Year: 2026

ഡാലസ്: ഡാലസ് ലവ് ഫീൽഡ് വിമാനത്താവളത്തിൽ മൂന്ന് സൂട്ട്കേസുകളിലായി കടത്താൻ ശ്രമിച്ച 75 പൗണ്ട് (ഏകദേശം 34 കിലോ) കഞ്ചാവുമായി 25-കാരിയായ യുവതിയെ പോലീസ് അറസ്റ്റ് ചെയ്തു. ലാസ് വെഗാസിൽ നിന്നും നോർത്ത് ടെക്സസിലേക്ക് വരികയായിരുന്ന ജെന്നിഫർ മൻസനാരസ്-ഹെരേര എന്ന യുവതിയാണ് പിടിയിലായത്. വിമാനത്താവളത്തിലെ ഒരു ബാഗ് പൊട്ടി കഞ്ചാവ് പുറത്തുകാണുന്നത് ശ്രദ്ധയിൽപ്പെട്ട എയർലൈൻ ജീവനക്കാരാണ് പോലീസിനെ വിവരമറിയിച്ചത്. തുടർന്ന് നടത്തിയ പരിശോധനയിൽ വാക്വം സീൽ ചെയ്ത പാക്കറ്റുകളിലാക്കി സൂക്ഷിച്ച നിലയിൽ മറ്റ് രണ്ട് സൂട്ട്കേസുകൾ കൂടി പോലീസ് കണ്ടെടുത്തു. യുവതിയെ നിലവിൽ ഡാലസ് കൗണ്ടി ജയിലിൽ പാർപ്പിച്ചിരിക്കുകയാണ്. രണ്ടാം ഡിഗ്രി ഫെലണി കുറ്റം ചുമത്തപ്പെട്ട ഇവർക്ക് 25,000 ഡോളറാണ് ജാമ്യത്തുകയായി നിശ്ചയിച്ചിരിക്കുന്നത്

തിരുവനന്തപുരം: മുഖ്യമന്ത്രി പിണറായി വിജയന്റെ വാഹനവ്യൂഹത്തിൽ ഗുരുതരമായ സുരക്ഷാ വീഴ്ച സംഭവിച്ചതായി ഇന്റലിജൻസ് റിപ്പോർട്ട്. കണ്ണൂർ, കോഴിക്കോട് സിറ്റി, മലപ്പുറം ഉൾപ്പെടെ നിരവധി ജില്ലകളിൽ സുരക്ഷാ വീഴ്ച വരുത്തിയതായി റിപ്പോര്‍ട്ടില്‍ സൂചിപ്പിക്കുന്നു. വിഷയത്തിൽ ഇന്റലിജൻസ് മേധാവി ഡിഐജിമാർക്കും ജില്ലാ പോലീസ് മേധാവികൾക്കും റിപ്പോർട്ട് സമർപ്പിച്ചു. മാർച്ച് 14, 19, 22 തീയതികളിൽ നടന്ന പരിപാടികളിലാണ് പ്രധാനമായും വീഴ്ചകൾ സംഭവിച്ചത്. പല സ്ഥലങ്ങളിലും പൈലറ്റ് വാഹനങ്ങൾ ശരിയായ ഏകോപനമില്ലാതെയാണ് നീങ്ങിയതെന്ന് റിപ്പോർട്ട് വിമർശിക്കുന്നു. റൂട്ട് ഏകോപനത്തിൽ ഉദ്യോഗസ്ഥരുടെ പരാജയങ്ങൾ കാരണം, മുഖ്യമന്ത്രിയുടെ വാഹനം വാഹനവ്യൂഹത്തിൽ നിന്ന് വേർപെട്ട് അപകടസാധ്യതയുള്ള സാഹചര്യം സൃഷ്ടിച്ച സംഭവങ്ങളുണ്ടായതായി റിപ്പോര്‍ട്ടില്‍ പരാമര്‍ശിക്കുന്നു. മുഖ്യമന്ത്രി ഇസഡ്+ കാറ്റഗറി സുരക്ഷയിലായിരുന്നിട്ടും റൂട്ട് ഫലപ്രദമായി ഏകോപിപ്പിക്കുന്നതിൽ ഉദ്യോഗസ്ഥർ പരാജയപ്പെട്ടുവെന്ന് റിപ്പോർട്ട് വിലയിരുത്തുന്നു. റൂട്ട് മാനേജ്‌മെന്റിന് ശരിയായ മേൽനോട്ടം ഇല്ലാത്തതും വീഴ്ചകൾക്ക് കാരണമായി. ഇത്തരം സുരക്ഷാ വീഴ്ചകൾ ആവർത്തിക്കരുതെന്ന് റിപ്പോർട്ടിൽ…

കോഴിക്കോട്: കോഴിക്കോട് നഗരത്തിലെ വെള്ളയിൽ റോഡിലുള്ള റെഡ് സ്റ്റാർ പ്രസ്സിൽ വൻ തീപിടുത്തം. ഇന്ന് ഉച്ചയോടെയാണ് സംഭവം. അഗ്നിശമന സേനയുടെ സമയോചിതമായ ഇടപെടൽ മൂലം വലിയൊരു ദുരന്തം ഒഴിവായി. തീ ഇപ്പോൾ പൂർണ്ണമായും നിയന്ത്രണവിധേയമായി. പേപ്പർ റോളുകൾ സൂക്ഷിച്ചിരുന്ന പ്രസ്സിന് പുറത്താണ് ആദ്യം തീ പടർന്നത്. ഞായറാഴ്ചയായതിനാൽ പ്രസ്സ് അടച്ചിരുന്നതുകൊണ്ട് അപകട സമയത്ത് ജീവനക്കാരാരും അകത്തുണ്ടായിരുന്നില്ല. കെട്ടിടത്തിൽ നിന്ന് പുക ഉയരുന്നത് ശ്രദ്ധയിൽപ്പെട്ട ഒരു സ്ത്രീയാണ് നാട്ടുകാരെ വിവരമറിയിച്ചത്. ഉടൻ തന്നെ അഗ്നിശമന സേന സ്ഥലത്തെത്തുകയും തീ അണയ്ക്കുകയും ചെയ്തു. പ്രസ്സിന് പുറത്ത് സൂക്ഷിച്ചിരുന്ന പേപ്പർ റോളുകളിൽ ഭൂരിഭാഗവും കത്തിനശിച്ചു. തീയുടെ തീവ്രതയിൽ കെട്ടിടത്തിന് മുകളിലുള്ള എസിയുടെ പുറം യൂണിറ്റുകൾ ഉരുകി നശിച്ചു. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. എന്നിരുന്നാലും, അധികൃതർ കൂടുതൽ അന്വേഷണം നടത്തിവരികയാണ്. കോഴിക്കോട് നഗരത്തിലെ പ്രധാന പ്രസ്സുകളിൽ ഒന്നാണിത്. ജനയുഗം…

എടത്വ: എടത്വ സെന്റ് ജോര്‍ജ് ഫൊറോന പള്ളില്‍ വിശുദ്ധ ഗീവര്‍ഗ്ഗീസ് സഹദായുടെ തിരുസ്വരൂപം പരസ്യവണക്കത്തിനായി ഇന്ന് ദേവാലയ കവാടത്തില്‍ പ്രതിഷ്ഠിക്കും. രാവിലെ 5.45 ന് നടക്കുന്ന വിശുദ്ധ കുര്‍ബാനയ്ക്ക് ശേഷമാണ് വിശുദ്ധന്റെ തിരുസ്വരൂപം പരസ്യവണക്കത്തിനായി ദേവാലയ കവാടത്തില്‍ പ്രതിഷ്ഠിക്കുന്നത്. ചങ്ങനാശേരി അതിരൂപത ആര്‍ച്ച് ബിഷപ് എമിരിത്തൂസ് മാര്‍ ജോസഫ് പെരുന്തോട്ടം മുഖ്യകാര്‍മികത്വം വഹിക്കും. ചടങ്ങില്‍ ആയിരങ്ങള്‍ പങ്കെടുക്കും. വിശുദ്ധ ഗീവര്‍ഗീസ് സഹദായെ അടുത്ത് കാണുന്നതിനും ദിവ്യസ്വരൂപത്തോട് ചേര്‍ന്നു നിന്നു പ്രാര്‍ത്ഥിക്കുന്നതിനും വിശ്വാസികള്‍ക്ക് ഇതോടെ അവസരം ലഭിക്കും. തൃശൂര്‍ വെടിമരുന്ന് അപകടത്തില്‍ 14 പേര്‍ കൊല്ലപ്പെട്ട സാഹചര്യത്തില്‍ എടത്വ പെരുന്നാള്‍ വെടിക്കെട്ട് ഉപേക്ഷിച്ചു. യോഗശാലയല്‍ കൂടിയ പ്രതിപുരുഷയോഗത്തില്‍ വെടിക്കെട്ട് ഉപേക്ഷിക്കാന്‍ തീരുമാനിക്കുകയായിരുന്നു. വെടിക്കെട്ടിനായി മാറ്റി വച്ച തുക ജീവകാരുണ്യ പ്രവര്‍ത്തനത്തിനായി ചെലവഴിക്കുമെന്ന് വികാരി ജോസഫ് കളരിക്കല്‍ അറിയിച്ചു. പെരുന്നാളിനോട് അനുബന്ധിച്ച് എല്ലാ വര്‍ഷവും നടത്തിവരാറുള്ള വെടികെട്ട് രണ്ടു ദിവസങ്ങളിലായി…

നിരണം: ഭാഗ്യ സ്മരണീയനായ മോറാൻ മോർ അത്തനേഷ്യസ് യോഹാൻ പ്രഥമൻ മെത്രാപ്പോലീത്തായുടെ രണ്ടാം ഓർമ്മ പെരുന്നാൾ മെയ് 7,8 തീയതികളിൽ സെന്റ് തോമസ് ബിലീവേഴ്സ് ഈസ്റ്റേൺ ചർച്ച് നിരണം ഇടവകയിൽ നടക്കും.മെയ് 7ന് വ്യാഴാഴ്‌ച വൈകിട്ട് 6ന് സന്ധ്യ നമസ്കാരവും തുടർന്ന് അനുസ്മരണവും നടക്കും. നിരണം ഗ്രാമ പഞ്ചായത്ത് അംഗവും ഇടവക ട്രസ്റ്റിയുമായ അജോയി കെ വർഗ്ഗീസ് അനുസ്മരണ സമ്മേളനം ഉദ്ഘാടനം ചെയ്യും. മെയ് 8 രാവിലെ 7ന് നടക്കുന്ന വിശുദ്ധ കുർബാനയ്ക്കും ധൂപ പ്രാർത്ഥനയ്ക്കും ഇടവക വികാരി ഫാദർ മർക്കോസ് പള്ളിക്കുന്നേൽ നേതൃത്വം നല്കും. തുടർന്ന് കബറിടം സന്ദർശനവും നടത്തും. സെക്രട്ടറി ഡോ. ജോൺസൺ വാലയിൽ ഇടിക്കുള, ട്രഷറാർ സെൽവരാജ് വിൽസൺ, എക്സിക്യൂട്ടീവ് അംഗങ്ങളായ സുനിൽ ചാക്കോ, ഷിനു റെന്നി എന്നിവരുടെ നേതൃത്വത്തില്‍ ഒരുക്കങ്ങൾ പുരോഗമിക്കുന്നു