Category: KERALA

തിരുവനന്തപുരം: ഡിസംബർ 16 ശനിയാഴ്ച വൈകുന്നേരം കാലിക്കറ്റ് സർവകലാശാലാ കാമ്പസിൽ വരുന്നതിനെതിരെ പ്രതിഷേധിക്കുന്ന സ്റ്റുഡന്റ്സ് ഫെഡറേഷൻ ഓഫ് ഇന്ത്യ (എസ്എഫ്ഐ) പ്രവർത്തകർക്ക് മുന്നറിയിപ്പുമായി ഗവര്‍ണ്ണര്‍ ആരിഫ് മുഹമ്മദ് ഖാന്‍. തന്റെ കാർ തടയാൻ ശ്രമിച്ചാൽ എസ്എഫ്‌ഐ പ്രവർത്തകർ വിവരമറിയുമെന്ന് ഡൽഹിയിൽ മാധ്യമപ്രവർത്തകരോട് സംസാരിക്കവെ അദ്ദേഹം പറഞ്ഞു. “അവർ എന്നെ തടയണം, എന്റെ വാഹനമല്ല,” അദ്ദേഹം പറഞ്ഞു. അതേസമയം, എസ്എഫ്‌ഐയും ഗവർണറുമായി ഏറ്റുമുട്ടലിന് തയ്യാറായിരിക്കുകയാണ്. ചാൻസലറെ ഇവിടെ സ്വാഗതം ചെയ്യുന്നില്ലെന്നും തിരികെ പോകണമെന്നും ആവശ്യപ്പെട്ട് വിദ്യാർത്ഥി സംഘടന കാമ്പസിൽ കറുത്ത ബാനറുകൾ കെട്ടി. കേരളത്തിലെയും കോഴിക്കോട് സർവ്വകലാശാലകളിലെയും സെനറ്റുകളെ സംഘപരിവാർ നോമിനികളാൽ ഒതുക്കാനുള്ള ഗവര്‍ണ്ണറുടെ ശ്രമത്തിനെതിരെ ചാൻസലർക്കെതിരായ പ്രകടനങ്ങൾ “ജനാധിപത്യപരമായ വിയോജിപ്പിന്റെ” നടപടിയായിരിക്കുമെന്ന് എസ്എഫ്‌ഐ പറഞ്ഞു. എസ്എഫ്ഐ പ്രവർത്തകർ അദ്ദേഹത്തിന്റെ കാർ തടയില്ല. പ്രവർത്തകർ കരിങ്കൊടി വീശുകയും മുദ്രാവാക്യം വിളിക്കുകയും ചെയ്യും. അതേസമയം, സംസ്ഥാന പോലീസ് കാമ്പസിനെ കനത്ത…

പാലക്കാട്: 1991ൽ വീട്ടുമുറ്റത്ത് വെച്ച് കളിക്കവേ പോലീസ് വെടിയേറ്റ് കൊല്ലപ്പെട്ട പതിനൊന്നുകാരി സിറാജുന്നീസയുടെ 32-ാം രക്തസാക്ഷിത്വ ദിനത്തോടനുബന്ധിച്ച് ഫ്രറ്റേണിറ്റി മൂവ്മെന്റ് ജില്ലാ കമ്മിറ്റി അനുസ്മരണ സദസ്സ് സംഘടിപ്പിച്ചു. ‘ഇസ്ലാമോഫോബിയയുടെ ഇരയാണ് സിറാജുന്നീസ’ എന്ന തലക്കെട്ടിൽ സിറാജുന്നീസയുടെ രക്തസാക്ഷിത്വ മണ്ണായ പുതുപ്പള്ളിത്തെരുവിലാണ് പരിപാടി സംഘടിപ്പിച്ചത്. ഫ്രറ്റേണിറ്റി സംസ്ഥാന വൈസ് പ്രസിഡന്റ് അമീൻ റിയാസ് ഉദ്ഘാടനം നിർവഹിച്ചു. രാജ്യത്ത് നിലനിൽക്കുന്ന ഭരണകൂട, പോലീസ് ഭീകരതക്കെതിരെ പോരാടാനുള്ള പ്രചോദനമാണ് 3 പതിറ്റാണ്ടുകൾക്കു ശേഷവും സിറാജുന്നീസയുടെ ഓർമകൾ പകർന്നു നൽകുന്നതെന്ന് അദ്ദേഹം പറഞ്ഞു. ജില്ലാ പ്രസിഡന്റ് കെ.എം സാബിർ അഹ്സൻ അദ്ധ്യക്ഷത വഹിച്ചു. വെൽഫെയർ പാർട്ടി ജില്ലാ പ്രസിഡന്റ് പി.എസ് അബൂഫൈസൽ, പാലക്കാട് മുനിസിപ്പാലിറ്റി 32-ാം വാർഡ് കൗൺസിലർ എം. സുലൈമാൻ, കാജ ഹുസൈൻ, സലീൽ മുഹമ്മദ്, സിറാജുന്നീസയുടെ ബന്ധു സൗരിയത്ത് സുലൈമാൻ എന്നിവർ സംസാരിച്ചു.  

കൊച്ചി: അടിയന്തര അവധിയ്‌ക്കോ സാധാരണ പരോളിനോ വേണ്ടി തടവുകാരോ അവരുടെ ബന്ധുക്കളോ നൽകുന്ന അപേക്ഷകൾ പരിഗണിക്കാനും അത്തരം അപേക്ഷകൾ സ്വീകരിച്ച് മൂന്നാഴ്‌ചയ്‌ക്കുള്ളിൽ ഉചിതമായ തീരുമാനങ്ങളെടുക്കാനും ജയിൽ അധികാരികളോട് കേരള ഹൈക്കോടതി നിർദേശിച്ചു. ഉത്തരവിറക്കി ഒരാഴ്ചയ്ക്കകം എടുത്ത തീരുമാനം തടവുകാരെയും അവരുടെ ബന്ധുക്കളെയും ആവശ്യമെങ്കിൽ അറിയിക്കണമെന്നും ജസ്റ്റിസ് പി.വി. കുഞ്ഞികൃഷ്ണൻ നിർദേശിച്ചു. അടിയന്തര അവധി, സാധാരണ പരോൾ അപേക്ഷകൾ എന്നിവയിൽ തീരുമാനമെടുക്കുന്നതിന് മുമ്പ് ലോക്കൽ പോലീസിൽ നിന്ന് എന്തെങ്കിലും റിപ്പോർട്ട് ആവശ്യപ്പെട്ടാൽ, ജയിൽ അധികൃതരിൽ നിന്നുള്ള അപേക്ഷ ലഭിച്ച തീയതി മുതൽ ഒരാഴ്ചയ്ക്കകം ലോക്കൽ പോലീസ് റിപ്പോർട്ട് സമർപ്പിക്കണമെന്നും കോടതി ഉത്തരവിട്ടു. ഇതുമായി ബന്ധപ്പെട്ട് എല്ലാ ജയിൽ അധികാരികൾക്കും ആവശ്യമായ നിർദ്ദേശങ്ങൾ നൽകാൻ പ്രിസൺസ് ആൻഡ് കറക്ഷണൽ സർവീസസ് ഡയറക്ടർ ജനറലിനോട് കോടതി നിർദ്ദേശിച്ചു. ജീവപര്യന്തം തടവുശിക്ഷ അനുഭവിക്കുന്ന തൃശൂർ സ്വദേശി ഇരുമ്പൻ മനോജ് എന്ന മനോജിന്റെ ഭാര്യ…

മലപ്പുറം: ഇന്ന് (ഡിസംബർ 15ന്) വൈകീട്ട് മഞ്ചേരിയിൽ മിനി ബസ് ഓട്ടോറിക്ഷയിൽ ഇടിച്ച് രണ്ട് കുട്ടികളും രണ്ട് സ്ത്രീകളും ഉൾപ്പെടെ അഞ്ച് പേർ മരിക്കുകയും അഞ്ച് പേർക്ക് പരിക്കേൽക്കുകയും ചെയ്തു. പരിക്കേറ്റവരിൽ നാല് കുട്ടികളാണ്. അപകടത്തിൽ നാല് പേർ സംഭവസ്ഥലത്ത് വെച്ച് തന്നെ മരിച്ചു. മഞ്ചേരി-അരീക്കോട് റോഡിൽ ചെട്ടിയങ്ങാടിയിൽ വെച്ച് പള്ളന്നൂർ ഭാഗത്തേക്ക് പോവുകയായിരുന്ന ഓട്ടോറിക്ഷയുമായി കർണാടകയിൽ നിന്നുള്ള ശബരിമല തീർഥാടകർ സഞ്ചരിച്ച ബസാണ് കൂട്ടിയിടിച്ചത്. അരീക്കോട് ഭാഗത്തുനിന്ന് വരികയായിരുന്നു ബസ്. ഓട്ടോയിലുണ്ടായിരുന്ന നാലുപേരും ഓട്ടോ ഡ്രൈവറുമാണ് മരിച്ചത്. ഓട്ടോ ഡ്രൈവര്‍ പുത്തുപ്പറമ്പില്‍ അബ്ദുല്‍മജീദ് (55), യാത്രക്കാരായ മുഹ്‌സിന (35), തസ്‌നീമ (28), മകള്‍ മോളി (ഏഴ്), റെയ്‌സ (മൂന്ന്) എന്നിവരാണ് മരിച്ചത്. സാബിറ (58), മരിച്ച മുഹ്‌സിനയുടെ മക്കളായ മുഹമ്മദ് നിഷാദ് (11), അസ്ഹാ ഫാത്തിമ (നാല്), മുഹമ്മദ് അസാന്‍, റൈഹാന്‍ (ഒന്ന്) എന്നിവര്‍ക്കാണ് പരിക്കേറ്റത്.…

മക്കരപ്പറമ്പ : സോളിഡാരിറ്റി യൂത്ത് മൂവ്മെന്റ് മക്കരപ്പറമ്പ ഏരിയ സംഘടിപ്പിക്കുന്ന ഫലസ്തീൻ ഐക്യദാർഢ്യ റാലിയും പൊതുസമ്മേളനവും ഡിസംബർ 16ന് ശനിയാഴ്ച വൈകീട്ട് 05 മണിക്ക് മക്കരപ്പറമ്പിൽ നടക്കും. പരിപാടിയുടെ വിജയത്തിനായി സ്വാഗത സംഘം രൂപീകരിച്ചു. സ്വാഗതസംഘം ചെയർമാനായി എൻ.കെ അബ്ദുൽ അസീസ്, ജനറൽ കൺവീനറായി കെ ശബീർ വടക്കാങ്ങര കൺവീനറായി ലബീബ് മക്കരപ്പറമ്പ്, അസി: കൺവീനറായി ഹാനി കടുങ്ങൂത്ത് എന്നിവരെയും തെരെഞ്ഞെടുത്തു. വിവിധ വകുപ്പ് കൺവീനർമാരായി എൻ.കെ ശബീർ (പ്രോഗ്രാം), പി.പി ഹൈദരലി (പ്രചാരണം), കുഞ്ഞിമുഹമ്മദ് മുരിങ്ങേക്കൽ (ഗസ്റ്റ്), പി.കെ അബ്ദുൽ ഗഫൂർ (പ്രതിനിധി), സി.പി കുഞ്ഞാലൻ കുട്ടി (റാലി), അബ്ദുല്ല കാളാവ് (ഭക്ഷണം), കൂരി മുഹമ്മദലി (സ്റ്റേജ്), കുഞ്ഞിമുഹമ്മദ് മാസ്റ്റർ (നഗരി), വി.പി നൗഷാദ് (കലാ പരിപാടികൾ), ലത്തീഫ് കടുങ്ങൂത്ത് (വളണ്ടിയർ & ട്രാഫിക്), കുഞ്ഞവറ മാസ്റ്റർ (സാമ്പത്തികം), റബീ ഹുസൈൻ തങ്ങൾ (മീഡിയ) എന്നിവരെയും…

കൊല്ലം: നവകേരള സദസ് നടത്താനിരുന്ന മൈതാനം ചക്കുവള്ളി ക്ഷേത്രത്തിന്റേതല്ലെന്നും, പുറമ്പോക്ക് ഭൂമിയാണെന്നും സര്‍ക്കാര്‍ ഹൈക്കോടതിയില്‍ ബോധിപ്പിച്ചു. നവകേരള സദസ്സിനെതിരെ ക്ഷേത്രം നൽകിയ ഹർജി പരിഗണിക്കവെയാണ് സർക്കാർ ഇക്കാര്യം വ്യക്തമാക്കിയത്. പൂജാ ആവശ്യങ്ങൾക്കല്ലാതെ ക്ഷേത്രഭൂമി ഉപയോഗിക്കുന്നത് നിയമവിരുദ്ധമാണെന്ന് കാണിച്ചാണ് ചക്കുവള്ളി ക്ഷേത്രാങ്കണത്തിൽ നവകേരള സദസ് നടത്തുന്നതിനെതിരെ കോടതിയിൽ ഹർജി നൽകിയത്. കൊല്ലം കുന്നത്തൂർ മണ്ഡലത്തിലെ നവകേരള സദസ്സാണ് ഡിസംബര്‍ 18ന് ചക്കുവള്ളി ശ്രീ പരബ്രഹ്മക്ഷേത്രം മൈതാനത്ത് നടത്താനായി നിശ്ചയിച്ചിട്ടുള്ളത്. ഇതിനായി ക്ഷേത്ര മൈതാനത്തിന്റെയും ചുറ്റുമതിൽ പൊളിക്കാനും നീക്കം നടന്നിരുന്നു. ഭക്തരിൽ നിന്നും വലിയ പ്രതിഷേധമാണ് ഇതിനെതിരായി ഉണ്ടായത്. ഹിന്ദു ഐക്യവേദിയാണ് ക്ഷേത്ര മൈതാനത്ത് നവ കേരള സദസ്സ് നടത്തുന്നതിനെതിരായി കോടതിയെ സമീപിച്ചത്. നവകേരള സദസ്സ് നടത്താൻ ക്ഷേത്രഭൂമി വിട്ടുനൽകാൻ ദേവസ്വം ബോർഡ് അനുമതി നൽകിയ ഉത്തരവ് ഹാജരാക്കാൻ നേരത്തെ കോടതി ആവശ്യപ്പെട്ടിരുന്നു. ഇതിനെതിരെ സമർപ്പിച്ച മറുപടി സത്യവാങ്മൂലത്തിൽ ചക്കുവള്ളി…

കോഴിക്കോട്: ഗാര്‍ഹിക പീഡനത്തിന് ഇരയായി ആത്മഹത്യ ചെയ്ത യുവതിയുടെ ബന്ധുക്കളുടെ ജാമ്യാപേക്ഷ കോടതി തള്ളി കോഴിക്കോട് ഓര്‍ക്കാട്ടേരി സ്വദേശിനി ഷബ്നയാണ് ഭര്‍തൃവീട്ടുകാരുടെ പീഡനത്തെത്തുടര്‍ന്ന് ആത്മഹത്യ ചെയ്തത്. പോലീസ് അറസ്റ്റു ചെയ്ത് നിലവില്‍ റിമാന്റില്‍ കഴിയുന്ന പ്രതികളായ നാലു പേരുടെ ജാമ്യാപേക്ഷയാണ് കോഴിക്കോട് ജില്ലാ കോടതി തള്ളിയത്. എന്നാൽ, ഭാര്യാപിതാവിന്റെ പ്രായം പരിഗണിച്ച് കോടതി മുൻകൂർ ജാമ്യം അനുവദിച്ചിട്ടുണ്ട്. നിലവിൽ റിമാൻഡിൽ കഴിയുന്ന ഷബ്നയുടെ ഭർത്താവ് ഹബീബ്, ഭര്‍തൃമാതാവ് നബീസ, അമ്മാവൻ ഹനീഫ, ഭര്‍തൃസഹോദരി ഹഫ്സത്ത് എന്നിവരടക്കം നാല് പ്രതികളുടെ ജാമ്യാപേക്ഷയാണ് കോടതി തള്ളിയത്. ഭർത്താവിന്റെ അമ്മാവൻ ഹനീഫ ശാരീരികമായി ഉപദ്രവിച്ചെന്ന് ആരോപിച്ചാണ് ഷബ്‌ന ജീവനൊടുക്കിയത്. തുടക്കത്തിൽ, ഹനീഫയായിരുന്നു ഏക പ്രതി. ഷബ്നയെ ആക്രമിക്കുന്നതിന്റെ സിസിടിവി ദൃശ്യങ്ങൾ പുറത്തുവന്നതിന് ശേഷമായിരുന്നു അറസ്റ്റ് രേഖപ്പെടുത്തിയത്. അന്വേഷണത്തിന്റെ ആദ്യഘട്ടത്തിൽ മറ്റാരെയെങ്കിലും കേസിൽ ഉള്‍പ്പെടുത്താന്‍ പോലീസ് മടിച്ചിരുന്നു. എന്നാല്‍, പൊതു പ്രതിഷേധം ശക്തമായതോടെ,…

കൊച്ചി: എഞ്ചിനീയറിംഗ് വിദ്യാഭ്യാസമേഖലയില്‍ അന്തര്‍ദേശീയ-ആധുനിക സാങ്കേതിക കാഴ്ചപ്പാടോടുകൂടിയ സിലബസ് പരിഷ്‌കരണങ്ങളും പുതുതലമുറയ്ക്ക് രാജ്യാന്തര തൊഴില്‍ സാധ്യത നല്‍കുന്ന നൂതന കോഴ്സുകളും ആരംഭിക്കണമെന്ന് കാത്തലിക് എഞ്ചിനീയറിംഗ് കോളജ് മാനേജ്മെന്റ്സ് അസോസിയേഷന്‍. കൊച്ചി ആല്‍ബര്‍ട്ടെയിന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് ആന്റ് ടെക്നോളജിയില്‍ ചേര്‍ന്ന കാത്തലിക് എഞ്ചിനീയറിംഗ് കോളജ് മാനേജ്മെന്റ്സ് അസോസിയേഷന്‍ നേതൃസമ്മേളനം സാങ്കേതിക വിദ്യാഭ്യാസ മേഖലയിലെ വിവിധ പ്രശ്‌നങ്ങള്‍ ചര്‍ച്ചചെയ്ത് പ്രവര്‍ത്തന രൂപരേഖ തയ്യാറാക്കി. സാങ്കേതിക വിദ്യാഭ്യാസ ഹബ്ബാകുവാനുള്ള അടിസ്ഥാന ആധുനിക സൗകര്യങ്ങള്‍ കേരളത്തിലെ കാത്തലിക് എഞ്ചിനീയറിംഗ് കോളജുകള്‍ക്കുണ്ട്. പ്രമുഖ റാങ്കിംഗുള്ള രാജ്യാന്തര യൂണിവേഴ്സിറ്റികളുമായും വ്യവസായ സ്ഥാപനങ്ങളുമായും സഹകരിച്ച് പ്രവര്‍ത്തിക്കും. ഇന്‍സ്റ്റിറ്റിയൂഷന്‍-ഇന്‍ഡസ്ട്രി-ഇന്റര്‍നാഷണല്‍ എന്നീ ത്രിതല തലത്തില്‍ വിവിധ പദ്ധതികള്‍ കാത്തലിക് എഞ്ചിനീയറിംഗ് കോളജുകളിലും ആരംഭിക്കും. ഇന്ത്യയുടെ ഇതര സംസ്ഥാനങ്ങളില്‍ നിന്നും വിദേശ രാജ്യങ്ങളില്‍ നിന്നും എഞ്ചിനീയറിംഗ് വിദ്യാഭ്യാസത്തിനായി കാത്തലിക് എഞ്ചിനീയറിംഗ് കോളജുകളില്‍ വിദ്യാര്‍ത്ഥികളുടെ അന്വേഷണങ്ങളുണ്ട്. അസോസിയേഷനുമായി സര്‍ക്കാര്‍ അടിയന്തരമായി കരാര്‍…

കൊല്ലം: 80-കാരിയായ ഭര്‍തൃമാതാവിനെ ക്രൂരമായി മർദ്ദിച്ച കേസില്‍ അറസ്റ്റിലായ മരുമകള്‍ മഞ്ജു തോമസിന്റെ ജാമ്യാപേക്ഷ കോടതി തള്ളി 14 ദിവസത്തേക്ക് റിമാൻഡ് ചെയ്തു. കൊല്ലം തേവലക്കരയിലാണ് സംഭവം നടന്നത്. മഞ്ജു വയോധികയെ മര്‍ദ്ദിക്കുന്നതിന്റെ ദൃശ്യങ്ങള്‍ നേരത്തെയും പുറത്തുവന്നിരുന്നു. സംഭവത്തിൽ കേസെടുത്ത പൊലീസ് മഞ്ജുവിനെ അറസ്റ്റ് ചെയ്ത് ഇന്ന് ഉച്ചയ്ക്കുശേഷം കോടതിയിൽ ഹാജരാക്കി. കോടതി നിർദേശപ്രകാരം മഞ്ജുവിനെ തിരുവനന്തപുരം അട്ടക്കുളങ്ങരയിലെ വനിതാ ജയിലിലേക്ക് മാറ്റി. വധശ്രമം അടക്കമുള്ള വകുപ്പുകളാണ് മഞ്ജുവിനെതിരെ ചുമത്തിയിരിക്കുന്നത്. ആറേഴു വര്‍ഷമായി മരുമകൾ തന്നെ നിരന്തരം മര്‍ദ്ദിക്കാറുണ്ടെന്ന് വയോധിക ഏലിയാമ്മ വര്‍ഗീസ് പറയുന്നു. വൃത്തിയില്ലെന്ന് പറഞ്ഞാണ് മര്‍ദ്ദനം. പല സന്ദര്‍ഭങ്ങളിലും വീട്ടിൽ പൂട്ടിയിടുമെന്നും മകൻ ജെയ്സിനേയും മർദ്ദിക്കുമെന്നും ഏലിയാമ്മ പറയുന്നു. മർദ്ദനമേറ്റ് നിലത്ത് വീണാലും ചവിട്ടും. തന്നെ മർദിക്കുന്നതിനു പിന്നിൽ ഒരു കാരണവുമില്ലെന്നും താനിവിടെനിന്ന് ഇറങ്ങിപ്പോകണമെന്നതാണു മരുമകളുടെ ആവശ്യമെന്നും ഏലിയാമ്മ വർഗീസ് പറഞ്ഞു. മുഖത്തടിക്കുകയും പുറത്ത്…

കോട്ടയം: കോളേജ് വിദ്യാർത്ഥിനിയുടെ വീട്ടിൽ അതിക്രമിച്ച് കയറി കത്തികാട്ടി ഭീഷണിപ്പെടുത്തി ബലാത്സംഗം ചെയ്ത കേസിൽ പ്രതിക്ക് 15 വർഷം തടവും 60,000 രൂപ പിഴയും കോടതി വിധിച്ചു. പുനലൂർ സ്വദേശി അനീഷ് കുമാറിനാണ് കോടതി ശിക്ഷ വിധിച്ചത്. നിരവധി കേസുകളിൽ ഇയാൾക്ക് പങ്കുള്ളതായും കോടതി ചൂണ്ടിക്കാട്ടി. 2018 ഓഗസ്റ്റിൽ യൂണിവേഴ്‌സിറ്റി പരീക്ഷയ്‌ക്ക് തയ്യാറായി നില്‍ക്കുമ്പോഴാണ് പെൺകുട്ടിയെ അനീഷ് കുമാർ ആക്രമിച്ചത്. കൂടാതെ, ഏതാനും മാസങ്ങൾക്ക് മുമ്പ് തെങ്കാശിയിൽ റെയിൽവേ ഗേറ്റ് ജീവനക്കാരനെ ആക്രമിച്ച കേസിലും ഇയാൾ പ്രതിയാണ്. നിലവിൽ തമിഴ്‌നാട്ടിലെ ജയിലിൽ കഴിയുന്ന ഇയാളെ വിചാരണയ്ക്കായി പുനലൂർ കോടതിയിൽ ഹാജരാക്കി. പ്രോസിക്യൂഷന് വേണ്ടി അഡീഷണൽ പബ്ലിക് പ്രോസിക്യൂട്ടർ എസ് എസ് ബിനു ഹാജരായി.