Year: 2022

തിരുവനന്തപുരം: സ്വർണക്കടത്ത് കേസിൽ സ്വപ്‌ന സുരേഷ് ഉന്നയിച്ച ആരോപണങ്ങളെ തുടർന്ന് മുഖ്യമന്ത്രി പിണറായി വിജയനെതിരെ വിമാനത്തിൽ നടന്ന പ്രതിഷേധം അന്വേഷിക്കാൻ പ്രത്യേക സംഘത്തെ നിയോഗിച്ചു. ക്രൈംബ്രാഞ്ച് കണ്ണൂർ എസ്പി പ്രജേഷ് തോട്ടത്തിന്റെ നേതൃത്വത്തിലാണ് അന്വേഷണസംഘം. കൂത്തുപറമ്പ് ഡിവൈഎസ്‌പി പ്രദീപന്‍ കണ്ണിപ്പൊയില്‍, ശംഖുമുഖം അസിസ്റ്റന്റ് കമ്മിഷണര്‍ പി കെ പൃഥ്വിരാജ്, വലിയതുറ എസ്എച്ച്ഒ ഡി സതികുമാര്‍, കൂത്തുപറമ്പ് സര്‍ക്കിള്‍ ഇന്‍സ്‌പെക്‌ടര്‍ പി എ ബിനുമോഹന്‍, മട്ടന്നൂര്‍ സര്‍ക്കിള്‍ ഇന്‍സ്‌പെക്‌ടര്‍ എം കൃഷ്ണന്‍ എന്നിവരടങ്ങുന്നതാണ് സംഘം. അതേസമയം തിരുവനന്തപുരം വിമാനത്താവളത്തിൽ ലാൻഡ് ചെയ്യാൻ തയ്യാറെടുക്കവെ, മൂന്ന് പേർ മുഖ്യമന്ത്രിക്ക് അരികിലേക്ക് പാഞ്ഞടുത്തുവെന്ന് വിമാനക്കമ്പനി പൊലീസിന് റിപ്പോർട്ട് നൽകി. മുഖ്യമന്ത്രിക്ക് നേരെ നാടൻ ഭാഷയിൽ ഭീഷണി മുഴക്കിയെന്നും റിപ്പോര്‍ട്ടിലുണ്ട്. തിങ്കളാഴ്ച കണ്ണൂരില്‍ നിന്ന് 3.45-ന് പുറപ്പെട്ട വിമാനം തിരുവനന്തപുരത്ത് ഇറങ്ങിയ ഉടനെയായിരുന്നു മുഖ്യമന്ത്രിക്കെതിരെയുള്ള യൂത്ത് കോൺഗ്രസ് പ്രവർത്തകരുടെ പ്രതിഷേധം. മട്ടന്നൂര്‍ ബ്ലോക്ക്…

പ്രവാചക നിന്ദയുടെ നേർത്ത അലകൾ അതിർവരമ്പുകൾ താണ്ടിയെത്തിയത് പ്രധാനമായും ഇസ്ലാമിക രാജ്യങ്ങളിലാണ്. അതിനെ ഭക്തിനിർഭരമായ മിഴികളോടെ കാണാൻ സാധിക്കില്ല. നിലാവിൽ കുളിച്ചു നിൽക്കുന്ന അതിമനോഹരങ്ങളായ പത്മാസനത്തിലിരിക്കുന്ന ചില രാജാക്കന്മാർ ഇതര മത വിശ്വാസികളോട് കാട്ടുന്ന അസഹിഷ്ണത ഞാനും ഗൾഫിലുണ്ടായിരുന്നപ്പോൾ കണ്ടിട്ടുണ്ട്. എന്നാലും അവർ മലയാളികളുടെ പോറ്റമ്മയാണ്. ഇന്ത്യയിൽ അച്ചടക്കമില്ലാതെ വളർന്നവർ ഗൾഫിൽ പോയി വന്നപ്പോൾ അച്ചടക്കമുള്ളവരായിട്ടാണ് കാണുന്നത്. ലോകത്തു് ഏറ്റവും കൂടുതൽ പ്രവാചകന്മാരെ സമ്മാനിച്ചത് ഇസ്രായേൽ മിഡിൽ ഈസ്റ്റ് രാജ്യങ്ങളാണ്. അവസാനത്തെ പ്രവാചകനായിട്ടാണ് മുഹമ്മദ് നബിയെ കാണുന്നത്. പ്രവാചകന്മാരിൽ പ്രവാചകനായി കാണുന്നത് യേശുക്രിസ്തു തന്നെ. മന്ത്രാക്ഷരങ്ങളുമായി നടക്കുന്ന ഇന്ത്യയിലെ വർഗ്ഗീയവാദികളാണ് ഒരു പ്രവാചകനെ കൈകൊട്ടിക്കളിച്ചത്. അതിന് വീണമീട്ടാൻ പാക്കിസ്താനിൽ നിന്നുള്ള മതതീവ്രവാദികളും അരങ്ങിലെത്തി. രാജ്യം ഭരിക്കുന്ന പാർട്ടി വക്താക്കളുടെ ബോധപൂർവ്വമായ വാക്കുകൾ ശുദ്ധി നൽകി പീഠമിട്ട് ആദരിക്കാൻ പ്രധാനമന്ത്രിയും തയ്യാറായില്ല. ഇതിലൊക്കെ ഇത്ര അസഹിഷ്ണത എന്തിനെന്ന് ചിന്തിക്കുന്നവരുമുണ്ട്.…

വാഷിംഗ്ടണ്‍: യുഎസിന്റെ നേതൃത്വത്തിലുള്ള ലോകത്തിലെ ഒമ്പത് ആണവായുധ രാജ്യങ്ങൾ 2021-ൽ തങ്ങളുടെ ആണവായുധ ശേഖരം നവീകരിക്കാൻ 82.4 ബില്യൺ ഡോളർ ചെലവഴിച്ചതായി റിപ്പോര്‍ട്ട്. ഇത് മുൻവർഷത്തേക്കാൾ എട്ട് ശതമാനം കൂടുതലാണെന്ന് ഒരു ആണവ വിരുദ്ധ പ്രചാരണ സംഘം പുറത്തുവിട്ട റിപ്പോര്‍ട്ടില്‍ പറയുന്നു. ആണവായുധങ്ങൾക്കായുള്ള മൊത്തം ചെലവിന്റെ പകുതിയിലധികവും വഹിച്ചത് അമേരിക്കയാണ്. ചൈന, റഷ്യ, ബ്രിട്ടൻ, ഫ്രാൻസ്, ഇന്ത്യ, ഇസ്രായേൽ, പാക്കിസ്താന്‍, ഉത്തര കൊറിയ എന്നീ രാജ്യങ്ങള്‍ യഥാക്രമം പിന്തുടരുന്നതായി Abolish Nuclear Weapons (ICAN) അതിന്റെ “Squandered: 2021 Global Nuclear Weapons Spending” എന്ന തലക്കെട്ടോടുകൂടിയ റിപ്പോര്‍ട്ടില്‍ പറയുന്നു. “ആണവായുധ രാജ്യങ്ങൾ 2021 ൽ നിയമവിരുദ്ധമായ നശീകരണ ആയുധങ്ങൾക്കായി വന്‍ തുക ചെലവഴിച്ചു. അതേസമയം, ലോകത്തിലെ ഭൂരിഭാഗം രാജ്യങ്ങളും ആഗോള ആണവായുധ നിരോധനത്തെ പിന്തുണയ്ക്കുന്നു,” റിപ്പോർട്ടിൽ പറയുന്നു. “ഈ ചെലവ് യൂറോപ്പിലെ ഒരു യുദ്ധത്തെ തടയുന്നതിൽ…

കാൽഗറി : കഴിഞ്ഞ 12 വർഷമായി കാൽഗറി മലയാളികൾക്കിടയിൽ പ്രവർത്തിച്ചു വരുന്ന അനൗപചാരിക സാംസ്‌കാരിക കൂട്ടായ്മയായ കാവ്യസന്ധ്യ വർഷം തോറും നടത്തി വരുന്ന കവിതാലാപന സദസ്സിലേയ്ക്ക് സാഹിത്യ പ്രേമികളായ മുഴുവൻ മലയാളികൾക്കും സ്വാഗതം. ഈ ശനിയാഴ്ച ( ജൂൺ 18 നു ) വൈകുന്നേരം 5.30 ന് 245014 Conrich Road Alberta T1Z 0B2 യിൽ നടക്കുന്ന ചടങ്ങിൽ ഷാഹിത റഫീഖ് എഴുതിയ “കനവുകളുടെ ഒറ്റത്തുരുത്ത്” എന്ന പുസ്തകത്തിന്റെ പ്രകാശനവും ഉണ്ടായിരിക്കും. കൂടാതെ മലയാള സിനിമയിൽ സംഗീത സംവിധാനത്തിൽ സാന്നിധ്യം അറിയിച്ച കണ്ണൻ C.J, ലോകോത്തര ഫോട്ടോഗ്രാഫി മാഗസിനുകളിൽ കവർ പേജുകളിൽ മുദ്ര പതിപ്പിച്ച റോഡിയ തയ്യിൽ ജോസ് എന്നിവരെയും കാവ്യസന്ധ്യ ഈ അവസരത്തിൽ ആദരിയ്ക്കുന്നതാണ്. Address : 245014 Conrich Road Alberta T1Z 0B2

സൗത്ത് കരോലിന: ക്യാപിറ്റോള്‍ കലാപത്തെ തുടര്‍ന്ന് ട്രം‌പിനെ ഇംപീച്ച് ചെയ്യാന്‍ യു.എസ്. ഹൗസില്‍ റിപ്പബ്ലിക്കന്‍ അംഗങ്ങളുടെ കൂട്ടത്തില്‍ ഡമോക്രാറ്റുകളോടു ചേര്‍ന്ന് വോട്ടു ചെയ്ത യു.എസ്. ഹൗസ് പ്രതിനിധി ടോം റൈസിന് സൗത്ത് കരോലിന റിപ്പബ്ലിക്കന്‍ പ്രൈമറിയില്‍ പരാജയം. ട്രം‌പ് പിന്തുണച്ച റസ്സല്‍ ഫ്രൈയാണ് ഇവിടെ ടോമിനെ പരാജയപ്പെടുത്തിയത്. രാജ്യം വളരെ താല്‍പര്യത്തോടെ ഉറ്റു നോക്കിയ തിരഞ്ഞെടുപ്പായിരുന്നു ഇത്. സൗത്ത് കരോലിന മുന്‍ ഗവര്‍ണ്ണര്‍ നിക്കി ഹേലിയും റസ്സലിനെ പിന്തുണച്ചിരുന്നു. ടോം റൈസ് അഞ്ച് തവണയാണ് ഇവിടെ നിന്നും യു.എസ്. ഹൗസിലേക്ക് തിരഞ്ഞെടുക്കപ്പെട്ടിരുന്നത്. ട്രം‌പിനെതിരെ വോട്ടു ചെയ്ത പത്തു പേരില്‍ പരാജയപ്പെട്ട ആദ്യ അംഗമാണ് ടോം റൈസ്. 99 ശതമാനം വോട്ടുകള്‍ എണ്ണി കഴിഞ്ഞപ്പോള്‍ റസ്സല്‍ ഫ്രൈ 57 ശതമാനം വോട്ടുകള്‍ നേടി ടോമിന് 24.6 ശതമാനം മാത്രമേ നേടാനായുള്ളൂ.