Year: 2025

ന്യൂയോർക്ക് : ഫൊക്കാന കാലഹാരി കൺവെൻഷൻ കിക്കോഫ്, ഫൊക്കാനാ ലോഗോ ലോഞ്ചിങ് , മതേർസ് ഡേ ആഘോഷം എന്നിവ സംയുക്‌തമായി 2025 മെയ് 10 ശനിയാഴ്ച ഉച്ചക്ക് 12 മണി മുതൽ സെന്റ്. ജോർജ് സിറോ മലബാർ ചർച്ച് ഓഡിറ്റോറിയത്തിൽ ( 408 Getty Avenue, Paterson, NJ 07503) വെച്ച് അതി വിപുലമായ പരിപാടികളോട് നടത്തുന്നതാണ് എന്ന് പ്രസിഡന്റ് സജിമോൻ ആന്റണി അറിയിച്ചു. 2026 ഓഗസ്റ് 6,7,8,9 തീയതികളിൽ പെൻസിൽവേനിയയിലെ കൽഹാരി റിസോർട്ടു ആണ് ഫൊക്കാനയുടെ കൺവെൻഷന്റെ വേദി. അമേരിക്കയിൽ നിന്നും ലോകത്തിന്റെ വിവിധ ഭാഗങ്ങളിൽ നിന്നും നിരവധി പ്രതിനിധികളും വിശിഷ്‌ട വ്യക്തികളും ഇതിൽ പങ്കെടുക്കും. ഫൊക്കാനയുടെ ചരിത്രത്തിൽ ഏറ്റവും വലിയ കൺവെൻഷൻ നടത്തുവാൻ ആണ് ഫൊക്കാന കമ്മിറ്റി തയാർ എടുക്കുന്നത്. എല്ലാ മേഖലയിലും മാറ്റങ്ങളുണ്ടാകുന്നുണ്ട് , അതുപോലെ ഫൊക്കാനയിലും നിരവധി മാറ്റങ്ങൾ വരുത്തിയാണ് സജിമോൻ…

ന്യൂയോർക്ക്: ന്യൂയോർക്കിലെ മലയാളി ക്രൈസ്‌തവ കൂട്ടായ്‌മയായ സെൻറ് തോമസ് എക്യൂമെനിക്കൽ ഫെഡറേഷൻ ആഗോള കത്തോലിക്ക സഭയുടെ പരമാദ്ധ്യക്ഷൻ ഫ്രാൻസിസ് മാർപാപ്പയുടെ ദേഹവിയോഗത്തിൽ ദുഃഖം രേഖപ്പെടുത്തി. ഏപ്രിൽ 27 ന് CSl ജൂബിലി മെമ്മോറിയൽ ദേവാലയത്തിൽ വച്ച് നടന്ന യോഗത്തിൽ പ്രസിഡൻറ് റവ. സാം എൻ. ജോഷ്വാ അനുശോചന പ്രമേയം അവതരിപ്പിച്ചു. ലളിതമായ ജീവിതം കൊണ്ടും നൂതനമായ ആശയങ്ങൾ കൊണ്ടും കത്തോലിക്കാ സഭയിൽ വിപ്ലവകരങ്ങളായ മാറ്റങ്ങൾ കൊണ്ടുവന്ന മാർപ്പാപ്പ, മനുഷ്യസ്നേഹത്തിന്റെയും കരുണയുടെയും പ്രതീകമായിരുന്നു. ആർദ്രതയും മനസ്സലിവുമുള്ള ഒരു വലിയഇടയാനായിരുന്നു. പ്രസ്തുത യോഗത്തിനു ശേഷം പ്രസിഡൻറ് റവ. സാം എൻ ജോഷ്വായുടെ നേതൃത്വത്തിൽ ഒരു പ്രതിനിധി സംഘം മലങ്കര കത്തോലിക്കാ അമേരിക്ക-കാനഡ രൂപതയുടെ അധ്യക്ഷൻ ഡോ. ഫിലിപ്പോസ് മാർ സ്‌റ്റേഫാനോസ് മെത്രാപ്പോലീത്തയെ സന്ദർശിക്കുകയും ഫെഡറേഷൻറെ ദുഃഖം അറിയിക്കുകയും അനുശോചന പ്രമേയം കൈമാറുകയും ചെയ്‌തു. നിയുക്ത വൈസ് പ്രസിഡൻറ് ശ്രീ. അനിൽ…

ഡാളസ്: മാർത്തോമ്മ സഭയുടെ ക്രമീകരണപ്രകാരം അടുത്ത മൂന്ന് വർഷത്തേക്ക് ഡാളസ് ഫാർമേഴ്‌സ് ബ്രാഞ്ച് മാർത്തോമ്മ ഇടവക വികാരിയായി നിയമിതനായ റവ. എബ്രഹാം വി. സാംസൺ, പ്ലാനോയിലുള്ള സെഹിയോൻ മാർത്തോമ്മ ഇടവക വികാരിയായി നിയമിതനായ റവ. റോബിൻ വർഗീസ് എന്നീ വൈദികർക്കും അവരുടെ കുടുംബത്തിനും ഡാളസ് ഡി എഫ് ഡബ്ല്യൂ അന്താരാഷ്ട്ര വിമാനത്താവളത്തിൽ ഊഷ്മള വരവേൽപ്പ് നൽകി. ഡാളസ് ക്രോസ്‌വേ മാർത്തോമ്മ ഇടവക വികാരി റവ. എബ്രഹാം കുരുവിള, ഡാളസിലെ വിവിധ മാർത്തോമ്മ ഇടവകളിലെ ആത്മായ നേതാക്കളായ പി.ടി മാത്യു, അറ്റോർണി ലാൽ വർഗീസ്, ഈശോ മാളിയേക്കല്‍, സിസിൽ ചെറിയാൻ, നിതിൻ തൈമുറിയിൽ, ഫിലിപ്പ് മാത്യു, ഡോ. സാം ജോയ്, മനോജ്‌ വർഗീസ്, ജേക്കബ് ജോർജ്, മാത്യു ജോർജ്, സജി ജോർജ്, തോമസ് കെ.ജോർജ്, ആഡം മാത്യു, ഷിബു തോമസ് പുല്ലംപള്ളിൽ, എലീസ ആൻഡ്രൂസ്, ജിനു എന്നിവരുടെ നേതൃത്വത്തിൽ…

വാഷിംഗ്‌ടൺ ഡി സി : വെറ്ററൻസ് ദിനത്തെ “ഒന്നാം ലോകമഹായുദ്ധത്തിലെ വിജയദിനം” എന്ന് പുനർനാമകരണം ചെയ്യുമെന്ന്  പ്രസിഡന്റ് ഡൊണാൾഡ് ട്രംപ് വ്യാഴാഴ്ച പ്രഖ്യാപിച്ചു. രാത്രി വൈകി ട്രൂത്ത് സോഷ്യൽ പോസ്റ്റിൽ, രണ്ട് ലോകമഹായുദ്ധങ്ങളിലെയും യുഎസിന്റെ അതുല്യമായ ത്യാഗങ്ങളെ ആദരിക്കാൻ ഈ നീക്കം ആവശ്യമാണെന്ന് ട്രംപ് എഴുതി. മെയ് 8 ന് ആഘോഷിക്കപ്പെടുന്ന യൂറോപ്പിലെ വിജയ ദിനത്തെ “രണ്ടാം ലോകമഹായുദ്ധത്തിലെ വിജയ ദിനം” എന്ന് പുനർനാമകരണം ചെയ്യുമെന്നും ട്രംപ് പ്രഖ്യാപിച്ചു, “രണ്ടാം ലോകമഹായുദ്ധത്തിൽ വിജയകരമായ ഫലം സൃഷ്ടിക്കുന്നതിൽ മറ്റേതൊരു രാജ്യത്തേക്കാളും കൂടുതൽ ഞങ്ങൾ ചെയ്തു” എന്ന് ഇത് അംഗീകരിക്കുന്നു. “രണ്ട് യുദ്ധങ്ങളിലും ഞങ്ങൾ വിജയിച്ചു, ശക്തി, ധൈര്യം അല്ലെങ്കിൽ സൈനിക വൈഭവം എന്നിവയിൽ ആരും ഞങ്ങളോട് അടുത്തില്ല, പക്ഷേ ഞങ്ങൾ ഒരിക്കലും ഒന്നും ആഘോഷിക്കുന്നില്ല,. “കാരണം, അത് എങ്ങനെ ചെയ്യണമെന്ന് അറിയുന്ന നേതാക്കൾ നമുക്കില്ല! ഞങ്ങൾ വീണ്ടും ഞങ്ങളുടെ…

സാൻ ഫ്രാൻസിസ്കോ (കാലിഫോർണിയ): പ്രസിഡന്റ് ഡൊണാൾഡ് ട്രംപിനെതിരെ അമേരിക്കക്കാർ ഒന്നിക്കണമെന്ന് ഏപ്രിൽ 30 ന് നടത്തിയ ശക്തമായ പ്രസംഗത്തിൽ മുൻ യുഎസ് വൈസ് പ്രസിഡന്റ് കമല ഹാരിസ്  ആഹ്വാനം ചെയ്തു. എമേർജ് അമേരിക്ക ആതിഥേയത്വം വഹിച്ച ഒരു പരിപാടിയിൽ സാൻ ഫ്രാൻസിസ്കോ ബേ ഏരിയയിലെ ഒരു  ജനക്കൂട്ടത്തെ അഭിസംബോധന ചെയ്യുകയായിരുന്നു കമല . ട്രംപിനോട് തിരഞ്ഞെടുപ്പിൽ പരാജയപ്പെട്ടതിനുശേഷം ഹാരിസ് നടത്തിയ  ഒരു പ്രധാന രാഷ്ട്രീയ നീക്കമാണിത്. കോൺഗ്രസും കോടതികളും “അവരുടെ പങ്ക് നിർവഹിക്കുന്നതിൽ പരാജയപ്പെട്ടാൽ” ഉണ്ടാകാൻ സാധ്യതയുള്ള ഭരണഘടനാ പ്രതിസന്ധിയെക്കുറിച്ച് അവർ മുന്നറിയിപ്പ് നൽകി, “ആധുനിക പ്രസിഡന്റ് ചരിത്രത്തിലെ ഏറ്റവും വലിയ മനുഷ്യനിർമ്മിത സാമ്പത്തിക പ്രതിസന്ധി” എന്ന് അവർ വിശേഷിപ്പിച്ച സാഹചര്യത്തിൽ കൂട്ടായ നടപടിയുടെ ആവശ്യകതയെ ഊന്നിപ്പറഞ്ഞു. ട്രംപിന്റെ താരിഫ് നയങ്ങളെ ഹാരിസ്  വിമർശിച്ചു, അവ “വ്യക്തമായും ഒരു മാന്ദ്യത്തെ ക്ഷണിച്ചുവരുത്തുന്നു”  സമ്പന്നർക്ക് അനുകൂലമായ ഒരു കാഴ്ചപ്പാട്”…

ഫ്ലോറിഡ:കാമുകിയെയും മൂന്ന് കുട്ടികളെയും കൊലപ്പെടുത്തിയ ഗൾഫ് യുദ്ധ വെറ്ററിനറി ഡോക്ടർ ജെഫ് ഹച്ചിൻസന്റെ  വധശിക്ഷ ഫ്ലോറിഡയിൽ മെയ് 1 വ്യാഴാഴ്ച വൈകീട്ട് നടപ്പാക്കി . ഈ വർഷം ഫ്ലോറിഡയിൽ നടന്ന നാലാമത്തെയും രാജ്യത്തെ 15-ാമത്തെയും വധശിക്ഷയാണിത്. സൈന്യത്തിന്റെ എല്ലാ വിഭാഗങ്ങളെയും പ്രതിനിധീകരിക്കുന്ന 129 സൈനികർ റിപ്പബ്ലിക്കൻ ഗവർണർ റോൺ ഡിസാന്റിസിന് വധശിക്ഷ നിർത്താൻ   ആവശ്യപ്പെട്ടത് അവഗണിച്ചാണ് ഹച്ചിൻസണെ വധശിക്ഷയ്ക്ക് വിധേയനാക്കിയത് . 1998 സെപ്റ്റംബർ 11-ന് 32 വയസ്സുള്ള റെനി ഫ്ലാഹെർട്ടിയും അവരുടെ മൂന്ന് കുട്ടികൾ ,9 വയസ്സുള്ള ജെഫ്രി, 7 വയസ്സുള്ള അമാൻഡ, 4 വയസ്സുള്ള ലോഗൻ എന്നിവരെ വെടിവച്ചു കൊലപ്പെടുത്തിയതിന് 62 വയസ്സുള്ള മുൻ യുഎസ് ആർമി റേഞ്ചർ ശിക്ഷിക്കപ്പെട്ടത് ഫ്ലോറിഡ സ്റ്റേറ്റ് ജയിലിൽ രാത്രി 8 മണിക്കാണ്  വധശിക്ഷ നടപ്പാക്കിയത് . എറ്റോമിഡേറ്റ്, റോക്കുറോണിയം ബ്രോമൈഡ്, പൊട്ടാസ്യം അസറ്റേറ്റ് എന്നിവ ഉൾപ്പെടുന്ന…

കൊച്ചി: രാജ്യത്ത് അരക്ഷിതാവസ്ഥ സൃഷ്ടിച്ച് ജനങ്ങളെ വംശീയമായി ഉന്മൂലം ചെയ്യാൻ ശ്രമിക്കുന്ന ഹിന്ദുത്വ ഭരണകൂടത്തിനെതിരെ വിശാല സൗഹൃദ കൂട്ടായ്മ രൂപപ്പെടണമെന്ന് വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി. സാഹോദര്യ കേരള പദയാത്രക്ക് മട്ടാഞ്ചേരി കരിപ്പാലം മൈതാനിയിൽ നൽകിയ സ്വീകരണത്തിൽ സംസാരിക്കുകയായിരുന്നു അദ്ദേഹം. ഭരണഘടന റദ്ദാക്കി രാജ്യത്ത് സംഘ് രാഷ്ട്ര നിർമിക്ക് ശ്രമിക്കുന്നവരാണ് ഇപ്പോൾ കേന്ദ്ര ഭരണം നടത്തുന്നത്. ഇന്ത്യയിൽ 2014-ന് ശേഷം ദളിത് – ക്രൈസ്തവ – മുസ്‌ലിം ജീവിതങ്ങൾ വംശീയ ഉന്മൂലന മുനമ്പിലാണ്. നിയമനടപടികളിലൂടെയും ബുൾഡോസർ രാജിലൂടെയും ഇന്ത്യയെ തകർക്കാനാണ് ആർ.എസ്.എസ് ശ്രമിക്കുന്നത്. ഭരണഘടന നിലനിർത്തി കൊണ്ട് ഭീകര നിയമങ്ങൾ അടിച്ചേൽപിക്കുന്ന ആസൂത്രിത നീക്കമാണ് നടക്കുന്നത്. സി.എ.എയും വഖ്ഫ് ഭേദഗതി നിയമവും അതിൻ്റെ ഉദാഹരണങ്ങളാണ്. ഇതിനെതിരെ മതേതര ഇന്ത്യക്കായി ജനാധിപത്യ പ്രസ്ഥാനങ്ങൾ ഒറ്റക്കെട്ടായി പോരാടണം. അഭിപ്രായ വ്യത്യാസങ്ങൾ ഉൾക്കൊള്ളാനും വിശാല ഐക്യവേദിയിൽ ഒറ്റക്കെട്ടായി ജനങ്ങൾക്ക്…

പാക്കിസ്താന്‍, ബീഫ്, തീവ്രവാദം തുടങ്ങിയതെല്ലാം ഈ രാജ്യത്ത് മുസ്ലിമിനെ ഏത് പൊതുമധ്യത്തിലും മർദ്ദിച്ച് കൊല്ലാനുള്ള ദേശീയതയുടെ ലൈസൻസ് ആയി മാറിക്കൊണ്ടിരിക്കുന്നതിന്റെ ഒടുവിലത്തെ ഉദാഹരണമാണ് അഷ്റഫ്. ഹിന്ദുത്വ ആൾക്കൂട്ടത്തിന്റെ അതേ വാദങ്ങളെ ഏറ്റെടുത്ത് പ്രതികളുടെ ആരോപണത്തെ ശരി വെച്ച കർണാടക മന്ത്രി ജി പരമേശ്വരയ്യയടക്കമുള്ള സർക്കാർ സംവിധാനവും അതിനെ ശരി വെക്കുന്ന പോലിസ് FIR ഉം ഈ കൊലപാതകത്തിന് ഉത്തരവാദികളാണ്…. ഫ്രറ്റേണിറ്റി മൂവ്മെന്റ്സംസ്ഥാന പ്രസിഡന്റ് നഈം ഗഫൂറിന്റെ ഫെയ്സ്ബുക്ക് പോസ്റ്റ്: മലപ്പുറം ചോലക്കുണ്ട് സ്വദേശിയായ അഷ്റഫ് എന്ന മലയാളി മുസ്ലിം യുവാവിനെ മംഗലാപുരത്ത് വെച്ച ഹിന്ദുത്വ ആൾക്കൂട്ടം മർദ്ദിച്ച് കൊലപ്പെടുത്തിയിട്ട് കേരളീയ പൊതുബോധത്തിനോ മാധ്യമങ്ങൾക്കോ കാര്യമായ കുലുക്കമൊന്നും സംഭവിച്ച മട്ടില്ല. ഇപ്പോഴും സംഘ്പരിവാർ ഉദ്പാദിച്ച് വിടുന്ന ഉന്മാദ ദേശീയതയുടെ ആരോപണങ്ങൾ കത്തിച്ച് നിർത്തി ഹീനമായ വംശീയ കൊലപാതകത്തിന് ന്യായം ചമക്കുന്ന തിരക്കിലാണ് പലരും. മാനസികാസ്വസ്ഥതകൾ നേരിട്ടിരുന്ന യുവാവാണ് അഷ്റഫ്…

കോട്ടക്കല്‍: പാക്കിസ്താന്‍ അനുകൂല മുദ്രാവാക്യം വിളിച്ചെന്ന് വ്യാജമായി ആരോപിച്ച് കോട്ടക്കൽ പറപ്പൂർ സ്വദേശി അഷ്റഫിനെ മംഗലാപുരത്ത് വെച്ച് സംഘ്പരിവാർ മർദ്ദിച്ച് കൊലപ്പെടുത്തിയതിൽ പ്രതിഷേധിച്ച് കോട്ടക്കലിൽ എസ്.ഐ.ഒ മലപ്പുറം കമ്മിറ്റി പ്രകടനം നടത്തി. പഹൽഗാം അക്രമണത്തിന് ശേഷം ഉന്മാദ ദേശീയത ഉയർത്തിവിട്ട് മുസ്ലിം വംശഹത്യക്ക് കോപ്പ്കൂട്ടുകയാണ് സംഘ്പരിവാറെന്ന് എസ്.ഐ.ഒ സംസ്ഥാന പ്രസിഡന്റ് അഡ്വ. അബ്ദുൽ വാഹിദ് അഭിപ്രായപ്പെട്ടു. പ്രതിഷേധ പ്രകടനത്തിൽ എസ്.ഐ.ഒ സംസ്ഥാന സെക്രട്ടറി അസ്നഹ് താനൂർ, ജില്ലാ പ്രസിഡന്റ് അഡ്വ അസ്ലം പളളിപ്പടി, ജില്ലാ സെക്രട്ടറി ഹസനുൽ ബന്ന എന്നിവർ പങ്കെടുത്തു.