Author: ഉമ്മൻ കാപ്പിൽ

നോർത്ത് ഈസ്റ്റ് അമേരിക്കൻ ഭദ്രാസന ഫാമിലി ആൻഡ് യൂത്ത് കോൺഫറൻസിന്റെ രജിസ്ട്രേഷൻ സിറക്യൂസ്‌ സെന്റ് തോമസ് മലങ്കര ഓർത്തഡോക്സ് പള്ളിയിൽ ആരംഭിച്ചു. കോൺഫറൻസിന്റെ പ്രചരണാർത്ഥം പ്രത്യേക കിക്ക് ഓഫ് മീറ്റിംഗ് ജനുവരി 15 ന് വിശുദ്ധ കുർബാനയ്ക്ക് ശേഷം നടന്നു. ഇടവക വികാരി ഫാ.ഗീവർഗീസ് മാത്യു സ്വാഗതം ആശംസിച്ചു. കോൺഫറൻസ് പ്രദാനം ചെയ്യുന്ന ആത്മീയ പോഷണത്തെക്കുറിച്ച് ഫാ. ഗീവർഗീസ് മാത്യു സംസാരിച്ചു. ക്രിസ്തുവുമായുള്ള നമ്മുടെ ബന്ധം പുതുക്കാനും ഭദ്രാസനത്തിലെ മറ്റ് ഇടവകകളിൽ നിന്നുള്ള സഹോദരങ്ങളുമായുള്ള കൂട്ടായ്മ ആസ്വദിക്കാനും കോൺഫറൻസ് മികച്ച അവസരം ഒരുക്കുമെന്ന് അച്ചൻ ഓർമിപ്പിച്ചു. ഈ വർഷത്തെ ഫാമിലി ആൻഡ് യൂത്ത് കോൺഫറൻസിന്റെ സവിശേഷതകളെക്കുറിച് കോൺഫറൻസ് സെക്രട്ടറി ചെറിയാൻ പെരുമാൾ സംസാരിച്ചു. 2023 ജൂലൈ 12 മുതൽ 15 വരെ നോർത്ത് ഈസ്റ്റ് അമേരിക്കൻ ഭദ്രാസന ഹോളി ട്രാൻസ്ഫിഗറേഷൻ റിട്രീറ്റ് സെന്ററിൽ (HTRC) കോൺഫറൻസ് നടക്കും.…

ബ്രസോസ് വാലി (ടെക്സസ്): ടെക്സസിലെ ബ്രസോസ് വാലി ശ്രീ ഓംകാർനാഥ് ക്ഷേത്രത്തിൽ സൂക്ഷിച്ചിരുന്ന ഭണ്ഡാരപ്പെട്ടി കവർച്ച ചെയ്യപ്പെട്ടതായി ബ്രസോസ് കൗണ്ടി ഷെറിഫ് ഓഫിസ് അറിയിച്ചു. കഴിഞ്ഞ വാരാന്ത്യം നടന്ന കവർച്ചയെ കുറിച്ചുള്ള വിശദവിവരങ്ങൾ പൊലീസ് പുറത്തുവിട്ടു. അമ്പലത്തിനു വശത്തുള്ള ജനൽ തകർത്താണ് തസ്ക്കരൻ അകത്തു കടന്നത്. വിലപിടിപ്പുള്ള സാധനങ്ങൾ സൂക്ഷിച്ചിരുന്ന സേഫും, ഡൊണേഷൻ ബോക്സുമാണു നഷ്ടപ്പെട്ടതെന്നു ക്ഷേത്രം ബോർഡ് മെംബർ ശ്രീനിവാസ സകരി പറഞ്ഞു. അമ്പലത്തിനകത്തു ഉണ്ടായിരുന്ന ക്യാമറയിൽ തസ്ക്കരൻ ജനൽ തകർത്ത് അകത്തു പ്രവേശിക്കുന്നതും ഭണ്ഡാരപ്പെട്ടിക്കു സമീപം എത്തി അവിടെ തന്നെ ഉണ്ടായിരുന്ന കാർട്ടിൽ പെട്ടിവച്ചു വാതിലിനു പുറത്തു പോകുന്ന ദൃശ്യങ്ങൾ പതിഞ്ഞിരുന്നു. ടെംപിളിനു പുറകിൽ താമസിച്ചിരുന്ന പൂജാരിയും കുടുംബവും സുരക്ഷിതരാണെന്നു ബോർഡ് മെംബർ പറഞ്ഞു. ഇത്തരം സംഭവങ്ങൾ വിശ്വാസ സമൂഹത്തിനു നടുക്കം ഉണ്ടാക്കുന്നതാണെന്നും വീണ്ടും ആവർത്തിക്കാതിരിക്കുന്നതിനുള്ള സുരക്ഷാ നടപടികൾ സ്വീകരിക്കുമെന്നും അദ്ദേഹം പറഞ്ഞു. രാജ്യത്താകമാനമുള്ള…

സൗത്ത് കാരലൈന ∙ യുണൈറ്റഡ് നാഷൻസ് യുഎസ് അംബാസിഡറായിരുന്ന സൗത്ത് കാരലൈന മുൻ ഗവർണറും ഇന്ത്യൻ വംശജയുമായ നിക്കി ഹേലി 2024 ൽ നടക്കുന്ന പ്രസിഡന്റ് തിരഞ്ഞെടുപ്പിൽ സ്ഥാനാർഥിയാകുമെന്നു സൂചന നൽകി. വ്യാഴാഴ്ച അമേരിക്കയിലെ പ്രമുഖ വാർത്താ ചാനലുമായി നടത്തിയ അഭിമുഖത്തിലാണ് നിക്കി തന്റെ മനസ്സ് തുറന്നത്. രണ്ടു പ്രധാന ചോദ്യങ്ങളോടാണ് നിക്കി പ്രതികരിച്ചത്. ഒന്നു ഇന്നത്തെ പ്രത്യേക സാഹചര്യത്തിൽ ഒരു പുതിയ നേതൃത്വത്തിന്റെ പ്രസക്തി. രണ്ടു പുതിയ നേതൃത്വത്തിന് അനുയോജ്യയായ വ്യക്തിയാണോ ഞാൻ. ഒന്നു കൂടെ ഇവർ കൂട്ടിച്ചേർത്തു. ഞാൻ പ്രസിഡന്റ് സ്ഥാനത്തേക്ക് മത്സരിക്കുന്നുണ്ടെങ്കിൽ അതു ബൈഡന് എതിരായിട്ടായിരിക്കും. ഒരു കാരണവശാലും ബൈഡന് രണ്ടാമതൊരു അവസരം അനുവദിച്ചുകൂടാ എന്നും ഹേലി പറഞ്ഞു. 80 വയസ് പ്രായമുള്ള ബൈഡനേക്കാൾ ചെറുപ്പക്കാരാണ് അമേരിക്കൻ പ്രസിഡന്റ് സ്ഥാനത്തു വരേണ്ടത്. റിപ്പബ്ലിക്കൻ പാർട്ടിയിൽ 51 വയസ്സുള്ള നിക്കി ചെറുപ്പക്കാരുടെ പ്രതിനിധിയായിരിക്കുമെന്നാണ് അവർ…

ഫിനിക്സ്: ധനുമാസ തിരുവാതിരയും ശിവരാത്രിയും സംയുക്തമായി ആഘോഷിക്കാൻ അരിസോണ കെ എച്ച് എൻ എ. അരിസോണയുടെ ചരിത്രത്തിൽ ആദ്യമായി ഇങ്ങനെ ഒരാഘോഷo സംഘടിപ്പിക്കുന്ന വിവരം കെ എച് എൻ എ അരിസോണ ചാപ്റ്റർ പ്രസിഡൻറ് ശ്രീ ബാബു തിരുവല്ല, രാജ് കർത്ത, സജിത് തൈവളപ്പിൽ, സജീവ് മാടമ്പത്ത്, ശ്രീരാജ്, ദിലീപ് പിള്ള, ശ്രീജിത് ശ്രീനിവാസൻ എന്നിവർ നടത്തിയ പത്രസമ്മേളനത്തിലാണ് അറിയിച്ചത്. ഫെബ്രുവരി 4-ാം തീയതി എസ് വി കെ ക്ഷേത്ര ഓഡിറ്റോറിയത്തിൽ വൈകുന്നേരo 7 മുതലായിരിക്കും മുന്നൂറിൽ അധികം പേർ പങ്കെടുക്കുന്ന ആഘോഷങ്ങൾ അരങ്ങേറുക. കെ എച്ച് എൻ എ വിമൺ ഫോറം ചെയർ രശ്മി മേനോൻ വിനീത സുരേഷ് ( സ്റ്റേറ്റ് കോർഡിനേറ്റർ), അനുപമ ശ്രീജേഷ് (സൗത്ത് വെസ്റ്റ് റീജിയൻ കോർഡിനേറ്റർ) എന്നിവരാണ് മുഖ്യ സംഘാടകർ. ഒരുക്കങ്ങൾ ഭർത്തിയായതായും പരിപാടികളിൽ പങ്കെടുക്കാൻ താല്പര്യമുള്ളവർക്ക് 602-300-9431 ഈ…

ബ്രിട്ടനും പോളണ്ടും ഉൾപ്പെടെ ഒമ്പത് നേറ്റോ രാജ്യങ്ങളുടെ ഒരു സംഘം റഷ്യയ്‌ക്കെതിരായ യുദ്ധത്തിൽ ഉക്രെയ്‌നെ പിന്തുണയ്ക്കാൻ പുതിയ സൈനിക സഹായത്തിന്റെ ഒരു പാക്കേജ് വാഗ്ദാനം ചെയ്തു. മാസങ്ങൾ നീണ്ട പോരാട്ടം നീണ്ടുനിൽക്കുന്നതിനെക്കുറിച്ചുള്ള മോസ്കോയുടെ ആവർത്തിച്ചുള്ള മുന്നറിയിപ്പുകളെ ധിക്കരിച്ചുകൊണ്ടാണ് മുൻ സോവിയറ്റ് യൂണിയനിലേക്ക് പാശ്ചാത്യ ആയുധങ്ങൾ ഒഴുക്കുന്നത്. എസ്റ്റോണിയൻ തലസ്ഥാനമായ ടാലിനിനടുത്തുള്ള സൈനിക താവളത്തിൽ നടന്ന യോഗത്തിലാണ് നേറ്റോ അംഗരാജ്യങ്ങളുടെ ഉദ്യോഗസ്ഥർ കിയെവിന് മിസൈലുകൾ, സ്റ്റിംഗർ എയർ ഡിഫൻസ് സിസ്റ്റം, ആന്റി-എയർക്രാഫ്റ്റ് തോക്കുകൾ, യന്ത്രത്തോക്കുകൾ, പരിശീലനം, മറ്റ് ഉപകരണങ്ങൾ, വിവിധ സേവനങ്ങള്‍ എന്നിവ നൽകുമെന്ന് പ്രതിജ്ഞയെടുത്തത്. “പാശ്ചാത്യരാജ്യങ്ങൾ ഐക്യത്തോടെ നിലകൊള്ളുകയും സൈനിക സഹായത്തോടെ ഉക്രെയ്നെ പിന്തുണയ്ക്കുന്നത് തുടരുകയും വേണം,” എസ്തോണിയയുടെ പ്രതിരോധ മന്ത്രി ഹന്നോ പെവ്കൂർ തന്റെ ബ്രിട്ടീഷ് പ്രതിരോധമന്ത്രിയുമായും മറ്റ് ഉദ്യോഗസ്ഥരുമായും സംയുക്തമായി നടത്തിയ വാർത്താ സമ്മേളനത്തിൽ പറഞ്ഞു. ഉക്രെയ്നിന് ഏറ്റവും ആവശ്യമുള്ളത് കനത്ത ആയുധങ്ങളാണ്… ഏറ്റവും…