Author: .

സമൂഹമാധ്യമ പോസ്റ്റിലും അതൃപ്തി; പോലീസിനെതിരെ ഹൈക്കോടതിയെ സമീപിക്കാൻ എസ്.എഫ്.ഐ, മന്ത്രിക്കും ഷാഫി പറമ്പിൽ എം.പിക്കുമെതിരെ പരാതിക്ക് നീക്കം തിരുവനന്തപുരം: തിരുവനന്തപുരം യൂണിവേഴ്‌സിറ്റി ഹോസ്റ്റലുമായി ബന്ധപ്പെട്ട സംഘർഷവും തുടർന്നുണ്ടായ പോലീസ് നടപടികളും വിവാദമായിരിക്കെ കന്റോൺമെന്റ് എസ്.എച്ച്.ഒ സതീഷിനെ സിറ്റി പോലീസ് കമ്മീഷണർ നേരിട്ട് വിളിപ്പിച്ച് താക്കീത് ചെയ്തതായി വിവരം. സംഭവവുമായി ബന്ധപ്പെട്ട് എസ്.എച്ച്.ഒ സമൂഹമാധ്യമങ്ങളിൽ പോസ്റ്റ് പങ്കുവച്ചതിലടക്കം കമ്മീഷണർ കടുത്ത അതൃപ്തി രേഖപ്പെടുത്തിയെന്നാണ് റിപ്പോർട്ട്. യൂണിവേഴ്‌സിറ്റി ഹോസ്റ്റൽ സംഘർഷത്തിനു പിന്നാലെ പോലീസും എസ്.എഫ്.ഐയും തമ്മിലുള്ള ഭിന്നത രൂക്ഷമായ സാഹചര്യത്തിലാണ് ഉന്നത പോലീസ് ഉദ്യോഗസ്ഥരുടെ ഇടപെടൽ. ഔദ്യോഗിക ചുമതല വഹിക്കുന്ന ഉദ്യോഗസ്ഥർ വിവാദ വിഷയങ്ങളിൽ സമൂഹമാധ്യമങ്ങളിലൂടെ പ്രതികരിക്കുന്നതിലും കമ്മീഷണർ അതൃപ്തി അറിയിച്ചതായാണ് സൂചന. ഇതിനിടെ എസ്.എഫ്.ഐ ജില്ലാ സെക്രട്ടറിയെ ഭീഷണിപ്പെടുത്തിയെന്ന ആരോപണം നേരിടുന്ന എസ്.ഐ ഗോകുലിനെതിരെയും വകുപ്പുതല നടപടി ഉണ്ടായേക്കുമെന്നാണ് വിവരം. സംഭവവുമായി ബന്ധപ്പെട്ട പോലീസ് ഉദ്യോഗസ്ഥരുടെ ഇടപെടലുകളും പെരുമാറ്റവും…

സുരക്ഷയ്ക്കായി സ്ഥാപിച്ച ക്യാബിൻ തന്നെ യാത്രക്കാർക്ക് ഭീഷണി; ഉപയോഗിക്കാതെ വർഷങ്ങളായിട്ടും നീക്കാൻ നടപടിയില്ലെന്ന് പരാതി ഗുരുവായൂർ: ക്ഷേത്രപരിസരത്ത് സുരക്ഷ ശക്തമാക്കുന്നതിന്റെ ഭാഗമായി വർഷങ്ങൾക്കുമുമ്പ് സ്ഥാപിച്ച പോലീസ് എയ്ഡ് പോസ്റ്റ് ഇപ്പോൾ ഭക്തർക്കും യാത്രക്കാർക്കും വഴിമുടക്കിയായും അപകടക്കെണിയായും മാറിയതായി പരാതി. ഗുരുവായൂർ ക്ഷേത്രത്തിന്റെ പടിഞ്ഞാറേ നടപ്പന്തലിന്റെ കവാടത്തിൽ സ്ഥാപിച്ചിരിക്കുന്ന പോലീസ് ക്യാബിനാണ് കാൽനടയാത്രയ്ക്ക് തടസ്സം സൃഷ്ടിക്കുന്നത്. ദിവസേന ആയിരക്കണക്കിന് ഭക്തർ കടന്നുപോകുന്ന പ്രധാന ഭാഗങ്ങളിലൊന്നാണിത്. ഇടുങ്ങിയ നടപ്പാതയിലൂടെ എത്തുന്ന ഭക്തരും മറ്റു യാത്രക്കാരും നടപ്പന്തലിലേക്ക് ഇറങ്ങുന്ന സ്ഥലത്തുതന്നെയാണ് ക്യാബിൻ സ്ഥാപിച്ചിരിക്കുന്നത്. ഇവിടെ ആവശ്യത്തിന് വീതിയില്ലാത്തതിനാൽ തിരക്കേറുന്ന സമയങ്ങളിൽ ആളുകൾക്ക് സുഗമമായി കടന്നുപോകാൻ കഴിയാത്ത സാഹചര്യമാണുള്ളത്. പ്രത്യേകിച്ച് ക്ഷേത്രത്തിൽ വലിയ തിരക്കുള്ള ദിവസങ്ങളിലും ഉത്സവകാലത്തും സ്ഥിതി കൂടുതൽ രൂക്ഷമാകുന്നതായി നാട്ടുകാർ പറയുന്നു. നടപ്പാതയിൽനിന്ന് താഴേക്ക് ഇറങ്ങുമ്പോൾ ക്യാബിൻ തൊട്ടടുത്തായതിനാൽ കാൽതെറ്റി വീഴാനുള്ള സാധ്യത കൂടുതലാണ്. ഇതിനകം നിരവധി പേർ ഇവിടെ…

പഴയ പഞ്ചായത്ത് ഓഫീസ് കെട്ടിടത്തിലേക്ക് മാറ്റാനാണ് തീരുമാനം; യാത്രാസൗകര്യം മെച്ചപ്പെടുമെന്ന് പഞ്ചായത്ത്, നിലവിലെ ആശുപത്രി മാറ്റുന്നതിൽ നാട്ടുകാർക്ക് ആശങ്ക ഇരിങ്ങാലക്കുട: ഇരിങ്ങാലക്കുട-കൊടുങ്ങല്ലൂര്‍ റൂട്ടില്‍ പൂമംഗലത്ത് സ്ഥിതി ചെയ്യുന്ന ഗവ. ആയുർ‌വ്വേദ ആശുപത്രി നിലവിലെ സ്ഥലത്തുനിന്ന് മാറ്റി സ്ഥാപിക്കാനുള്ള നടപടികൾ പുരോഗമിക്കുന്നു. തോപ്പിൽ പ്രവർത്തിക്കുന്ന ആശുപത്രി ചേലൂർ–അരിപ്പാലം റോഡിൽ പണിക്കാട്ടിൽ ഭുവനേശ്വരി ക്ഷേത്രത്തിന് സമീപമുള്ള പഴയ പഞ്ചായത്ത് ഓഫീസ് കെട്ടിടത്തിലേക്ക് മാറ്റാനാണ് ഗ്രാമ പഞ്ചായത്തിന്റെ തീരുമാനം. ഇതിനാവശ്യമായ ഔദ്യോഗിക അനുമതി തേടി ആശുപത്രി അധികൃതർ ജില്ലാ മെഡിക്കൽ ഓഫീസർക്ക് (ഡി.എം.ഒ.) അപേക്ഷ നൽകിയിട്ടുണ്ട്. ഡി.എം.ഒ.യുടെ അനുമതി ലഭിച്ചാൽ ഈ മാസം തന്നെ ആശുപത്രിയുടെ പ്രവർത്തനം പുതിയ കെട്ടിടത്തിലേക്ക് മാറ്റാനാണ് പഞ്ചായത്ത് അധികൃതരുടെ നീക്കം. ഇതിന്റെ മുന്നോടിയായി പഴയ പഞ്ചായത്ത് ഓഫീസ് കെട്ടിടത്തിന് മുന്നിൽ ഗവ. ആയുർവേദാശുപത്രിയുടെ ബോർ‍ഡും സ്ഥാപിച്ചിട്ടുണ്ട്. ആവശ്യമായ അറ്റകുറ്റപ്പണികളും അടിസ്ഥാന സൗകര്യങ്ങൾ ഒരുക്കുന്ന ജോലികളും പൂർത്തിയാക്കി…

ഫ്രിഡ്ജിൽ വെച്ചിട്ടും വെണ്ടയ്ക്ക കറുത്തുപോകുകയും വഴുവഴുപ്പാകുകയും ചെയ്യുന്നുണ്ടോ? ചെറിയ ചില കാര്യങ്ങൾ ശ്രദ്ധിച്ചാൽ ദിവസങ്ങളോളം വെണ്ടയ്ക്കയുടെ പുതുമയും നിറവും രുചിയും നിലനിർത്താം. വാങ്ങിയ പച്ചക്കറികൾ കഴിയുന്നത്ര ദിവസം ഫ്രഷായി സൂക്ഷിക്കണമെന്നാണ് എല്ലാവരുടെയും ആഗ്രഹം. എന്നാൽ ശരിയായ രീതിയിൽ സൂക്ഷിച്ചില്ലെങ്കിൽ പച്ചക്കറികൾ വളരെ വേഗം ഉണങ്ങുകയോ ചീഞ്ഞുപോകുകയോ ചെയ്യും. പ്രത്യേകിച്ച് വെണ്ടയ്ക്ക പോലുള്ള പച്ചക്കറികൾ ഈർപ്പത്തോട് കൂടുതൽ പ്രതികരിക്കുന്നതിനാൽ സൂക്ഷിക്കുന്ന രീതിയിൽ അൽപം ശ്രദ്ധ ആവശ്യമാണ്. വെണ്ടയ്ക്കയിൽ അധിക ഈർപ്പം തങ്ങിനിൽക്കുന്നത് അത് പെട്ടെന്ന് മൃദുവാകാനും വഴുവഴുപ്പുള്ളതായി മാറാനും ചീഞ്ഞുപോകാനും കാരണമാകും. ചിലപ്പോൾ ഫ്രിഡ്ജിൽ സൂക്ഷിച്ചിട്ടും വെണ്ടയ്ക്കയുടെ നിറം കറുത്തുപോകുകയും ഗുണനിലവാരം കുറയുകയും ചെയ്യാം. അതുകൊണ്ട് ഫ്രിഡ്ജിൽ വയ്ക്കുക എന്നതിലുപരി എങ്ങനെ സൂക്ഷിക്കുന്നു എന്നതാണ് പ്രധാനം. 1. കഴുകിയ ഉടൻ ഫ്രിഡ്ജിൽ വയ്ക്കരുത് വെണ്ടയ്ക്ക വാങ്ങിയെത്തിയ ഉടൻ കഴുകി ഫ്രിഡ്ജിൽ സൂക്ഷിക്കുന്നത് ഒഴിവാക്കുന്നതാണ് നല്ലത്. കഴുകുമ്പോൾ അവയുടെ പുറത്ത്…