ന്യൂഡൽഹി: നെഞ്ചിലെ അണുബാധയെ തുടർന്ന് ആശുപത്രിയിൽ ചികിത്സയിലായിരുന്ന മുതിർന്ന ബിജെപി നേതാവും മുൻ ഉപപ്രധാനമന്ത്രിയുമായ എൽ.കെ. അദ്വാനി ആശുപത്രി വിട്ടു. ആരോഗ്യനില മെച്ചപ്പെട്ടതിനെ തുടർന്ന് തിങ്കളാഴ്ചയാണ് അദ്ദേഹത്തെ ഡിസ്ചാർജ് ചെയ്തത്. ഒക്ടോബർ 16-നാണ് അദ്വാനിയെ ന്യൂഡൽഹിയിലെ ഇന്ദ്രപ്രസ്ഥ അപ്പോളോ ആശുപത്രിയിൽ പ്രവേശിപ്പിച്ചത്. മുതിർന്ന ന്യൂറോളജി കൺസൾട്ടന്റ് ഡോ. വിനീത് സൂരിയുടെ മേൽനോട്ടത്തിലായിരുന്നു ചികിത്സ. നെഞ്ചിലെ അണുബാധയെ തുടർന്ന് ചികിത്സയിലായിരുന്ന അദ്വാനിയുടെ ആരോഗ്യനില തൃപ്തികരമായി മെച്ചപ്പെട്ടതായും അദ്ദേഹത്തെ ഡിസ്ചാർജ് ചെയ്തതായും ആശുപത്രി അധികൃതർ പ്രസ്താവനയിലൂടെ അറിയിച്ചു. ഈ മാസം ആദ്യം പ്രധാനമന്ത്രി നരേന്ദ്ര മോദി അദ്വാനിയുടെ ന്യൂഡൽഹിയിലെ വസതിയിലെത്തി അദ്ദേഹത്തെ സന്ദർശിക്കുകയും അനുഗ്രഹം തേടുകയും ചെയ്തിരുന്നു. പതിറ്റാണ്ടുകളായി പൊതുജീവിതത്തിൽ സജീവമായ അദ്വാനിയുടെ സേവനങ്ങൾ രാജ്യത്തിന്റെ ചരിത്രത്തിൽ മായാത്ത മുദ്ര പതിപ്പിച്ചിട്ടുണ്ടെന്ന് പ്രധാനമന്ത്രി സമൂഹമാധ്യമമായ എക്സിൽ കുറിച്ചു. ഇന്ത്യയുടെ പുരോഗതിക്കും രാഷ്ട്രീയ വളർച്ചയ്ക്കും അദ്വാനി നൽകിയ സംഭാവനകൾ നിർണായകമാണെന്നും മോദി…
നെഞ്ചിലെ അണുബാധയെ തുടർന്ന് ചികിത്സയിലായിരുന്ന എൽ.കെ. അദ്വാനി ആശുപത്രി വിട്ടു
