Category: KERALA

കൊല്ലം: നെടുമ്പന പള്ളിമൺ പൂങ്കോട്ട് കിഴക്കതിൽ വീട്ടിൽ തങ്കമണി (69) യെ കൊല്ലം നെടുമ്പന നവജീവൻ അഭയകേന്ദ്രം ഏറ്റെടുത്തു. വർഷങ്ങളായി പള്ളിമണിൽ താമസിച്ചിരുന്ന തങ്കമണി അമ്മയുടെ ഭർത്താവ് ഏറെക്കാലം മുന്നേ മരണപ്പെട്ടിരുന്നു. തുടർന്ന് മാനസികാസ്വസ്ഥതയുള്ള മകനോടൊപ്പം താമസിച്ച് വരുകയായിരുന്നു. മകന്റെ പെരുമാറ്റങ്ങളിൽ ബുദ്ധിമുട്ടിലായ അവസ്ഥയിൽ തങ്കമണി അമ്മ കണ്ണനല്ലൂർ പോലീസ് സ്റ്റേഷനിൽ അഭയം പ്രാപിക്കുയായിരുന്നു. തങ്കമണി അമ്മയെ ഏറ്റെടുക്കണമെന്ന് കണ്ണനല്ലൂർ സർക്കിൾ ഇൻസ്പെക്ടർ ജയകുമാർ ആവശ്യപ്പെട്ടതനുസരിച്ച് നവജീവൻ അഭയകേന്ദ്രം ഭാരവാഹികൾ ഏറ്റെടുക്കുകയായിരുന്നു. പള്ളിമൺ വാർഡ് മെമ്പർ ശോഭനകുമാരി, നവജീവൻ അഭയകേന്ദ്രം പബ്ലിക് റിലേഷൻസ് ഓഫീസർ അനീസ് റഹ്മാൻ,സബ് ഇൻസ്പെക്ടർമാരായ സന്തോഷ് കുമാർ, ഹരിസോമൻ പൊതു പ്രവർത്തകരായ സീന കുളപ്പാടം, നഹാസ് തുടങ്ങിയവർ ഏറ്റെടുക്കൽ ചടങ്ങിൽ സംബന്ധിച്ചു.

തിരുവനന്തപുരം: മെഡിക്കൽ കോളജ് ആശുപത്രിയിൽ വനിതാ ഡോക്ടറുടെ മരണം സ്ത്രീധനവുമായി ബന്ധപ്പെട്ടാണെന്ന ആരോപണത്തിൽ ആരോഗ്യമന്ത്രി വീണാ ജോർജ്ജ് അന്വേഷണത്തിന് ഉത്തരവിട്ടു. തിരുവനന്തപുരം മെഡിക്കൽ കോളജിൽ സർജറി വിഭാഗത്തിൽ പിജി ചെയ്‌തിരുന്ന വെഞ്ഞാറമൂട് സ്വദേശിനി ഡോ ഷഹനയാണ് കഴിഞ്ഞ ദിവസം ആത്മഹത്യ ചെയ്‌തത്. മെഡിക്കല്‍ കോളജിന് സമീപം ഫ്ലാറ്റില്‍ താമസിച്ചിരുന്ന ഡോക്‌ടര്‍ സമയമായിട്ടും ആശുപത്രിയില്‍ എത്തിയിരുന്നില്ല. ഇതേ തുടര്‍ന്ന് ഫ്ലാറ്റില്‍ എത്തി പരിശോധന നടത്തിയപ്പോഴാണ് ഷഹനയെ അബോധാവസ്ഥയില്‍ കണ്ടെത്തിയത്. ഉടന്‍ ആശുപത്രിയില്‍ എത്തിച്ചെങ്കിലും മരണത്തിനു കീഴടങ്ങി. മരണത്തില്‍ അന്വേഷണം നടത്തി റിപ്പോർട്ട് സമർപ്പിക്കാൻ വനിതാ ശിശുവികസന വകുപ്പു കൂടിയായ മന്ത്രി ബുധനാഴ്ച വനിതാ ശിശുവികസന ഡയറക്ടർ ഹരിത വി. കുമാറിന് നിർദേശം നൽകി. അതിനിടെ, സ്ത്രീധനത്തെ ചൊല്ലിയുള്ള സമ്മര്‍ദ്ദത്തെ തുടർന്നാണ് ഷഹന ആത്മഹത്യ ചെയ്തതെന്ന റിപ്പോർട്ടിൽ അന്വേഷണം വേണമെന്ന് കേരള വനിതാ കമ്മീഷനും ആവശ്യപ്പെട്ടു. കമ്മിഷൻ അദ്ധ്യക്ഷ പി.സതീദേവി,…

എടത്വ: അമ്പലപ്പുഴ- തിരുവല്ല സംസ്ഥാന പാതയിലെ ഏറ്റവും തിരക്കേറിയ ജംഗ്ഷനിലൊന്നായ എടത്വയിൽ കാത്തിരിപ്പ് കേന്ദ്രത്തിനായി ഇനിയും കാത്തിരിക്കണം. കാത്തിരിപ്പ് കേന്ദ്രങ്ങളുടെ നിർമ്മാണം പൂർത്തിയായെന്ന് വിവരവകാശരേഖ. എടത്വ വികസന സമിതി ജനറൽ സെക്രട്ടറി ഡോ.ജോൺസൺ വി. ഇടിക്കുളയ്ക്ക് കേരള റോഡ് ഫണ്ട് ബോർഡ് എക്സിക്യൂട്ടിവ് എഞ്ചിനിയറുടെ കാര്യാലയത്തിൽ നിന്നും ലഭിച്ച രേഖയിലാണ് വ്യക്തമാക്കുന്നത്. ഒന്നാം ഘട്ടത്തിൻ്റെ അടങ്കൽ തുക 70.75 കോടി രൂപയായിരുന്നു. ഒരു വർഷം കൊണ്ട് 2020 ജനുവരി 15ന് ഊരാളുങ്കൽ സൊസൈറ്റി നിർമ്മാണം പൂർത്തിയാക്കുകയും പരിപാലന കാലാവധി 2023 ജനുവരി 15ന് അവസാനിക്കുകയും ചെയ്തു.രണ്ടാം ഘട്ടത്തിൻ്റെ അടങ്കൽ തുക 46.40 കോടി രൂപയാണ്.ബഗോറ കൺസ്ട്രഷൻ പ്രൈവറ്റ് ലിമിറ്റഡിനാണ് നിർമ്മാണ ചുമതല. നിർമ്മാണം 2022 ഡിസംബർ 1ന് അവസാനിച്ചു. പരിപാലന കാലാവധി 2025 ഡിസംബർ 1ന് അവസാനിക്കുമെന്ന് വിവരവകാശ രേഖ വ്യക്തമാക്കുന്നു. രണ്ടാം ഘട്ട പ്രവർത്തിയിൽ എസ്റ്റിമേറ്റ്…

കൊല്ലം: പത്തനാപുരം കുണ്ടയം കാരമ്മൂട്ടിൽ വീട്ടിൽ ഏകാന്തയായി കഴിഞ്ഞിരുന്ന ഫാത്തിമ ബീവി (82) യെ കൊല്ലം നവജീവൻ അഭയകേന്ദ്രം ഏറ്റെടുത്തു. വർഷങ്ങളായി മഞ്ചള്ളൂരിൽ താമസിച്ചിരുന്ന ഫാത്തിമ ബീവിയുടെ ഭർത്താവ് വർഷങ്ങൾക്ക് മുമ്പ് മരണപ്പെട്ടിരുന്നു. തുടർന്ന് സഹോദരിയോടൊപ്പം താമസിച്ച് വരുകയായിരുന്നു. സഹോദരിയും വാർദ്ധക്യസഹജമായ രോഗങ്ങളാൽ ബുദ്ധിമുട്ടിലായ അവസ്ഥയിൽ ഫാത്തിമ ഉമ്മയെ കുറച്ചു ദിവസങ്ങളായി സഹായിച്ചു സംരക്ഷണം നൽകിയത് നാട്ടുകാരും അയൽവാസികളുമായിരുന്നു. ഫാത്തിമ ബീവിയെ ഏറ്റെടുക്കണമെന്നാവശ്യപ്പെട്ട് കാരമ്മൂട് വാർഡ് മെമ്പർ നാജിഹ ടീച്ചറും അയൽവാസികളും നവജീവൻ അഭയ കേന്ദ്രം മാനേജ്മെന്റിന് കത്ത് നൽകിയിരുന്നു. ഇതേ തുടർന്നാണ് ഫാത്തിമ ബീവിയെ നവജീവൻ അഭയകേന്ദ്രം ഭാരവാഹികൾ ഏറ്റെടുത്തത്. ഗ്രാമ പഞ്ചായത്ത് അംഗം നാജിഹ ടീച്ചർ, ജമാഅത്തെ ഇസ്ലാമി പത്തനാപുരം ഏരിയ പ്രസിഡണ്ട് പി.എച്ച് മുഹമ്മദ്, പൊതു പ്രവർത്തകരായ അഷറഫ് കാരമ്മൂട്, വെൽഫെയർ പാർട്ടി കാരമ്മൂട് യൂണിറ്റ് പ്രസിഡന്റ് മുഹമ്മദ് ഷെരീഫ് തുടങ്ങിയവർ ഏറ്റെടുക്കൽ…

എറണാകുളം: കൊച്ചിയിലെ ലോഡ്ജ് മുറിയിൽ ഒന്നര മാസം പ്രായമുള്ള കുഞ്ഞ് കൊല്ലപ്പെട്ട സംഭവത്തില്‍, കുഞ്ഞിന്റെ അമ്മയായ അശ്വതി പ്രതി ഷാനിഫ് മതം മാറ്റാൻ ശ്രമിച്ചിരുന്നുവെന്ന് പോലീസ് പറഞ്ഞു. അശ്വതിയുടെ ആദ്യ വിവാഹത്തിലേതാണ് കുഞ്ഞ്. കുഞ്ഞിനെ പ്രസവിക്കുമ്പോൾ തന്നെ കൊല്ലാൻ തീരുമാനിച്ചിരുന്നതായും ഒരു മാസമായി അവസരത്തിനായി കാത്തിരിക്കുകയായിരുന്നു എന്നും ഷാനിഫ് പോലീസ് ഉദ്യോഗസ്ഥരോട് പറഞ്ഞു. താനും അശ്വതിയും കുഞ്ഞും ലോഡ്ജ് മുറിയിൽ കയറിയതിനു ശേഷമാണ് കുഞ്ഞിനെ കൊലപ്പെടുത്തിയതെന്ന് ഇയാൾ പറഞ്ഞു. ഒന്നര മാസം പ്രായമുള്ള കുഞ്ഞിനെ ഷാനിഫ് നിരന്തരം പീഡിപ്പിക്കുകയായിരുന്നുവെന്നാണ് റിപ്പോർട്ട്. കുഞ്ഞിന്റെ ശരീരത്തിൽ ചെറിയ മുറിവുകൾ ഉണ്ടാക്കുന്നത് ന്യുമോണിയ പിടിപെടാൻ ഇടയാക്കുമെന്നും, ആശുപത്രിയിൽ വച്ച് കുഞ്ഞ് മരിച്ചാൽ ആരും സംശയിക്കില്ലെന്നും ഇയാള്‍ വിശ്വസിച്ചു. ഈ ഉദ്ദേശത്തോടെ കുഞ്ഞ് ജനിച്ച ദിവസം മുതൽ ഷാനിഫ് കുട്ടിയെ ഉപദ്രവിക്കാറുണ്ടായിരുന്നു. നേരത്തെയും കുഞ്ഞിനെ പരിക്കുകളോടെ ആശുപത്രിയിൽ എത്തിച്ചിരുന്നു. കുഞ്ഞിന്റെ നട്ടെല്ല് തകർന്നതായി…

തൃശ്ശൂര്‍: മൈചോങ് ചുഴലിക്കാറ്റിന്റെ ആഘാതത്തിൽ പ്രളയക്കെടുതിയിൽ വലയുന്ന തമിഴ്‌നാടിന് സാധ്യമായ എല്ലാ സഹായവും കേരളം നൽകുമെന്ന് മുഖ്യമന്ത്രി പിണറായി വിജയൻ പറഞ്ഞു. ചൊവ്വാഴ്ച രാവിലെ തൃശ്ശൂരിൽ നടന്ന നവകേരള സദസിനു ശേഷം മാധ്യമ പ്രവർത്തകരോട് സംസാരിക്കവെ, ജീവൻ രക്ഷാ മരുന്നുകൾ ഉൾപ്പെടെയുള്ള അവശ്യ സാധനങ്ങൾ തമിഴ്‌നാട്ടിലെ 5,000-ത്തോളം വരുന്ന ദുരിതാശ്വാസ ക്യാമ്പുകളിലേക്ക് മാറ്റുന്നതിനുള്ള നടപടികൾ സ്വീകരിച്ചിട്ടുണ്ടെന്ന് മുഖ്യമന്ത്രി പറഞ്ഞു. കേരളത്തോടുള്ള കേന്ദ്രത്തിന്റെ ശത്രുതയ്‌ക്കെതിരെ ടിഎൻ പ്രതാപൻ എംപിയുടെ പാർലമെന്റിൽ അടിയന്തര പ്രമേയ നോട്ടീസിന് മറുപടി പറയവെ, ഇത് സ്വാഗതാർഹമായ നടപടിയാണെന്ന് മുഖ്യമന്ത്രി പറഞ്ഞു. രാഹുൽ ഗാന്ധി വയനാട്ടിൽ മത്സരിക്കണമോ എന്ന് തീരുമാനിക്കേണ്ടത് കോൺഗ്രസാണെന്ന് ചോദ്യത്തിന് മറുപടിയായി അദ്ദേഹം പറഞ്ഞു. എന്നാൽ, എൽഡിഎഫിന് അവിടെ സ്ഥാനാർഥി ഉണ്ടാകുമെന്നും അദ്ദേഹം പറഞ്ഞു. തൃശ്ശൂരിൽ ബിജെപിക്ക് ഇത്തവണയും സ്വാധീനമില്ലെന്നും അദ്ദേഹം കൂട്ടിച്ചേർത്തു. കേന്ദ്രം ഭരിക്കുന്ന ബിജെപി സർക്കാർ ശക്തമായി നടപ്പാക്കിയ നവലിബറൽ…

കൊച്ചി: കള്ളപ്പണം വെളുപ്പിക്കലും ഫണ്ട് വകമാറ്റലും സംബന്ധിച്ച കേസുമായി ബന്ധപ്പെട്ട് തിരുവനന്തപുരം ആസ്ഥാനമായുള്ള ഹീരാ ഗ്രൂപ്പിന്റെ മാനേജിംഗ് ഡയറക്ടർ എ. അബ്ദുൾ റഷീദിനെ എൻഫോഴ്‌സ്‌മെന്റ് ഡയറക്ടറേറ്റ് (ഇഡി) അറസ്റ്റ് ചെയ്തു. ഡിസംബർ നാലിന് (തിങ്കൾ) രാത്രിയാണ് ഏജൻസിയുടെ കൊച്ചി യൂണിറ്റ് ഇയാളുടെ അറസ്റ്റ് രേഖപ്പെടുത്തിയത്. ഇന്ന് (ഡിസംബർ 5 ചൊവ്വാഴ്‌ച ഉച്ചയ്ക്ക് ഇയാളെ കള്ളപ്പണം വെളുപ്പിക്കൽ നിരോധന നിയമ പ്രകാരം (പിഎംഎൽഎ) പ്രത്യേക കോടതിയിൽ ഹാജരാക്കും. 15 കോടിയോളം രൂപയുടെ നഷ്ടം ഉണ്ടാക്കി പണം വകമാറ്റി വഞ്ചിച്ചുവെന്ന സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ)യുടെ ആരോപണത്തെ തുടർന്ന് നിർമാണ കമ്പനിക്കെതിരെ സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സിബിഐ) സമർപ്പിച്ച പ്രഥമ വിവര റിപ്പോർട്ടിന്റെ (എഫ്‌ഐആർ) അടിസ്ഥാനത്തിലാണ് 2021ൽ ഇഡി കേസ് രജിസ്റ്റർ ചെയ്തത്. 2013ൽ തിരുവനന്തപുരത്തെ ആക്കുളത്തുള്ള ഒരു പ്രോജക്‌റ്റിനായി ബാങ്ക് ഈ തുക സ്ഥാപനത്തിന് വായ്പയായി…

കൊല്ലം: കൊല്ലത്ത് ആറ് വയസ്സുകാരിയെ തട്ടിക്കൊണ്ടുപോയ കേസിലെ പ്രതികളിലൊരാളായ അനിതാ കുമാരിയുടെ അമ്മ മകൾക്കും മരുമകനുമെതിരെ ഗുരുതര ആരോപണങ്ങളുമായി രംഗത്ത്. അനിത കുമാരി തന്റെ സ്വത്ത് തട്ടിയെടുക്കുകയും അത് തിരിച്ചു നൽകാൻ ആവശ്യപ്പെട്ടപ്പോൾ പത്മകുമാർ തന്നെ ശാരീരികമായി ഉപദ്രവിക്കുകയും പട്ടിയെക്കൊണ്ട് കടിപ്പിക്കാൻ ശ്രമിക്കുകയും ചെയ്തുവെന്ന് അമ്മ പറയുന്നു. കടം വീട്ടാനുണ്ടെന്ന് പറഞ്ഞാണ് അനിത കുമാരി മാതാപിതാക്കളിൽ നിന്ന് വസ്തു കൈക്കലാക്കിയത്. പിന്നീട് സ്വത്ത് തിരികെ നൽകാമെന്ന് ഉറപ്പ് നൽകിയിരുന്നു. കുടുംബത്തിന് സ്വത്ത് ആവശ്യമായി വന്നപ്പോൾ അനിത കുമാരി അത് തിരികെ നൽകാൻ വിസമ്മതിക്കുകയും അമ്മയെ പീഡിപ്പിക്കുകയും ചെയ്തു. ഭർത്താവിന്റെ മരണസമയത്തും അനിതാ കുമാരി അച്ഛനെ കാണാൻ വന്നിരുന്നില്ലെന്ന് അമ്മ വെളിപ്പെടുത്തി. ഭർത്താവിന്റെ മരണശേഷം പെരുമ്പുഴയ്ക്കടുത്തുള്ള ചെറിയ വീട്ടിലാണ് അമ്മ ഇപ്പോൾ താമസിക്കുന്നത്. ടിപ്പർ ഡ്രൈവറായ മകന്റെ പിന്തുണ കൊണ്ടാണ് ഇപ്പോള്‍ ജീവിക്കുന്നതെന്ന് അവർ പറഞ്ഞു.

വയനാട്: 2020-21 വർഷത്തിൽ വയനാട് മുട്ടിൽ മരം മുറിച്ച കേസിൽ അന്വേഷണ സംഘം കുറ്റപത്രം സമർപ്പിച്ചു. രണ്ട് വർഷത്തെ അന്വേഷണത്തിന് ശേഷമാണ് 84,600 പേജുള്ള കുറ്റപത്രം സമർപ്പിച്ചത്. സുൽത്താൻ ബത്തേരി ചീഫ് ജുഡീഷ്യൽ മജിസ്‌ട്രേറ്റ് കോടതിയിൽ ഡിവൈഎസ്പി വി വി ബെന്നിയുടെ നേതൃത്വത്തിലുള്ള പ്രത്യേക അന്വേഷണ സംഘമാണ് കുറ്റപത്രം സമർപ്പിച്ചത്. ഇന്ത്യയിൽ ആദ്യമായാണ് മരങ്ങളുടെ ഡിഎൻഎ പരിശോധനാഫലം അടങ്ങിയ കുറ്റപത്രം കോടതിയിൽ സമർപ്പിക്കുന്നത്. കുറ്റപത്രത്തിൽ 420 സാക്ഷികളാണുള്ളത്. അഗസ്റ്റിൻ സഹോദരങ്ങൾ ഉൾപ്പെടെ 12 പ്രതികളാണ് കേസിൽ ഉള്ളത്. റോജി അഗസ്റ്റിൻ, ആന്റോ അഗസ്റ്റിൻ, ജോസൂട്ടി അഗസ്റ്റിൻ എന്നിവരാണ് കേസിലെ മുഖ്യപ്രതികൾ. മുട്ടിൽ സൗത്ത് വില്ലേജ് മുൻ ഓഫീസർ കെ.കെ.അജി, സ്‌പെഷ്യൽ ഓഫീസർ സിന്ധു, മരം മുറിക്കുന്ന സംഘത്തെ സഹായിച്ചവരും കേസിൽ പ്രതികളാണ്. കുറ്റപത്രത്തിലെ വകുപ്പുകൾ പ്രകാരം പ്രതികൾക്ക് ഏഴ് വർഷം വരെ തടവും പിഴയും ലഭിക്കാൻ സാധ്യതയുണ്ട്.…

കറുകുറ്റി: പൊതുവിദ്യാഭ്യാവകുപ്പും കുടുംബശ്രീയും സംയുക്തമായി നടപ്പാക്കിയ അയല്‍കൂട്ട ശാക്തീകരണ കാമ്പെയിന്‍ ‘തിരികെ സ്‌കൂള്‍’ ശ്രദ്ധേയമായി. കറുകുറ്റി ഗ്രാമ പഞ്ചായത്തിന്റെ നേതൃത്വത്തില്‍ സെന്റ് ജോസഫ്‌സ് ഗേള്‍സ് ഹൈസ്‌കൂളില്‍ നടന്ന പരിപാടിയില്‍ ആയിരങ്ങളാണ് സ്‌കൂളിലെത്തിയത്. സെന്റ് ജോസഫ്‌സ് വിദ്യാലയത്തിലെ ലിറ്റില്‍ കൈറ്റ്‌സ് അംഗങ്ങളും പരിപാടിയുടെ ഭാഗമായി. ഡിജിറ്റല്‍ കാലം എന്ന ക്ലാസ്സില്‍ റേഡിയോ ശ്രീ മൊബൈല്‍ ആപ്പ് ലിറ്റില്‍ കൈറ്റ്‌സ് അംഗങ്ങള്‍ പരിചയപ്പെടുത്തുകയും അത് അമ്മമാരുടെ മൊബൈലുകളില്‍ ഇന്‍സ്റ്റാള്‍ ചെയ്യാന്‍ സഹായിക്കുകയും ചെയ്തു. പ്രായഭേദമെന്യേ അമ്മമാരും ലിറ്റില്‍ കൈറ്റ്‌സ് അംഗങ്ങളും ഏറെ താത്പര്യത്തോടെയാണ് ഈ ക്ലാസ്സുകളില്‍ പങ്കെടുത്തത്. സംസ്ഥാന സര്‍ക്കാരിന്റെ തിരികെ സ്‌കൂള്‍ ക്യാമ്പയ്‌നില്‍ എന്ന പദ്ധതിയില്‍ സഹകരിക്കാനായത് സെന്റ് ജോസഫ്‌സ് വിദ്യാലയത്തിലെ ലിറ്റില്‍ കൈറ്റ്‌സ് അംഗങ്ങള്‍ക്ക് അഭിമാന നിമിഷങ്ങളായിരുന്നു. കറുകുറ്റി പഞ്ചായത്ത് പ്രസിഡന്റ് ലതിക ശ്രീകുമാര്‍ ‘തിരികെ സ്‌കൂള്‍’ കാമ്പെയിന്‍ ഉദ്ഘാടനം ചെയ്തു. കുടുംബശ്രീ കൗണ്‍സിലര്‍മാരായ ലിന്‍സി ആന്‍ലി,…