Author: .

തൃശൂർ: ടി.പി. ചന്ദ്രശേഖരൻ വധക്കേസിൽ ജീവപര്യന്തം തടവിന് ശിക്ഷിക്കപ്പെട്ട് വിയ്യൂര്‍ സെന്‍‌ട്രല്‍ ജയിലില്‍ കഴിയുന്ന സി.പി.ഐ.എം ഗുണ്ടയ്ക്ക് പോലീസ് അകമ്പടിയോടെ രാജകീയ വിനോദയാത്ര. സി.പി.ഐ.എമ്മിലെ കരാർ കൊലയാളി കൊടി സുനിയും ടി.പി വധക്കേസിൽ ജീവപര്യന്തം തടവിന് ശിക്ഷിക്കപ്പെട്ട മുഖ്യപ്രതി അനൂപും തൃശൂരിൽ നിന്ന് കണ്ണൂരിലേക്കുള്ള യാത്രയില്‍ ആഡംബര സൗകര്യങ്ങൾ ആസ്വദിക്കുന്ന വീഡിയോയാണ് പുറത്ത് വന്നിരിക്കുന്നത്. ടി പി ചന്ദ്രശേഖരൻ കമ്മ്യൂണിസ്റ്റ് പാർട്ടി ഓഫ് ഇന്ത്യയുടെ (മാർക്സിസ്റ്റ്) (സിപിഐ(എം)) വേർപിരിഞ്ഞ ഗ്രൂപ്പായ റവല്യൂഷണറി മാർക്സിസ്റ്റ് പാർട്ടിയുടെ (ആർഎംപി) സ്ഥാപകനാണ്. സിപി‌ഐ‌എമ്മിലെ സജീവ പ്രവര്‍ത്തകനായിരുന്ന അദ്ദേഹം പാര്‍ട്ടിയുടെ അവസരവാദത്തില്‍ മനം മടുത്താണ് പാര്‍ട്ടി വിട്ട് റവല്യൂഷണറി മാർക്സിസ്റ്റ് പാർട്ടി രൂപീകരിച്ചത്. എന്നാല്‍, 2012 മെയ് നാലിന് സി.പി.ഐ.എമ്മിന്റെ ഗുണ്ടാ സംഘത്തിന്റെ ആക്രമണത്തില്‍ കൊല്ലപ്പെട്ടു. ചന്ദ്രശേഖരൻ ധീരനായ കമ്മ്യൂണിസ്റ്റായിരുന്നുവെന്ന് അദ്ദേഹത്തിന്റെ കൊലപാതകത്തിന് ശേഷം മുതിർന്ന സിപിഐ എം നേതാവ് വിഎസ് അച്യുതാനന്ദൻ…

ന്യൂഡൽഹി: സംസ്ഥാന ധനമന്ത്രിയുടെ വാദങ്ങൾ തള്ളി വിദേശകാര്യ സഹമന്ത്രി വി.മുരളീധരൻ രംഗത്ത്. വിഘടനവാദികളുടെ ഭാഷയാണ് കെഎം ബാലഗോപാൽ ഉപയോഗിക്കുന്നതെന്നും കേന്ദ്ര ധനകാര്യ കമ്മിഷന്റെ ശിപാർശ പ്രകാരമാണ് നികുതി വിഹിതമെന്നും അദ്ദേഹം പറഞ്ഞു. കേന്ദ്ര ധനമന്ത്രിയുടെ കത്ത് പുറത്തുവന്നാൽ ബാലഗോപാലിന്റെ കള്ളത്തരം പുറത്തുവരും. നികുതി പിരിവ് 30 ശതമാനത്തിൽ താഴെയാണ്. ഫെബ്രുവരിയിൽ നികുതി വിഹിതമായി 780 കോടി അനുവദിച്ചു. വസ്തുതകൾ വിശദീകരിക്കാൻ മന്ത്രി തയ്യാറുണ്ടോയെന്ന് അദ്ദേഹം ചോദിച്ചു. നിതി ആയോഗ് യോഗത്തിൽ മുഖ്യമന്ത്രി പങ്കെടുത്തില്ലെന്നും വി.മുരളീധരൻ പറഞ്ഞു. “പാർട്ടി യോഗത്തിൽ പങ്കെടുക്കാൻ മാത്രമാണ് മുഖ്യമന്ത്രി ഡൽഹിയിൽ എത്തുന്നത്. ആറ് വർഷമായി ജിഎസ്ടി വകുപ്പ് പുനഃസംഘടിപ്പിച്ചിട്ടില്ല. ധനമന്ത്രിക്ക് ചേരാത്ത പ്രസ്താവനകളാണ് കെഎൻ ബാലഗോപാൽ നടത്തുന്നത്. ഡൽഹിയിലെ പ്രത്യേക പ്രതിനിധി ആറന്മുള കണ്ണാടി സമ്മാനിച്ചാൽ കാര്യമില്ലെന്നും അദ്ദേഹം പറഞ്ഞു. പ്രശ്‌നങ്ങളിൽ ഇടപെടാൻ പ്രത്യേക പ്രതിനിധി തയ്യാറായിട്ടില്ല,” അദ്ദേഹം പറഞ്ഞു. മുഖ്യമന്ത്രിയുടെ മകൾക്കെതിരായ…

തിരുവനന്തപുരം: നിയമസഭാ സ്പീക്കർ എ.എൻ. ഷംസീറിന്റെ ഗണപതിയെ അവഹേളിക്കുന്ന പ്രസ്താവനകളാണ് ഗണേശോത്സവത്തിന് ജനപ്രീതിയും സ്വീകാര്യതയും ഉണ്ടാക്കിയതെന്ന് ബിജെപി സംസ്ഥാന കമ്മിറ്റി അംഗം സന്ദീപ് വാര്യർ. ചരിത്രത്തിൽ ഒരു കാലത്തും ഹിന്ദു സമൂഹം വിശ്വാസത്തെയും ശാസ്ത്രത്തെയും അതേപടി കാണാനും അംഗീകരിക്കാനും വിമുഖത കാണിച്ചിട്ടില്ലെന്ന് സന്ദീപ് വാര്യർ പറഞ്ഞു. ഒരു ശാസ്ത്രജ്ഞനെയും വിഷം കൊടുത്തു കൊല്ലാൻ ഹിന്ദുക്കൾ ശ്രമിച്ചിട്ടില്ല. പ്രധാനമന്ത്രി നരേന്ദ്ര മോദി ശാസ്ത്രത്തിന് എതിരല്ലെന്നും, കാലാവസ്ഥാ വ്യതിയാനത്തെക്കുറിച്ച് പ്രധാനമന്ത്രി രണ്ട് പുസ്തകങ്ങൾ എഴുതിയിട്ടുണ്ടെന്നും സന്ദീപ് വാര്യര്‍ പറഞ്ഞു. മഹാമാരിയുടെ കാലത്ത് കൊവിഡ് വാക്സിൻ കണ്ടുപിടിക്കാൻ നരേന്ദ്ര മോദി വലിയ പ്രോത്സാഹനം നൽകിയെന്ന് വാര്യർ പറഞ്ഞു. അദ്ദേഹം ശാസ്ത്രജ്ഞരിലും ശാസ്ത്രലോകത്തിലും വിശ്വസിക്കുന്ന ആളാണെന്നും വാര്യര്‍ കൂട്ടിച്ചേര്‍ത്തു. നരേന്ദ്രമോദി കൊവിഡ് വികസിപ്പിക്കാനുള്ള ജോലി ശാസ്ത്രജ്ഞരെ ഏൽപ്പിച്ചപ്പോൾ, കേരള മുഖ്യമന്ത്രി ആ ജോലി സംവിധായകൻ അടൂർ ഗോപാലകൃഷ്ണനെ ഏൽപ്പിച്ചുവെന്നും സന്ദീപ് വാര്യർ മുഖ്യമന്ത്രി…

ഫിലാഡല്‍ഫിയ: ന്യൂജേഴ്സി ക്രൈസ്റ്റ് ദി കിംഗ് ക്നാനായ കാത്തലിക് പള്ളി വികാരിയും, അതേസമയം തന്നെ ഫിലാഡല്‍ഫിയ സെ. ജോണ്‍ ന്യൂമാന്‍ ക്നാനായ മിഷന്‍ ഡയറക്ടറും, ഇന്‍ഡ്യന്‍ അമേരിക്കന്‍ കാത്തലിക് അസോസിയേഷന്‍ (ഐ. എ. സി. എ.) ഓഫ് ഗ്രേറ്റര്‍ ഫിലാഡല്‍ഫിയയുടെ ഡയറക്ടറുമായി 3 വര്‍ഷങ്ങളിലെ സ്തുത്യര്‍ഹമായ അജപാലന ശുശ്രൂഷക്കുശേഷം ചിക്കാഗോ തിരുഹൃദയ ക്നാനായ ഫൊറോനപള്ളി അസിസ്റ്റന്‍റ് വികാരി ആയി സ്ഥലം മാറിപോകുന്ന റവ. ഫാ. ബിന്‍സ് ജോസ് ചെത്തലിനു ഐ. എ. സി. എ. സ്നേഹനിര്‍ഭരമായ യാത്രാമംഗളങ്ങള്‍ ആശംസിച്ചു. ബെന്‍സേലത്ത് ഫാത്തിമാ മാതാവിന്‍റെ നാമധേയത്തിലുള്ള കത്തോലിക്കാ ദേവാലയത്തില്‍ വച്ച് സെ. ന്യൂമാന്‍ ക്നാനായ മിഷന്‍റെ ആഗസ്റ്റ് മാസത്തെ മൂന്നാം ഞായറാഴ്ച്ചയുള്ള ദിവ്യബലിയെ തുടര്‍ന്നാണു യാത്രയയപ്പു സമ്മേളനം ക്രമീകരിച്ചിരുന്നത്. സമ്മേളനത്തില്‍ കാത്തലിക് അസോസിയേഷന്‍ പ്രസിഡന്‍റ് അനീഷ് ജയിംസ് ബിന്‍സ് അച്ചന്‍റെ സേവനങ്ങള്‍ക്കു നന്ദി പ്രകാശിപ്പിക്കുകയും, അച്ചന്‍റെ പുതിയ ദൗത്യത്തില്‍…

വാഷിംഗ്ടണ്‍: ജി-20 നേതാക്കളുടെ ഉച്ചകോടിയിൽ പങ്കെടുക്കാൻ യുഎസ് പ്രസിഡന്റ് ജോ ബൈഡൻ സെപ്റ്റംബർ 7 മുതൽ 10 വരെ ഇന്ത്യയിലേക്ക് പോകുമെന്ന് വൈറ്റ് ഹൗസ് ചൊവ്വാഴ്ച അറിയിച്ചു. ശുദ്ധമായ ഊർജ പരിവർത്തനം, കാലാവസ്ഥാ വ്യതിയാനത്തെ ചെറുക്കുക, ഉക്രെയ്ൻ സംഘർഷത്തിന്റെ സാമ്പത്തിക സാമൂഹിക ആഘാതങ്ങൾ ലഘൂകരിക്കൽ എന്നിവ ഉൾപ്പെടെയുള്ള ആഗോള പ്രശ്‌നങ്ങൾ കൈകാര്യം ചെയ്യുന്നതിനുള്ള സംയുക്ത ശ്രമങ്ങളെക്കുറിച്ച് പ്രസിഡന്റ് ബൈഡനും ജി 20 പങ്കാളികളും ചർച്ച ചെയ്യുമെന്ന് വൈറ്റ് ഹൗസ് പ്രസ് സെക്രട്ടറി കരീൻ ജീൻ-പിയറി പറഞ്ഞു. ആഗോള വെല്ലുവിളികളെ അഭിമുഖീകരിക്കുന്നതുൾപ്പെടെ ദാരിദ്ര്യത്തിനെതിരെ മികച്ച പോരാട്ടം നടത്തുന്നതിന് ലോകബാങ്ക് ഉൾപ്പെടെയുള്ള ബഹുമുഖ വികസന ബാങ്കുകളുടെ ശേഷി വർധിപ്പിക്കുന്നതും ചർച്ച ചെയ്യപ്പെടുമെന്നും ജീന്‍-പിയറി പറഞ്ഞു. ന്യൂഡൽഹിയിൽ ആയിരിക്കുമ്പോൾ, പ്രസിഡന്റ് ബൈഡൻ പ്രധാനമന്ത്രി നരേന്ദ്ര മോദിയുടെ ജി 20 നേതൃത്വത്തെ അഭിനന്ദിക്കുകയും 2026 ൽ ആതിഥേയത്വം വഹിക്കുന്നതുൾപ്പെടെ സാമ്പത്തിക സഹകരണത്തിന്റെ പ്രധാന…

നോര്‍ത്ത് അമേരിക്കയിലെ ഏറ്റവും വലിയ പ്രൊഫഷ്ണല്‍ ഓര്‍ഗനൈസേഷന്‍ ആയ സി.എം.എന്‍.എ.യുടെ ‘ഊരിലെ ഉണ്ണിക്കും ഏകാം സാന്ത്വനം’ ‘മാവേലി മന്നനെ ഓര്‍ത്തീടുമ്പോള്‍’ എന്ന കാരുണ്യ പദ്ധതിയായ അട്ടപ്പാടിയിലെ ആദിവാസി സ്‌ക്കൂള്‍ കുട്ടികള്‍ക്ക് പഠനസഹായവുമായി നേഴ്‌സസ് അസോസിയേഷന്‍ മാവേലിയെ വരവേല്‍ക്കുകയാണ്. എല്ലാ വര്‍ഷവും കേരളത്തിലെ അശരണര്‍ക്കും തണലേകുവാന്‍ ഓണാഘോഷം സംഘടിപ്പിക്കുന്ന നോര്‍ത്ത് അമേരിക്കയിലെ ഏക അസ്സോസിയേഷന്‍ സി.എം.എന്‍.എ. മാത്രമാണ്. നിരവധി കലാപരിപാടികള്‍ ഓണാഘോഷത്തിന്‍ അവതരിക്കപ്പെടും. കേരളത്തനിമയില്‍ വസ്ത്രധാരണം ചെയ്യുന്ന കുട്ടികളില്‍ നിന്നും ഓണകുറമ്പന്‍, ഓണക്കുറുമ്പി എന്നിവരെയും, യുവാക്കളില്‍ നിന്നും, യുവതികളില്‍ നിന്നും ഓണത്തമ്പുരാന്‍, ഓണത്തമ്പുരാട്ടി എന്നിവരെയും തെരഞ്ഞെടുത്തു സമ്മാനങ്ങള്‍ നല്‍കി ആദരിക്കും. കാനഡയിലെ രാഷ്ട്രീയ, ആത്മീയ   സാമൂഹിക മേഖലയിലെ നേതാക്കള്‍ ആശംസകള്‍നേരും.സന്ധ്യക്ക് 5.30 pm  ന് ആരംഭിക്കുന്ന പരിപാടികള്‍ 9.00 pmനു ഓണസദ്യയോടെ അവസാനിക്കും. ഊരിലെ ഉണ്ണിക്കു സാന്ത്വനം ഏകാനായി സംഭാവനകള്‍ നല്‍കുവാന്‍ അവസരം ഉണ്ടായിരിക്കുന്നതാണ്. Venne സെന്റ്…

ന്യൂയോർക്ക്: വെസ്റ്റ്‌ചെസ്റ്റര്‍ മലയാളി അസ്സോസിയേഷന്റെ ഓണാഘോഷ പരിപാടിയില്‍ രമ്യ ഹരിദാസ് എം.പി. മുഖ്യാതിഥിയായി പങ്കെടുക്കും. സെപ്റ്റംബർ 9-ാം തിയ്യതി ശനിയാഴ്ച രാവിലെ 11:00 മണിമുതല്‍ 6.00 മണിവരെ ഗ്രീൻബർഗ് ഹൈസ്‌കൂള്‍ ഓഡിറ്റോറിയത്തിൽ (475 West Hartsdale Ave., Hartsdale, NY) വെച്ച് അതിവിപുലമായി നടത്തുന്ന ഓണാഘോഷ ചടങ്ങിലേക്ക് ഏവരെയും സ്വാഗതം ചെയ്യുന്നതായി പ്രസിഡന്റ് ടെറൻസൺ തോമസ് അറിയിച്ചു. ഒരു രാഷ്ട്രീയക്കാരി എന്നതിലുപരി നാടൻ പാട്ടിലും, സംഗീതത്തിലും, നൃത്തത്തിലും, സാമൂഹിക പ്രവര്‍ത്തനത്തിലുമൊക്കെ കൈവച്ച ബഹുമുഖ പ്രതിഭകൂടിയാണ് ആലത്തൂരിലെ എം.പി ആയ രമ്യ ഹരിദാസ്. ഈ വർഷത്തെ ഓണാഘോഷത്തിൽ അവരുടെ പ്രാതിനിധ്യം ഒരു വേറിട്ട അനുഭവമാക്കി തീർക്കുമെന്ന് സെക്രട്ടറി ഷോളി കുമ്പിളുവേലിൽ അഭിപ്രായപ്പെട്ടു. പ്രവേശന ഫീസ് ഈടാക്കാതെയാണ് ഈ വർഷത്തെ ഓണാഘോഷമെന്ന് കോ-ഓര്‍ഡിനേറ്റര്‍ ജോയി ഇട്ടന്‍ അറിയിച്ചു. എല്ലാ വര്‍ഷത്തേയും ഓണാഘോഷം അവസ്മരണീയമാക്കാൻ വെസ്റ്റ്ചെസ്റ്റർ മലയാളി അസ്സോസിയേഷൻ പരമാവധി ശ്രമിക്കാറുണ്ടെന്ന്…

വാഷിംഗ്ടണ്‍: യു എസ് ആർമി ലോകത്തിലെ ഏറ്റവും ശക്തമായ സൈന്യമായി കണക്കാക്കപ്പെടുന്നു. ലോകത്തെ പല രാജ്യങ്ങളിലും അമേരിക്കയുടെ സൈന്യം നിലയുറപ്പിച്ചിട്ടുണ്ട്. യുഎസ് ആർമിയിൽ സ്ത്രീകളും ഉൾപ്പെടുന്നു. ബേസിൽ താമസിക്കുന്നതിനു പുറമേ, അവരെ ദൗത്യങ്ങൾക്ക് അയയ്‌ക്കുന്നതിനുള്ള ചുമതലയും. ഇതിനായി അവരെ പരിശീലിപ്പിക്കുകയും ചെയ്യുന്നു. എന്നാൽ, അടുത്തിടെ ഞെട്ടിക്കുന്ന വിവരങ്ങളാണ് പുറത്തു വന്ന ഒരു റിപ്പോര്‍ട്ടില്‍ പറയുന്നത്. അടുത്തിടെ വെളിപ്പെടുത്തിയ ഒരു റിപ്പോർട്ടിൽ, യുഎസ് ആർമിയിലെ സ്ത്രീകൾക്ക് എല്ലാം എളുപ്പമല്ലെന്നും വളരെ ബുദ്ധിമുട്ടാണെന്നും പറയുന്നു. അവരില്‍ ഭൂരിഭാഗവും ലിംഗവിവേചനം നേരിടേണ്ടിവരുമെന്ന് റിപ്പോർട്ട് പറയുന്നു. അതുപോലെ, സ്ത്രീകൾ ശാരീരികമായും മാനസികമായും സൈന്യത്തിന് പൂർണ്ണമായും കഴിവുള്ളവരായി കണക്കാക്കപ്പെടുന്നു. എന്നാൽ ഇപ്പോഴും യുഎസ് ആർമിയിൽ സ്ത്രീകൾക്ക് തങ്ങളുമായി പൊരുത്തപ്പെടാൻ കഴിയില്ലെന്ന് കരുതുന്ന നിരവധി പുരുഷന്മാരുണ്ട്. അത്തരമൊരു സാഹചര്യത്തിൽ, അവർ സ്ത്രീകളോട് ലിംഗ വിവേചനം കാണിക്കുന്നു. മാത്രമല്ല, യുഎസ് സൈന്യത്തിൽ സ്ത്രീകൾ ചൂഷണം നേരിടുന്നുണ്ടെന്ന് റിപ്പോര്‍ട്ട്…