Category: KERALA

കോഴിക്കോട്‌: 2026-ലെ നീറ്റ്‌ (NEET) പരീക്ഷയുമായി ബന്ധപ്പെട്ട്‌ ഉയര്‍ന്നു വന്ന ഗുരുതരമായ ക്രമക്കേടുകളിലും ചോദ്യ പേപ്പര്‍ ചോര്‍ച്ചയിലും എത്തിക്കല്‍ മെഡിക്കല്‍ ഫോറം (EMF) സംസ്ഥാന കമ്മിറ്റി ശക്തമായ പ്രതിഷേധം രേഖപ്പെടുത്തി. ചോദ്യ പേപ്പര്‍ ചോര്‍ത്തി ലക്ഷങ്ങള്‍ സമ്പാദിക്കുന്ന മാഫിയാ സംഘങ്ങള്‍ രാഷ്ട്രീയ സ്വാധീനമുപയോഗിച്ച്‌ സംരക്ഷിക്കപ്പെടുന്നത്‌ ജനാധിപത്യ സംവിധാനത്തിന്‌ വെല്ലുവിളിയാണെന്ന്‌ യോഗം അഭിപ്രായപ്പെട്ടു. മെഡിക്കല്‍ എന്‍ട്രന്‍സ്‌ പരീക്ഷകളുടെ തുടക്കം മുതല്‍ അഴിമതിക്കഥകളും പരാതികളും തുടര്‍ച്ചയായി കേള്‍ക്കുന്നത്‌ അങ്ങേയറ്റം ഖേദകരമാണ്‌. സാമ്പത്തിക ബുദ്ധിമുട്ടുകള്‍ക്കിടയിലും വായ്പയെടുത്തും കിടപ്പാടം പണയപ്പെടുത്തിയും രാപ്പകല്‍ അധ്വാനിച്ചു പഠിക്കുന്ന പാവപ്പെട്ട വിദ്യാര്‍ത്ഥികളുടെ സ്വപ്നങ്ങളെയാണ്‌ ഇത്തരം സാമൂഹിക വിരുദ്ധ സംഘങ്ങള്‍ തകര്‍ക്കുന്നത്‌. വളഞ്ഞ വഴികളിലൂടെ മെഡിക്കല്‍ പ്രവേശനം നേടിയെടുക്കുന്ന അവിശുദ്ധ കൂട്ടുകെട്ടുകളെ ഒറ്റപ്പെടുത്തേണ്ടതുണ്ട്‌. പരീക്ഷ വീണ്ടും നടത്തുക എന്നത്‌ മാത്രമാകരുത്‌ ഇതിനുള്ള പരിഹാരം. മറിച്ച്‌, ഈ കൊള്ളയില്‍ പ്രത്യക്ഷമായും പരോക്ഷമായും പങ്കാളികളായ മുഴുവന്‍ വ്യക്തികളെയും മാഫിയാ സംഘങ്ങളെയും കണ്ടെത്തി…

തിരുവനന്തപുരം: നിയമസഭാ തിരഞ്ഞെടുപ്പിന് ശേഷം നടന്ന ബിജെപി സംസ്ഥാന കോർ കമ്മിറ്റി യോഗത്തിൽ വി മുരളീധരനെ നിയമസഭാ കക്ഷി നേതാവായി തിരഞ്ഞെടുത്തു. ദേശീയ നേതൃത്വവും തീരുമാനിച്ചതിന് ശേഷം ഔദ്യോഗിക പ്രഖ്യാപനം ഉണ്ടാകും. പാലക്കാട് നിന്ന് മത്സരിച്ച ശോഭ സുരേന്ദ്രനെതിരെയും മഞ്ചേശ്വരത്ത് മത്സരിച്ച കെ സുരേന്ദ്രനെതിരെയും യോഗത്തിൽ വിമർശനം ഉയർന്നു. തിരഞ്ഞെടുപ്പിന് മുമ്പ് മണ്ഡലത്തെക്കുറിച്ച് ശരിയായ രീതിയില്‍ പഠിക്കേണ്ടതായിരുന്നു എന്ന് ചില നേതാക്കൾ അഭിപ്രായം പ്രകടിപ്പിച്ചു. പാലക്കാടും തൃശ്ശൂരും നടന്ന വോട്ട് ചോർച്ചയെക്കുറിച്ച് അന്വേഷണം നടത്തണമെന്നും യോഗം ആവശ്യപ്പെട്ടു. പാർലമെന്ററി പാർട്ടി നേതാവാകാൻ സാധ്യതയുള്ള സ്ഥാനാർത്ഥി ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖറായിരിക്കുമെന്ന് യോഗത്തിന് മുമ്പ് കരുതിയിരുന്നു. എന്നാൽ, അദ്ദേഹം സംസ്ഥാന പ്രസിഡന്റായതിനാൽ യോഗം പരിഗണിച്ചില്ല. ഒരാൾക്ക് രണ്ട് സ്ഥാനങ്ങൾ വഹിക്കാൻ കഴിയില്ലെന്നായിരുന്നു യോഗത്തിലെ വാദം. ഇതേത്തുടർന്ന്, മുതിർന്ന നേതാവ് വി മുരളീധരനെ പാർലമെന്ററി പാർട്ടി നേതാവായി തിരഞ്ഞെടുക്കാൻ…

തിരുവനന്തപുരം: പശ്ചിമേഷ്യയിലെ യുദ്ധം മൂലമുണ്ടായ ഇന്ധന വില വര്‍ദ്ധവില്‍ ബുദ്ധിമുട്ടുന്ന കേരളത്തിലെ ജനങ്ങള്‍ നേരിടുന്ന യാത്രാച്ചെലവും ചരക്ക് ചെലവുകളും ഉൾപ്പെടെയുള്ള ജീവിതച്ചെലവ് പ്രതിസന്ധി പരിഹരിക്കാൻ തന്റെ സർക്കാർ ശ്രമിക്കുമെന്ന് നിയുക്ത മുഖ്യമന്ത്രി വി ഡി സതീശൻ ഇന്ന് (മെയ് 15, വെള്ളി) തിരുവനന്തപുരത്ത് പ്രസ്താവിച്ചു. പ്രതിപക്ഷ നേതാവായിരുന്ന സതീശൻ, സംസ്ഥാനത്തിന്റെ വിപുലമായ സാമൂഹിക സുരക്ഷാ പെൻഷൻ ശൃംഖലയ്ക്ക് സബ്‌സിഡി നൽകുന്നതിനായി പെട്രോളിനും ഡീസലിനും ലിറ്ററിന് 2 രൂപയുടെ സാമൂഹിക സുരക്ഷാ സെസ് ചുമത്താനുള്ള മുൻ ഇടതുപക്ഷ ജനാധിപത്യ മുന്നണി (എൽഡിഎഫ്) സർക്കാരിന്റെ വിവാദപരമായ തീരുമാനത്തെ എതിർത്തിരുന്നു എന്നത് ശ്രദ്ധേയമാണ്. വിധവകൾ, മുതിർന്ന പൗരന്മാർ, ഭിന്നശേഷിക്കാര്‍, അവിവാഹിതരായ സ്ത്രീകൾ, കർഷക ത്തൊഴിലാളികൾ എന്നിവരുൾപ്പെടെ സംസ്ഥാനത്തെ 62 ലക്ഷത്തിലധികം ആളുകളെ ഇത് ഉൾക്കൊള്ളുന്നു. ലെവി പണപ്പെരുപ്പം വർദ്ധിപ്പിച്ചു, കുടുംബ ബജറ്റ് ഉയർത്തി, അയൽ സംസ്ഥാനങ്ങളായ തമിഴ്‌നാട്, കർണാടക എന്നിവിടങ്ങളിൽ നിന്നുള്ള…

തിരുവനന്തപുരം: മതേതര കേരളത്തെ വർഗീയമായി വിഭജിക്കാൻ ആരെയും അനുവദിക്കില്ലെന്ന് നിയുക്ത മുഖ്യമന്ത്രി വി ഡി സതീശൻ പറഞ്ഞു. കേരളത്തെ വർഗീയമായി വിഭജിക്കാൻ ഒരു ശക്തിയെയും അനുവദിക്കില്ലെന്ന് നിയുക്ത മുഖ്യമന്ത്രി വി ഡി സതീശന്‍ പറഞ്ഞു. ദേശീയ തലത്തില്‍ ബിജെപിയുടെ പരിപാടി വിദ്വേഷ പ്രചാരണമാണെന്നും അത് കേരളത്തില്‍ അനുവദിക്കില്ലെന്നും അദ്ദേഹം ചൂണ്ടിക്കാട്ടി. കേരളത്തില്‍ എല്ലാ വിഭാഗക്കാരും ഒരുപോലെയാണെന്നും, നമ്മുടെ മക്കളും കൊച്ചുമക്കളും ഐക്യത്തോടെ ജീവിക്കണമെന്നും അദ്ദേഹം പറഞ്ഞു. ലീഗ് യുഡിഎഫിന്റെ പ്രധാന ഘടകക്ഷിയാണ്. ഈ തിരഞ്ഞെടുപ്പില്‍ യുഡി‌എഫിന്റെ വിജയത്തിന് അവര്‍ നിർണ്ണായക പങ്കു വഹിച്ചിട്ടുണ്ട്. ഇപ്പോള്‍ അവര്‍ക്കെതിരെ തിരിഞ്ഞ് ആക്രമിക്കുന്നത് കേരളത്തിൽ വിദ്വേഷ പ്രചാരണത്തിന് വേണ്ടിയാണെന്ന് നിയുക്ത മുഖ്യമന്ത്രി പറഞ്ഞു. ലീഗിനെ ദുര്‍ബലമാക്കി ആ സ്ഥാനം വര്‍ഗീയ ശക്തികള്‍ക്ക് കൈയ്യേറാനാണെന്നും, എന്തു വിലകൊടുത്തും ബിജെപി പോലുള്ള വര്‍ഗീയ ശക്തികളെ എതിർക്കുമെന്നും അദ്ദേഹം മാധ്യമങ്ങളോട് പറഞ്ഞു.  

തിരുവനന്തപുരം, 14 മെയ് 2026: പ്രമുഖ എഐ ഡിജിറ്റൽ ട്രാൻസ്ഫോർമേഷൻ സൊല്യൂഷൻസ് കമ്പനിയായ യുഎസ് ടി തങ്ങളുടെ കോർപ്പറേറ്റ് സോഷ്യൽ റെസ്പോൺസിബിലിറ്റി (സിഎസ്ആർ) സംരംഭങ്ങളുടെ ഭാഗമായി, തിരുവനന്തപുരത്ത് പ്രവർത്തിക്കുന്ന നാഷണൽ ഇൻസ്റ്റിറ്റ്യൂട്ട് ഓഫ് സ്പീച്ച് ആന്റ് ഹിയറിംഗ് (നിഷ്) എന്ന സ്ഥാപനത്തിന് ശ്രവണ സഹായ ഉപകരണങ്ങൾ സംഭാവന ചെയ്തു. കേൾവി പരിമിതിയുള്ള രോഗികളെ സഹായിക്കുക എന്ന ഉദ്ദേശത്തോടെയാണ് 2,36,000 രൂപ മൂല്യമുള്ള ഈ ഉപകരണങ്ങൾ നിഷിന് കൈമാറിയത്. തിരുവനന്തപുരം ആസ്ഥാനമായ നാഷണൽ ഇൻസ്റ്റിറ്റ്യൂട്ട് ഓഫ് സ്പീച്ച് ആന്റ് ഹിയറിംഗ് (നിഷ്) ശ്രവണ വൈകല്യമുള്ള വ്യക്തികളുടെ തിരിച്ചറിയൽ, ഇടപെടൽ, പുനരധിവാസം, വിദ്യാഭ്യാസം എന്നിവയിൽ ശ്രദ്ധ കേന്ദ്രീകരിക്കുന്ന സ്ഥാപനമാണ്. വൈകല്യമുള്ളവരുടെ ജീവിത നിലവാരം മെച്ചപ്പെടുത്തുന്നതിൽ ശ്രദ്ധേയമായ സംഭാവനകൾ നൽകിയിട്ടുള്ള നിഷ്, സംസ്ഥാനമൊട്ടാകെ ഭിന്നശേഷികാർക്കായി വിവിധ പദ്ധതികൾ നടപ്പിലാക്കി വരുന്നു. വ്യത്യസ്ത കഴിവുകളുള്ള വിദ്യാർത്ഥികളും ജീവനക്കാരും ഉൾക്കൊള്ളുന്ന ക്യാമ്പസാണ് നിഷ്. സാമൂഹികമായി…

പരിസ്ഥിതി ശാസ്‌ത്രജ്ഞനും അദ്ധ്യാപകനുമായ ഡോ. സൈനുദീൻ പട്ടാഴി ആദ്യമായി അഭിനയിച്ച ‘സ്വച്ഛന്ദമൃത്യു’ വെള്ളിയാഴ്ച റിലീസ് ചെയ്യും. പാവപ്പെട്ട ഒരുകുംബത്തിൽ നിന്നും മകളെ പഠിപ്പിച്ച് കളക്ടറാക്കുന്ന രവി എന്ന കഥാപാത്രത്തെയാണ് അദ്ദേഹം അവതരിപ്പിച്ചത്. പിന്നീട് നാല് സിനിമകളിൽ കൂടി അഭിനയിച്ചു. ‘കല്യാണമാല’ എന്ന സിനിമയുടെ ചിത്രീകരണം ദുബായിൽ പൂർത്തീകരിച്ചു. ഒരു തമിഴ് സിനിമയുടെ സഹ നിർമ്മാതാവുമാണ്. കേരള സർവകലാശാലയിൽ അദ്ധ്യാപകനായി ജോലി നോക്കുമ്പോൾ സംവിധായകൻ ഷാൻ കേച്ചേരിയെ പരിചയപ്പെട്ടത്തിനെത്തുടർന്നാണ് സിനിമയിലേക്ക് വന്നത്. പട്ടാഴി ഗ്രഹം എന്ന ചെറുഗ്രഹത്തിന് പേര് ലഭിച്ചതോടെ പ്രശസ്‌തനായ ഡോ. സൈനുദീൻ പട്ടാഴി ഇപ്പോൾ സിങ്കപ്പൂരിൽ ഒരു റിസർച്ച് സെൻ്ററിൽ സയൻ്റിസ്റ്റാണ്. ഒൻപത് പേറ്റൻ്റുകൾ കരസ്ഥമാക്കിയിട്ടുള്ള ഡോ. പട്ടാഴി 20 പുസ്തകങ്ങളും പ്രസിദ്ധീകരിച്ചിട്ടുണ്ട്.