമായി വിലയിരുത്തപ്പെടുന്ന (U.S. News & World Report Rankings) അമേരിക്കയിലെ ഹൂസ്റ്റൺ യുണിവേഴ്സിറ്റി ഓഫ് ടെക്സസ് എം.ഡി. ആൻഡേഴ്സൺ കാൻസർ സെന്ററിലെ (MD Anderson Cancer Center) പ്രശസ്ത മലയാളി നഴ്സിംഗ് വിദഗ്ധ ഡോ. സ്വപ്ന ജേക്കബ് ബിനോയി PhD, MSN, പരമോന്നത നേഴ്സിങ് പുരസ്കാരത്തിന് അർഹയായി. ലോകോത്തര സ്ഥാപനത്തിലെ ഏറ്റവും ഉയർന്ന നഴ്സിംഗ് പുരസ്കാരമായ (Highest Institutional Award) 2026-ലെ ‘ബ്രൗൺ ഫൗണ്ടേഷൻ അവാർഡ് ഫോർ എക്സലൻസ് ഇൻ ഒങ്കോളജി നഴ്സിംഗിലാണ് (Brown Foundation Award for Excellence in Oncology Nursing) ഡോ. സ്വപ്ന പുരസ്കാരം സ്വന്തമാക്കിയത്. എം.ഡി. ആൻഡേഴ്സൺ കാൻസർ സെന്ററിലെ ലിംഫോമ ക്ലിനിക്കൽ റിസർച്ച് വിഭാഗത്തിൽ നഴ്സ് പ്രാക്ടീഷണർ സൂപ്പർവൈസറായ ഡോ. സ്വപ്നയ്ക്ക് നഴ്സിംഗ് രംഗത്ത് 25 വർഷത്തെ സുദീർഘമായ പ്രവൃത്തിപരിചയമുണ്ട്.…