Month: September 2026

കോഴിക്കോട്: സിപിഎമ്മിന്റെ വിശാല സംസ്ഥാന സമിതി യോഗത്തിന് തുടക്കമായി. പാർട്ടിയുടെ നേതൃത്വതലം മുതൽ താഴെത്തട്ടുവരെ ഏതെല്ലാം മേഖലകളിലാണ് തിരുത്തലുകൾ ആവശ്യമായതെന്ന് യോഗത്തിൽ വിശദമായി ചർച്ച ചെയ്യുമെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദൻ പറഞ്ഞു. ജില്ലാ സെക്രട്ടേറിയറ്റ് അംഗങ്ങളും വർഗ-ബഹുജന സംഘടനകളുടെ ഭാരവാഹികളും ഉൾപ്പെടുന്ന പ്രതിനിധി സംഘമാണ് യോഗത്തിൽ പങ്കെടുക്കുന്നതെന്നും അദ്ദേഹം വ്യക്തമാക്കി. വിമർശനത്തെയും സ്വയംവിമർശനത്തെയും അടിസ്ഥാനമാക്കിയാണ് പാർട്ടി റിപ്പോർട്ടിനെയും ചർച്ചകളെയും സമീപിക്കുന്നതെന്ന് എം വി ഗോവിന്ദൻ പറഞ്ഞു. തെറ്റുകൾ സംഭവിച്ചതായി കണ്ടെത്തിയ മേഖലകളിൽ ആവശ്യമായ തിരുത്തലുകൾ വരുത്തും. സംഘടനാപരമായ ദൗർബല്യങ്ങൾ പരിഹരിക്കുന്നതിനൊപ്പം പാർട്ടിയിലുടനീളം പ്രത്യയശാസ്ത്രപരമായ അടിത്തറ കൂടുതൽ ശക്തിപ്പെടുത്തും. ഭരണതലത്തിൽ ഉണ്ടായ വീഴ്ചകൾ പരിഹരിക്കുന്നതിനുള്ള നടപടികളും സ്വീകരിക്കുമെന്നും അദ്ദേഹം വ്യക്തമാക്കി. സംഘടനാപരമായ പോരായ്മകൾ പരിഹരിക്കുക, പ്രത്യയശാസ്ത്രപരമായ ഉള്ളടക്കം ശക്തിപ്പെടുത്തുക, ഭരണപരമായ വീഴ്ചകൾ തിരുത്തുക എന്നിവയ്ക്കാണ് പാർട്ടി പ്രധാന പരിഗണന നൽകുന്നതെന്നും ഗോവിന്ദൻ പറഞ്ഞു. പിണറായി…

തിരുവനന്തപുരം: സിഎംആർഎൽ–എക്‌സാലോജിക് സാമ്പത്തിക ഇടപാടുമായി ബന്ധപ്പെട്ട് പ്രതിപക്ഷ നേതാവ് പിണറായി വിജയനെതിരെ കേസെടുത്ത് അന്വേഷണം നടത്തണമെന്ന എൻഫോഴ്‌സ്‌മെന്റ് ഡയറക്ടറേറ്റിന്റെ (ഇഡി) കത്തിൽ സർക്കാർ ഉടൻ തുടർനടപടികളിലേക്ക് കടക്കില്ല. ഇപ്പോള്‍ അമേരിക്കയിലുള്ള ആഭ്യന്തരമന്ത്രി രമേശ് ചെന്നിത്തല നാട്ടിൽ തിരിച്ചെത്തിയ ശേഷമായിരിക്കും വിഷയത്തിൽ അന്തിമ തീരുമാനമെടുക്കുക. 16-ാം തീയതിക്ക് ശേഷമേ തുടർനടപടികളിൽ വ്യക്തത ഉണ്ടാകൂ എന്നാണ് സൂചന. ഇഡിയുടെ കത്ത് ലഭിച്ചതിന്റെ അടിസ്ഥാനത്തിൽ ഉടൻ കേസ് രജിസ്റ്റർ ചെയ്യേണ്ടതില്ലെന്ന നിലപാടിലാണ് സർക്കാർ. വിഷയത്തിന്റെ നിയമവശങ്ങൾ പരിശോധിക്കുന്നതിനായി നിയമോപദേശവും തേടിയിട്ടുണ്ട്. തിടുക്കത്തിൽ സ്വീകരിക്കുന്ന തീരുമാനം രാഷ്ട്രീയ തിരിച്ചടിക്ക് ഇടയാക്കുമെന്ന വിലയിരുത്തലും സർക്കാരിനുണ്ട്. ഇഡിയുടെ നടപടി രാഷ്ട്രീയ പ്രേരിതമാണെന്ന പ്രചാരണം സിപിഐഎം ശക്തമാക്കുന്ന സാഹചര്യത്തിൽ സർക്കാർ കരുതലോടെയാണ് നീങ്ങുന്നത്. അതേസമയം, ഇഡിയുടെ യഥാർഥ ലക്ഷ്യം സിപിഐഎമ്മാണെന്നും അതിന്റെ ഭാഗമായാണ് പിണറായി വിജയനെ ലക്ഷ്യമിടുന്നതെന്നും സിപിഎം സംസ്ഥാന സെക്രട്ടറി എം.വി. ഗോവിന്ദൻ ആരോപിച്ചു. വിഷയത്തിൽ…

പ്ലേനോ, ടെക്സാസ്: പ്ലേനോ സെഹിയോൻ മാർത്തോമാ ചർച്ച് സഭാഗം ജോബി മാത്യു (53) സെപ്റ്റംബർ 11 – ന് നിര്യാതനായി.ചില നാളുകളായി രോഗാവസ്ഥയിൽ ആയിരുന്നുയെങ്കിൽ തന്നെയും പെട്ടെന്ന് മരണം സംഭവിക്കയായിരുന്നു. ഭാര്യ : ജുബൈൽ മാത്യൂ. മക്കൾ : ജോയൽ, ജോസിയ പൊതുദർശനവും, സംസ്‌ക്കാര ശ്രിശൂഷയും സെപ്റ്റംബർ 19- ന് രാവിലെ 9:00 മണിക്ക് പ്ലേനോ സെഹിയോൻ മാർത്തോമാ 3760 14th St, Plano, Texas 75074 ചർച്ചിൽ വെച്ച് നടക്കും തുടർന്ന് പ്ലേനോ മ്യൂച്ചൽ സെമിറ്ററി 2128 18th St, Plano, Texas 75074 യിൽ സംസ്‌ക്കാരം നടക്കും.

കോഴിക്കോട്: മൂന്ന് ദിവസം നീണ്ടു നിൽക്കുന്ന സിപിഐഎം വിപുലീകൃത സംസ്ഥാന കമ്മിറ്റി യോഗത്തിന് കോഴിക്കോട് തുടക്കമായി. മുതിർന്ന നേതാവ് പാലോളി മുഹമ്മദുകുട്ടി പതാക ഉയർത്തിയതോടെയാണ് സമ്മേളന നടപടികൾ ആരംഭിച്ചത്. പാർട്ടി ജനറൽ സെക്രട്ടറി എം എ ബേബി യോഗം ഉദ്ഘാടനം ചെയ്തു. മൂന്ന് ദിവസങ്ങളിലായി നടക്കുന്ന സംസ്ഥാന കമ്മിറ്റി യോഗത്തിൽ 307 പ്രതിനിധികളാണ് പങ്കെടുക്കുന്നത്. പ്രതിപക്ഷ നേതാവ് പിണറായി വിജയനെതിരായ ഇ.ഡി നീക്കം ഉൾപ്പെടെയുള്ള സമകാലിക രാഷ്ട്രീയ വിഷയങ്ങൾ യോഗത്തിൽ ചർച്ചയാകുമെന്നാണ് സൂചന. കേരളം കൈവരിച്ച സാമൂഹികവും രാഷ്ട്രീയവുമായ നേട്ടങ്ങളിൽ കമ്മ്യൂണിസ്റ്റ് പ്രസ്ഥാനത്തിന്റെ ഇടപെടലുകൾ നിർണായക പങ്കുവഹിച്ചിട്ടുണ്ടെന്ന് ഉദ്ഘാടന പ്രസംഗത്തിൽ എം എ ബേബി പറഞ്ഞു. പാർട്ടി നിലവിൽ ചില തിരിച്ചടികളിലൂടെ കടന്നുപോകുന്നുണ്ടെങ്കിലും അഭിമാനകരമായ ചരിത്രവും ശക്തമായ തിരിച്ചുവരവുകളുടെ പാരമ്പര്യവും സിപിഐഎമ്മിനുണ്ടെന്നും അദ്ദേഹം ചൂണ്ടിക്കാട്ടി. പാർട്ടിയുടെ ചരിത്രവും രാഷ്ട്രീയ മുന്നേറ്റങ്ങളും ഓർമിപ്പിച്ചായിരുന്നു എം എ ബേബിയുടെ പ്രസംഗം.…

കൊച്ചി: കൊച്ചിയിലെ തമ്മനത്ത് 1.35 കോടി ലിറ്റർ ശേഷിയുള്ള വാട്ടർ ടാങ്ക് ഭാഗികമായി തകർന്നതിനെ തുടർന്ന് ഉണ്ടായ കുടിവെള്ളക്ഷാമത്തിന് പരിഹാരമായി, 50 ലക്ഷം ലിറ്റർ സംയോജിത ശേഷിയുള്ള പുതിയ ടാങ്കുകൾ സ്ഥാപിക്കാൻ കേരള വാട്ടർ അതോറിറ്റി (കെഡബ്ല്യുഎ) തീരുമാനിച്ചു. തമ്മനം ടാങ്കിലെ തകർന്ന ചേംബറിന് പകരമായി നേരത്തെ നിർദേശിച്ചിരുന്ന 35 ലക്ഷം ലിറ്റർ ശേഷിയുള്ള ടാങ്കിന് പകരമാണ് പുതിയ ടാങ്ക് നിർമിക്കുക. പുതുക്കിയ പദ്ധതിപ്രകാരം, ഗ്രൗണ്ട് ലെവൽ റിസർവോയറും 25 ലക്ഷം ലിറ്റർ ശേഷിയുള്ള ഓവർഹെഡ് സർവീസ് റിസർവോയറും പുതിയ ടാങ്കിന്റെ ഭാഗമായിരിക്കും. പദ്ധതിക്ക് ഏകദേശം 31 കോടി രൂപ ചെലവ് വരുമെന്നാണ് കണക്കാക്കുന്നത്. പദ്ധതിക്ക് ഇതിനകം അനുമതി ലഭിച്ചിട്ടുണ്ടെന്നും ഏഷ്യൻ വികസന ബാങ്കിന്റെ (എഡിബി) നവീകരണ പദ്ധതിയിൽ ഇത് ഉൾപ്പെടുത്തിയിട്ടുണ്ടെന്നും അധികൃതർ അറിയിച്ചു. ആലുവയിലെയും മരടിലെയും ജലശുദ്ധീകരണ പ്ലാന്റുകളുടെ നവീകരണവും പദ്ധതിയുടെ പ്രധാന ഘടകങ്ങളിലൊന്നാണ്. ഇതോടൊപ്പം…

ആയുർവേദ ചികിത്സയ്ക്കായി കേരളത്തിലെത്തിയ ആന്ധ്രാപ്രദേശ് ഉപമുഖ്യമന്ത്രിയും നടനുമായ കെ. പവൻ കല്യാൺ മടങ്ങുന്നത് ഹൃദയം നിറയെ ഓർമകളുമായി. ചികിത്സ പൂർത്തിയാക്കിയതിന് പിന്നാലെ കേരളത്തിനും മലയാളികൾക്കും നന്ദി അറിയിച്ച അദ്ദേഹം, സംസ്ഥാനത്ത് ലഭിച്ച സ്നേഹവും ഊഷ്മളമായ ആതിഥ്യമര്യാദയും ഏറെ ഹൃദയസ്പർശിയായിരുന്നുവെന്ന് ഫേസ്ബുക്ക് കുറിപ്പിൽ വ്യക്തമാക്കി. രോഗശാന്തിയും മനസ്സമാധാനവും ഒപ്പം മറക്കാനാവാത്ത നിരവധി അനുഭവങ്ങളും സമ്മാനിച്ച യാത്രയായിരുന്നു കേരളത്തിലേതെന്ന് പവൻ കല്യാൺ പറഞ്ഞു. കേരളത്തിലെ ജനങ്ങളുടെ സ്നേഹവും ആതിഥ്യമര്യാദയും നേരിട്ട് അനുഭവിക്കാൻ കഴിഞ്ഞതിൽ ഏറെ സന്തോഷമുണ്ടെന്നും അദ്ദേഹം വ്യക്തമാക്കി. ചികിത്സാ കാലയളവിലുടനീളം ആത്മാർത്ഥമായ പരിചരണവും പിന്തുണയും നൽകിയ ‘ഡോ. സീതാറാം ആയുർവേദിക് റിട്രീറ്റിലെ’ ഡോക്ടർമാർക്കും മാനേജ്‌മെന്റിനും മുഴുവൻ ജീവനക്കാർക്കും പവൻ കല്യാൺ ഹൃദയംഗമമായ നന്ദിയും അറിയിച്ചു. കേരള സന്ദർശനത്തിനിടെ തൃപ്രയാർ ശ്രീരാമസ്വാമി ക്ഷേത്രം, ഗുരുവായൂർ ശ്രീകൃഷ്ണ ക്ഷേത്രം, മമ്മിയൂർ ശ്രീ മഹാദേവ ക്ഷേത്രം, ചെട്ടികുളങ്ങര ശ്രീ ഭഗവതി ക്ഷേത്രം എന്നിവിടങ്ങളിൽ…

തൃശൂർ: മുതിർന്ന സിപിഎം നേതാവും പാർട്ടിയുടെ തൃശൂർ മുൻ ജില്ലാ സെക്രട്ടറിയുമായ ബേബി ജോൺ അന്തരിച്ചു. കുറച്ചു കാലമായി അസുഖത്തെ തുടർന്ന് ചികിത്സയിലായിരുന്നു. സിപിഎം സംസ്ഥാന സെക്രട്ടേറിയറ്റിലെ മുൻ അംഗമായിരുന്ന ബേബി ജോൺ, തൃശൂർ ജില്ലയിൽ പാർട്ടിയുടെ സംഘടനാ അടിത്തറ ശക്തിപ്പെടുത്തുന്നതിൽ നിർണായക പങ്കുവഹിച്ച മുതിർന്ന നേതാക്കളിലൊരാളായിരുന്നു. 1969-ൽ ഇടതുപക്ഷ പ്രസ്ഥാനവുമായി സഹകരിച്ചുകൊണ്ടാണ് അദ്ദേഹം പൊതുപ്രവർത്തന രംഗത്തേക്ക് കടന്നത്. 1971-ൽ സിപിഎം അംഗമായി. തുടർന്ന് പാലുവായ് ബ്രാഞ്ച് സെക്രട്ടറി, തൈക്കാട്, ചാവക്കാട് ലോക്കൽ കമ്മിറ്റി സെക്രട്ടറിമാർ തുടങ്ങി പാർട്ടിയുടെ വിവിധ സംഘടനാ ചുമതലകൾ വഹിച്ചു. 1984 മുതൽ 1997 വരെ ചാവക്കാട് ഏരിയ സെക്രട്ടറിയായി പ്രവർത്തിച്ച ബേബി ജോൺ 1986-ൽ സിപിഎം തൃശൂർ ജില്ലാ കമ്മിറ്റി അംഗമായി തിരഞ്ഞെടുക്കപ്പെട്ടു. 1997-ൽ ജില്ലാ സെക്രട്ടേറിയറ്റിലേക്ക് ഉയർന്ന അദ്ദേഹം 2006 ജൂലൈയിൽ പാർട്ടിയുടെ തൃശൂർ ജില്ലാ സെക്രട്ടറിയായി ചുമതലയേറ്റു. ജില്ലാതലത്തിലെ…

ഗുരുവായൂർ: ചിങ്ങമാസത്തിലെ അവസാന ഞായറാഴ്ച ഗുരുവായൂർ ക്ഷേത്രത്തിൽ കല്യാണമേളം. ഒറ്റ ദിവസം 420 വിവാഹങ്ങൾ നടന്നതോടെ ക്ഷേത്രത്തിലെ പ്രതിദിന വിവാഹങ്ങളുടെ എണ്ണത്തിൽ പുതിയ റെക്കോർഡ് പിറന്നു. ഞായറാഴ്ചയ്ക്കായി ആകെ 443 വിവാഹങ്ങളാണ് മുൻകൂട്ടി ബുക്ക് ചെയ്തിരുന്നത്. ഓഗസ്റ്റ് 23-ന് നടന്ന 416 വിവാഹങ്ങളായിരുന്നു ഇതുവരെയുള്ള റെക്കോർഡ്. 420 ദമ്പതികൾ വിവാഹിതരായതോടെ ആ റെക്കോർഡ് മറികടന്നു. പുലർച്ചെ നാലുമണി മുതൽ വിവാഹച്ചടങ്ങുകൾ ആരംഭിച്ചു. വൻതിരക്ക് കണക്കിലെടുത്ത് വിവാഹങ്ങൾ തടസ്സമില്ലാതെ നടത്തുന്നതിനും ഭക്തർക്ക് സുഗമമായി ദർശനം നടത്തുന്നതിനുമായി ഗുരുവായൂർ ദേവസ്വം വിപുലമായ ക്രമീകരണങ്ങളാണ് ഒരുക്കിയത്. വിവാഹച്ചടങ്ങുകൾക്കായി ആറ് മണ്ഡപങ്ങൾ സജ്ജീകരിച്ചിരുന്നു. തിരക്ക് നിയന്ത്രിക്കാനും സുരക്ഷ ഉറപ്പാക്കാനും കൂടുതൽ പോലീസുകാരെ വിന്യസിച്ചു. അടിയന്തര സാഹചര്യങ്ങൾ നേരിടുന്നതിനായി ഫയർഫോഴ്‌സ്, ആംബുലൻസ് സേവനങ്ങളും സജ്ജമാക്കി. ഓരോ വിവാഹസംഘത്തിലും പരമാവധി 25 പേർക്കാണ് പ്രവേശനം അനുവദിച്ചത്. നൂറുകണക്കിന് വിവാഹങ്ങൾ ഒരേ ദിവസം നടന്നിട്ടും കാര്യമായ പരാതികളോ…

കോഴിക്കോട്: പന്തീരാങ്കാവിൽ ഒരു കിലോഗ്രാം എംഡിഎംഎ പിടികൂടിയ കേസിലെ അന്വേഷണം കൂടുതൽ നിർണായക വഴിത്തിരിവിലേക്ക്. മയക്കുമരുന്ന് കടത്ത് ശൃംഖലയിലെ പ്രധാന കണ്ണികളെന്ന് പോലീസ് സംശയിക്കുന്ന രണ്ട് പേരെ കൂടി അന്വേഷണ സംഘം അറസ്റ്റ് ചെയ്തു. മലപ്പുറം നിലമ്പൂർ സ്വദേശി സി. അജ്മൽ (32), തിരുവനന്തപുരം മലയിൻകീഴ് സ്വദേശിയും നഴ്‌സിംഗ് വിദ്യാർത്ഥിയുമായ പി. സൂര്യ (23) എന്നിവരാണ് പിടിയിലായത്. ഡൽഹിക്കു സമീപമുള്ള നോയിഡയിലെ ഫ്ലാറ്റിൽ നിന്നാണ് ഇരുവരെയും അന്വേഷണ സംഘം കസ്റ്റഡിയിലെടുത്തത്. കേസുമായി ബന്ധപ്പെട്ട സാമ്പത്തിക ഇടപാടുകൾ പരിശോധിച്ചപ്പോൾ, കഴിഞ്ഞ നാല് മാസത്തിനിടെ ഏകദേശം അഞ്ച് കോടി രൂപയുടെ ഇടപാടുകൾ നടന്നതായാണ് അന്വേഷണ സംഘത്തിന് ലഭിച്ച വിവരം. നോയിഡയിലെ ആഡംബര അപ്പാർട്ട്മെന്റ് കേന്ദ്രീകരിച്ചായിരുന്നു ഇവരുടെ താമസവും പ്രവർത്തനങ്ങളുമെന്നാണ് പോലീസ് പറയുന്നത്. പന്തീരാങ്കാവിൽ വൻതോതിൽ എംഡിഎംഎ പിടികൂടിയതിന് പിന്നാലെ നടത്തിയ വിശദമായ അന്വേഷണമാണ് ഇരുവരിലേക്കും എത്തിയത്. ലഹരിമരുന്ന് വിതരണ ശൃംഖലയിൽ…

ജക്കാർത്ത: ഇന്തോനേഷ്യയിലെ ജാവ കടലിൽ 240 പേരുമായി പോയ ഒരു യാത്രാ കപ്പൽ ദുരൂഹ സാഹചര്യത്തില്‍ അപ്രത്യക്ഷമായി. ബന്ധം നഷ്ടപ്പെട്ടതായി റിപ്പോർട്ടുകൾ ലഭിച്ചതിനെത്തുടർന്ന്, പ്രാദേശിക അധികാരികളും രക്ഷാ ഏജൻസികളും ഞായറാഴ്ച യുദ്ധതലത്തിലുള്ള തിരച്ചിൽ, രക്ഷാപ്രവർത്തനം ആരംഭിച്ചു. ബഞ്ചർമാസിൻ ആസ്ഥാനമായുള്ള സെർച്ച് ആൻഡ് റെസ്‌ക്യൂ ഓഫീസിലെ ഉദ്യോഗസ്ഥർ പറയുന്നതനുസരിച്ച്, വിർഗോ ട്രാൻസ്‌പോർട്ട് 8 എന്ന കപ്പൽ കിഴക്കൻ ജാവ പ്രവിശ്യയിലെ സുരബായ തുറമുഖത്ത് നിന്ന് ബോർണിയോ ദ്വീപിലെ സൗത്ത് കലിമന്തൻ പ്രവിശ്യയുടെ തലസ്ഥാനമായ ബഞ്ചർമാസിനിലേക്ക് പുറപ്പെട്ടതായിരുന്നു. യാത്രയ്ക്കിടെ, കപ്പലിന്റെ ആശയവിനിമയ സംവിധാനം പെട്ടെന്ന് തകരാറിലായതിനെത്തുടര്‍ന്ന് ബന്ധം നഷ്ടപ്പെട്ടു. കപ്പലിന്റെ അവസാനത്തെ അറിയപ്പെടുന്ന സ്ഥലം കണ്ടെത്താൻ രക്ഷാപ്രവർത്തകർ സാങ്കേതിക സഹായം ഉപയോഗിച്ചു. ബഞ്ചർമാസിനിലെ ഒരു തുറമുഖത്ത് നിന്ന് ഏകദേശം 148 കിലോമീറ്റർ അകലെ ജാവ കടലിന്റെ മധ്യത്തിലാണ് ആ സ്ഥലമെന്ന് ഉദ്യോഗസ്ഥർ പറഞ്ഞു. അവിടം കേന്ദ്രീകരിച്ചുള്ള കടൽ പ്രദേശത്ത് തിരച്ചിൽ…