Category: KERALA

സംവിധായകൻ ശ്യാമപ്രസാദിന്റെ ഭാര്യ ഷീബ ശ്യാമപ്രസാദ് (59) അന്തരിച്ചു. കിംസ് ആശുപത്രിയിൽ ഇന്നലെ രാത്രി 10.30 നായിരുന്നു അന്ത്യം. ക്യാൻസർ ബാധിച്ച് ചികിത്സയിലായിരുന്നു. ഷീബ ഒരു നർത്തകിയും ദൂരദർശന്റെ ആദ്യകാല അവതാരകയും എസ്ബിഐ ഉദ്യോഗസ്ഥയുമായിരുന്നു. എറണാകുളം ചേന്ദമംഗലം സ്വദേശിനിയാണ് ഷീബ. ദൂരദർശനിലെ ആദ്യകാല അനൗൺസറും പ്രോഗ്രാം പ്രൊഡ്യൂസറുമായിരുന്നു. ദൂരദർശനിൽ അനൗൺസറായിരിക്കെയാണ് ശ്യാമപ്രസാദിനെ പരിചയപ്പെടുന്നത്. ദൂരദർശനിൽ ‘മയിൽപീലി’, ജീവൻ ടിവിയിൽ ‘ഘേപ കാര്യം’ എന്നീ പരിപാടികൾ അവതരിപ്പിച്ചു. പരസ്യ സംവിധായകനും നിർമ്മാതാവുമായ വിഷ്ണു ശ്യാമപ്രസാദ്, വിദ്യാർഥിനി ശിവകാമി ശ്യാമപ്രസാദ് എന്നിവരാണ് മക്കൾ. സംസ്‌കാരം ബുധനാഴ്ച വൈകീട്ട് തൈക്കാട് ശാന്തികവാടത്തിൽ നടക്കും. മുതിർന്ന ബിജെപി നേതാവ് ഒ. രാജഗോപാലിന്റെ മരുമകളാണ്.

അന്തർദേശീയ നിലവാരമുള്ള മെഡിക്കൽ പരിശോധനകൾ ഇനി തിരുവനന്തപുരത്തും തിരുവനന്തപുരം: ഇന്ത്യ,ദക്ഷിണാഫ്രിക്ക, യുഎഇ, യു‌എസ്‌എ എന്നിവിടങ്ങളിൽ 150-ലധികം ലാബുകളും 2000-ലധികം ശേഖരണ കേന്ദ്രങ്ങളുമുള്ള ഇന്ത്യയിലെ ഏറ്റവും മികച്ച 4 പാത്തോളജി ലബോറട്ടറി ശൃംഖലകളിലൊന്നായ ന്യൂബർഗ് ഡയഗ്നോസ്റ്റിക്‌സ് ഇന്ത്യ കേരളത്തിലെ ഏറ്റവും പഴക്കമേറിയ പ്രമുഖ മെഡിക്കൽ ഡയഗ്നോസ്റ്റിക്സ് നെറ്റ്‌വർക്കായ എം‌ ഡി‌ സി സ്കാൻ‌സ് ആൻഡ് ലാബുമായി കൈകോർക്കുന്നു. ഇതോടെ നവീന ഉപകരണങ്ങളും സാങ്കേതികവിദ്യകളും ഉപയോഗിച്ചുള്ള മെഡിക്കൽ പരിശോധനകൾ ഇനി തിരുവനന്തപുരത്തും ലഭ്യമാകും. ന്യൂബർഗ് എംഡിസി സ്കാൻസ് ആൻഡ് ലാബ് ന്യൂബെർഗ് ഡയഗ്നോസ്റ്റിക്സ് ചെയർമാനും മാനേജിങ് ഡയറക്ടറുമായ ഡോ.ജി.എസ് .കെ വേലു, എം ഡി സി സ്കാൻസ് ആൻഡ് ലാബ്‌സ് മാനേജിംഗ് ഡയറക്ടർ എം.എൻ ഷിബു എന്നിവരുടെ സാന്നിധ്യത്തിൽ ഗതാഗത മന്ത്രി ആന്റണി രാജു ജനങ്ങൾക്ക് സമർപ്പിച്ചു. ന്യൂബെർഗ് എംഡിസി സ്കാൻ ആൻഡ് ലാബ് തുറന്നതോടെ ന്യൂബർഗ് ഡയഗ്നോസ്റ്റിക്സിന്റെ വിപുലമായ…

മലപ്പുറം : സപ്ലൈകോ വഴി സംഭരിച്ച നെല്ലിന്റെ പണം ഇതുവരെ കർഷകർക്ക് നൽകിയിട്ടില്ല. നെല്ല് കർഷകർക്ക് ഉടൻ പണം നൽകണമെന്ന് ജില്ലാ എക്സിക്യൂട്ടീവ് ആവശ്യപ്പെട്ടു. പലിശക്കും മറ്റും പണം വായ്പ വാങ്ങിയാണ് കർഷകർ കൃഷി നടത്തുന്നത്, സർക്കാറിൽ നിന്ന് പണം ലഭിക്കാത്തത് കൊണ്ട് അടുത്ത വിള ഇറക്കാൻ കർഷകർ പ്രയാസപ്പെടുകയാണ്. പിച്ചച്ചട്ടിയിൽ നിന്നും കയ്യിട്ട് വാരുന്ന സമീപനമാണ് സർക്കാർ സ്വീകരിക്കുന്നത്. കർഷകർക്ക് വേഗത്തിൽ പണം നൽകിയില്ലെങ്കിൽ ശക്തമായ ജനകീയ സമരവുമായി മുന്നോട്ട് പോകാൻ വെൽഫയർ പാർട്ടി ജില്ലാ എക്സിക്യൂട്ടീവ്. ജില്ലാ പ്രസിഡണ്ട് നാസർ കീഴുപറമ്പ് അധ്യക്ഷത വഹിച്ചു. സഫീർ ഷാ, മുനീബ് കാരക്കുന്ന്, കൃഷ്ണൻ കുനിയിൽ, സുഭദ്ര വണ്ടൂർ, വഹാബ് വെട്ടം, നസീറ ബാനു, ആരിഫ് ചുണ്ടയിൽ, ജാഫർ സി സി, രജിത മഞ്ചേരി, ഖാദർ അങ്ങാടിപ്പുറം, ഇബ്രാഹിം കുട്ടി മംഗലം, ജംഷീൽ അബൂബക്കർ, ബിന്ദു പരമേശ്വരൻ,…

തിരുവനന്തപുരം: ഈ വര്‍ഷത്തെ ആറ്റുകാല്‍ പൊങ്കാല മഹോത്സവത്തിന് തുടക്കമായി. കാപ്പുകെട്ടി ദേവിയെ കുടിയിരുത്തിയാണ് ഉത്സവ ചടങ്ങുകൾക്ക് ആരംഭം കുറിച്ചത്. മഹോത്സവത്തോടനുബന്ധിച്ചുള്ള സ്റ്റേജ് പ്രകടനങ്ങളുടെ ഉദ്ഘാടന ചടങ്ങ് ഉണ്ണി മുകുന്ദൻ നിർവഹിച്ചു. മാർച്ച് ഏഴിനാണ് പൊങ്കാല. കലാപരിപാടികളുടെ ഉദ്ഘാടനത്തോടനുബന്ധിച്ച് പ്രശസ്ത സാമൂഹിക പ്രവർത്തക ഡോ.പി. ഭാനുമതിയെ അംബ പുരസ്കാരം നൽകി ആദരിച്ചു. ആറ്റുകാൽ പൊങ്കാലയുടെ ഭാഗമായുള്ള ഒരുക്കങ്ങളെല്ലാം പൂർത്തിയാക്കിയതായി സംഘാടകസമിതി അറിയിച്ചു. പൊങ്കാലയ്‌ക്കായി ഭക്ത ലക്ഷങ്ങൾ എത്തുന്നതിനാൽ വിപുലമായ സജ്ജീകരണങ്ങളാണ് ഒരുക്കുന്നത്. ആറ്റുകാൽ പൊങ്കാല ദിവസം കെഎസ്ആർടിസിയുടെ 400 ബസുകൾ സർവീസ് നടത്തും. ഭക്ഷ്യസുരക്ഷ ഉറപ്പാക്കാൻ പ്രത്യേക പരിശോധനകൾക്കൊപ്പം മൊബൈൽ ലാബും പ്രവർത്തിക്കും. തിരുവനന്തപുരം സബ് കളക്ടർ അശ്വതി ശ്രീനിവാസനാണ് പൊങ്കാലയുടെ ചുമതലയുള്ള സ്‌പെഷ്യൽ ഓഫീസർ. 3,300 പോലീസുകാർ സുരക്ഷയൊരുക്കും. മാർച്ച് എട്ടിന് കുരുതി തർപ്പണത്തോടെ ഉത്സവത്തിന്റെ കൊടിയിറങ്ങും.

പത്തനംതിട്ട: ശബരിമലയിൽ ലഭിച്ച സ്വർണം കൈകാര്യം ചെയ്തതില്‍ ദുരൂഹതയെന്ന് സൂചന. സ്‌ട്രോങ് റൂമിൽ സ്വർണം എത്തിക്കാൻ കാലതാമസം ഉണ്ടായതായി പരിശോധനയിൽ കണ്ടെത്തി. സ്ഥലം മാറിയ ദേവസ്വം ബോർഡ് ജീവനക്കാരൻ സ്‌ട്രോങ് റൂമിന്റെ താക്കോൽ കൈമാറാതെ സൂക്ഷിച്ചതായും കണ്ടെത്തിയിട്ടുണ്ട്. 400 പവൻ സ്വർണമാണ് ഇത്തവണ ശബരിമലയിൽ നടവരവായി ലഭിച്ചത്. ഇതിൽ 180 പവൻ സ്വർണം കൈകാര്യം ചെയ്തതില്‍ വീഴ്ച വരുത്തിയതായി കണ്ടെത്തി. മകരവിളക്ക് കഴിഞ്ഞ് ഒരാഴ്ച പിന്നിട്ട ശേഷമാണ് സ്വർണം സ്‌ട്രോങ് റൂമിലേക്ക് മാറ്റിയത്. ഇതുവഴി ലഭിച്ച സ്വർണവും വെള്ളിയും സ്‌ട്രോങ് റൂമിൽ സൂക്ഷിച്ചിട്ടില്ലെന്ന് സോഷ്യൽ മീഡിയയിൽ ആക്ഷേപം ഉയർന്നിരുന്നു. ഇതിന് പിന്നാലെയാണ് ദേവസ്വം ബോർഡ് ചെയർമാൻ തിരുവാഭരണം കമ്മീഷണർ ജി.ബൈജുവിനെ അന്വേഷണത്തിന് ചുമതലപ്പെടുത്തിയത്. അദ്ദേഹത്തിന്റെ നേതൃത്വത്തിലുള്ള സംഘം കഴിഞ്ഞ ദിവസം സ്‌ട്രോങ് റൂം തുറന്ന് പരിശോധന നടത്തിയിരുന്നു. ആരോപണം ഉയർന്ന 180 പവൻ സ്വർണം ദേവസ്വം എക്‌സിക്യൂട്ടീവ്…

കണ്ണൂർ: കാപ്പ ചുമത്തി അറസ്റ്റിലായ സ്വർണക്കടത്ത്-ക്വട്ടേഷന്‍ തലവൻ ആകാശ് തില്ലങ്കേരി ജയിലിലേക്ക്. ഇന്ന് പുലർച്ചെ നാല് മണിയോടെയാണ് ആകാശിനെ കണ്ണൂർ സെൻട്രൽ ജയിലിലെത്തിച്ചത്. ഇയ്യാളോടൊപ്പം കൂട്ടാളി ജിജോ തില്ലങ്കേരിയെയും അറസ്റ്റ് ചെയ്ത് കണ്ണൂർ സെൻട്രൽ ജയിലിലെത്തിച്ചു. ഇവരെ ആറ് മാസത്തേക്ക് ജയിലിൽ കരുതല്‍ തടങ്കലില്‍ പാര്‍പ്പിക്കും. അതിനു ശേഷം നാടു കടത്തും. ആകാശും ജിജോയും സ്ഥിരം ക്രിമിനലുകളാണെന്ന പോലീസ് റിപ്പോർട്ട് ജില്ലാ കളക്ടർ അംഗീകരിച്ചിരുന്നു. ഇന്നലെ രാത്രിയാണ് ആകാശിനെ കാപ്പ പ്രകാരം അറസ്റ്റ് ചെയ്തത്. രണ്ട് കൊലപാതകക്കേസുകളടക്കം 14 ക്രിമിനൽ കേസുകളാണ് ആകാശ് തില്ലങ്കേരിക്കെതിരെ പൊലീസ് രജിസ്റ്റർ ചെയ്തിരിക്കുന്നത്. ജിജോ തില്ലങ്കേരിക്കെതിരെ 23 കേസുകൾ രജിസ്റ്റർ ചെയ്തിട്ടുണ്ട്. ഷുഹൈബ് കൊലക്കേസിൽ ജാമ്യം ലഭിച്ച ആകാശ് തില്ലങ്കേരി അടുത്തിടെ സിപിഎമ്മിനെ പ്രതിരോധത്തിലാക്കി ചില നിർണായക വെളിപ്പെടുത്തൽ നടത്തിയിരുന്നു. ഇതോടെയാണ് ആകാശിനെ പൂട്ടാനുള്ള നീക്കങ്ങൾ സർക്കാർ ആരംഭിച്ചത്. പാർട്ടിയുടെ നിർദ്ദേശ…

എടത്വ: കലാ- സാഹിത്യ- സാംസ്ക്കാരിക സംഘടനയായ തലവടി ചർച്ചാ വേദിയുടെ നേതൃത്വത്തിൽ സാഹിത്യ സൗഹൃദ സംഗമം നടന്നു. രാവിലെ 9.30ന് തിരുപനയനൂർ കാവ് ക്ഷേത്ര ഓഡിറ്റോറിയത്തിൽ നടന്ന ചടങ്ങിൽ ചർച്ചാ വേദി പ്രസിഡൻ്റ് പി.വി. രവീന്ദ്രനാഥ് അദ്ധ്യക്ഷത വഹിച്ചു.പ്രശസ്ത കവി കുരിപ്പുഴ ശ്രീകുമാർ ഉദ്ഘാടനം നിർവഹിച്ചു. അന്തരിച്ച പ്രശസ്ത സാഹിത്യകാരൻ ബി.ആർ. പ്രസാദിൻ്റെ സഹധർമ്മിണി വിധു പ്രസാദ് ഭദ്രദീപം പ്രകാശനം ചെയ്തു. കാഥികൻ നിരണം രാജൻ ,ചർച്ചാ വേദി സെക്രട്ടറി ആർ.മോഹനൻ, ജനറൽ കൺവീനർ പി.കെ. വേണുഗോപാൽ, കൺവീനർ എം ജി കൊച്ചുമോൻ ,ചീഫ് കോർഡിനേറ്റർ വി.ഡി.വിനോദ് കുമാർ എന്നിവർ സാഹിത്യ സൗഹൃദ സംഗമത്തിന് നേതൃത്വം നല്കി. 11 മണിക്ക് കഥയരങ്ങ്, കവിയരങ്ങ് എന്നിവ നടന്നു. എം. ജി കൊച്ചുമോൻ ,സോമരാജ് മുട്ടാർ, ജയൻ ജോസഫ്‌ പുന്നപ്ര, ഡോ.അരുൺ കുമാർ എന്നിവർ നേതൃത്വം നല്കി. 1.30 ന്…

മങ്കട : കുറുവ പഞ്ചായത്തിലെ വറ്റലൂരിൽ അപകടത്തിൽ മരിച്ചയാളുടെ മൃതദേഹം പെരിന്തൽമണ്ണ ജില്ലാ ആശുപത്രിയിൽ മണിക്കൂറുകളോളം വച്ച് താമസിപ്പിച്ച് പോസ്റ്റ്മോർട്ടം ചെയ്യാതെ മടക്കിയത് പ്രതിഷേധാർഹമാണ്. ജില്ലാ മെഡിക്കൽ ഓഫീസർ കൃത്യമായ അന്വേഷണം നടത്തി വീഴ്ച പറ്റിയ ഉദ്യോഗസ്ഥരെ നടപടിയെടുക്കണമെന്നും മങ്കട മണ്ഡലം കമ്മറ്റി ആവിശ്യപ്പെട്ടു. താലൂക്ക് എന്നത് ജില്ലാ ആശുപത്രി എന്ന ബോർഡ് മാറ്റൽ മാത്രമാണ് നടന്നത്. മലപ്പുറത്തോടുള്ള ഭരണകൂട വിവേചനത്തിന്റെ ഉത്തമ മാതൃക കൂടിയാണ് പെരിന്തൽമണ്ണ ജില്ലാ ആശുപത്രി. സംസ്ഥാനം ഭരിക്കുന്ന ഇടതുപക്ഷവും ജില്ലാ പഞ്ചായത്ത് ഭരിക്കുന്ന വലതുപക്ഷവും ഒരേപോലെ പ്രതിക്കൂട്ടിലാണ്. വൻകിട ആശുപത്രികൾക്ക് വേണ്ടി ജില്ലാ ആശുപത്രിയെ തകർക്കുകയാണ്. ജനങ്ങളുടെ അടിസ്ഥാന ആവശ്യം പോലും നിർവഹിക്കാൻ കഴിയാത്ത സർക്കാരുകളാണ് ഇപ്പോൾ കേരളം ഭരിച്ചുകൊണ്ടിരിക്കുന്നതെന്ന് വ്യക്തമാക്കുന്നതാണ് ഈ ഈ സംഭവവികാസങ്ങളൊന്നും കമ്മിറ്റി കുറ്റപ്പെടുത്തി. മണ്ഡലം പ്രസിഡന്റ് ഫാറൂഖ് കെ പി അദ്ധ്യക്ഷത വഹിച്ചു. ജില്ലാ സെക്രട്ടറി…

കോട്ടയം: ബഫര്‍സോണിന്റെ പേരില്‍ വന്‍ പ്രതിസന്ധിയിലായിരിക്കുന്ന എയ്ഞ്ചല്‍വാലി, പമ്പാവാലി പ്രദേശവാസികളുടെ നിലവിലുള്ള പട്ടയം റദ്ദ്‌ചെയ്ത് പുതിയ ഭൂരഹിത പട്ടയമെന്ന റവന്യൂവകുപ്പിന്റെ നീക്കത്തിനുപിന്നില്‍ വന്‍ ചതിക്കുഴിയുള്ളതായി സംശയിക്കപ്പെടുന്നുവെന്ന് ഇന്‍ഫാം ദേശീയ സെക്രട്ടറി ജനറല്‍ ഷെവലിയാര്‍ അഡ്വ.വി.സി.സെബാസ്റ്റ്യന്‍ പറഞ്ഞു. പമ്പാവാലി, എയ്ഞ്ചല്‍വാലി പ്രദേശങ്ങള്‍ ബഫര്‍സോണ്‍ വിഷയത്തില്‍ വനഭൂമിയായി സര്‍ക്കാര്‍ രേഖകളില്‍ കണ്ടെത്തിയതിനെത്തുടര്‍ന്നുള്ള ജനകീയ പ്രക്ഷോഭത്തിലൂടെ സംസ്ഥാന മന്ത്രിസഭ വനഭൂമിയില്‍ നിന്ന് ഈ പ്രദേശങ്ങളെ ഒഴിവാക്കാന്‍ തീരുമാനിച്ചിരുന്നുവെങ്കിലും ഒഴിവാക്കിയതായി കേന്ദ്രസര്‍ക്കാര്‍ ഇതുവരെയും വിജ്ഞാപനമിറക്കിയിട്ടില്ല, അതേസമയം സംസ്ഥാനസര്‍ക്കാര്‍ സുപ്രീംകോടതിയിലും കേന്ദ്രസര്‍ക്കാരിലും ഈ പ്രദേശങ്ങള്‍ വനഭൂമിയായി സമര്‍പ്പിച്ച രേഖകള്‍ നിലനില്‍ക്കുകയുമാണ്. 1964-ലെ ഭൂപതിവ് ചട്ടപ്രകാരം പട്ടയംലഭിച്ച് കരമടച്ച് പതിറ്റാണ്ടുകളായി കൈവശംവെച്ചനുഭവിക്കുന്ന കൃഷിസ്ഥലവും ജനവാസമേഖലയും വനമായി രേഖകള്‍ സൃഷ്ടിച്ചത് വനം-റവന്യൂ വകുപ്പുകളുടെ ഗൂഢാലോചനയാണ്. കരമടച്ച്, കൈവശംവെച്ചനുഭവിക്കുന്ന ഭൂമിക്ക് ഇതിനോടകം സര്‍ക്കാര്‍ നല്‍കിയ പട്ടയം നിയമവിരുദ്ധമെങ്കില്‍ ഉത്തരവാദി സര്‍ക്കാരാണ്. ഇതിന്റെ പേരില്‍ ജനങ്ങളെ ക്രൂശിക്കരുത്. ഈ പ്രദേശങ്ങള്‍…

മലപ്പുറം : ഹിന്ദുത്വ ആള്‍ക്കൂട്ട കൊലകള്‍ നിരന്തരം അരങ്ങേറുമ്പോള്‍ നീതിക്കായുള്ള ശബ്ദങ്ങള്‍ കൂടുതല്‍ ഉയരണമെന്ന് എസ്.ഐ.ഒ ആഹ്വാനം ചെയ്തു. കൊല ചെയ്യപ്പെട്ട വാരിസ്, ജുനൈദ്, നാസിർ എന്നിവരുടെ കുടുംബത്തിന് നഷ്ടപരിഹാരം നല്‍കാന്‍ സര്‍ക്കാര്‍ തയ്യാറാവണമെന്നും എസ്.ഐ.ഒ സംസ്ഥാന സെക്രട്ടറി അഡ്വ. റഹ്‌മാൻ ഇരിക്കൂർ ആവശ്യപ്പെട്ടു. മലപ്പുറത്തുവെച്ച് നടന്ന വിദ്യാര്‍ത്ഥി പ്രതിഷേധത്തില്‍ ജില്ലാ പ്രസിഡന്റ്‌ തഹ്സീൻ മമ്പാട്, ജില്ലാ സെക്രട്ടറി ശിബിലി മസ്ഹർ എന്നിവർ സംസാരിച്ചു.