പെർള ബുസ്താനുൽ ഉലൂം മദ്രസയിൽ നബിദിനത്തോടനുബന്ധിച്ച് നടന്ന ISHRAQ MEELAD FEST – 2026 അയ്ഫാസ് റഹ്മാന്റെ ഈ മനോഹരമായ വിജയത്തിന് പിന്നിൽ ഒരുപാട് പേരുടെ സ്നേഹവും പ്രാർത്ഥനയും പരിശ്രമവുമുണ്ട്. അതിൽ ഏറെ സന്തോഷത്തോടെ ഓർക്കുന്ന ഒരു പേരാണ് അസീസ് പെർല. UAE-യിൽ നിന്ന് ഓൺലൈനിലൂടെ അയ്ഫാസിന് പരിശീലനം നൽകിയത് അസീസ് പെർല ആയിരുന്നു. മലയാളം പ്രസംഗം, ഇംഗ്ലീഷ് പ്രസംഗം, മാപ്പിളപ്പാട്ട്, ഗ്രൂപ്പ് സോംഗ് തുടങ്ങിയ ഇനങ്ങൾ തയ്യാറാക്കി അയച്ചുകൊടുക്കുകയും, ഓരോന്നും എങ്ങനെ അവതരിപ്പിക്കണം എന്ന് പറഞ്ഞുകൊടുത്ത് പരിശീലിപ്പിക്കുകയും ചെയ്തു. അയ്ഫാസ് പഠിച്ചെടുത്തത് കേവലം മത്സരത്തിൽ പങ്കെടുക്കാൻ വേണ്ടിയല്ല; വേദിയിൽ ആത്മവിശ്വാസത്തോടെയും ഭംഗിയോടെയും അവതരിപ്പിക്കണമെന്ന ലക്ഷ്യത്തോടെയായിരുന്നു. അതോടൊപ്പം വീട്ടിൽ അയ്ഫാസിന്റെ ഉപ്പ അഷ്റഫ് നടത്തിയ പരിശ്രമവും എടുത്തുപറയേണ്ടതാണ്. ദിവസവും പരിശീലിപ്പിക്കുകയും, അയ്ഫാസ് അവതരിപ്പിക്കുന്നത് റെക്കോർഡ് ചെയ്ത് അയച്ചുകൊടുക്കുകയും, അതിലെ ചെറിയ തെറ്റുകൾ പോലും തിരുത്തി വീണ്ടും പരിശീലിപ്പിക്കുകയും…
ഒരു വിജയത്തിന് പിന്നിലെ സ്നേഹവും സമർപ്പണവും
