Category: KERALA

തിരുവനന്തപുരം: വിധവയാകാൻ വിധിയെഴുതിയവർ അത് വീണ്ടും വീണ്ടും പറയുകയാണെന്ന് കെ.കെ.രമ. ടിപി ചന്ദ്രശേഖരനെ കൊന്നത് ആരാണെന്ന് എല്ലാവർക്കും അറിയാം. കേസിൽ ശിക്ഷിക്കപ്പെട്ടവരെല്ലാം സിപിഎമ്മുകാരാണ്. ടിപി ഇപ്പോഴും ജീവിച്ചിരിപ്പുണ്ട്. ആ ചിന്ത സി.പി.എമ്മിനെ ഭയപ്പെടുത്തുകയാണെന്നും കെ.കെ.രമ പറഞ്ഞു. ഭയന്നാണ് എംഎം മണി നിയമസഭയിൽ എത്താതിരുന്നത്. ഒരു രക്തസാക്ഷിത്വത്തെയും ആരും അപമാനിക്കരുതെന്നാണ് തന്റെ നിലപാട്. എംഎം മണിയുടെ പരാമർശം സഭാ രേഖകളിൽ നിന്ന് നീക്കാൻ തയ്യാറാകാത്തതിന് പിന്നിൽ ഭൂരിപക്ഷത്തിന്റെ ധാർഷ്ട്യമാണെന്നും കെ കെ രമ കൂട്ടിച്ചേർത്തു.

ശക്തമായ കാറ്റും മഴയും വടക്കൻ കേരളത്തിൽ നാശം വിതച്ചു, കാസർകോട്, കോഴിക്കോട്, വയനാട് ജില്ലകളിലെ പല പ്രദേശങ്ങളിലും നദികൾ കരകവിഞ്ഞൊഴുകി. വയനാട് മേഖലയിൽ എട്ട് പുനരധിവാസ ക്യാമ്പുകൾ രൂപീകരിച്ചിട്ടുണ്ട്. രണ്ട് ഗർഭിണികളും ഏഴ് പിഞ്ചു കുഞ്ഞുങ്ങളും വികലാംഗനായ ഒരാളും ഉൾപ്പെടെ 427 പേരെ അവിടേക്ക് അയച്ചു. അതേസമയം, എട്ട് ജില്ലകളില്‍ യെല്ലോ അലര്‍ട്ടും നാല് ജില്ലകളില്‍ ഓറഞ്ച് അലര്‍ട്ടും പ്രഖ്യാപിച്ചു. ഇന്ന് (ജൂലൈ 14) വ്യാപകമായി മഴ ലഭിക്കുമെന്നാണ് കാലാവസ്ഥാ നിരീക്ഷണ കേന്ദ്രം പ്രവചിക്കുന്നത്. കാസര്‍കോട്, കണ്ണൂര്‍, വയനാട്, ഇടുക്കി ജില്ലകളിലാണ് ഓറഞ്ച് അലര്‍ട്ട് പ്രഖ്യാപിച്ചത്. എട്ട് ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ, പാലക്കാട്, മലപ്പുറം, കോഴിക്കോട് ജില്ലകളിലാണ് യെല്ലോ അലര്‍ട്ട്. തിരുവനന്തപുരം, കൊല്ലം ജില്ലകളിലാണ് മഴ മുന്നറിയിപ്പുകളില്ലാത്തത്.

തിരുവനന്തപുരം: കേരളത്തിൽ കുരങ്ങുപനി സ്ഥിരീകരിച്ചു. യുഎഇയിൽ നിന്ന് രോഗലക്ഷണങ്ങളോടെ നാട്ടിലെത്തിയ കൊല്ലം സ്വദേശിക്കാണ് കുരങ്ങുപനി സ്ഥിരീകരിച്ചതെന്ന് ആരോഗ്യമന്ത്രി വീണാ ജോര്‍ജ്ജ് പറഞ്ഞു. ആ വ്യക്തിയെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്. പൂനെ ഇൻസ്റ്റിറ്റ്യൂട്ട് ഓഫ് വൈറോളജിയിലേക്ക് അയച്ച രോഗിയുടെ പരിശോധനാ ഫലം ഇന്ന് പുറത്തുവന്നതോടെയാണ് രോഗം സ്ഥിരീകരിച്ചത്. യുഎഇയിൽ നിന്ന് കേരളത്തിലെത്തിയ കൊല്ലം സ്വദേശിയായ 35കാരനിലാണ് രോഗലക്ഷണങ്ങൾ കണ്ടത്. ഈ വ്യക്തിയെ ആദ്യം കൊല്ലത്തെ സ്വകാര്യ ആശുപത്രിയിലും തുടർന്ന് തിരുവനന്തപുരം മെഡിക്കൽ കോളജ് ആശുപത്രിയിലും പ്രവേശിപ്പിച്ചു. ഇപ്പോള്‍ മെഡിക്കല്‍ കോളജില്‍ ചികിത്സയിലുള്ള രോഗിക്ക് ചെറിയ തോതിലുള്ള ഉത്കണ്ഠയുണ്ടെങ്കിലും ആരോഗ്യസ്ഥിതി തൃപ്‌തികരമാണെന്ന് ഡോക്ടര്‍മാര്‍ പറയുന്നു. യു.എ.ഇയില്‍ നിന്ന് മടങ്ങിവരവേ വിമാനത്തില്‍ രോഗിയുമായി അടുത്ത് സമ്പര്‍ക്കമുണ്ടായ 11 യാത്രക്കാരെ വിവരങ്ങള്‍ ധരിപ്പിച്ചിട്ടുണ്ട്. തന്നെയുമല്ല, രോഗിയെ വിമാത്താവളത്തില്‍ നിന്ന് കൊല്ലത്തെ വീട്ടിലെത്തിച്ച ടാക്‌സി ഡ്രൈവര്‍, കൊല്ലത്തെ വസതിയില്‍ നിന്ന് സ്വകാര്യ…

കോട്ടയം: ബിസിഎം കോളേജിന്റെ ടെറസ്സില്‍ നിന്ന് ചാടി പരിക്കേറ്റ വിദ്യാര്‍ത്ഥിനി മരിച്ചു. മൂന്നാം വർഷ ബിരുദ വിദ്യാർത്ഥിനി പന്തം എടപ്പോള്‍ സ്വദേശിനി ദേവികയാണ് മരിച്ചത്. കഴിഞ്ഞ തിങ്കളാഴ്ച രാവിലെ പതിനൊന്നരയോടെയാണ് പെൺകുട്ടി കോളേജ് കെട്ടിടത്തിന്റെ മുകൾ നിലയിൽ നിന്ന് ചാടി ആത്മഹത്യയ്ക്ക് ശ്രമിച്ചത്. കുടുംബപ്രശ്‌നങ്ങളാണ് ആത്മഹത്യാശ്രമത്തിന് പിന്നിലെന്ന് സംഭവത്തിന് പിന്നാലെ കോളജ് അധികൃതര്‍ വ്യക്തമാക്കിയിരുന്നു. പരിക്കേറ്റ പെണ്‍കുട്ടിയെ അന്നുതന്നെ കോട്ടയം മെഡിക്കല്‍ കോളജ് ആശുപത്രിയിലേക്ക് മാറ്റിയിരുന്നു. ചികിത്സയിലിരിക്കെ ഇന്ന് രാവിലെയാണ് മരിച്ചത്. നേരത്തേയും പെണ്‍കുട്ടി ജീവനൊടുക്കാന്‍ ശ്രമിച്ചിട്ടുണ്ടെന്ന് പൊലീസ് അറിയിച്ചു.

തിരുവനന്തപുരം: ഇന്ധനം ലാഭിക്കാൻ ജന്റം, സ്വിഫ്റ്റ് ബസുകളെ കെ‌എസ്‌ആര്‍‌ടി‌സി ബൈപാസ് റൈഡറുകളാക്കുന്നു. തിരുവനന്തപുരം-കോഴിക്കോട് റൂട്ടിലെ ബസുകളാണ് ആദ്യം ബൈപാസ് റൈഡറായി ഡീലക്സ് ബസുകളായി ഓടും. പുതിയ ഉത്തരവ് പ്രകാരം സർവീസ് ആരംഭിക്കുന്ന ബസ് സ്റ്റാൻഡും സർവീസ് അവസാനിക്കുന്ന ബസ് സ്റ്റാൻഡും ഒഴികെ പല സ്റ്റാൻഡുകളിലും ബസ് കയറുകയില്ല. പകരം പ്രധാന ജംക്‌ഷനുകളിൽ സ്റ്റോപ്പുണ്ടാകും. ഇത് ഇന്ധനവും സമയവും ലാഭിക്കുമെന്ന് മാനേജ്‌മെന്റ് പറയുന്നു. ഇതുവഴി യാത്രക്കാർക്കുണ്ടാകുന്ന ബുദ്ധിമുട്ട് മാനേജ്‌മെന്റ് പരിഗണിക്കുന്നില്ല. രാത്രി യാത്രക്കാർക്ക് ഏറെ ബുദ്ധിമുട്ടുണ്ടാക്കുന്ന തീരുമാനമാണ് മാനേജ്‌മെന്റ് എടുത്തിരിക്കുന്നത്. തിരുവനന്തപുരത്ത് നിന്ന് എന്‍എച്ച് വഴിയുള്ള കെഎസ്ആര്‍ടി ബസുകള്‍ ആറ്റിങ്ങല്‍, കരുനാഗപ്പള്ളി, വൈറ്റില ഹബ്, അങ്കമാലി, തൃശൂര്‍, കോഴിക്കോട് സ്റ്റാന്‍ഡുകളിലും ചില ഫീഡര്‍ സ്റ്റേഷനുകളിലും കയറും. ബാക്കി സ്ഥലങ്ങളില്‍ ബസ് സ്റ്റോപ്പുകളില്‍ മാത്രമാണ് നിര്‍ത്തുക. എംസി റോഡ് വഴി പോകുന്ന ബസുകള്‍ തിരുവനന്തപുരം വിട്ടാല്‍ ചടയമംഗലം, തിരുവല്ല, മൂവാറ്റുപുഴ,…

കോട്ടയം: കോമ്പൗണ്ട് റബറിന്റെ അനിയന്ത്രിത ഇറക്കുമതിയിലൂടെ പ്രകൃതിദത്ത റബറിന്റെ ആഭ്യന്തരവിപണി അട്ടിമറിച്ച് തകര്‍ക്കാനുള്ള നീക്കത്തിനെതിരെ കേന്ദ്രസര്‍ക്കാര്‍ ഇടപെടല്‍ നടത്തണമെന്ന് ഇന്‍ഫാം ദേശീയ സെക്രട്ടറി ജനറല്‍ ഷെവലിയര്‍ അഡ്വ.വി.സി.സെബാസ്റ്റ്യന്‍ ആവശ്യപ്പെട്ടു. വ്യവസായികളുടെ ഈ നീക്കത്തിനുപിന്നില്‍ റബര്‍ബോര്‍ഡിന്റെ അംഗീകാരവും ഒത്താശയുമുണ്ടെന്ന് കഴിഞ്ഞ കാലങ്ങളിലെ കോമ്പൗണ്ട് റബറിന്റെ ഇറക്കുമതി കണക്കുകള്‍ വ്യക്തമാക്കുന്നു. 2013-14ല്‍ 430 കോടിയുടെ 26655 ടണ്‍ കോമ്പൗണ്ട് റബര്‍ മാത്രമാണ് ഇറക്കുമതി ചെയ്തിരുന്നതെങ്കില്‍ 2021-22 ലിത് 1569 കോടിയുടെ 114636 ടണ്ണായി വര്‍ദ്ധിച്ചു. 2022 ജൂലൈ മാസം മാത്രം 30000 ടണ്‍ ഇറക്കുമതിയിലൂടെ ആഭ്യന്തര സ്വാഭാവിക റബര്‍ വിപണിവിലയിടിക്കുവാനുള്ള നീക്കം കേരളത്തിലെ റബര്‍ കര്‍ഷകര്‍ക്ക് വലിയ പ്രഹരമായിരിക്കും. ഇതിന്റെ തെളിവാണ് മഴമൂലം ടാപ്പിംഗ് നിലച്ചിട്ടും കഴിഞ്ഞ ദിവസങ്ങളില്‍ തുടര്‍ച്ചയായുണ്ടായ വിലത്തകര്‍ച്ച. ആഭ്യന്തര ഉല്പാദനം കുറഞ്ഞിട്ടും വിലയുയര്‍ത്താതെ ഗുണനിലവാരമില്ലാത്ത റബര്‍ ഇറക്കുമതി നടത്തുവാന്‍ കേന്ദ്രസര്‍ക്കാര്‍ ഏജന്‍സികള്‍തന്നെ കൂട്ടുനില്‍ക്കുന്നത് ശരിയായ പ്രവണതയല്ല.…

കോഴിക്കോട്: എസ്.ഐ.ഓ ജില്ലാ സംവേദന വേദിയുടെ ആഭിമുഖ്യത്തിൽ ജില്ലയിലെ മാപ്പിള കലാകാരന്മാർക്കുള്ള ആദരവും കലാവിരുന്നും സംഘടിപ്പിച്ചു. ‘യാദ് രഹേഗ’ എന്ന തലക്കെട്ടിൽ നടന്ന പരിപാടി പ്രശസ്ത മാപ്പിള സാഹിത്യ ഗവേഷകൻ ഫൈസൽ എളേറ്റിൽ ഉദ്ഘാടനം ചെയ്തു. ജമാഅത്തെ ഇസ്‌ലാമി ശൂറാ അംഗം ടി മുഹമ്മദ് വേളം, എസ്.ഐ.ഓ കേരള ശൂറാ അംഗം അഡ്വ. റഹ്മാൻ ഇരിക്കൂർ, അൻവർ കോട്ടപ്പള്ളി, നവാഫ് പാറക്കടവ്, ഷഫാഖ് കക്കോടി, അഫ്സൽ പുല്ലാളൂർ എന്നിവർ സംസാരിച്ചു. ജാബിർ സുലൈം, ഉബൈദ് കുന്നക്കാവ്, ഷമീർ പാലേരി, ജുനൈസ് ആനയാംകുന്ന്, ബദറുദ്ദീൻ പറന്നൂർ, ഷാഫിർ വെള്ളയിൽ, ഗസ്സാലി വെള്ളയിൽ, ടി.കെ അലി പൈങ്ങോട്ടായി, അസ്‌ലം വാണിമേൽ, നഷ്‌വ ഹുസൈൻ തുടങ്ങി സാഹിത്യ കലാ രംഗത്ത് നിന്നുള്ളവരെ വേദിയിൽ ആദരിച്ചു. തുടർന്ന് ടീം ഖാഇനാത്ത് അവതരിപ്പിച്ച ഈദ് മെഹ്ഫിൽ ഗാനവിരുന്നും വേദിയിൽ അരങ്ങേറി.

മലപ്പുറം: പ്ലസ് വൺ അപേക്ഷ സമർപ്പണം മലപ്പുറം ജില്ലയിൽ മാത്രമുള്ള സാങ്കേതിക പ്രശ്നം വിദ്യാഭ്യാസ വകുപ്പിന്റെ ഗുരുതര വീഴ്ചയാണന്ന് ഫ്രറ്റേണിറ്റി മൂവ്മെന്റ് മലപ്പുറം ജില്ലാ പ്രസിഡന്റ് ജസീം സുൽത്താൻ പറഞ്ഞു. മതിയായ മുന്നൊരുക്കങ്ങളില്ലാതെയാണ് വകുപ്പ് വിദ്യാർത്ഥികളിൽ നിന്ന് അപേക്ഷ ക്ഷണിച്ചതെന്ന് വ്യക്തമാണ്. മലപ്പുറത്തു മാത്രം സാങ്കേതിക തടസ്സമുണ്ടായതിന് പിന്നിൽ ഗൂഢാലോചനകളുണ്ടോയെന്ന് പരിശോധിക്കണം. അപേക്ഷിക്കാൻ കഴിയാതെ വിദ്യാർത്ഥികളും രക്ഷിതാക്കളും പരിഭ്രാന്തരാണ്. എല്ലാ വർഷവും ഏറ്റവും കൂടുതൽ പേർ അപേക്ഷകരുള്ള ജില്ലയാണ് മലപ്പുറം. പ്ലസ് വൺ അപേക്ഷിക്കാൻ താരതമ്യേന കൂടുതൽ സൗകര്യമൊരുക്കേണ്ടതും മലപ്പുറം ജില്ലക്കു വേണ്ടിയാണ്. ഉപരിപഠന യോഗ്യത നേടിയ പതിനായിരങ്ങൾക്ക് സീറ്റില്ലാതെ സംസ്ഥാനത്തേറ്റവും പ്രതിസന്ധി നിലനിൽക്കുന്ന ജില്ലയിലാണ് സാങ്കേതിക പ്രശ്നം കൂടി വിദ്യാർത്ഥികളെ വലക്കുന്നത്. മലപ്പുറത്തെ വിദ്യാർത്ഥികൾക്ക് അപേക്ഷിക്കാൻ കൂടുതൽ സമയമനുവദിക്കാനും വിദ്യാർത്ഥികളുടെയും രക്ഷിതാക്കളുടെയും ആശങ്കയകറ്റാനും സർക്കാർ തയ്യാറാവണമെന്നും ജില്ലാ സെക്രട്ടേറിയറ്റ് ആവശ്യപ്പെട്ടു. സെക്രട്ടറിമാരായ അജ്മൽ കോഡൂർ, ഹാദിഖ്…

ന്യൂഡൽഹി: നടിയെ ആക്രമിച്ച കേസിലെ മുഖ്യ പ്രതി പൾസർ സുനിയുടെ ജാമ്യാപേക്ഷ സുപ്രീം കോടതി തള്ളി. വിശദമായ വാദം കേട്ട ശേഷമാണ് ജസ്റ്റിസ് അജയ് റെസ്റ്റോഗി അദ്ധ്യക്ഷനായ ബെഞ്ച് ജാമ്യാപേക്ഷ തള്ളിയത്. കേസിൽ കഴിഞ്ഞ അഞ്ചര വർഷമായി ജയിലിൽ കഴിയുന്ന ഏക പ്രതി പൾസർ സുനിയാണെന്ന് പ്രതിക്കു വേണ്ടി ഹാജരായ അഭിഭാഷകൻ വാദിച്ചു. മറ്റ് പ്രതികൾക്ക് വിവിധ ഘട്ടങ്ങളിലായി ജാമ്യം ലഭിച്ചു എന്നും അഭിഭാഷകന്‍ കോടതിയെ ധരിപ്പിച്ചു. കുറ്റകൃത്യം ചെയ്യാന്‍ പണം നൽകിയ നടൻ പുറത്തിറങ്ങിയ സാഹചര്യത്തിൽ സുനിക്കും ജാമ്യം നൽകണമെന്ന് പ്രതിഭാഗം അഭിഭാഷകൻ വാദിച്ചു. എന്നാല്‍, യാതൊരു കാരണവശാലും സുനിക്ക് ജാമ്യം നല്‍കരുതെന്ന് സര്‍ക്കാര്‍ അഭിഭാഷകന്‍ ആവശ്യപ്പെട്ടു. വീഡിയോ ദൃശ്യങ്ങള്‍ അടക്കം സുനിക്കെതിരെ തെളിവായുണ്ട്. കൂടാതെ പ്രതിക്കെതിരെ വ്യക്തമായ മൊഴി അതിജീവിത നല്‍കിയിട്ടുണ്ടെന്നും സര്‍ക്കാര്‍ സുപ്രീം കോടതിയില്‍ ചൂണ്ടിക്കാട്ടി. പള്‍സര്‍ സുനിക്ക് ജാമ്യം നല്‍കുന്നത് കേസിനെ…

കൊച്ചി: നടിയെ ആക്രമിച്ച കേസില്‍ ദൃശ്യങ്ങൾ അടങ്ങിയ മെമ്മറി കാർഡിന്റെ പരിശോധനാഫലം ക്രൈം ബ്രാഞ്ചിന് ലഭിച്ചു. മൂന്ന് തവണയാണ് കാർഡിന്റെ ഹാഷ് മൂല്യം മാറ്റിയതെന്നാണ് റിപ്പോർട്ട്. തുടരന്വേഷണം പൂർത്തിയാക്കാൻ ക്രൈം ബ്രാഞ്ച് കൂടുതൽ സമയം ആവശ്യപ്പെട്ടേക്കും. ഇന്നലെ രാത്രിയാണ് തിരുവനന്തപുരം ഫോറൻസിക് ലാബിലെ പരിശോധനാഫലം ക്രൈംബ്രാഞ്ചിന് ലഭിച്ചത്. മുദ്ര വച്ച കവറിൽ കോടതിക്ക് കൈമാറിയതായാണ് റിപ്പോർട്ട്. ഹാഷ് മൂല്യം മൂന്ന് തവണ മാറിയെന്ന് പരിശോധനാ ഫലം പറയുമ്പോൾ, സിസ്റ്റത്തിൽ കാർഡ് മൂന്ന് തവണ പരിശോധിച്ചുവെന്നാണ് അർത്ഥമാക്കുന്നത്. റിപ്പോർട്ടിൽ ഹാഷ് മൂല്യം മാറിയ തീയതി ഉൾപ്പെടുത്തിയതായി സൂചനയുണ്ട്. അങ്കമാലി മജിസ്‌ട്രേറ്റ് കോടതിയിലും വിചാരണക്കോടതിയിലും എറണാകുളം ജില്ലാ കോടതിയിലും മെമ്മറി കാർഡിന്റെ ഹാഷ് മൂല്യം മൂന്നുതവണ മാറ്റിയതായി ക്രൈംബ്രാഞ്ച് മനസ്സിലാക്കുന്നു. കുറ്റപത്രം സമർപ്പിച്ചതിന് പിന്നാലെ പൾസർ സുനിയിൽ നിന്ന് പിടിച്ചെടുത്ത മെമ്മറി കാർഡ് അങ്കമാലി മജിസ്‌ട്രേറ്റ് കോടതിയിലാണ് സമര്‍പ്പിച്ചത്. പിന്നീട്…