കുവൈറ്റ് സിറ്റി : 38 വര്ഷങ്ങള്ക്കുശേഷം മലയാളി പ്രവാസി നാടണഞ്ഞു. കയ്പമംഗലം കാളമുറി പടിഞ്ഞാറുഭാഗം കിളിക്കോട്ട് കൊച്ചുകുട്ടന് ചന്ദ്രനാണ് ഇന്ത്യന് എംബസിയുടേയും കുവൈറ്റിലെ സാമുഹ്യ പ്രവര്ത്തകന് സലിം കൊമ്മേരിയുടെ നീണ്ട പരിശ്രമത്തിനൊടുവില് നാടണഞ്ഞത്. ഹൃദയ സംബന്ധമായ അസുഖം കാരണം സ്പോണ്സരുടെ കൂടെ അദാന് ആശുപതിയിലെത്തിയ ചന്ദ്രന്റെ ജീവിതകഥ അറിഞ്ഞു മലയാളികളായ ആരോഗ്യ പ്രവര്ത്തകര് ഫോട്ടോ സഹിതം സോഷ്യല് മീഡിയയില് ഇട്ട പോസ്റ്റ് കണ്ട് ചന്ദ്രനെ തിരിച്ചറിഞ്ഞ സഹോദരന്റെ മക്കള് സാമുഹ്യ പ്രവര്ത്തകന് മൊയ്തീന് ഷായെ ബന്ധപ്പെടുകയും തുടര്ന്ന് സലിം കൊമ്മേരി വിഷയത്തില് ഇടപെടുകയുമായിരുന്നു. ആശുപത്രിയിലെത്തിയ സലിം കൊമ്മേരി നേരില് കണ്ട് കാര്യങ്ങള് മനസിലാക്കുകയും ചന്ദ്രന് ജോലി ചെയ്യുന്ന സ്പോണ്സറെ ബന്ധപ്പെടുകയും എംബസിയെ വിവരം അറിയിക്കുകയുമായിരുന്നു. 1983ലാണ് തൃശൂര് കയ്പമംഗലം സ്വദേശി ആദ്യമായി കുവൈറ്റിലെത്തുന്നത്. വഫ്ര പ്രദേശത്ത് ആട് മേയ്ക്കല് ജോലിക്കായി എത്തിയ ചന്ദ്രന് ജോലിയും ചുറ്റുപാടുകളും നാട്ടുകാരുമായോ…
ദുരിതം നിറഞ്ഞ നാല് പതിറ്റാണ്ടിനുശേഷം ചന്ദ്രന് നാട്ടിലേക്ക്; പെണ്കുട്ടികളുടെ കല്യാണം കഴിഞ്ഞതും ഭാര്യ മരിച്ചതുംഅറിഞ്ഞില്ല
