Category: AMERICA

ഡെന്റൺ:ഡെന്റണിൽ പോലീസിനു നേരെ ഇരുമ്പ് വടികൊണ്ട് ആക്രമണത്തിന് മുതിർന്നയാൾ വെടിയേറ്റ് മരിച്ചു അമേരിക്കയിലെ ടെക്സസിലുള്ള ഡെന്റണിലെ പിക്കിൾബോൾ കോർട്ടിൽ ഞായറാഴ്ച ഉച്ചയോടെയാണ് സംഭവം നടന്നത്. മദ്യപിച്ച നിലയിലുള്ള ഒരാളെക്കുറിച്ച് ലഭിച്ച പരാതിയെത്തുടർന്ന് സ്ഥലത്തെത്തിയതായിരുന്നു പോലീസ്. കൈയ്യിൽ ഇരുമ്പ് വടിയുമായി കോർട്ടിന് മുകളിലെ വേലിയിൽ കയറി നിന്ന വ്യക്തി, തന്നെ കൊല്ലാൻ പോലീസിനെ വെല്ലുവിളിക്കുകയും ഭീഷണിപ്പെടുത്തുകയും ചെയ്തു. പോലീസുകാർ അനുനയിപ്പിക്കാൻ ശ്രമിച്ചെങ്കിലും ഇയാൾ വേലിയിൽ നിന്ന് താഴെയിറങ്ങി ഇരുമ്പ് വടിയുമായി ഉദ്യോഗസ്ഥർക്ക് നേരെ പാഞ്ഞടുത്തു. പ്രതിയെ തടയാൻ ടേസർ (Taser) തോക്ക് ഉപയോഗിച്ചെങ്കിലും ഫലമുണ്ടായില്ല. തുടർന്ന് മറ്റൊരു ഉദ്യോഗസ്ഥൻ വെടിയുതിർക്കുകയായിരുന്നു. പരിക്കേറ്റയാളെ ഉടൻ ആശുപത്രിയിൽ എത്തിച്ചെങ്കിലും മരണം സംഭവിച്ചു. ഇയാളുടെ പേരുവിവരങ്ങൾ പുറത്തുവിട്ടിട്ടില്ല. സംഭവത്തിൽ ഉദ്യോഗസ്ഥർക്കോ മറ്റ് ആളുകൾക്കോ പരിക്കേറ്റിട്ടില്ല. വെടിയുതിർത്ത ഉദ്യോഗസ്ഥനെ ഔദ്യോഗിക നടപടികളുടെ ഭാഗമായി അവധിയിൽ പ്രവേശിപ്പിച്ചു. ടെക്സസ് റേഞ്ചേഴ്‌സ് (Texas Rangers) സംഭവത്തിൽ അന്വേഷണം…

ടാമ്പ: മലയാളി അസോസിയേഷന്‍ ഓഫ് ടാമ്പായുടെ പ്രവര്‍ത്തനോദ്ഘാടനം വൈവിദ്ധ്യമാര്‍ന്നതും വര്‍ണ്ണോജ്വലവുമായ കലാപരിപാടികള്‍ കൊണ്ടും വമ്പിച്ച ജനപങ്കാളിത്തം കൊണ്ടും അസ്സോസിയേഷന്റെ ചരിത്രത്തില്‍ പുതിയൊരു അദ്ധ്യായം എഴുതിച്ചേര്‍ത്തു. ഫെബ്രുവരി 28 ശനിയാഴ്ച വൈകീട്ട് 6 മണിയോടുകൂടിയാണ് ടാമ്പാ ക്നാനായ കമ്മ്യൂറ്റി സെന്‍ററില്‍ ആഘോഷ പരിപാടികള്‍ക്കു തുടക്കമായത്. അമേരിക്കയുടെ വിവിധ സംസ്ഥാനങ്ങളില്‍ നിന്ന് എത്തിച്ചേര്‍ന്ന സാംസ്കാരിക-സാമുദായിക പ്രതിനിധികളുടെയും, ഫൊക്കാന, ഫോമാ പ്രതിനിധികളുടെയും സാന്നിദ്ധ്യം ശ്രദ്ധേയമായി. മുന്‍ പ്രസിഡന്റ് ജോണ്‍ കല്ലോലിക്കല്‍ തന്‍റെ ആമുഖ പ്രസംഗത്തിനുശേഷം നിയുക്ത ഭാരവാഹികളെ സ്റ്റേജിലേക്കു ക്ഷണിച്ചു. വിശിഷ്ടാതിഥികളായി എത്തിയ ഡോ. സൗമ്യ വിശ്വനാഥ്, ഗിരീഷ് നാരായണന്‍ എന്നിവരോടൊപ്പം വാദ്യഘോഷങ്ങളുടെ അകമ്പടിയോടെ പുതുതായി തെരഞ്ഞെടുക്കപ്പെട്ട പ്രസിഡന്റ് ബിജോയ് ജോസഫും കമ്മിറ്റി അംഗങ്ങളും വേദിയിലെത്തി. മുന്‍ പ്രസിഡന്റ് ശ്രീമതി സുനിതാ ഫ്ളൗവര്‍ഹില്‍ ചൊല്ലിക്കൊടുത്ത സത്യവാചകം ഏറ്റുചൊല്ലി അവര്‍ ചുമതലയേറ്റു. ക്ഷണിക്കപ്പെട്ട അതിഥികളോടൊപ്പം ഭദ്രദീപം തെളിയിച്ചതിനുശേഷം പ്രസിഡന്റ് ബിജോയ് ജോസഫ് തന്നില്‍…

നോർവേയുടെ തലസ്ഥാനമായ ഓസ്ലോയിലെ യുഎസ് എംബസിക്ക് സമീപം ഞായറാഴ്ച പുലർച്ചെ സ്ഫോടനം ഉണ്ടായതായി റിപ്പോര്‍ട്ട്. സ്ഫോടനത്തിൽ ചെറിയ നാശനഷ്ടങ്ങൾ സംഭവിച്ചെങ്കിലും ആർക്കും പരിക്കില്ല. സംഭവത്തെക്കുറിച്ച് പോലീസ് അന്വേഷണം നടത്തിവരികയാണ്. ഓസ്ലോ: നോർവേയുടെ തലസ്ഥാനമായ ഓസ്ലോയിൽ ഞായറാഴ്ച പുലർച്ചെ ഉണ്ടായ സ്ഫോടനത്തില്‍ പ്രദേശമാകെ ആശങ്കയും പരിഭ്രാന്തിയും സൃഷ്ടിച്ചു. ഓസ്ലോയിലെ യുഎസ് എംബസി സമുച്ചയത്തിന് സമീപമാണ് സ്ഫോടനം നടന്നത്. സംഭവത്തിൽ ആർക്കും പരിക്കേറ്റിട്ടില്ലെന്നാണ് റിപ്പോര്‍ട്ട്. സ്ഫോടനത്തിൽ ചെറിയ നാശനഷ്ടങ്ങൾ സംഭവിച്ചതായി പ്രാഥമിക റിപ്പോർട്ടുകൾ സൂചിപ്പിക്കുന്നു, എന്നാൽ സുരക്ഷാ ഏജൻസികൾ ഉടൻ തന്നെ പ്രദേശം വളഞ്ഞ് അന്വേഷണം ആരംഭിച്ചു. ഞായറാഴ്ച പുലർച്ചെ ഒരു മണിയോടെയാണ് സംഭവം നടന്നതെന്ന് പ്രാദേശിക മാധ്യമങ്ങളും ഉദ്യോഗസ്ഥരും റിപ്പോർട്ട് ചെയ്തു. ആ സമയത്ത് പരിസര പ്രദേശം താരതമ്യേന ശാന്തമായിരുന്നു. സ്ഫോടനത്തിന് ശേഷം കുറച്ചു നേരം എംബസിയിൽ നിന്ന് പുക ഉയരുന്നത് കണ്ടതായി ദൃക്‌സാക്ഷികൾ റിപ്പോർട്ട് ചെയ്തു, ഇത്…

ചിക്കാഗോ: ബെൻസൻവിൽ സേക്രഡ് ഹാർട്ട് ഇടവകയിൽ വലിയ നോമ്പിനോടനുബന്ധിച്ച് വാർഷികധ്യാനം മാർച്ച് 13 മുതൽ 15 വരെ നടത്തപ്പെടുന്നു. പ്രശസ്ത ധ്യാനഗുരുവും വയനാട്ടിലുള്ള മക്കിയാട് ബെനഡിക്റ്റൈൻ ധ്യാനമന്ദിരത്തിൻ്റെ ഡയറക്ടറുമായ ഫാ. ജോയ് ചെമ്പകശ്ശേരിയാണ് മുതിർന്നവർക്കായുള്ള ദിവ്യകാരുണ്യആത്മാഭിഷേകധ്യാനത്തിന് നേതൃത്വം നൽകുന്നത്. കുട്ടികൾക്കുംയുവജനങ്ങൾക്കുമായി അനോയ്‌ൻ്റിങ് ഫയർ കാത്തലിക് യൂത്ത് മിനിസ്ട്രിയുടെ ആഭിമുഖ്യത്തിൽ ധ്യാനശുശ്രൂഷകൾ പ്രത്യേകമായി ക്രമീകരിച്ചിട്ടുണ്ടെന്നും വികാരി ഫാ. അബ്രാഹം കളരിയ്ക്കൽ അറിയിച്ചു. ട്രസ്റ്റിമാരായ തോമസ് കുന്നുംപുറത്ത്, മത്തിയാസ് പുല്ലാപ്പള്ളി, അബ്രാഹം അരീച്ചിറയിൽ, ജെയ്മോൻ പടിഞ്ഞാറേൽ, എബിൻ കുളത്തിൽകരോട്ട് എന്നിവർ ധ്യാനക്രമീകരണങ്ങൾക്ക് നേതൃത്വം നൽകും. നോമ്പിൻ്റെ ചൈതന്യമുൾക്കൊണ്ട് ആത്മവിശുദ്ധീകരണത്തിനും ജീവിതനവീകരണത്തിനുമുതകുന്ന ഈ ധ്യാനത്തിൽ മുഴുവൻ സമയവും പങ്കെടുത്ത് ഈസ്റററിനൊരുങ്ങാൻ എല്ലാ ഇടവകാംഗങ്ങൾക്കും കഴിയട്ടെ എന്നു പ്രാർത്ഥിയ്ക്കുന്നതായും കുട്ടികളുടെയുംയുവജനങ്ങളുടെയും ധ്യാനദിവസങ്ങളായ ശനി, ഞായർ ദിവസങ്ങളിൽ അവരുടെ സാന്നിദ്ധ്യം മാതാപിതാക്കൾ ഉറപ്പുവരുത്തണമെന്നും വികാരി ഫാ. അബ്രാഹം കളരിയ്ക്കൽ ഓർമിപ്പിച്ചു.