Author: .

തിരുവനന്തപുരം: മലയിൻകീഴിൽ പതിനാറുകാരിയെ പീഡിപ്പിച്ച കേസിൽ ഡിവൈഎഫ്‌ഐ നേതാവുള്‍പ്പടെ ആറ് പ്രതികളെ മൂന്ന് ദിവസത്തേക്ക് പൊലീസ് കസ്റ്റഡിയിൽ വിട്ടു. അരുൺ, വിഷ്ണു, ഡിവിഎഫ്ഐ നേതാവ് വിനീഷ്, അഭിജിത്ത്, അച്ചു, അരുൺ എന്നിവരെയാണ് കസ്റ്റഡിയില്‍ വിട്ടത്. ആകെ രജിസ്റ്റർ ചെയ്ത ഏഴ് കേസുകളിൽ ആറ് കേസുകളിലെ പ്രതികളെ അന്വേഷണ സംഘം കസ്റ്റഡിയിൽ എടുത്തു. സ്ത്രീകൾക്കും കുട്ടികൾക്കും എതിരെയുള്ള കുറ്റകൃത്യങ്ങൾ വിചാരണ ചെയ്യുന്ന കോടതി ജഡ്‌ജി എം പി ഷിബുവിന്റേതാണ് ഉത്തരവ്. സംഭവ സ്ഥലത്തുനിന്നും ശേഖരിച്ച തെളിവുകൾ രാസപരിശോധനയ്ക്ക് വിധേയമാക്കുന്നതിന്റെ മുന്നോടിയായുള്ള പ്രതികളിൽ നിന്നും തെളിവുകൾ ശേഖരിക്കണമെന്ന പ്രൊസിക്യൂഷൻ ആവശ്യം കസ്റ്റഡിയിൽ നൽകിയിട്ടുണ്ട്. വീട്ടിൽ അതിക്രമിച്ചുകയറി പെൺകുട്ടിയെ പലദിവസങ്ങളിലായി ആറുപ്രതികളും പീഡിപ്പിച്ചുവെന്നാണ് കേസ്. പ്രൊസിക്യൂഷന് വേണ്ടി സ്പെഷ്യൽ പ്രോസിക്യൂട്ടർ കാട്ടായിക്കോണം അജിത് പ്രസാദ് ഹാജരായി

കോഴിക്കോട്: കൊയിലാണ്ടി സ്വദേശി ശ്രുതിയുടെ മരണത്തിൽ ഭർത്താവിന്റെ കുടുംബത്തിനെതിരെ യുവതിയുടെ കുടുംബം റൂറൽ എസ്പിക്ക് പരാതി നൽകി. ഒക്‌ടോബർ 22നാണ് 27 കാരിയായ ശ്രുതിയെ ചോമ്പാലയിലെ ഭർത്താവിന്റെ വീട്ടിൽ തൂങ്ങി മരിച്ച നിലയിൽ കണ്ടെത്തിയത്. ഭർതൃവീട്ടുകാർ മകളെ മാനസികമായും ശാരീരികമായും പീഡിപ്പിക്കാറുണ്ടെന്ന് ശ്രുതിയുടെ അമ്മ പറഞ്ഞു. ഭര്‍ത്താവിന്റെ വീട്ടിലെ ദുരിതം മകള്‍ നേരിട്ട് പറഞ്ഞിരുന്നതായും അമ്മ കാഞ്ചന പറയുന്നു. മല്‍സ്യത്തൊഴിലാളിയായ മാടാക്കര സ്വദേശി വിപിനാണ് ശ്രുതിയുടെ ഭര്‍ത്താവ്. 2018 ഏപ്രില്‍ 4 നായിരുന്നു ഇരുവരുടെയും വിവാഹം. ശ്രുതി മരിക്കുന്നതിന്റെ തലേ ദിവസവും വീട്ടില്‍ വഴക്കുണ്ടായതായും ബന്ധുക്കള്‍ പറയുന്നു. നിലവില്‍ അസ്വഭാവിക മരണത്തിനാണ് പൊലീസ് കേസെടുത്തുട്ടുള്ളത്. പോസ്റ്റമോര്‍ട്ടം റിപ്പോര്‍ട്ടില്‍ തൂങ്ങിമരണമെന്നാണെങ്കിലും മരണത്തില്‍ ദുരൂഹതയുണ്ടെന്നാണ് കുടുംബത്തിന്റെ ആരോപണം.

മോസ്കോ: ഉക്രൈനുമായി റഷ്യ നടത്തുന്ന യുദ്ധം ഒന്നുകില്‍ മോസ്കോയുടെ വിജയത്തിലോ ലോകാവസാനത്തിലോ അവസാനിക്കും. പുടിന്റെ ‘ബ്രെയിൻ’ എന്ന് ലോകമെമ്പാടും അറിയപ്പെടുന്ന പ്രശസ്തനായ അലക്‌സാണ്ടർ ഡുഗിനാണ് ഈ മുന്നറിയിപ്പ് നൽകിയിരിക്കുന്നത്. സമീപകാല പരാജയങ്ങൾക്കിടയിലും പുതുവർഷത്തിന്റെ തുടക്കത്തിൽ റഷ്യ വൻ ആക്രമണത്തിന് തയ്യാറെടുക്കുകയാണെന്ന് ഉക്രൈൻ ആരോപിച്ചു. കഴിഞ്ഞ മാസം ഉക്രേനിയൻ നഗരമായ കെർസണിൽ നിന്ന് റഷ്യൻ സൈന്യം പിന്‍‌വാങ്ങിയ സമയത്താണ് ഡുഗിന്റെ പ്രസ്താവന. ഒരു വാർത്താ ചാനലിനോട് സംസാരിക്കവേ, ഈ യുദ്ധം ഏകധ്രുവ ലോകക്രമത്തിനെതിരായ ബഹുധ്രുവ ലോകക്രമമാണെന്ന് ഡുഗിൻ പറഞ്ഞു. റഷ്യയുമായോ ഉക്രെയിനുമായോ യൂറോപ്പുമായോ അതിന് യാതൊരു ബന്ധവുമില്ല; അത് പാശ്ചാത്യർക്കും മറ്റ് രാജ്യങ്ങൾക്കും എതിരല്ല; പീഡനത്തിനെതിരായ മനുഷ്യരാശിയുടെ യുദ്ധമാണിത്. 60 കാരനായ ഡുഗിൻ സ്വാധീനമുള്ള എഴുത്തുകാരനും രാഷ്ട്രീയ തത്ത്വചിന്തകനും വിശകലന വിദഗ്ധനുമാണ്. റഷ്യൻ പ്രസിഡന്റ് വ്‌ളാഡിമിർ പുടിന്റെ ബൗദ്ധിക സ്വാധീനത്തിന് പേരുകേട്ടയാളാണ് ഡുഗിൻ. 30-ലധികം പുസ്തകങ്ങൾ എഴുതിയിട്ടുള്ള ഡുഗിനെ…

ലണ്ടന്‍: ഫ്രഞ്ച് നഗരമായ ലിയോണിനടുത്തുള്ള ഒരു റെസിഡൻഷ്യൽ കെട്ടിടത്തിൽ വെള്ളിയാഴ്ച രാവിലെയുണ്ടായ തീപിടിത്തത്തിൽ അഞ്ച് കുട്ടികൾ ഉൾപ്പെടെ 10 പേർ മരിച്ചു. സമീപ വർഷങ്ങളിൽ രാജ്യത്ത് നടന്ന ഏറ്റവും മാരകമായ തീപിടുത്തങ്ങളിലൊന്നാണിത്. പ്രാദേശിക സമയം പുലർച്ചെ 03:00 മണിയോടെ (02:00 GMT) വോൾക്സ്-എൻ-വെലിനാറ്റിൽ ഏഴ് നിലകളുള്ള അപ്പാർട്ട്മെന്റിലാണ് തീപിടുത്തമുണ്ടായതെന്ന് പ്രാദേശിക ഉദ്യോഗസ്ഥർ പറഞ്ഞു. 170 അഗ്നിശമന സേനാംഗങ്ങൾ തീ നിയന്ത്രണവിധേയമാക്കാന്‍ സ്ഥലത്ത് ഉണ്ടായിരുന്നു. കെട്ടിടത്തിൽ വലിയ തീപിടുത്തമുണ്ടായെന്നും പിന്നീട് 170 അഗ്നിശമന സേനാംഗങ്ങളുടെ സഹായത്തോടെ അണച്ചതായും പ്രാദേശിക അധികാരികൾ പ്രസ്താവനയിൽ പറഞ്ഞു. നാല് പേരുടെ നില ഗുരുതരമാണെന്നും രണ്ട് അഗ്നിശമന സേനാംഗങ്ങൾ ഉൾപ്പെടെ 10 പേർക്ക് നിസാര പരിക്കേറ്റതായും റിപ്പോർട്ടുണ്ട്. ഫ്രഞ്ച് ആഭ്യന്തര മന്ത്രി ജെറാൾഡ് ഡാർമനിൻ സംഭവത്തെ ‘ഞെട്ടലോടെ’യാണ് കേട്ടതെന്ന് പറഞ്ഞു. കുട്ടികൾ 3 നും 15 നും ഇടയിൽ പ്രായമുള്ളവരാണെന്നും അപകടത്തിൽപ്പെട്ടവരുടെ എണ്ണം തിട്ടപ്പെടുത്തിയിട്ടില്ലെന്നും…

വാഷിംഗ്ടൺ: യുക്രൈൻ തർക്കത്തിൽ പ്രധാനമന്ത്രി നരേന്ദ്ര മോദിയുടെ നിലപാടിനെ അമേരിക്ക വീണ്ടും സ്വാഗതം ചെയ്തു. എല്ലാത്തരം അക്രമങ്ങളും അവസാനിപ്പിക്കാനും നയതന്ത്രത്തിന്റെ പാത പിന്തുടരാനും ആഹ്വാനം ചെയ്തു. “ഞങ്ങൾ പ്രധാനമന്ത്രി മോദിയുടെ വാക്ക് അംഗീകരിക്കുകയും അദ്ദേഹത്തിന്റെ അഭിപ്രായങ്ങളെ സ്വാഗതം ചെയ്യുകയും ചെയ്യുന്നു. റഷ്യയുമായുള്ള ഇടപെടൽ സംബന്ധിച്ച് മറ്റ് രാജ്യങ്ങൾ സ്വന്തം തീരുമാനം എടുക്കും. യുദ്ധത്തിന്റെ പ്രത്യാഘാതങ്ങൾ കുറയ്ക്കുന്നതിന് ഞങ്ങൾ സഖ്യകക്ഷികളുമായി ഏകോപനം തുടരും,” ഒരു പത്രസമ്മേളനത്തിൽ യുഎസ് സ്റ്റേറ്റ് ഡിപ്പാർട്ട്‌മെന്റ് പ്രിൻസിപ്പൽ ഡെപ്യൂട്ടി വക്താവ് വേദാന്ത് പട്ടേൽ പറഞ്ഞു. റഷ്യ-യുക്രൈൻ സംഘർഷത്തിൽ ഇന്ത്യയുടെ നിലപാടും യുദ്ധം അവസാനിപ്പിക്കാനുള്ള പ്രധാനമന്ത്രി മോദിയുടെ ആഹ്വാനവും സംബന്ധിച്ച ചോദ്യത്തിന് മറുപടി പറയവെയാണ് വേദാന്ത് പട്ടേൽ ഇക്കാര്യം പറഞ്ഞത്. സെപ്തംബറിൽ സമർഖണ്ഡിൽ നടന്ന എസ്‌സിഒ ഉച്ചകോടിയിൽ പ്രധാനമന്ത്രി മോദി റഷ്യൻ പ്രസിഡന്റ് വ്‌ളാഡിമിർ പുടിനോട് ‘ഇന്നത്തെ യുഗം യുദ്ധമല്ല’ എന്ന് പറഞ്ഞിരുന്നുവെന്ന് ഞങ്ങൾ നിങ്ങളെ…

രണ്ട് പതിറ്റാണ്ടിലേറെയായി യുണൈറ്റഡ് നേഷന്‍സ് ഹൈക്കമ്മീഷണര്‍ ഫോര്‍ റഫ്യൂജീസ് (യുഎൻഎച്ച്‌സിആര്‍) പ്രത്യേക പ്രതിനിധി എന്ന നിലയില്‍ നിന്ന് രാജിവെയ്ക്കുകയാണെന്ന് നടിയും സാമൂഹ്യ പ്രവര്‍ത്തകയുമായ ആഞ്ജലീന ജോളിയും യുഎൻഎച്ച്‌സിആറും വെള്ളിയാഴ്ച ഒരു സംയുക്ത പ്രസ്താവനയിൽ പറഞ്ഞു. അഭയാർഥികളെയും കുടിയൊഴിപ്പിക്കപ്പെട്ട ആളുകളെയും പിന്തുണയ്ക്കുന്നതിനായി വരും വർഷങ്ങളിലും ഞാൻ എന്റെ കഴിവിന്റെ പരമാവധി ചെയ്യുമെന്ന് ജോളി പറഞ്ഞതായി പ്രസ്താവനയിൽ പറയുന്നു. അഭയാർത്ഥികളുമായും അയൽപക്ക സംഘടനകളുമായും നേരിട്ട് സംസാരിച്ച് “വ്യത്യസ്‌തമായി കാര്യങ്ങൾ” ചെയ്യേണ്ട സമയമാണിതെന്ന് തനിക്ക് തോന്നിയതായും അവര്‍ പറഞ്ഞു. 2001-ലാണ് അഭയാർത്ഥികൾക്കായുള്ള ഐക്യരാഷ്ട്ര സഭയുടെ പ്രത്യേക ഏജൻസിയിൽ ജോളി ചേര്‍ന്നത്. 2012-ൽ അതിന്റെ പ്രത്യേക ദൂതനായി അവര്‍ തിരഞ്ഞെടുക്കപ്പെട്ടു. യുഎൻഎച്ച്‌സി‌ആറുമായി ദീർഘവും വിജയകരവുമായ പ്രവര്‍ത്തനങ്ങള്‍ക്കു ശേഷം, അവരെടുത്ത തീരുമാനത്തെ അഭിനന്ദിക്കുന്നതായി അഭയാർത്ഥികൾക്കായുള്ള യുഎൻ ഹൈക്കമ്മീഷണർ ഫിലിപ്പോ ഗ്രാൻഡി പറഞ്ഞു. 2017-ൽ ജനീവയിൽ നടത്തിയ ഒരു പ്രസംഗത്തിൽ, ജോളി ഐക്യരാഷ്ട്രസഭയെ “അപൂർണ്ണം” എന്ന്…

സർവലോക സൈനിക സഹോദരങ്ങളേ! നിങ്ങളുടെ നിറ തോക്കുകൾ നിലത്തു കുത്തുക. ഞങ്ങൾക്ക് നേരെ അത് തിരിക്കരുത്‌ ! നിങ്ങളുടെ നീളൻ മിസൈലുകൾ ഞങ്ങളുടെ കുഞ്ഞുറുമ്പ് ജീവിതങ്ങൾക്ക് നേരെ തൊടുക്കരുത് ! അവിടെ പൈതങ്ങളുണ്ട്, മുലയൂട്ടുന്ന അമ്മമാരുണ്ട് . വഴിക്കണ്ണുമായി മക്കളെ കാക്കുന്ന മാതാ പിതാക്കളുടെ സ്വപ്നങ്ങളുണ്ട്. പ്രിയമുള്ളവളുടെ പ്രണയാർത്ത മോഹങ്ങളുണ്ട്. അവരെക്കൊല്ലാനാണോ നിങ്ങൾ സൈനികനായത് ? അധികാരികളുടെ ശരങ്ങൾതൊടുക്കുന്നതിനുള്ള അടിമ വില്ലുകളായത് ? അവർ ചൂണ്ടിയ അതിരുകൾ എവിടെയാണ് ? അവരുടെ മനസ്സിന്റെ സങ്കൽപ്പമല്ലേ അത് ? മണ്ണിനും ജലത്തിനും അതിരുകൾ വരയ്ക്കാനാവുമോ ? ഇല്ലാത്ത അതിരിനാണോ കാവൽ നിൽക്കേണ്ടത് ? അടിച്ചു വിട്ട റബ്ബർ പന്ത് പോലെ ആകാശത്ത് ഭൂമി നിൽക്കുമ്പോൾ അജ്ഞേയങ്ങളായ ഭ്രമണ താളങ്ങളിൽ അതിരുകൾ എവിടെയാണ് ? അധികാരികളുടെ അപ്പം ഉപേക്ഷിച്ച് അജയ്യനായി പുറത്തു വരിക. സങ്കൽപ്പങ്ങൾക്ക് ‘അപ്പുറം ‘ ഇല്ലാത്തതിനാൽ അവിടെ…

ലണ്ടന്‍: യുകെയില്‍ മലയാളി നഴ്സ് അഞ്ജു അശോകനും അവരുടെ രണ്ടു പിഞ്ചുകുഞ്ഞുങ്ങളും കൊല ചെയ്യപ്പെട്ട് രണ്ടു ദിവസങ്ങള്‍ക്കു ശേഷം, അഞ്ജുവിന്റെ കുടുംബം പ്രതികരിച്ചു. അഞ്ജുവിന്റെ ഭര്‍ത്താവ് സാജു ഒരു “ക്രൂരനായ” മനുഷ്യനാണെന്നും അയാൾ മുമ്പും അഞ്ജുവിനെ ആക്രമിച്ചിട്ടുണ്ടെന്നും ശനിയാഴ്ച അഞ്ജുവിന്റെ കുടുംബം ആരോപിച്ചു. മൂന്നുപേരുടെയും മൃതദേഹങ്ങൾ നാട്ടിലെത്തിക്കാന്‍ വേണ്ട നടപടികള്‍ സ്വീകരിക്കണമെന്ന് അഭ്യര്‍ത്ഥിച്ച് അഞ്ജുവിന്റെ കുടുംബം ലണ്ടനിലെ ഹൈക്കമ്മിഷണർക്ക് കത്തയച്ചിട്ടുണ്ട്. മൃതദേഹങ്ങൾ ഇന്ത്യയിലേക്ക് കൊണ്ടുവരാനും മകളെയും പേരക്കുട്ടികളെയും അവസാനമായി ഒന്നു കാണാനും ഏകദേശം 30 ലക്ഷം രൂപ ആവശ്യമാണ്. കേന്ദ്ര, സംസ്ഥാന സർക്കാരുകളുടെ സഹായവും തേടിയിട്ടുണ്ട്. അതിനിടെ, അഞ്ജുവിന്റെ പിതാവ് അശോകൻ വൈക്കം പൊലീസിൽ സാജുവിനെതിരെ പരാതി നൽകി. ചെറിയ കാര്യങ്ങൾക്കു പോലും വഴക്കിടുന്ന സ്വഭാവമായിരുന്നു സാജുവിനെന്നും മകളെ മാനസികമായി പീഡിപ്പിക്കാറുണ്ടെന്നും കാണിച്ചാണ് പരാതി നൽകിയത്. വ്യാഴാഴ്ചയാണ് കിഴക്കൻ ഇംഗ്ലണ്ടിലെ നോർത്താംപ്ടൺ മേഖലയിലെ കെറ്ററിംഗിലെ വീട്ടിൽ നഴ്‌സ്…