Year: 2022

കൊല്ലം: മാതാ അമൃതാനന്ദമയി ദേവിയുടെ അമ്മ ദമയന്തിയമ്മയുടെ സംസ്‌കാരം ചൊവ്വാഴ്ച വൈകീട്ട് അമൃതപുരി ആശ്രമ പരിസരത്ത് നടന്നു. രാഷ്ട്രീയ-സാമൂഹ്യ രംഗങ്ങളിൽ നിന്നുൾപ്പെടെ നിരവധിയാളുകളാണ് ദമയന്തിയമ്മയ്ക്ക് അന്ത്യാഞ്ജലിയർപ്പിക്കാൻ അമൃതപുരിയിലേക്കെത്തിയത്. പ്രധാനമന്ത്രി നരേന്ദ്രമോദി മാതാ അമൃതാനന്ദമയി ദേവിയെ അനുശോചനമറിയിച്ചു. കുടുംബത്തിന് മാത്രമല്ല, അവർ സ്വന്തം മക്കളെപ്പോലെ കരുതിയിരുന്ന മാതാ അമൃതാനന്ദമയി മഠവുമായി ബന്ധപ്പെട്ട വിശ്വാസി സമൂഹത്തിനാകെ ഇത് തീരാനഷ്ടമാണെന്നും അവർ ജീവിതത്തിൽ അടയാളപ്പെടുത്തിയ നിസ്വാർത്ഥ സേവനത്തിന്റെ മൂല്യങ്ങൾ എല്ലാക്കാലത്തും എല്ലാവരിലും നിലനിൽക്കുമെന്നും നരേന്ദ്രമോദി അനുശോചന സന്ദേശത്തിൽ പറഞ്ഞു. മുഖ്യമന്ത്രി പിണറായി വിജയൻ ദമയന്തിയമ്മയുടെ മകൻ സുരേഷ് കുമാറിനെ ഫോണിൽ വിളിച്ച് അനുശോചനമറിയിച്ചു. ഗവർണർ ആരിഫ് മുഹമ്മദ് ഖാൻ, ധനമന്ത്രി കെ.എൻ. ബാലഗോപാൽ, എംഎൽഎ മാരായ രമേശ് ചെന്നിത്തല, സി.ആർ മഹേഷ്, ഉണ്ണികൃഷ്ണൻ, എംപി എ.എം ആരിഫ് , ബിജെപി സംസ്ഥാന അധ്യക്ഷൻ കെ.സുരേന്ദ്രൻ, ഹിന്ദു ഐക്യവേദി സംസ്ഥാന വർക്കിങ് പ്രസിഡന്റ്…

തിരുവനന്തപുരം: താൻ നിശബ്ദയാണെന്ന മാധ്യമ വാർത്ത നിഷേധിച്ച് സ്വർണക്കടത്ത് കേസിലെ മുഖ്യപ്രതി സ്വപ്ന സുരേഷ്. “ഞാൻ മിണ്ടാതിരിക്കുകയാണെന്ന് പറയുന്ന റിപ്പോർട്ടുകൾ വരുന്നുണ്ട്. മിണ്ടാതിരുന്നിട്ടില്ല. എൻഫോഴ്‌സ്‌മെന്റ് ഡയറക്ടറേറ്റിന്റെ അന്വേഷണ പുരോഗതിയിൽ സന്തോഷമുണ്ട്,” സ്വപ്ന സുരേഷ് പറഞ്ഞു. ഈ വർഷം ജൂണിലാണ് വിമാനത്താവളം വഴി സ്വർണവും കറൻസികളും കടത്തിയതിൽ മുഖ്യമന്ത്രി പിണറായി വിജയനും ഭാര്യയ്ക്കും മകൾക്കും പങ്കുണ്ടെന്ന് സ്വപ്ന മാധ്യമങ്ങളിൽ വന്നതും ഗുരുതരമായ ആരോപണങ്ങൾ ഉന്നയിച്ചതും. ദിവസങ്ങളോളം മാധ്യമങ്ങളില്‍ നിറഞ്ഞു നിന്ന അവര്‍ പെട്ടെന്ന് നിശബ്ദയായതാണ് മാധ്യമങ്ങളുടെ ശ്രദ്ധയാകര്‍ഷിച്ചത്. “എനിക്കും സുഹൃത്ത് സരിത്തിനും ബംഗളൂരുവിൽ ജോലി ലഭിച്ചു. എനിക്ക് അത് ലഭിക്കാതിരിക്കാൻ കേരള പോലീസ് പരമാവധി ശ്രമിച്ചു. പക്ഷേ, കർണാടക പോലീസ് ഞങ്ങളെ സഹായിച്ചു. എനിക്ക് എന്റെ പുതിയ ജോലിയില്‍ ചേരാന്‍ ഞാൻ കോടതിയെ സമീപിക്കും,” സ്വപ്ന കൂട്ടിച്ചേർത്തു. 2020 ജൂലൈയിൽ അറസ്റ്റിലായതിന് ശേഷം ഒരു വർഷത്തിലേറെയായി ജയിലിൽ കിടന്നതിന്…

കൊച്ചി: മുൻ കോൺഗ്രസ് നേതാവും ആറ് തവണ ആലുവ എം.എൽ.എയുമായിരുന്ന കെ.മുഹമ്മദാലി (76) ചൊവ്വാഴ്ച രാവിലെ കൊച്ചിയിലെ സ്വകാര്യ ആശുപത്രിയിൽ അന്തരിച്ചു. വൃക്ക സംബന്ധമായ അസുഖങ്ങളെ തുടർന്ന് കൊച്ചിയിലെ ആസ്റ്റര്‍ മെഡിസിറ്റിയില്‍ ചികിത്സയിലായിരുന്നു. 1980 മുതൽ തുടർച്ചയായി നിയമസഭാ തെരഞ്ഞെടുപ്പിൽ വിജയിച്ച മുഹമ്മദാലി ആറ് തവണ നിയമസഭയിൽ ആലുവ മണ്ഡലത്തെ പ്രതിനിധീകരിച്ചു. വർഷങ്ങളോളം അഖിലേന്ത്യാ കോൺഗ്രസ് കമ്മിറ്റിയിലും (എഐസിസി) കേരള പ്രദേശ് കോൺഗ്രസ് കമ്മിറ്റിയിലും (കെപിസിസി) എക്സിക്യൂട്ടീവിലും അംഗമായിരുന്നു. എന്നാല്‍, കുറച്ചു കാലമായി മുഖ്യധാരാ രാഷ്ട്രീയത്തിൽ സജീവമായിരുന്നില്ല. കൊച്ചിൻ യൂണിവേഴ്‌സിറ്റി ഓഫ് സയൻസ് ആൻഡ് ടെക്‌നോളജി സിൻഡിക്കേറ്റിലും എംജി യൂണിവേഴ്‌സിറ്റി സെനറ്റിലും അംഗമായിരുന്നു ആലുവ പട്ടരുമഠം ചിത്ര ലെയ്‌നിലെ എ കൊച്ചുണ്ണിയുടെയും നബീസയുടെയും മകൻ മുഹമ്മദലി കോൺഗ്രസിന്റെ വിദ്യാർത്ഥി സംഘടനയായ കേരള സ്റ്റുഡന്റ്‌സ് യൂണിയൻ (കെഎസ്‌യു) വഴിയാണ് രാഷ്ട്രീയത്തിലെത്തിയത്. 1966-ൽ കെ.എസ്.യുവിന്റെയും 1968-ൽ യൂത്ത് കോൺഗ്രസിന്റെയും എറണാകുളം…

തിരുവനന്തപുരം: സോളാർ തട്ടിപ്പ് കേസിലെ പ്രതിയായ വനിതാ സംരംഭക നൽകിയ ബലാത്സംഗ പരാതിയുടെ അന്വേഷണവുമായി ബന്ധപ്പെട്ട് ബിജെപി ദേശീയ വൈസ് പ്രസിഡന്റ് എപി അബ്ദുള്ളക്കുട്ടിയെ സിബിഐ ചൊവ്വാഴ്ച ചോദ്യം ചെയ്തു. മുഖ്യമന്ത്രിയുടെ ഓഫീസുൾപ്പെടെയുള്ള ബന്ധങ്ങളുമായി രാഷ്ട്രീയ ബന്ധം സ്ഥാപിച്ച് വ്യവസായ പങ്കാളികളാക്കാമെന്നും സോളാർ പവർ യൂണിറ്റുകൾ സ്ഥാപിക്കാമെന്നും വാഗ്ദാനം നൽകി നിക്ഷേപം സ്വീകരിച്ച് പലരെയും വഞ്ചിച്ച സോളാർ കമ്പനിയുമായി ബന്ധപ്പെട്ടാണ് കേസ്. ബി.ജെ.പി നേതാവിനെ തിരുവനന്തപുരത്തെ സി.ബി.ഐ ഓഫീസിൽ മൂന്ന് മണിക്കൂറോളം ചോദ്യം ചെയ്തതായാണ് റിപ്പോര്‍ട്ട്. രാവിലെ 9 മണിക്ക് തുടങ്ങിയ ചോദ്യം ചെയ്യൽ 12 വരെ നീണ്ടു. 2013ൽ കോൺഗ്രസ് നിയമസഭാംഗമായിരിക്കെ അബ്ദുള്ളക്കുട്ടി തന്നെ ബലാത്സംഗം ചെയ്തുവെന്ന് വനിതാ സംരംഭക ആരോപിച്ചിരുന്നു. തലസ്ഥാന നഗരത്തിലെ ഒരു പ്രമുഖ ഹോട്ടലിൽ വച്ചാണ് സംഭവം നടന്നതെന്നും യുവതി ആരോപിച്ചിരുന്നു. അബ്ദുള്ളക്കുട്ടിയെ കൂടാതെ കോൺഗ്രസ് നേതാക്കളായ ഉമ്മൻചാണ്ടി, കെസി വേണുഗോപാൽ,…

തിരുവനന്തപുരം: മകളുടെ യാത്രാ ഇളവ് സംബന്ധിച്ച തർക്കത്തെ തുടർന്ന് ചൊവ്വാഴ്ച തിരുവനന്തപുരം കാട്ടാക്കട കെ‌എസ്‌ആര്‍‌ടി‌സി ബസ് സ്റ്റേഷനിൽ മകളുടെ മുന്നിൽ വെച്ച് പിതാവിനെ കെഎസ്ആർടിസി ജീവനക്കാർ ക്രൂരമായി മര്‍ദ്ദിച്ചു. രണ്ടാം വർഷ ബിരുദ വിദ്യാർഥിനിയായ മകളുടെ കൺസഷൻ കാർഡ് പുതുക്കാൻ വൈകിയതിനെ കുറിച്ച് അന്വേഷിക്കാൻ തിരുവനന്തപുരം ആമച്ചൽ സ്വദേശി പ്രേമൻ രാവിലെ ബസ് ഡിപ്പോയിലെത്തിയപ്പോഴാണ് സംഭവം. കൗണ്ടറിലുണ്ടായിരുന്ന ഒരു ജീവനക്കാരൻ കോഴ്‌സ് സർട്ടിഫിക്കറ്റ് ആവശ്യപ്പെടുകയും അത് അടുത്ത ദിവസം ഹാജരാക്കാമെന്ന് പ്രേമൻ സമ്മതിക്കുകയും ചെയ്തു. എന്നാൽ, കൂടുതൽ രേഖകൾ ആവശ്യപ്പെട്ട് അപേക്ഷകരെ ബുദ്ധിമുട്ടിക്കുന്നതായി രക്ഷിതാവ് പരാതിപ്പെട്ടതാണ് ജീവനക്കാരനെ പ്രകോപിപ്പിച്ചത്. മൂന്നു മാസമായി താന്‍ കണ്‍സെഷനായി നടക്കുകയാണെന്നും എത്രയും വേഗം അനുവദിക്കണമെന്നും ജീവനക്കാരുടെ ഇത്തരം സമീപനമാണ് കെ.എസ്.ആര്‍.ടി.സി നഷ്ടത്തിലാകാന്‍ കാരണമെന്നും പ്രേമന്‍ പറഞ്ഞു. തുടര്‍ന്ന് ഒരു ജീവനക്കാരന്‍ പ്രേമനുമായി വാക്കുതര്‍ക്കത്തിലേര്‍പ്പെടുകയും പിന്നാലെ മറ്റു ജീവനക്കാരെത്തി മകളുടെ മുന്നിലിട്ട് പ്രേമലനെ…