വാഷിംഗ്ടണ്: രണ്ടു ദിവസത്തെ ഇസ്രയേല് സന്ദര്ശനം പൂര്ത്തിയാക്കി മടങ്ങിയെത്തുന്ന യുഎസ് പ്രസിഡന്റ് ജോ ബൈഡന് വെസ്റ്റ് ബാങ്കില് പലസ്തീന് പ്രസിഡന്റ് മുഹമ്മദ് അബ്ബാസുമായി കൂടിക്കാഴ്ച നടത്തും. തുടര്ന്ന് ഈസ്റ്റ് ജറുശലേമിലുള്ള ആശുപത്രിയും സന്ദര്ശിക്കും. പലസ്തീന് സന്ദര്ശനത്തിന് മുന്നോടിയായി 316 മില്യണ് ഡോളറിന്റെ ധനസഹായം വൈറ്റ് ഹൗസ് പ്രഖ്യാപിച്ചു. ട്രംപിന്റെ ഭരണകാലത്ത് മൂന്നു വര്ഷത്തോളം പലസ്തീനുള്ള എല്ലാ സഹായങ്ങളും അമേരിക്ക നിര്ത്തിവെച്ചിരുന്നു. ഇസ്രയേല്-പലസ്തീന് സമാധാന ശ്രമങ്ങള് പൂര്ണ്ണമായും നിലച്ച സാഹചര്യത്തില് അവരുടെ വിശ്വാസം നേടിയെടുക്കുക എന്ന ലക്ഷ്യത്തോടെയാണ് വാഷിംഗ്ടണ് പുതിയ സഹായ വാഗ്ദാനം പ്രഖ്യാപിച്ചിരിക്കുന്നത്. വെസ്റ്റ് ബാങ്ക് അഭയാര്ത്ഥി പ്രശ്നങ്ങള് പരിഹരിക്കുന്നതിന് ഇതില് 201 മില്യണ് ഡോളര് യു.എന്. റീലീഫ് ആന്റ് വര്ക്ക് ഏജന്സിക്കാണ് നല്കുക. ബൈഡന് അധികാരത്തില് വന്നതിനുശേഷം ഇതുവരെ 618 മില്യണ് ഡോളറിന്റെ സഹായധനമാണ് പലസ്തീന് നല്കിയിട്ടുള്ളത്. പലസ്തീനിന്റെ വിശ്വാസം നേടിയെടുക്കുന്നതിനായി ജറുശലേമില് ട്രംപ് അടച്ചുപൂട്ടിയ…
Category: AMERICA
രണ്ടു കുട്ടികളെ കാറില് തനിച്ചിരുത്തി പുറത്തുപോയ മാതാവിനെ അറസ്റ്റു ചെയ്തു
ഹാരിസ്കൗണ്ടി (ഹൂസ്റ്റണ്): രാത്രിയില് രണ്ടു കുട്ടികളെ കാറില് തനിച്ചിരുത്തി ഷോപ്പിംഗിനു പോയ മാതാവിനെ പോലീസ് അറസ്റ്റു ചെയ്തു. അവന്തി ലാട്രിസ് ജോണ്സണ് (32) എന്ന മാതാവിനെയാണ് അറസ്റ്റു ചെയ്തത്. വെസ്റ്റ് ലെയ്ക്ക് ഹ്യൂസ്റ്റണ് പാര്ക്ക്വേയിലുള്ള എച്ച്.ഇ.ബി പാര്ക്കിംഗ് ലോട്ടിലായിരുന്നു സംഭവം. കുട്ടികളെ പിന്സീറ്റില് ബെല്റ്റിട്ട് സുരക്ഷിതമാക്കി, കാര്ഡോര് ലോക്ക് ചെയ്യാതെയാണ് ഇവര് തൊട്ടടുത്തുള്ള കടയിലേക്ക് പോയത്. സമീപത്തുള്ള ആരോ ചിലര് പോലീസിനെ വിവരം അറിയിച്ചു. അവര് സ്ഥലത്തെത്തി കുട്ടികള് കാറില് തനിച്ചിരിക്കുന്നത് കണ്ടെത്തുകയും, മാതാവിനെ തിരക്കി അടുത്തുള്ള കടയില് എത്തുകയും ചെയ്തു. ഇവര് കാറില് നിന്നും ഇറങ്ങിപ്പോകുന്നത് തൊട്ടടുത്തുള്ള ക്യാമറയില് പതിഞ്ഞിരുന്നു. മുപ്പതുമിനിട്ട് മാത്രമാണ് കുട്ടികളില് നിന്നും മാറിനിന്നതെന്ന് മാതാവ് പറഞ്ഞെങ്കിലും പോലീസ് ചെവിക്കൊണ്ടില്ല. കുട്ടികളെ അപായപ്പെടുത്തല് വകുപ്പ് ചുമത്തിയാണ് ജോണ്സണെ അറസ്റ്റു ചെയ്തത്. ഇവരെ ഹാരിസ് കൗണ്ടി ജയിലിലടച്ചു. യാതൊരു കാരണവശാലും കുട്ടികളെ വാഹനത്തില് തനിച്ചാക്കരുതെന്ന…
അച്ചാമ്മ കുര്യൻ പന്നാപാറ (75) ഹൂസ്റ്റണിൽ നിര്യാതയായി
ഹൂസ്റ്റൺ: അച്ചാമ്മ കുര്യൻ പന്നാപാറ (75) ഹൂസ്റ്റണിലെ, ഷുഗർലാൻഡിൽ സ്വവസതിയിൽ വെച്ച് നിര്യാതയായി. 1971 ആഗസ്റ്റ് 22-ന് കുരിയൻ പന്നാപാറയുമായി വിവാഹിതയായി. 1972ൽ അമേരിക്കയിലേക്ക് കുടിയേറി. നഴ്സിംഗ് മേഖലയില് വളരെ കാലം സേവനമനുഷ്ഠിച്ചശേഷം റിട്ടയര് ചെയ്തു. ഹ്യൂസ്റ്റന് മലയാളികള്ക്കിടയില് സാമൂഹിക-സാംസ്കാരിക രംഗങ്ങളിൽ ഈ ദമ്പതികൾ വളരെ സജീവമായി പ്രവർത്തിച്ചുവരികയായിരുന്നു. മക്കള്: ഷെർലി, ഷൈനി. അഞ്ച് കൊച്ചുമക്കളുണ്ട്. സംസ്കാരചടങ്ങുകൾ: ജൂലൈ 19-ന് സെന്റ് ലോറന്സ് കാത്തലിക് ചര്ച്ച്, ഷുഗര്ലാന്റ് (3100 Sweetwater BLVD, Sugar Land, TX 77479). പൊതുദര്ശനം: രാവിലെ 8:30 മുതല് 10:00 വരെ. തുടർന്ന് ഫ്യൂണറൽ കുർബാന തിരുക്കർമ്മങ്ങൾ. തുടര്ന്ന് റോസൻ ബർഗിൽ ഡേവിസ് ഗ്രീൻലോൺ സെമിത്തേരിയിൽ (3900 B F Terry BLVD, Rosenberg,TX 77471) സംസ്ക്കാരം. ഇന്ത്യ കത്തോലിക്കാസ് ഓഫ് ഹൂസ്റ്റൺ അച്ചാമ്മയുടെ വേർപാടിൽ അനുശോചനം രേഖപ്പെടുത്തി.
ഇവാന ട്രംപ് ന്യൂയോർക്കിൽ അന്തരിച്ചു
ന്യൂയോർക്ക് :അമേരിക്കൻ പ്രസിഡൻറ് ഡൊണാൾഡ് ട്രംപിന്റെ മുൻഭാര്യ ന്യൂയോർക്കിൽ അന്തരിച്ചു. ഡൊണാൾഡ് ട്രമ്പ് തന്നെയാണ് ട്രൂത് സോഷ്യലിലൂടെ ഔദ്യോഗികമായി ഇവാനയുടെ മരണം അറിയിച്ചത്. 73 വയസ്സായിരുന്നു. 1977 ലായിരുന്നു ട്രമ്പ് ഇവനാ വിവാഹം. ഡൊണാൾഡ് ജൂനിയർ , ഇവാങ്ക ,എറിക് എന്നിവർ മക്കളാണ് . ന്യൂയോർക്ക് സ്വവസതിയിൽ വെച്ചു പെട്ടെന്ന് അബോധാവസ്ഥയിലായതിനെ തുടർന്ന് 911 വിളിക്കുകയായിരുന്നു .പ്രാഥമിക ചികിത്സ നല്കുന്നതിനു മുന്പു തന്നെ മരണം സംഭവിച്ചിരുന്നു. 1949 ൽ ചെക്കോസ്ലോവാക്കിയിലായിരുന്നു ജനനം . ഇവാനയുടെ ആകസ്മിക വിയോഗത്തിൽ ട്രമ്പ് അഗാധ ദുഃഖം അറിയിച്ചു.
മഹാത്മാഗാന്ധിയുടെ പ്രതിമ വികൃതമാക്കി ‘റേപ്പിസ്റ്റ്’ എന്ന് എഴുതി
ഒട്ടാവ: ടൊറന്റോയിൽ മഹാത്മാ ഗാന്ധിയുടെ പ്രതിമ വികൃതമാക്കിയ സംഭവത്തില് പോലീസ് അന്വേഷണം ആരംഭിച്ചു. ടൊറന്റോയിലെ റിച്ച്മണ്ട് ഹില്ലിലുള്ള വിഷ്ണു ക്ഷേത്രത്തിനു സമീപമാണ് ബുധനാഴ്ച (ജൂലൈ 13) ഉച്ചയ്ക്ക് 12.30ഓടെ സംഭവം നടന്നത്. ഈ സാഹചര്യത്തിൽ, വിദ്വേഷ കുറ്റകൃത്യമായി കണക്കാക്കിയാണ് കേസ് അന്വേഷിക്കുന്നതെന്ന് ലോക്കൽ പോലീസ് പറയുന്നു. യോങ് സ്ട്രീറ്റിലെയും ഗാർഡൻ അവന്യൂവിലെയും വിഷ്ണു ക്ഷേത്രത്തിന്റെ പരിസരത്ത് 5 മീറ്ററോളം ഉയരമുള്ള രാഷ്ട്രപിതാവ് ഗാന്ധിയുടെ പ്രതിമ സ്ഥാപിച്ചിരുന്നു. അതാണ് അക്രമികൾ വികൃതമാക്കിയത്. മാത്രമല്ല, ഖാലിസ്ഥാൻ, റേപ്പിസ്റ്റ് തുടങ്ങിയ ആക്ഷേപകരമായ വാക്കുകളും സാമൂഹിക വിരുദ്ധർ ഈ പ്രതിമയിൽ എഴുതിയിട്ടുണ്ട്. മഹാത്മാഗാന്ധിയുടെ പ്രതിമയെ അപകീർത്തിപ്പെടുത്താൻ ആക്ഷേപകരമായ വാക്കുകൾ ഉപയോഗിച്ചുവെന്ന് യോർക്ക് റീജിയണൽ പോലീസ് വക്താവ് ആമി ബൗഡ്റോ സംഭവം സ്ഥിരീകരിച്ചു. വംശം, ജാതി, രാജ്യം, ഭാഷ, മതം, പ്രായം, ലിംഗഭേദം മുതലായവയുടെ അടിസ്ഥാനത്തിൽ മറ്റുള്ളവരെ വെറുക്കുന്നവർ പക്ഷപാതപരവും അപമാനിതരുമാണ്. നിയമപരമായ പരിധിക്കുള്ളിൽ…
എന്താണ് മങ്കിപോക്സ് അഥവാ കുരങ്ങുപനി? ഈ രോഗത്തെ എങ്ങനെ പ്രതിരോധിക്കാം; എന്തെല്ലാം മുന്കരുതല് എടുക്കണം?
ലോകമെമ്പാടുമുള്ള ആയിരക്കണക്കിന് ആളുകളെ കുരങ്ങുപനി (Monkey Pox) ബാധിച്ച് തുടങ്ങിയത് മുതൽ, രണ്ട് വലിയ ചോദ്യങ്ങളാണ് ഉയർന്നുവന്നിട്ടുള്ളത്. ആഫ്രിക്കയ്ക്ക് പുറത്ത് കുറച്ച് കേസുകൾക്കപ്പുറത്തേക്ക് ഒരിക്കലും പടരാൻ കഴിയാത്ത ഒരു വൈറസ് പെട്ടെന്ന് ഇത്ര വലിയ, ആഗോള പൊട്ടിപ്പുറപ്പെടലിന് കാരണമാകുന്നത് എന്തുകൊണ്ട്? 42 വർഷം മുമ്പ് ഉന്മൂലനം ചെയ്ത വസൂരിയുമായി എന്തുകൊണ്ടാണ് കുരങ്ങുപനിക്ക് സാമ്യം? ലൈംഗികമായി പകരുന്ന അണുബാധകൾ (എസ്ടിഐകൾ) സംബന്ധിച്ച ഒരു നീണ്ട ചരിത്രവും നിലവിലെ പൊട്ടിപ്പുറപ്പെടലിന്റെ ആദ്യകാല പഠനങ്ങളും ഉത്തരങ്ങൾ ലിങ്ക് ചെയ്തിരിക്കാമെന്ന് സൂചിപ്പിക്കുന്നു. ഇപ്പോള് കേരളത്തില് ഈ രോഗം സ്ഥിരീകരിച്ച സാഹചര്യത്തിൽ വളരെയധികം ആശങ്ക പരന്നിട്ടുണ്ട്. യുഎഇയിൽ നിന്ന് മൂന്ന് ദിവസം മുമ്പ് നാട്ടിലെത്തിയ വ്യക്തിക്കാണ് കുരങ്ങുപനി ബാധിച്ചതായി കണ്ടെത്തിയത്. ഈ സാഹചര്യത്തിൽ കുരങ്ങുപനിയെക്കുറിച്ചും അതിനെതിരെ സ്വീകരിക്കേണ്ട മുൻകരുതലുകളെക്കുറിച്ചും അറിഞ്ഞിരിക്കേണ്ടത് പ്രധാനമാണ്. എന്താണ് മങ്കിപോക്സ് അഥവാ കുരങ്ങു പനി: മങ്കിപോക്സ് വൈറസ് അണുബാധ മൂലമുണ്ടാകുന്ന…
ഡബ്ല്യൂ.എം.സി ചിക്കാഗോ പ്രോവിന്സ് കലാസന്ധ്യ 2022: ഒരുക്കങ്ങള് പൂര്ത്തിയായി
വേള്ഡ് മലയാളി കൗണ്സില് ചിക്കാഗോ പ്രോവിന്സിന്റെ ആഭ്യമുഖ്യത്തില് ജൂലൈ 23 ന് ശനിയാഴ്ച വൈകുന്നേരം മോര്ട്ടന്ഗ്രോവില് വച്ചു നടത്തുന്ന ”കലാസന്ധ്യ-2022” സംഗീതസായാഹ്നത്തിന്റ അവസാനഘട്ട ഒരുക്കങ്ങള് പൂര്ത്തിയായതായി ഡബ്ല്യൂ.എം.സി പ്രോവിന്സ് ഭാരവാഹികള് അറിയിച്ചു. സുപ്രസിദ്ധ കര്ണാടിക് സംഗീത വിദഗ്ദ്ധന് റവ ഡോ പോള് പൂവത്തിങ്കല് ചിക്കാഗോ സ്ട്രിങ്സ് ഓര്ക്കസ്ട്രയോടൊപ്പം ചേര്ന്ന് നടത്തുന്ന ശ്രുതിസാന്ദ്രമായ ഈ സംഗീതവിരുന്നിനു സെന്റ് മേരീസ് ക്നാനായ കത്തോലിക്കാ പള്ളി ആഡിറ്റോറിയത്തില് വൈകിട്ട് ആറു മണിക്ക് ആരംഭിക്കുന്ന ചെണ്ടമേളത്തോടെ തുടക്കമാകും. വേള്ഡ് മലയാളി കൗണ്സില് ഗ്ലോബല് ഭാരവാഹികള് ഉള്പ്പടെ പങ്കെടുക്കുന്ന ഹ്രസ്വമായ ഉത്ഘാടനസമ്മേളത്തില് പ്രോഗ്രാം കണ്വീനര് ഫിലിപ്പ് പുത്തന്പുരയില് സ്പോണ്സര്മാരെ ആദരിക്കും. പ്രൊവിന്സ് സെക്രട്ടറി തോമസ് ഡിക്രൂസ് നന്ദി പറയും സിമി ജെസ്റ്റോ ജോസഫ് എം സി ആയിരിക്കും. ശനിയാഴ്ച നടന്ന ഡബ്യൂ എം സി എക്സികൂട്ടിവ് സമ്മേളനത്തില് സംഗീതസന്ധ്യയുടെ മനോഹരമായ ഫ്ളയര്, പ്രൊവിന്സ് പ്രസിഡന്റ്…
ഡാളസില് കോപ്പര് വയര് മോഷണം; ഇന്റര്നെറ്റും ടെലിഫോണും നിശ്ചലം
ഡാളസ് : ഡാളസില് കോപ്പര് വയര് മോഷ്ടിക്കുന്നവരുടെ എണ്ണം വര്ധിക്കുന്നു. കോപ്പര് വയര് മോഷ്ടിക്കുന്നത് ഇന്റര്നെറ്റ് സര്വീസുകളും, ടെലിഫോണ് പ്രവര്ത്തനങ്ങളും നിശ്ചലമാക്കുന്നതായി ഡാലസ് പൊലീസ് പറഞ്ഞു. പൊലീസ് മോഷ്ടാക്കളെ പിടികൂടുന്നതിനുള്ള ശ്രമം ഊര്ജ്ജിതപ്പെടുത്തിയിട്ടുണ്ട്. എസി യൂണിറ്റുകളുടെ കോപ്പര് വയര് വെട്ടിയെടുക്കുന്നതു മൂലം, ഡാലസ് ക്ലിഫ് ഭാഗങ്ങളില് ഇലക്ട്രിക് സിറ്റിയുടെ പ്രവര്ത്തനവും നിലച്ചിട്ടുണ്ട്. എസിയുടെ പ്രവര്ത്തനം താറുമാറായതോടെ പല വീടുകളുലും ചൂടു കൂടുതലാണ്. മോഷ്ടാക്കളുടെ ലക്ഷ്യം കോപ്പര്വയര് വെട്ടിയെടുക്കുക എന്നതാണെന്ന് ഡാലസ് പൊലീസ് പറഞ്ഞു. കോപ്പറിന്റെ വില വര്ധിച്ചതും മോഷ്ടാക്കളെ ഇതിനു പ്രേരിപ്പിക്കുന്നു. മോഷ്ടാക്കളെ കണ്ടെത്തുന്നതിനു പൊതുജനങ്ങളുടെ സഹകരണം ഡാലസ് പൊലീസ് അഭ്യര്ഥിച്ചിട്ടുണ്ട്. ഈ പ്രദേശങ്ങളില് സ്ഥാപിച്ചിരിക്കുന്ന ക്യാമറകളില് പതിഞ്ഞ ദൃശ്യങ്ങളും പൊലീസ് പരിശോധിച്ചു വരുന്നു.
ഊബര് ഡ്രൈവർക്കെതിരെ അമേരിക്കയില് 550 സ്ത്രീകൾ ലൈംഗികാതിക്രമത്തിന് കേസെടുത്തു
സാന്ഫ്രാന്സിസ്കോ: സാൻഫ്രാൻസിസ്കോ കൗണ്ടി സുപ്പീരിയർ കോടതിയിൽ ഹാജരാക്കിയ കേസ് അനുസരിച്ച്, ഡ്രൈവർമാർ തങ്ങളെ ലൈംഗികമായി പീഡിപ്പിച്ചുവെന്ന് അവകാശപ്പെട്ട് 550 സ്ത്രീകൾ ഊബറിനെതിരെ കേസെടുക്കുന്നു. 2014 മുതൽ, ഊബര് അതിന്റെ ഡ്രൈവർമാരിൽ ചിലർ സ്ത്രീ യാത്രക്കാരെ ലൈംഗികമായി ഉപദ്രവിക്കുകയും ബലാത്സംഗം ചെയ്യുകയും ചെയ്തതായി മനസ്സിലാക്കുന്നു. കൂടാതെ, സ്ത്രീകൾ ലൈംഗികമായി പീഡിപ്പിക്കപ്പെടുന്ന റൈഡുകളിൽ നിന്ന് സാമ്പത്തികമായി ലാഭം നേടുന്നുവെന്നും ഊബര് ആരോപിക്കപ്പെടുന്നു. കുറഞ്ഞത് 150 കേസുകളെങ്കിലും നിലവിൽ അന്വേഷണത്തിലാണ്. “Uber Files” എന്ന ഒരു മീഡിയ ഗ്രൂപ്പിന്റെ സമീപകാല റിപ്പോർട്ട് അനുസരിച്ച്, ഒരു ഡ്രൈവർ ഒരു കാബിൽ വെച്ച് ഒരു സ്ത്രീ യാത്രക്കാരിയെ ലൈംഗികമായി ഉപദ്രവിച്ചതിനെ തുടർന്ന് രാജ്യത്തെ “പ്രശ്നക്കാരായ” ഡ്രൈവർമാരെ കുറിച്ച് കമ്പനി പശ്ചാത്തല പരിശോധന നടത്താൻ തുടങ്ങി. ഇന്റർനാഷണൽ കൺസോർഷ്യം ഓഫ് ഇൻവെസ്റ്റിഗേറ്റീവ് ജേണലിസ്റ്റിലെ അംഗമായ ബ്രിട്ടീഷ് ദിനപത്രത്തില് പ്രസിദ്ധീകരിച്ച 124,000 പേജുകളുള്ള രേഖകളിൽ നിന്നുള്ള ആന്തരിക…
നായകളുടെ ആക്രമണത്തില് മരിച്ച ഭര്ത്താവിന്റെ മൃതദേഹം കാണാന് അനുവദിച്ചില്ലെന്ന് ഭാര്യ
മിസൗറി: മൂന്നു നായകള് കൂട്ടമായി ആക്രമിച്ചതിനെ തുടര്ന്ന് മരിച്ച 62 വയസ്സുകാരനായ ഭര്ത്താവിന്റെ മൃതദേഹം കാണാന് അനുവദിച്ചില്ലെന്നു ഭാര്യയുടെ പരാതി. മൃതദേഹം കാണിക്കാന് പറ്റാത്ത രീതിയിലായിരുന്നു എന്ന് പൊലീസ് പറയുന്നു. മിസൗറിയിലുള്ള വീടിന്റെ പുറകുവശത്തായിരുന്നു ശരീരമാസകലം കടിയേറ്റ് മാംസം നഷ്ടപ്പെട്ട മൃതദേഹം കണ്ടെത്തിയത്. കഴിഞ്ഞ വാരാന്ത്യം ഭാര്യ ജോലിക്കു പോയ സമയത്തായിരുന്നു സംഭവം. ഞായറാഴ്ച രാവിലെ വീട്ടിലേക്കു ഫോണ് ചെയ്തെങ്കിലും മറുപടി ലഭിക്കാത്തതിനെ തുടര്ന്ന് വിവരം പൊലീസില് അറിയിക്കുകയായിരുന്നു. സാധാരണ ഉറങ്ങുന്നതിന് മുന്പ് ഭര്ത്താവ് ഭാര്യയെ ഫോണില് വിളിക്കാറുണ്ടായിരുന്നു. എന്നാല്, ശനിയാഴ്ച അതുണ്ടായില്ല. ഇതിനെ തുടര്ന്നാണ് സംശയം ഉണ്ടായത്. ഭര്ത്താവിന് യാതൊരു ആരോഗ്യപ്രശ്നവും ഉണ്ടായിരുന്നില്ലെന്നും ഭാര്യ പറഞ്ഞു. ഭര്ത്താവ് ശനിയാഴ്ച തന്നെ കൊല്ലപ്പെട്ടിട്ടുണ്ടാകാമെന്നും അന്നു രാത്രി നായകള് ശരീരം ഭക്ഷണമാക്കിയിരിക്കാമെന്നുമാണ് പൊലീസിന്റെ കണ്ടെത്തല്. ആക്രമിച്ചുവന്ന് കരുതുന്ന മൂന്നു പിറ്റ്ബുള് നായകളേ സമീപ പ്രദേശത്തു നിന്നും പിടികൂടിയിരുന്നു
