Author: മുര്‍ഷിദ

‘ഇസ്രായേലിന്റെ മേഖലാ സാന്നിധ്യം സുരക്ഷയ്ക്കും സ്ഥിരതയ്ക്കും ഭീഷണി’; കരയും വ്യോമാതിർത്തിയും മറ്റുരാജ്യങ്ങൾക്കെതിരെ ഉപയോഗിക്കാൻ അനുവദിക്കരുതെന്നും ടെഹ്‌റാൻ അബുദാബി: ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ യുഎഇ സന്ദർശനത്തിന് പിന്നാലെ പശ്ചിമേഷ്യയിൽ വീണ്ടും നയതന്ത്ര ചൂടേറുന്നു. സന്ദർശനത്തെ ശക്തമായി വിമർശിച്ച ഇറാൻ, മേഖലയിൽ ഇസ്രായേലിന്റെ സ്വാധീനവും സാന്നിധ്യവും വർധിക്കുന്നത് പ്രാദേശിക സമാധാനത്തിനും സുരക്ഷയ്ക്കും ഗുരുതര പ്രത്യാഘാതങ്ങൾ സൃഷ്ടിക്കുമെന്ന മുന്നറിയിപ്പുമായി രംഗത്തെത്തി. നെതന്യാഹു യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനുമായി അബുദാബിയിൽ കൂടിക്കാഴ്ച നടത്തിയതായി യുഎഇ ഔദ്യോഗികമായി സ്ഥിരീകരിച്ചിട്ടുണ്ട്. ഉഭയകക്ഷി ബന്ധങ്ങളും മേഖലയിലെ വെല്ലുവിളികളും കൂടിക്കാഴ്ചയിൽ ചർച്ചയായതായി റിപ്പോർട്ടുകളുണ്ട്. നെതന്യാഹുവിന്റെ സന്ദർശനത്തിന് പിന്നാലെ ഇറാൻ വിദേശകാര്യ മന്ത്രാലയം കടുത്ത പ്രതികരണമാണ് നടത്തിയത്. ഇസ്രായേലിന്റെ മേഖലാ സാന്നിധ്യം വർധിക്കുന്നത് പശ്ചിമേഷ്യയിലെ കൂട്ടായ സമാധാനത്തിനും സുരക്ഷയ്ക്കും ഭീഷണിയാകുമെന്നാണ് ടെഹ്‌റാന്റെ നിലപാട്. നെതന്യാഹുവിന്റെ സന്ദർശനത്തിന്റെ പ്രത്യാഘാതങ്ങളെക്കുറിച്ച് മേഖലയിലെ രാജ്യങ്ങൾ ജാഗ്രത പാലിക്കണമെന്നും…

ഇസ്ലാമിക തീവ്രവാദ ആശയങ്ങളുടെ സ്വാധീനമുണ്ടായിരുന്നുവെന്ന് നെതന്യാഹു; ഇറാൻ ബന്ധം സ്ഥിരീകരിച്ചിട്ടില്ല, അന്തിമ നിഗമനത്തിന് സമയമായിട്ടില്ലെന്ന് അന്വേഷണ വൃത്തങ്ങൾ റിയാദ് (സൗദി അറേബ്യ): ദുബായിൽ നിന്ന് ടെൽ അവീവിലേക്കുള്ള ഫ്ലൈദുബായ് FZ1073 വിമാനത്തിന്റെ കോക്ക്പിറ്റിലുണ്ടായ ആക്രമണത്തിന് പിന്നാലെ, അറസ്റ്റിലായ ഒമാനി സഹപൈലറ്റിന്റെ പശ്ചാത്തലവും ആക്രമണത്തിന് പിന്നിലെ ലക്ഷ്യവും കേന്ദ്രീകരിച്ച് വിവിധ രാജ്യങ്ങളുടെ അന്വേഷണം പുരോഗമിക്കുന്നു. സഹപൈലറ്റ് ഇസ്ലാമിക തീവ്രവാദ ആശയങ്ങളുടെ സ്വാധീനത്തിലായിരുന്നുവെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു ആരോപിച്ചെങ്കിലും, സംഭവത്തിന്റെ കൃത്യമായ പ്രേരണ ഇതുവരെ ഔദ്യോഗികമായി സ്ഥിരീകരിച്ചിട്ടില്ല. ഫോക്സ് ന്യൂസിന് നൽകിയ അഭിമുഖത്തിലാണ് സഹപൈലറ്റ് ‘ഇസ്ലാമിക തീവ്രവാദ ആശയങ്ങളാൽ സ്വാധീനിക്കപ്പെട്ടിരുന്നു’ എന്ന് ലഭ്യമായ വിവരങ്ങൾ സൂചിപ്പിക്കുന്നതായി നെതന്യാഹു പറഞ്ഞത്. ഇയാൾക്ക് ഇറാനുമായോ മറ്റേതെങ്കിലും സംഘടനയുമായോ ബന്ധമുണ്ടോയെന്ന കാര്യവും അന്വേഷണ പരിധിയിലുണ്ട്. എന്നാൽ ഇറാൻ ബന്ധം സ്ഥിരീകരിക്കാൻ നിലവിൽ തെളിവുകളില്ലെന്നും അതുസംബന്ധിച്ച് നിഗമനത്തിലെത്താൻ സമയമായിട്ടില്ലെന്നും റിപ്പോർട്ടുകൾ വ്യക്തമാക്കുന്നു. സംഭവത്തിൽ ഇന്ത്യൻ…

പൈലറ്റിന് നേരെ കോക്ക്പിറ്റിൽ ആക്രമണം; നിയന്ത്രണം നഷ്ടപ്പെട്ട വിമാനത്തിൽ രക്ഷകനായി യാനിവ് ഹയൂൺ, പിന്നീട് നെതന്യാഹുവുമായി കൂടിക്കാഴ്ച ദുബായ്: ദുബായിൽ നിന്ന് ടെൽ അവീവിലേക്ക് പറന്ന ഫ്ലൈദുബായ് FZ1073 വിമാനത്തിൽ ഉണ്ടായ അതീവ ഗുരുതരമായ അടിയന്തരാവസ്ഥയിൽ യാത്രക്കാരുടെ ധീരമായ ഇടപെടൽ വൻ ദുരന്തം ഒഴിവാക്കാൻ സഹായിച്ചു. വിമാനത്തിന്റെ ക്യാപ്റ്റനെ സഹപൈലറ്റ് ആക്രമിച്ചതിനെ തുടർന്ന് വിമാനം അതിവേഗം താഴേക്ക് പതിച്ചപ്പോൾ, ഇസ്രായേലി യാത്രക്കാരനായ യാനിവ് ഹയൂൺ ഉൾപ്പെടെയുള്ളവർ കോക്ക്പിറ്റിലെത്തി ആക്രമണകാരിയെ കീഴടക്കുകയായിരുന്നു. റിപ്പോർട്ടുകൾ പ്രകാരം, ഇന്ത്യൻ പൗരനായ ക്യാപ്റ്റൻ സ്മിത് മച്ചാറിനെയാണ് സഹപൈലറ്റ് കുത്തിപ്പരിക്കേൽപ്പിച്ചത്. ഗുരുതരമായി പരിക്കേറ്റിട്ടും ക്യാപ്റ്റൻ കോക്ക്പിറ്റ് വാതിൽ തുറക്കാൻ കഴിഞ്ഞതാണ് യാത്രക്കാർക്ക് അകത്തേക്ക് പ്രവേശിക്കാൻ വഴിയൊരുക്കിയത്. ഇതിനിടെ വിമാനം നിയന്ത്രണം നഷ്ടപ്പെട്ട് കുത്തനെ താഴേക്ക് പതിക്കാൻ തുടങ്ങിയിരുന്നു. കോക്ക്പിറ്റിനുള്ളിലെത്തിയ യാനിവ് ഹയൂൺ കണ്ടത് ഞെട്ടിക്കുന്ന കാഴ്ചയായിരുന്നു. ക്യാപ്റ്റൻ ഗുരുതരമായി പരിക്കേറ്റ് വീണുകിടക്കുകയും ആക്രമണകാരിയായ സഹപൈലറ്റ്…

അടിയന്തര രക്ഷാപ്രവർത്തനങ്ങൾക്കായി വിമാനത്തിൽ സൂക്ഷിക്കുന്ന ‘ക്രാഷ് ആക്സ്’ ആക്രമണത്തിന് ഉപയോഗിച്ചെന്നാണ് റിപ്പോർട്ട്; സംഭവത്തിന് പിന്നാലെ വിമാനം കുത്തനെ താഴ്ന്നതായും വിവരം ദുബായ്: ഇസ്രായേലിലേക്കുള്ള ഫ്ലൈദുബായ് വിമാനത്തിൽ ഇന്ത്യൻ വംശജനായ ക്യാപ്റ്റൻ സ്മിത് മച്ചാറിന് നേരെയുണ്ടായ ആക്രമണവുമായി ബന്ധപ്പെട്ട് പുതിയ വിവരങ്ങൾ പുറത്തുവരുന്നു. ആക്രമണത്തിന് വിമാനത്തിന്റെ കോക്ക്പിറ്റിൽ അടിയന്തര സാഹചര്യങ്ങൾക്കായി സൂക്ഷിച്ചിരുന്ന ‘ക്രാഷ് ആക്സ്’ അഥവാ ‘ഫയർ ആക്സ്’ ഉപയോഗിച്ചിരിക്കാമെന്നാണ് റിപ്പോർട്ടുകൾ. ഇതോടെ യാത്രാവിമാനത്തിൽ ഇത്തരമൊരു ഉപകരണം എന്തിനാണ് സൂക്ഷിക്കുന്നതെന്ന ചോദ്യവും ഉയരുകയാണ്. പ്രാഥമിക റിപ്പോർട്ടുകളിൽ ഒമാൻ സ്വദേശിയായ സഹപൈലറ്റ് മൂർച്ചയേറിയ ആയുധം ഉപയോഗിച്ചാണ് ക്യാപ്റ്റൻ സ്മിത് മച്ചാറിനെ ആക്രമിച്ചതെന്നായിരുന്നു സൂചന. എന്നാൽ, പുറത്തുനിന്ന് കത്തിയോ മറ്റേതെങ്കിലും ആയുധമോ വിമാനത്തിനുള്ളിലേക്ക് കൊണ്ടുവന്നതിന് തെളിവില്ലെന്നും, കോക്ക്പിറ്റിൽ തന്നെ ഉണ്ടായിരുന്ന അടിയന്തര ഉപകരണം ആക്രമണത്തിന് ഉപയോഗിച്ചിരിക്കാമെന്നുമാണ് പിന്നീട് പുറത്തുവന്ന വിവരം. വിമാനത്തിന്റെ കോക്ക്പിറ്റിൽ സൂക്ഷിച്ചിരുന്ന ‘ക്രാഷ് ആക്സ്’ അഥവാ അടിയന്തര കോടാലിയാണ്…