രക്തം പുരണ്ട ബാറ്ററി ഉത്പാദനവും ചൈനയുടെ പങ്കും: അജു വാരിക്കാട്

കാലാവസ്ഥാ പ്രശ്നങ്ങൾക്ക് പരിഹാരം കണ്ടെത്തുന്നതിനെ പറ്റിയാണ് ഇന്ന് ലോക രാജ്യങ്ങൾ സംസാരിക്കുന്നത്. അത് അങ്ങനെ തന്നെ വേണമല്ലോ. ഒരു ലോകം മാത്രമാണ് നമുക്കുള്ളത്, നമ്മുടെ ലോകം അപകടത്തിലാണ്. കാലാവസ്ഥാ വ്യതിയാനത്തിൽ നിന്ന് ഭൂമിയെ രക്ഷിക്കാൻ തങ്ങളാൽ കഴിയുന്നതെല്ലാം ചെയ്യുന്നതായി എല്ലാ രാജ്യങ്ങളും പല കോർപ്പറേറ്റുകളും മിക്ക പൗരന്മാരും അവകാശപ്പെടുന്നു. ഏറ്റവും മികച്ച പരിഹാരങ്ങളിലൊന്നായി ഹരിത ഊർജ്ജം അല്ലെങ്കിൽ ഗ്രീൻ എനർജി ഇന്ന് നമ്മുടെ മുൻപിലുണ്ട്. കൽക്കരിക്ക് പകരം ജലവൈദ്യുതവും, ഫോസിൽ ഇന്ധനങ്ങൾക്ക് പകരം സൗരോർജ്ജവും, പെട്രോൾ, ഡീസൽ കാറുകൾക്ക് പകരം വൈദ്യുത വാഹനങ്ങളും ഇന്ന് വന്നു കഴിഞ്ഞിരിക്കുന്നു. ഇവികൾ വൃത്തിയുള്ളതും പരിസ്ഥിതി സൗഹൃദവും, സുസ്ഥിരവുമായവയാണ് എന്നാണ് പൊതുവെയുള്ള ധാരണ. എന്നാൽ അവ അങ്ങനെ തന്നെയാണോ? പരിസ്ഥിതിക്ക് ശുദ്ധമായത് യഥാർത്ഥത്തിൽ ശുദ്ധമായിരിക്കില്ല. ഒരു ഇവിയുടെ തിളങ്ങുന്ന പുറംമോടിക്ക് താഴെ മറഞ്ഞിരിക്കുന്നത് ചോരപ്പാടുകൾ നിറഞ്ഞ ബാറ്ററികളുടെ കഥയാണ്. ഈ കാറുകൾ…

മാനിട്ടോബ മലയാളി അസോസിയേഷൻ 2022 -2024 കാലയളവിലേയ്ക്കുള്ള എക്സിക്യൂട്ടീവ് കമ്മറ്റിയെ തിരഞ്ഞെടുത്തു

മാനിട്ടോബ: മാനിട്ടോബ മലയാളി അസോസിയേഷൻ 2022 -2024 കാലയളവിലേയ്ക്കുള്ള എക്സിക്യൂട്ടീവ് കമ്മറ്റിയെ തിരഞ്ഞെടുത്തു. ഷീനാ ജോസ് പ്രസിഡൻ്റും, ജെഫി ജോയ്‌സ് സെക്രട്ടറിയും ആയ 15 അംഗ കമ്മറ്റിയെയാണ് തിരഞ്ഞെടുത്തത്. സന്തോഷ് തോമസ് ( ട്രഷറർ ), ജോണി സ്റ്റീഫൻ ( കമ്മ്യൂണിക്കേഷൻ ), നിർമൽ ശശിധരൻ (ഫണ്ട് റൈസിംഗ്), ജയകൃഷ്ണൻ ജയചന്ദ്രൻ (ചാരിറ്റി & കമ്മ്യൂണിറ്റി ), രാഹുൽ രാജ് പണ്ടാരത്തിൽ ( മെമ്പർഷിപ് കോഓർഡിനേറ്റർ), മനീഷാ ജോസ് (കൾച്ചറൽ കോഓർഡിനേറ്റർ), തരുൺ ടി ജോർജ് (ഇവൻറ് കോഓർഡിനേറ്റർ), നിബു ജോസ് (എക്സിക്യുട്ടീവ് കമ്മറ്റി അംഗം), സിജോ ജോസഫ് (മുൻ പ്രസിഡന്റ് ), കൂടാതെ യൂവജന പ്രതിനിധികളായി ആദിത്യ വിഷ്ണു , ദിവ്യ ഓലിക്കൽ , ശ്രേയ വിനോദ് , ഗ്ലോറിയാ ജെയ്സൺ എന്നിവരെയും തിരഞ്ഞെടുത്തു. മാനിട്ടോബ മലയാളി അസോസിയേഷൻ മലയാളികൾക്കിടയിൽ കഴിഞ്ഞ നാളുകളിൽ ചെയ്ത പ്രവർത്തനങ്ങൾ…

ഉക്രെയ്നില്‍ ‘വംശഹത്യ’ നടക്കുന്നു എന്ന ജോ ബൈഡന്റെ അവകാശവാദത്തെ യുഎസ് മാധ്യമങ്ങൾ ചൊദ്യം ചെയ്തു

ന്യൂയോര്‍ക്ക്: ഉക്രെയ്നിൽ റഷ്യ വംശഹത്യ നടത്തുകയാണെന്ന യുഎസ് പ്രസിഡന്റ് ജോ ബൈഡന്‍ കഴിഞ്ഞയാഴ്ച നടത്തിയ അശ്രദ്ധമായ ആരോപണം അമേരിക്കയിലെ ചാര ഏജൻസികൾ തള്ളിക്കളയാത്തത് വൈറ്റ് ഹൗസ് ഉദ്യോഗസ്ഥർക്കിടയിൽ സംശയത്തിന്റെ കരിനിഴല്‍ വീഴ്ത്തിയതായി പ്രാദേശിക മാധ്യമങ്ങൾ റിപ്പോർട്ട് ചെയ്തു. വംശഹത്യയുടെ അവകാശവാദം “യുഎസ് രഹസ്യാന്വേഷണ ഏജൻസികൾ ശേഖരിച്ച വിവരങ്ങളാൽ ഇതുവരെ സ്ഥിരീകരിക്കപ്പെട്ടിട്ടില്ല,” മുതിർന്ന അഡ്മിനിസ്ട്രേഷൻ ഉദ്യോഗസ്ഥരെ ഉദ്ധരിച്ച് മുഖ്യധാരാ എൻബിസി ന്യൂസ് റിപ്പോർട്ട് ചെയ്തു. ബൈഡന്റെ അവകാശവാദം “ഏജൻസിക്ക് അതിന്റെ ജോലി വിശ്വസനീയമായി ചെയ്യുന്നത് ബുദ്ധിമുട്ടാക്കി” എന്ന് രണ്ട് സ്റ്റേറ്റ് ഡിപ്പാർട്ട്‌മെന്റ് ഉദ്യോഗസ്ഥരെ ഉദ്ധരിച്ച് വാര്‍ത്താ ശൃംഖല റിപ്പോര്‍ട്ട് ചെയ്തു. വംശഹത്യയും മറ്റ് യുദ്ധക്കുറ്റങ്ങളും ഔപചാരികമായി നിർണ്ണയിക്കേണ്ടത് ഡിപ്പാർട്ട്‌മെന്റാണ്. “വംശഹത്യയിൽ ഒരു വംശീയ വിഭാഗത്തെയോ രാഷ്ട്രത്തെയോ നശിപ്പിക്കുക എന്ന ലക്ഷ്യവും ഉൾപ്പെടുന്നു. ഇതുവരെ നമ്മൾ കണ്ടത് അതൊന്നുമല്ല,” പേര് വെളിപ്പെടുത്താത്ത ഒരു യുഎസ് രഹസ്യാന്വേഷണ ഉദ്യോഗസ്ഥനെ ഉദ്ധരിച്ച് വാര്‍ത്താ…

പ്രത്യാശയുടെ സന്ദേശം നല്‍കുന്ന ഈസ്റ്റര്‍ (എഡിറ്റോറിയല്‍)

ക്രൈസ്തവരുടെ ഏറ്റവും വലിയ തിരുനാളാണ് ഈസ്റ്റര്‍. അവരുടെ വിശ്വാസ ജീവിതത്തിന്റെ അടിസ്ഥാനവുമതാണ്. യേശുവിന്റെ കാലത്തെ മതത്തിന്റേയും രാഷ്ട്രീയത്തിന്റേയും കാഴ്ചപ്പാടില്‍ കുറ്റക്കാരനായി വിധിച്ച് ക്രൂശിച്ചവനെ ദൈവം ഉയര്‍പ്പിച്ചു എന്നതിന്റെ ഓര്‍മ്മയാഘോഷമാണ് ഈസ്റ്റര്‍. ലോകത്തിന്റെ വിധി ദൈവം തിരുത്തിയതിന്റെ ഓര്‍മ്മ. അധികാരത്തിന്റെ ബലത്തിലും ആള്‍ക്കൂട്ടത്തിന്റെ ഒച്ചവെയ്ക്കലിലും യേശു കുറ്റക്കാരനാക്കപ്പെട്ടു. പക്ഷെ, യേശുവിന്റേത് ദൈവത്തിന്റെ വഴിയായിരുന്നു എന്ന് ദൈവം പ്രഖ്യാപിച്ചു. സത്യാധിഷ്ഠിതമല്ലാത്ത ജനാധിപത്യത്തിന്റെയും ആള്‍ബലത്തിന്റേയും പേരില്‍ ഇന്നും ഇത്തരം ക്രൂശിക്കലുകളും പീഡനങ്ങളും നടക്കുന്നുണ്ട്. പൊതുജനാഭിപ്രായമോ ഭൂരിപക്ഷമോ അല്ല സത്യം സൃഷ്ടിക്കുന്നത്. സത്യത്തോടു വിധേയത്വം പുലര്‍ത്താത്തപ്പോള്‍ നമ്മുടെ വിധികളും അഭിപ്രായങ്ങളും യേശുവിനെ ക്രൂശിക്കുന്നവരുടേതുപോലെയാകാം. ആത്യന്തികമായ വിജയം ദൈവത്തിന്റേതാണ്. ദൈവം സത്യത്തെ വിജയത്തിലെത്തിക്കും. ഈ പ്രതീക്ഷയും വിശ്വാസവുമാണ് ഈസ്റ്റര്‍ നല്‍കുന്നത്. മാനവ രക്ഷകനായ യേശുക്രിസ്തു സ്നേഹം പൂര്‍ണ്ണമായും വെളിപ്പെടുത്തിയത് കുരിശിലെ ബലിയിലൂടെയാണ്. പാപത്തിന്റേയും മരണത്തിന്റേയും മേലുള്ള മനുഷ്യന്റെ വിജയത്തിന് ഉറപ്പുനല്‍കിയ സംഭവമാണ് യേശുവിന്റെ ഉയിര്‍പ്പ്.…

120 വര്‍ഷം തടവ് ശിക്ഷയ്ക്ക് വിധിക്കപ്പെട്ടയാള്‍ 24 വര്‍ഷത്തിനുശേഷം നിരപരാധി; ഒരു മില്യന്‍ നഷ്ടപരിഹാരം

മില്‍വാക്കി: രണ്ടു ഭവനഭേദനം, ലൈംഗീകപീഡനം തുടങ്ങിയ കേസുകളില്‍ പ്രതിയായ ഡാറില്‍ ഡ്വയ്ന്‍ ഹോളൊവെക്ക് കോടതി വിധിച്ചത് 120 വര്‍ഷത്തെ തടവ് ശിക്ഷ. 1993-ല്‍ നടന്ന സംഭവത്തില്‍ ശിക്ഷ വിധിക്കുമ്പോള്‍ ഹൊളോവെയുടെ വയസ് 48. ഇരുപത്തിനാല് വര്‍ഷം തടവില്‍ കഴിഞ്ഞ പ്രതി നിരപരാധിയെന്ന് വിദഗ്ധ പരിശോധനകളില്‍ കണ്ടെത്തി വിട്ടയ്ക്കാന്‍ കോടതി വിധിച്ചത് 2022 ഏപ്രില്‍ 14-നാണ്. വിസ്‌കോണ്‍സിന്‍ ക്ലെയിംസ് ബോര്‍ഡ് ഏപ്രില്‍ 15-ന് വിസ്‌കോണ്‍സിന്‍ നിയമസഭയോട് ഹൊളോവെയ്ക്ക് ഒരു മില്യന്‍ നഷ്ടപരിഹാരം നല്‍കണമെന്ന നിര്‍ദേശം നല്കി. ബോര്‍ഡ് അംഗങ്ങള്‍ ഐക്യകണ്‌ഠ്യേനയായിരുന്നു തീരുമാനത്തില്‍ എത്തിച്ചേര്‍ന്നത്. ഇത്രയും തുക നല്‍കണമെങ്കില്‍ നിയമസഭ പ്രത്യേകം യോഗം ചേര്‍ന്ന് ബില്‍ പാസാക്കണം. വിസ്‌കോണ്‍സിന്‍ നിയമമനുസരിച്ച് നഷ്ടപരിഹാരമായി ഈ കേസില്‍ നല്‍കാവുന്നത് 25,000 ഡോളറാണ്. ഇതുകൂടാതെ അറ്റോര്‍ണി ഫീസായി 100,000 ഡോളറും നല്‍കണം. 25,000 ഡോളര്‍ ഒരു മില്യന്‍ ഡോളറാക്കി മാറ്റുന്നതിന് ശേഷിക്കുന്ന (975,000) തുകയ്ക്ക്…

ഈസ്റ്റർ, സഹനത്തെ അർത്ഥവത്താക്കുന്ന ഉത്ഥാനം; തിയോഡോഷ്യസ് മാർത്തോമാ മെത്രാപ്പോലീത്ത

ഡാളസ്: യേശുക്രിസ്തു ഉയർത്തെഴുന്നേറ്റിരിക്കുന്നുവെന്നതാണ് ഈസ്റ്ററിന്റെ എക്കാലത്തെയും സന്ദേശം. ഉയിര്‍പ്പ് മരണത്തിന്റെ ശക്തിയിന്മേലുള്ള വിജയമാണ്. ജീവന്റെ സാധ്യതയെ ഹനിക്കുവാൻ ഒരു ശക്തിക്കും സാധിക്കുകയില്ല. കല്ലറയുടെ മൂടിയും, വലിയ കല്ലും, മുദ്രയും താത്കാലികമായി ക്രിസ്തു ശരീരത്തെ മറെച്ചുവെങ്കിലും എന്നേക്കുമായി ഇല്ലാതാക്കുവാൻ അതിനായില്ല. എത്ര തമസ്കരിച്ചാലും സത്യം ഒരിക്കലും പരാജയപ്പെടില്ല അത് വിജയിക്കുകതന്നെ ചെയ്യും എന്ന് ഉത്ഥാനം വെളിവാക്കുന്നു. നന്മയെ ആദ്യന്തികമായി പരാജയപ്പെടുത്തുവാൻ ആർക്കും കഴിയില്ല. ഈസ്റ്റർ ലില്ലി ഈ നാളുകളിൽ പുഷ്പിച്ചു നില്‍ക്കുന്നത് ഒരു സാധാരണ കാഴ്ചയാണ്. എത്ര പട്ടുപോയി എന്ന് കരുതിയാലും വെള്ളവും വളവും ഉൾപ്പെടെയുള്ള അനുകൂല സാഹചര്യങ്ങൾ ലഭ്യമായില്ലെങ്കിലും ഈസ്റ്റർ സീസണിൽ അത് പൂവണിയും. ഒരു തരത്തിൽ ഇത് പ്രകൃതിയുടെ നിയമമാണ്. ബാഹ്യ ഇടപെടലുകളല്ല അതിനെ ജീവിപ്പിക്കുന്നത്. മറിച്ച് ആന്തരികമായ ഒരു ശക്തി അതിനു നൽകപ്പെട്ടിരിക്കുന്നു. ഉത്ഥാരണത്തിന്റെ ശക്തി ആന്തരികമാണ്. പുറത്തുനിന്നും ആർക്കും അതിനെ പരാജയപ്പെടുത്താൻ ആവില്ല.…

ഈസ്റ്റര്‍ വിഭവങ്ങള്‍ (അടുക്കള)

1. പാലപ്പം മാവുണ്ടാക്കുന്നതിന് 2 കപ്പ് പച്ചരി വെള്ളം ചേര്‍ത്ത് നല്ലവണ്ണം അരയ്ക്കുക. കാല്‍ കപ്പ് ചോറു ചേര്‍ത്തശേഷം മാവ് മയമുള്ളതാകുന്നതുവരെ ഏതാനും മിനിട്ടുകള്‍ കൂടി വീണ്ടും അരയ്ക്കുക. മാവിന്റെ മൂന്നിരട്ടി കൊള്ളുന്ന ഒരു വലിയ കോപ്പയിലേക്കു മാവ് പകരുക. ഒരു തേങ്ങയുടെ പാലും പാകത്തിന് ഉപ്പും രണ്ട് സ്പൂണ്‍ പഞ്ചസാരയും ചേര്‍ക്കുക. അരഗ്ലാസ്സ് ചൂടു പാലില്‍ ഒരു നുള്ള് യീസ്റ്റ് കലക്കി ഇതും മാവിലേക്കു യോജിപ്പിക്കുക. മൂടിയശേഷം മാവ് പുളിച്ചുപൊങ്ങാന്‍ മാറ്റിവയ്ക്കുക. പിന്നീട് മാവ് 2 കപ്പ് വെള്ളം ചേര്‍ത്തു നീട്ടുക. പാലപ്പമുണ്ടാക്കുന്നത് അപ്പച്ചട്ടിയില്‍ ചെറുതായി മയം പുരട്ടി വലിയ തീയില്‍ വച്ചു ചൂടാക്കുക. തീ കുറച്ച് ഇടത്തരത്തിലാക്കിയശേഷം ചട്ടിയിലേക്ക് 1/2 കപ്പ് മാവ് ഒഴിച്ച് ചട്ടി ഒന്നു പതിയെ ചുറ്റിക്കുക. മാവ് അരികിലൂടെ പറ്റിപ്പിടിച്ച് ഒടുവില്‍ മധ്യഭാഗത്തെത്തും. ചട്ടി മൂടിയശേഷം അപ്പത്തിന്റെ ചുറ്റുമുള്ള ”ലേസ്”…

റഷ്യൻ എസ് 400 ഉക്രേനിയൻ എംഐ -8 ഹെലികോപ്റ്റർ വെടിവച്ചു വീഴ്ത്തി

തങ്ങളുടെ അത്യാധുനിക എസ്-400 വിമാനവേധ മിസൈൽ സംവിധാനം ഉക്രേനിയൻ എംഐ-8 ഹെലികോപ്റ്റർ വെടിവെച്ചിട്ടതായി റഷ്യ അവകാശപ്പെട്ടു. സോവിയറ്റ് കാലഘട്ടത്തിൽ നിർമ്മിച്ച യൂട്ടിലിറ്റി ട്രാൻസ്പോർട്ട് ഹെലികോപ്റ്റർ റഷ്യൻ, ബെലാറഷ്യൻ അതിർത്തികളിൽ നിന്ന് വളരെ അകലെയല്ലാത്ത വടക്കുകിഴക്കൻ ഉക്രെയ്നിലാണ് വെടിവെച്ചിട്ടത്. റഷ്യൻ പ്രതിരോധ മന്ത്രാലയം പറയുന്നതനുസരിച്ച്, വ്യാഴാഴ്ച റഷ്യൻ നിവാസികൾക്ക് നേരെ അതിർത്തി കടന്നുള്ള ആക്രമണത്തിൽ അതേ ഉക്രേനിയൻ എംഐ -8 ഹെലികോപ്റ്റർ തന്നെ കൈവ് ഉപയോഗിച്ചിരുന്നു. “ഉക്രേനിയൻ എംഐ -8 ഹെലികോപ്റ്റർ, ചെർനിഹിവ് മേഖലയിലെ ഗൊറോഡ്നിയ പ്രദേശത്ത്, വ്യോമതാവളത്തിലേക്ക് മടങ്ങുന്നതിനിടെ റഷ്യൻ വ്യോമ പ്രതിരോധ സംവിധാനങ്ങൾ വെടിവച്ചു വീഴ്ത്തി,” റഷ്യൻ പ്രതിരോധ മന്ത്രാലയത്തിന്റെ പ്രതിനിധി മേജർ ജനറൽ ഇഗോർ കൊനാഷെങ്കോവ് തന്റെ ദൈനംദിന ബ്രീഫിംഗിൽ പറഞ്ഞു. ഉക്രേനിയൻ എയർഫോഴ്‌സിന്റെ എസ്യു-27 യുദ്ധവിമാനം ഖാർകിവ് മേഖലയിൽ വെടിവെച്ചിട്ടതിനു പുറമേ, കഴിഞ്ഞ 24 മണിക്കൂറിനുള്ളിൽ എട്ട് ഉക്രേനിയൻ ആളില്ലാ വിമാനങ്ങളും റഷ്യൻ…

ഉക്രെയ്ന് യു എസിന്റെ സൈനിക സഹായം: പ്രവചനാതീതമായ പ്രത്യാഘാതങ്ങളെക്കുറിച്ച് റഷ്യയുടെ മുന്നറിയിപ്പ്

വാഷിംഗ്ടണ്‍: ഉക്രൈനിലേക്ക് ആയുധങ്ങൾ അയക്കുന്നതിനെതിരെ അമേരിക്കയ്ക്കും മറ്റ് സഖ്യകക്ഷികൾക്കും റഷ്യയുടെ ഔദ്യോഗിക മുന്നറിയിപ്പ്. മോസ്കോയിൽ നിന്നുള്ള ഔപചാരിക നയതന്ത്ര ആശയവിനിമയത്തിന്റെ രൂപത്തിലാണ് മുന്നറിയിപ്പ് വന്നത്. അതിന്റെ പകർപ്പ് അമേരിക്കയിലെ മാധ്യമങ്ങൾക്ക് ലഭിച്ചു. വാഷിംഗ്ടണിലെ റഷ്യൻ എംബസി യുഎസ് സ്റ്റേറ്റ് ഡിപ്പാർട്ട്‌മെന്റിന് കൈമാറിയ രണ്ട് പേജുള്ള നയതന്ത്ര പ്രസ്താവനയിൽ, യുഎസിന്റെയും നേറ്റോയുടെയും ആയുധ വിതരണങ്ങൾ ഉക്രെയ്‌നിലെ സ്ഥിതിഗതികൾക്ക് “ഇന്ധനം” നൽകുന്നുണ്ടെന്നും അതിന്റെ അനന്തരഫലങ്ങൾ “പ്രവചനാതീതമായിരിക്കുമെന്നും” മുന്നറിയിപ്പ് നൽകുന്നുവെന്നും റഷ്യൻ നയതന്ത്രജ്ഞർ പറഞ്ഞു. ഉക്രെയ്നിനായുള്ള പുതിയ യുഎസ് സൈനിക സഹായ പദ്ധതിയെക്കുറിച്ചുള്ള വാർത്തകൾ പ്രചരിക്കാൻ തുടങ്ങിയതോടെ ചൊവ്വാഴ്ചയാണ് പ്രസ്താവന വന്നത്. ഉക്രെയ്‌നിൽ റഷ്യയുടെ സൈനിക ശക്തിയുമായി പൊരുത്തപ്പെടുക എന്ന ലക്ഷ്യത്തോടെ, ആദ്യമായി, ഹോവിറ്റ്‌സർ പോലുള്ള ദീർഘദൂര പീരങ്കി ആയുധങ്ങൾ ഉൾപ്പെടെ, 800 മില്യൺ ഡോളർ സൈനിക സഹായത്തിനാണ് പ്രസിഡന്റ് ബൈഡൻ അംഗീകാരം നൽകിയത്. ഈ ഏറ്റവും പുതിയ സൈനിക സഹായ…

പ്രവാസി സംഘടനകൾക്ക് മാതൃകയായി ഫോമാ ഫാമിലി ടീമിന്റെ ‘മീറ്റ് ആന്റ് ഗ്രീറ്റ്’ പര്യടനം

ന്യൂയോര്‍ക്ക്: ലോകത്തിന്റെ നാനാ കോണിലുള്ള സംഘടനകൾക്കും മാതൃകയായി 2022 -24 ഫാമിലി ടീമിന്റെ ‘മീറ്റ് ആന്റ് ഗ്രീറ്റ്’ പര്യടനം. ഓരോ സ്ഥാനാർഥികളും തങ്ങളെ തിരഞ്ഞെടുക്കേണ്ട ജനങ്ങൾക്കിടയിലേക്ക് കുടുംബസമേതം നടന്നടുക്കുക എന്ന ആശയമാണ് മീറ്റ് ആന്റ് ഗ്രീറ്റിലൂടെ ജെയിംസ് ഇല്ലിക്കലിന്റെ നേതൃത്വത്തിലുള്ള ഫോമ ഫാമിലി ടീം ലക്ഷ്യം വച്ചത്. ലോകത്ത് ഇതുവരേയ്ക്കും പരീക്ഷിക്കപ്പെട്ടിട്ടില്ലാത്ത ഒന്നാണിത്. ഈ ജനകീയമായ ഒരു പരിപാടിയ്ക്ക് നേതൃത്വം നൽകിയ ഫോമ ഫാമിലി ടീമിന് വലിയ പിന്തുണയാണ് ഇപ്പോൾ ലഭിച്ചുകൊണ്ടിരിക്കുന്നത്. ജനങ്ങൾക്കിടയിലേക്ക് പൂർണ്ണമായും ഇറങ്ങി ചെല്ലുന്നതിനെയാണല്ലോ ജനാധിപത്യം എന്ന് പറയുന്നത്. അത് പൂർണ്ണമായും നടപ്പിലാക്കുകയാണ് ഇല്ലിക്കലും സംഘവും .. ജെയിംസ് ഇല്ലിക്കല്‍ നേതൃത്വം നല്‍കുന്ന സ്ഥാനാർഥികൾ അടങ്ങിയ സംഘം അമേരിക്കയിലെ വിവിധ ഭാഗങ്ങളില്‍ സഞ്ചരിച്ച് ഫോമാ അംഗ സംഘടനകളുടെ പ്രതിനിധികളുമായി ആശയവിനിമയം നടത്തുകയും തങ്ങളുടെ വരാനിരിക്കുന്ന നയപരിപാടികള്‍ വിശദീകരിക്കുകയും അംഗങ്ങളുടെ സംശയങ്ങള്‍ക്ക് കൃത്യമായ മറുപടികൾ നല്‍കുകയും…