Year: 2023

മലപ്പുറം: വിമൻ ജസ്റ്റിസ് സ്ഥാപക ദിനമായ ജൂലൈ 20 സംസ്ഥാന തലത്തിൽ “നീതിയുടെ സ്ത്രീ പക്ഷം പോരാട്ടത്തിന്റെ നാലാണ്ട് ” എന്ന തലക്കെട്ടിൽ സംസ്ഥാന കമ്മിറ്റി നടത്തുന്ന പരിപാടികളുടെ ഭാഗമായി മലപ്പുറം ജില്ലയിലെ പല ഭാഗങ്ങളിലും വ്യത്യസ്ത പരിപാടികൾ നടത്തി. ജില്ലാ ആസ്ഥാനത്ത് പതാക ഉയർത്തി. മലപ്പുറം കുന്നുമ്മൽ പരിസരത്ത് കർക്കിടക കഞ്ഞി വിതരണം ചെയ്തു. മഞ്ചേരി മെഡിക്കൽ കോളേജിലേക്ക് രക്തദാനം നടത്തി. എടവണ്ണ എ എം യു പി സ്കൂളിൽ ഔഷധത്തോട്ടം നിർമ്മിച്ചു നൽകി. കരുവാരക്കുണ്ട് , വേങ്ങര, ഊരകം പഞ്ചായത്തുകൾ പെയിൻ & പാലിയേറ്റിവ് വൃത്തിയാക്കൽ എടയൂർ കൃഷി ഭവൻ പരിസരം അരീക്കോട് റോഡ് വൃത്തിയാക്കൽ, തടപ്പറപ്പ് കരിയാരം കോളനി നിവാസികളോടൊപ്പം ഉച്ചഭക്ഷണവും ആരോഗ്യ ക്ലാസ്സും, സൽവ കെയറിലെ അന്തേവാസികൾക്കൊപ്പം ഒരു സായാഹ്നം, പ്രമുഖ വ്യക്തികളെ കണ്ട് വിമൻ ജസ്റ്റിസിനെ പരിചയപ്പെടുത്തൽ തുടങ്ങി വ്യത്യസ്തങ്ങളായ…

സിഡ്നി: 25 വർഷത്തിനിടെ 1623 ലൈംഗിക കുറ്റകൃത്യങ്ങൾ ചെയ്ത പ്രതിയെ ഓസ്‌ട്രേലിയൻ പോലീസ് അറസ്റ്റ് ചെയ്തു. 45 കാരനായ പ്രതിയുടെ പേര് വെളിപ്പെടുത്തിയിട്ടില്ല. രാജ്യത്തെ മൂന്ന് നഗരങ്ങളിൽ ശിശു സംരക്ഷണ ഓഫീസറായിരുന്നുവെന്ന് മാത്രമേ പറഞ്ഞിട്ടുള്ളൂ. 91 പെൺകുട്ടികളെയാണ് പ്രതി ബലാത്സംഗം ചെയ്തത്. ഓസ്‌ട്രേലിയയിലെ നിയമമനുസരിച്ച് പ്രതിക്കെതിരെ വിവിധ വകുപ്പുകളിൽ കുറ്റം ചുമത്തിയിട്ടുണ്ട്. മാധ്യമ റിപ്പോർട്ടുകൾ പ്രകാരം 2014 ലാണ് പോലീസിന് ആദ്യമായി സൂചനകള്‍ ലഭിച്ചത്. എന്നാൽ, ഇപ്പോഴാണ് അറസ്റ്റ് ചെയ്തത്. പ്രതിയില്‍ നിന്ന് ആയിരക്കണക്കിന് കുട്ടികളുടെ അശ്ലീല വീഡിയോകളും ഫോട്ടോകളും ചില റീലുകളും കണ്ടെടുത്തിട്ടുണ്ട്.

പാലക്കാട്: ‘കട്ടവനെ കിട്ടിയില്ലെങ്കില്‍ കിട്ടിയവനെ പിടിക്കുക’ എന്ന പഴമൊഴി അന്വര്‍ത്ഥമാക്കി പോലീസ്. പാലക്കാടാണ് സംഭവം നടന്നത്. ജാമ്യത്തിലിറങ്ങിയ ശേഷം ഒളിവിൽ പോയ പ്രതിക്ക് പകരം 84കാരിയായ ഭാരതിയമ്മയെയാണ് പോലീസ് അറസ്റ്റ് ചെയ്തത്. തന്മൂലം അവര്‍ക്ക് നാല് വർഷത്തോളം കോടതിയിൽ കയറിയിറങ്ങേണ്ടി വന്നു. നീണ്ട നിയമ യുദ്ധത്തിനൊടുവിൽ സാക്ഷി മൊഴിയുടെ അടിസ്ഥാനത്തിൽ നിരപരാധിയാണെന്ന് കണ്ടെത്തിയതിനെ തുടർന്ന് കോടതി വെറുതെ വിട്ടു. പാലക്കാട് സൗത്ത് പോലീസ് സ്‌റ്റേഷനിലെ ഉദ്യോഗസ്ഥർക്കാണ് പിഴവ് പറ്റിയതെന്നു പറയുന്നു. 1998ലാണ് കേസിനാസ്പദമായ സംഭവം നടന്നത്. കള്ളിക്കാട് സ്വദേശി രാജഗോപാലിൻറെ വീട്ടുജോലിക്കാരിയായിരുന്ന ഭാരതി എന്നു പേരുള്ള സ്ത്രീ അവരുടെ വീടു കയറി ആക്രമിച്ചു എന്നായിരുന്നു കേസ്. 1998 ൽ നടന്ന കേസാണിത്. വീട്ടുകാരുമായി പ്രശ്‌നം ഉണ്ടാക്കിയ ഇവർ അസഭ്യം പറയുകയും ചെടിച്ചട്ടികൾ എറിഞ്ഞുടയ്ക്കുകയും ചെയ്‌തെന്നാണ് പരാതി. സംഭവത്തിൽ ഭാരതിയെ പോലീസ് അന്ന് അറസ്റ്റ് ചെയ്‌തെങ്കിലും ഇവർ പിന്നീട്…

മെസ്ക്വിറ്റ്(ഡാളസ് ): ഡാളസ് കേരള എക്യുമെനിക്കൽ ക്രിസ്ത്യൻ ഫെല്ലോഷിപ്പ് യുവജന റിട്രീറ്റ് സംഘടിപ്പിക്കുന്നു-  ക്രിസ്തുവിൽ ഏകത്വം ആഘോഷിക്കുന്നു ആഗസ്ത് 5  ശനിയാഴ്ച രാവിലെ 9:30 മുതൽ  ഡാളസ് സെന്റ് പോൾസ് മാർത്തോമാ ചർച്ചിലാണ് യുവജന റിട്രീറ്റ് സംഘടിപ്പിക്കുന്നത് . യുവാക്കളുടെ ആത്മീയ സമ്പുഷ്ടീകരണത്തിനുള്ള വിവിധ  പരിപാടികൾ സമ്മേളനത്തിൽ  ഉണ്ടാകും. “ക്രിസ്തുവിൽ ഏകത്വം ആഘോഷിക്കുന്നു” എന്ന വിഷയത്തെ ആസ്പദമാക്കി റവ സോനു സ്കറിയാ വര്ഗീസ് മുഖ്യ പ്രഭാഷണം നടത്തും. കൂടുതൽ വിവരങ്ങൾക്ക് : റവ ഷൈജു സി ജോയ് 469 439 7398, ഷാജി രാമപുരം 972 261 4221 , ജസ്റ്റിൻ പാപ്പച്ചൻ 469 655 2254

ഗാർലന്റ് (ഡാളസ്): ഡാളസിൽ അന്തരിച്ച തോമസ് വർഗീസിന്റെ മെമ്മോറിയൽ സർവീസ് വെള്ളിയാഴ്ച ആഗസ്റ്റു 4 നും ഫ്യൂണറൽ സർവീസ് ശനിയാഴ്ച ആഗസ്റ്റ് അഞ്ചിനും നടത്തപ്പെടും. ഡാളസിലെ ആദ്യകാല മലയാളികളിൽ ഒരാളായ തോമസ് വർഗീസ് (82) ദീർഘ വർഷങ്ങൾ ഡാളസ് പാർക്ക് ലാന്റ് ഹോസ്പിറ്റൽ ഓഫീസിലും സിറ്റി ഓഫ് ഡാളസിലും ജോലി ചെയ്തിരുന്നു. ഭാര്യ: അന്നമ്മ വർഗീസ് (ബേബിയമ്മ) മക്കൾ: എബി, ആനി, ആൽവിൻ മരുമക്കൾ: നീതു. ജെയിംസ്, ലീന കൊച്ചു മക്കൾ: യെശയ്യാ, ആദം, ജാസ്മിൻ, ജൂലിയ, ജോയ്, ആരോൺ, തിയോഡോർ, ലിഡിയ സഹോദരങ്ങൾ: മറിയാമ്മ ജോർജ്, പാസ്റ്റർ ജോർജ് വർഗീസ്, സാം വർഗീസ്, ജോസ് വർഗീസ് . (എല്ലാവരും ഡാളസ് നിവാസികളാണ്) ഇന്ത്യ പ്രസ് ക്ലബ് ഓഫ് നോർത്ത് ടെക്സാസ് പ്രസിഡന്റ് സിജു വി ജോർജിന്റെ മാതൃ സഹോദരനാണ് പരേതൻ. സംസ്കാര ശുശ്രൂഷകളുടെ വിശദവിവരങ്ങൾ: മെമ്മോറിയൽ…

വാഷിംഗ്ടൺ: ഡൊണാൾഡ് ട്രംപിന്റെ 2020 ലെ തിരഞ്ഞെടുപ്പ് പരാജയം മറികടക്കാൻ ഗൂഢാലോചന നടത്തിയതിന് ഫെഡറൽ ഗ്രാൻഡ് ജൂറി നാല് കേസുകളിൽ കുറ്റം ചുമത്തി. 2024 ൽ വൈറ്റ് ഹൗസ് തിരിച്ചുപിടിക്കാൻ ശ്രമിക്കുന്ന മുൻ യുഎസ് പ്രസിഡന്റിനെതിരെ ഈ വർഷം മൂന്നാമത്തെ ക്രിമിനൽ കുറ്റമാണ് ഇപ്പോള്‍ ചുമത്തിയിരിക്കുന്നത്. 2021 ജനുവരിയിൽ യുഎസ് പ്രസിഡന്റായ ഡമോക്രാറ്റ് ജോ ബൈഡനോടുള്ള തന്റെ തോൽവി എങ്ങനെ മറികടക്കാൻ ട്രംപ് ശ്രമിച്ചുവെന്നതിന് ട്രംപിന്റെ ഏറ്റവും അടുത്ത ചില കൂട്ടാളികളിൽ നിന്ന് മാസങ്ങളോളം ഗ്രാൻഡ് ജൂറി സാക്ഷ്യം കേട്ടതിന് ശേഷമാണ് 45 പേജുള്ള കുറ്റപത്രം ജസ്റ്റിസ് ഡിപ്പാർട്ട്‌മെന്റ് പ്രത്യേക അഭിഭാഷകൻ ജാക്ക് സ്മിത്ത് സമർപ്പിച്ചത്. 77 കാരനായ ട്രംപിനെതിരെ അമേരിക്കയെ കബളിപ്പിക്കാൻ ഗൂഢാലോചന, സാക്ഷികളെ നിശ്ശബ്ദരാക്കല്‍, പൗരന്മാരുടെ അവകാശങ്ങൾക്കെതിരായ ഗൂഢാലോചന, ഔദ്യോഗിക നടപടി തടസ്സപ്പെടുത്തൽ, തടസ്സപ്പെടുത്താനുള്ള ശ്രമം എന്നീ കുറ്റങ്ങളാണ് ചുമത്തിയിരിക്കുന്നത്. തിരഞ്ഞെടുപ്പ് ദിവസം (നവംബർ…

തിരുവനന്തപുരം: ഹൈന്ദവ വിശ്വാസങ്ങളെ സ്പീക്കര്‍ എ എന്‍ ഷംസീര്‍ അവഹേളിച്ചെന്ന ആരോപണത്തിനു മറുപടിയായി എൻഎസ്എസ് ഇന്ന് വിശ്വാസ സംരക്ഷണ ദിനം ആചരിക്കും. ഇതിന്റെ ഭാഗമായി വീടിന് സമീപമുള്ള ഗണപതി ക്ഷേത്രങ്ങളിൽ വിവിധ വഴിപാടുകൾ നടത്താനും നേതൃത്വത്തിന് നിർദേശം നൽകിയിട്ടുണ്ട്. പ്രതിഷേധ സൂചകമായി എൻഎസ്എസ് ഇന്ന് നാമജപ ഘോഷയാത്രയും സംഘടിപ്പിക്കും. തിരുവനന്തപുരം പാളയം ഗണപതി ക്ഷേത്രത്തിൽ നിന്നാണ് നാമജപ ഘോഷയാത്ര ആരംഭിക്കുക. പഴവങ്ങാടി ഗണപതി ക്ഷേത്രത്തിൽ യാത്ര പര്യവസാനിക്കും. പ്രതിഷേധ സൂചകമായി വിവിധ പരിപാടികൾ സംഘടിപ്പിക്കാൻ എൻഎസ്എസ് ജനറൽ സെക്രട്ടറി ജി സുകുമാരൻ നായർ താലൂക്ക് യൂണിയനുകൾക്ക് നിർദ്ദേശം നൽകിയിട്ടുണ്ട് ഗണപതി ഭഗവാനെയും ഹൈന്ദവ വിശ്വാസങ്ങളെയും അവഹേളിച്ച് നടത്തിയ പരാമർശത്തിൽ സ്പീക്കർ മാപ്പ് പറയണമെന്ന് എൻഎസ്എസ് ആവശ്യപ്പെട്ടിരുന്നു. ഇതിന് പുറമേ മതവികാരം വ്രണപ്പെടുത്തുന്ന പരാമർശം നടത്തിയ ഷംസീറിനെതിരെ ശക്തമായ നടപടി സ്വീകരിക്കണമെന്ന് സർക്കാരിനോടും ആവശ്യപ്പെട്ടിരുന്നു. എന്നാൽ, ഇതെല്ലാം സര്‍ക്കാര്‍…