Author: .

കോഴിക്കോട്: ഗാസയിൽ ഇസ്രായേൽ കടന്നുകയറ്റവും ആക്രമണവും തുടരുന്നതിനിടെ ഫലസ്തീൻ മുഫ്തിയും പണ്ഡിതനുമായ ശൈഖ് മുഹമ്മദ് ഹുസൈനുമായി സംസാരിച്ച് ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്‌ലിയാർ. നിലവിലെ യുദ്ധ സാഹചര്യവും ഫലസ്തീനികളുടെ ആശങ്കയും അന്വേഷിച്ച ഗ്രാൻഡ് മുഫ്തി ഇന്ത്യൻ ജനതയുടെ ഐക്യദാർഢ്യവും പ്രാർത്ഥനയും അറിയിച്ചു. അന്താരാഷ്ട്ര തലത്തിൽ ഫലസ്തീനികളുടെ ആശങ്കകളും അവകാശങ്ങളും ഏറ്റവും സൂക്ഷ്മമായി മനസ്സിലാക്കിയ സമൂഹമാണ് ഇന്ത്യക്കാരെന്നും അതിൻ്റെ തുടർച്ച ഉറപ്പുവരുത്തുന്ന നിലപാടുകളാണ് ഇന്ത്യൻ സമൂഹത്തിൽ നിന്നും  പ്രതീക്ഷിക്കുന്നതെന്നും ശൈഖ് മുഹമ്മദ് ഹുസൈൻ ഗ്രാൻഡ് മുഫ്തിയുമായി പങ്കുവെച്ചു. ലോകത്തെ പ്രധാന ശക്തികളിലൊന്നായി വളരുന്ന ഇന്ത്യക്ക് നിലവിലെ പശ്ചിമേഷ്യൻ പ്രശ്‌നം രമ്യമായി പരിഹരിക്കുന്നതിൽ നയതന്ത്ര പങ്കുവഹിക്കാൻ സാധിക്കുമെന്നും ഇന്ത്യൻ ഗവണ്മെന്റിന്റെ നടപടികൾക്കായി ഗ്രാൻഡ് മുഫ്തി ഇടപെടലുകൾ നടത്തണമെന്നും ശൈഖ് ഹുസൈൻ പ്രത്യാശ പ്രകടിപ്പിച്ചു. ഇന്നലെ ഉച്ചയോടെയാണ് ശൈഖ് മുഹമ്മദ് ഹുസൈനുമായി ഗ്രാൻഡ് മുഫ്തി ഫോൺ…

ന്യൂയോര്‍ക്ക്: ന്യുയോർക്ക് കൗൺസിൽ ഓഫ് നോൺ പ്രോഫിറ്റ്സിന്റെ (NYCON) 2024 ജനുവരി മുതലുള്ള ബോർഡ് ഡയറക്ടറായി ഡോ. സാം സാമൂവൽ തെരഞ്ഞെടുക്കപ്പെട്ടു. യുഎസ്, ഇന്ത്യ, മിഡിൽ ഈസ്റ്റ് എന്നിവിടങ്ങളിൽ രണ്ട് ദശാബ്ദത്തിലേറെയായി എഴുത്തുകാരൻ, പ്രഭാഷകൻ, മെന്റർ, സോഷ്യൽ ഇംപാക്റ്റ് ലീഡർ, മികച്ച സാമൂഹിക സംരംഭകൻ എന്നിങ്ങനെ വിവിധ മേഖലകളിൽ വ്യക്തിമുദ്ര പതിപ്പിച്ച ഡോ. സാം, ‘മഹാത്മാഗാന്ധി സമ്മാൻ അവാർഡ്’ ഉൾപ്പെടെ പത്തിലധികം ദേശീയ, അന്തർദേശീയ പുരസ്കാരങ്ങൾക്ക് അർഹനായിട്ടുണ്ട്. ഒമാനിലെ ഏറ്റവും വലിയ സന്നദ്ധ സംഘടനയായ നോളഡ്ജ് ഒമാന്റെ മുൻ വൈസ് ചെയർമാൻ, ഇന്ത്യൻ സ്കൂൾസ് ഇൻ ഒമാന്റെ മുൻ ചെയർമാൻ എന്നീ നിലകളിലും ഇദ്ദേഹത്തെ സേവനം അനുഷ്ഠിച്ചിട്ടുണ്ട്. യുഎസിലെ സന്നദ്ധ സംഘടനയായ അബോട്ട് ഹൗസിന്റെ ഡയറക്ടറും അന്നവും അക്ഷരവും ആദരവോടെ പങ്കുവയ്ക്കുന്ന ‘അഞ്ചപ്പം ചാരിറ്റബിൾ ട്രസ്റ്റ് ‘, ഒരു കംപാഷൻ ഹബ്ബായി വളർന്നുവരുന്ന ‘താവു കമ്മ്യൂണിറ്റി ട്രസ്റ്റ്’…

ഷിക്കാഗോ: ഷിക്കാഗോ മലയാളി അസ്സോസിയേഷന്‍ ഫോമ/ഫൊക്കാന പ്രതിനിധികളുടെ തിരഞ്ഞെടുപ്പ് ഒക്ടോബര്‍ 29-ാം തീയതി മൂന്നു മണിക്കു നടക്കുന്ന പൊതുയോഗത്തില്‍ വച്ച് നടക്കുന്നതാണ്. ഒക്ടോബര്‍ 22-ാം തീയതി ഞായറാഴ്ചയാണ് നാമനിര്‍ദ്ദേശ പത്രിക കൊടുക്കേണ്ട അവസാന തീയതി. ഫോമയിലേക്ക് അസോസിയേഷനില്‍ നിന്നും ഏഴും ഫൊക്കാനയിലേക്ക് 10 പ്രതിനിധികളുമാണ് പ്രതിനിധാനം ചെയ്യുന്നത്. ഫോമയിലേക്കും ഫൊക്കാനയിലേക്കും ഉള്ള പ്രതിനിധികളില്‍ അസോസിയേഷന്‍ പ്രസിഡന്റ് തിരഞ്ഞെടുപ്പിനെ നേരിടാതെ തന്നെ അസോസിയേഷന്‍ നിയമാവലിയനുസരിച്ച് പ്രതിനിധിയാവുന്നതാണ്. ഫോമയുടെയും ഫൊക്കാനയുടെയും പ്രതിനിധികളാകുവാന്‍ താല്‍പര്യപ്പെടുന്നവര്‍ നാമനിര്‍ദ്ദേശ ഫാറം അസോസിയേഷന്‍ വെബ്‌സൈറ്റില്‍ നിന്നോ (www.chicagomalayaleeassociation.org), പ്രസിഡന്റ് ജോഷി വള്ളിക്കളത്തില്‍ നിന്നോ (joshyvallikalam@gmail.com, ഫോണ്‍ 312 685 6749) ലഭ്യമാക്കാവുന്നതാണ്. നാമനിര്‍ദ്ദേശ ഫാറത്തില്‍ പറഞ്ഞിരിക്കുന്ന മാനദണ്ഡമനുസരിച്ച് പൂരിപ്പിച്ച ഫാറം joshyvallikalam@gmail.com ല്‍ നിശ്ചിത ഫീസായ 50 ഡോളര്‍ സഹിതം അയക്കണം. പ്രതിനിധിയാകാന്‍ ആഗ്രഹിക്കുന്നവരും, അവരെ നാമനിര്‍ദ്ദേശം ചെയ്യുന്നവരും ഷിക്കാഗോ മലയാളി അസ്സോസിയേഷനില്‍ അംഗത്വമുള്ളവരായിരിക്കണം. നാമനിര്‍ദ്ദേശം…

ഫിലഡല്‍ഫിയ: ശ്ലൈഹിക സന്ദര്‍ശനത്തിന് അമേരിക്കയിലെത്തിയ മലങ്കര ഓര്‍ത്തഡോക്സ് സഭയുടെ പരമാദ്ധ്യക്ഷനും മലങ്കര മെത്രാപ്പോലീത്തയുമായ പരി. ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവായ്ക്ക് ഫിലാഡല്‍ഫിയ എയര്‍പോര്‍ട്ടില്‍ ഊഷ്മള സ്വീകരണം നല്‍കി. സൗത്ത് വെസ്റ്റ് അമേരിക്കന്‍ സന്ദര്‍ശനത്തിനു ശേഷമെത്തിയ പരി. ബാവായെയും സൗത്ത് വെസ്റ്റ് അമേരിക്കന്‍ ഭദ്രാസനാധിപനുമായ ഡോ. തോമസ് മാര്‍ ഈവാനിയോസിനെയും ഭദ്രാസന സെക്രട്ടറി ഫാ. ഡോ. വറുഗീസ് എം ഡാനിയേല്‍, കൗണ്‍സില്‍ അംഗം ബിജോ കെ തോമസ്, മാനേജിംഗ് കമ്മിറ്റി അംഗം ഷാജി വറുഗീസ്, സെന്റ് ഗ്രിഗോറിയോസ് ട്രഷറര്‍ ഡീക്കന്‍ ജസ്റ്റിന്‍, ഫെയര്‍ലെസ് ഹില്‍സ് സെന്റ് ജോര്‍ജ് ഓര്‍ത്തഡോക്സ് ദേവാലയം, ബെന്‍സേലം സെന്റ് ഗ്രിഗോറിയോസ് ഓര്‍ത്തഡോക്സ് ദേവാലയം, ഹണ്ടിംഗ്ടണ്‍വാലി സെ. മേരീസ് ഓര്‍ത്തഡോക്സ് ദേവാലയം, ഫിലാഡല്‍ഫിയാ സെ. തോമസ് ഓര്‍ത്തഡോക്സ് ദേവാലയം, ഡ്രെക്സന്‍ ഹില്‍സ് സെന്റ് ജോണ്‍സ് ഓര്‍ത്തഡോക്സ് ദേവാലയം എന്നിവിടങ്ങളില്‍ നിന്നുള്ള വൈദികരും സെമിനാരിയന്‍സും…

ഫിലഡല്‍ഫിയ: “ഒരു വിശ്വാസം, പല ആചാരങ്ങള്‍” എന്ന മഹത്സന്ദേശം ഉയര്‍ത്തിക്കാട്ടി ഫിലാഡല്‍ഫിയയില്‍ നടന്ന ഭാരതകത്തോലിക്കാ കൂട്ടായ്മയുടെ ആഘോഷം വര്‍ണാഭമായി. പിറന്നനാട്ടില്‍നിന്നും തലമുറകളായി ലഭിച്ച പാറപോലുറച്ച ക്രൈസ്തവവിശ്വാസവും, പാരമ്പര്യങ്ങളും, ആചാരങ്ങളും പ്രവാസനാട്ടിലും അഭംഗുരം കാത്തുസൂക്ഷിക്കുന്ന സീറോമലബാര്‍, സീറോമലങ്കര, ക്നാനായ, ലത്തീന്‍ കത്തോലിക്കര്‍ വിശാസനിറവില്‍ അണിനിരന്ന് ഒരുമയുടെ കാഹളം മുഴക്കിയത് ശ്രദ്ധേയമായിരുന്നു. ഒക്ടോബര്‍ 14 ശനിയാഴ്ച്ച വിശാല ഫിലാഡല്‍ഫിയ റീജിയണിലെ കേരള കത്തോലിക്കരുടെ സ്നേഹകൂട്ടായ്മയായ ഇന്‍ഡ്യന്‍ അമേരിക്കന്‍ കാത്തലിക് അസോസിയേഷന്‍ (ഐ. എ. സി. എ.) ഇന്‍ഡ്യന്‍ കാത്തലിക് ഹെറിറ്റേജ് ദിനവും അസോസിയേഷന്‍റെ 45-ാം വാര്‍ഷികവും ആഘോഷിച്ചത് അസോസിയേഷന്‍റെ ചരിത്രതാളുകളില്‍ ഇടംപിടിച്ചു. ചിക്കാഗോ സെ. തോമസ് സീറോമലബാര്‍ രൂപതാ ബിഷപ് മാര്‍ ജോയ് ആലപ്പാട്ട് അയിരുന്നു മുഖ്യാതിഥി. താലപ്പൊലിയുടെയും ചെണ്ടമേളത്തിന്‍റെയും അകമ്പടിയോടെ ദേവാലയകവാടത്തില്‍ ബിഷപ് മാര്‍ ജോയ് ആലപ്പാട്ടിനെയും, മറ്റു വിശിഷ്ടാതിഥികളെയും സ്വീകരിച്ചു. സെ. തോമസ് സീറോമലബാര്‍ ദേവാലയത്തില്‍ വൈകുന്നേരം…

ഡാലസ് :മൂന്ന് പതിറ്റാണ്ടുകളായി ഡാളസിലെ കുടുംബങ്ങളുടെയും ഷോപ്പർമാരുടെയും ക്രിസ്തുമസ്സ് സീസണിലെ പരിചിത മുഖം കാൾ ജോൺ ആൻഡേഴ്സൺ(70) അന്തരിച്ചു. ചൈൽഡ് സൈക്കോളജിസ്റ്റായ ആൻഡേഴ്സൺ 30 വർഷത്തിലേറെയായി നോർത്ത്പാർക്കിൽ സാന്തയുടെ വേഷം ചെയ്തിരുന്നു. “കാൾ കഴിവുള്ള ഒരു കഥാകാരനായിരുന്നു, ഡാളസിലെ നോർത്ത് പാർക്ക് മാളിൽ 30 വർഷമായി സാന്തയായി കുട്ടികളുമായി പ്രത്യേക നിമിഷങ്ങൾ പങ്കിടുകയായിരുന്നു കാൾ,” ആൻഡേഴ്സൺ താമസിച്ചിരുന്ന ഓസ്റ്റിനിൽ സ്ഥിതി ചെയ്യുന്ന കുക്ക്-വാൾഡൻ/ഫോറസ്റ്റ് ഓക്സ് ഫ്യൂണറൽ ഹോമും മെമ്മോറിയൽ പാർക്കും ആൻഡേഴ്സണുള്ള ഒരു ചരമക്കുറിപ്പിൽ പറയുന്നു. “കാൾ നോർത്ത് പാർക്കിലെ തന്റെ വർഷങ്ങളായി എണ്ണമറ്റ ജീവിതങ്ങളെ സ്പർശിക്കുകയും നിരവധി വാർഷിക കുടുംബ പാരമ്പര്യങ്ങളിൽ അമൂല്യമായ അംഗമായി മാറുകയും ചെയ്തു.” ആൻഡേഴ്സൺ 1953 ൽ എൻജെയിലെ പാസായിക്കിൽ ജനിച്ചു, ഫ്ലോറിഡയിലും ഹൂസ്റ്റണിലും വളർന്നു. ഓസ്റ്റിനിലാണ് അദ്ദേഹം താമസിച്ചിരുന്നത്, അവിടെ ടെക്സസ് യൂണിവേഴ്സിറ്റിയിൽ നിന്ന് മനഃശാസ്ത്രത്തിൽ പിഎച്ച്ഡി ബിരുദം നേടി.…

ഡാളസ് : നോർത്ത് അമേരിക്കാ യൂറോപ്പ് ഭദ്രാസന യുവജന സഖ്യം സിൽവർ ജൂബിലിയും, മാർത്തോമാ യുവജന സഖ്യം നവതിയും ആഘോഷിക്കുന്ന മീറ്റിങ്ങിൽ മുഖ്യപ്രഭാഷണം നടത്തുകയായിരുന്നു റവ .പ്രിൻസ് വർഗീസ്. ഉല്പത്തി പുസ്തകം ഇരുപത്തിയാറാം അധ്യായം 17-22 വരെയുള്ള വാക്യങ്ങളെ ആസ്പദമാക്കി ബഹുമാനപ്പെട്ട അച്ഛൻ പ്രഭാഷണം നടത്തി. യിസഹാക് തന്റ്റെ പിതാവായ അബ്രഹാം നിർമ്മിച്ച കിണറുകളെ പുനരുജ്ജീവിപ്പിക്കുകയും, തൻറെ കൂടെയുള്ള ജനത്തിന് വേണ്ടി പുതിയ കിണറുകൾ കുഴിക്കുകയും, തെന്റ രാജ്യത്തിൻറെ ചുറ്റുപാടും താമസിക്കുന്നവർക്ക് വേണ്ടി പുതിയ കിണറുകൾ നിർമിക്കുകയും ചെയ്തു. ഈ പ്രവർത്തിയിലൂടെ യിസഹാക് തൻറെ സ്വന്ത പൈതൃകത്തിലെ കിണറിൽനിന്ന് ശക്തിപ്രാപിച്ചു, പുതിയ കിണർ കുഴിക്കുന്നതിലൂടെ തൻറെ വിശ്വാസത്തെ പുനരുജ്ജീവിപ്പിക്കുകയും, തന്നെ എതിർത്തവരെ കൂട്ടിച്ചേർത്ത് പുതിയ കിണർ കുഴിക്കുകയും ചെയ്തുകൊണ്ട്, ദൈവിക നീതി ഉയർത്തിപ്പിടിച്ച്‌ സമൂഹത്തെ രൂപാന്തരപ്പെടുത്താൻ ഇടയാക്കുകയും ചെയ്തു എന്ന് അച്ഛൻ തന്റെ പ്രസംഗത്തിൽ ഓർമിപ്പിച്ചു. ആയതിനാൽ…