Month: June 2025

തിരുവനന്തപുരം: സംസ്ഥാനത്തുടനീളം കനത്ത മഴ തുടരുന്ന സാഹചര്യത്തിൽ എറണാകുളം ജില്ല ഉള്‍പ്പടെ ഏഴ് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ജില്ലാ കളക്ടര്‍മാര്‍ നാളെ അവധി പ്രഖ്യാപിച്ചു. കാസർഗോഡ്, വയനാട്, തൃശൂർ, മലപ്പുറം, കണ്ണൂർ, ഇടുക്കി, എറണാകുളം എന്നീ ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് അവധി പ്രഖ്യാപിച്ചത്. കണ്ണൂരിൽ പ്രൊഫഷണൽ കോളേജുകൾ ഒഴികെയുള്ള സ്കൂളുകൾക്കും മറ്റ് വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചു. മറ്റ് നാല് ജില്ലകളിലെ പ്രൊഫഷണൽ കോളേജുകൾക്കും അവധി ബാധകമാണ്. നാളെ (ജൂൺ 16 ന്) കാസർഗോഡ് ജില്ലയിൽ അതിശക്തമായ മഴയ്ക്ക് സാധ്യതയുണ്ടെന്ന് ഇന്ത്യൻ കാലാവസ്ഥാ വകുപ്പ് (IMD) മുന്നറിയിപ്പ് നൽകിയതിനെത്തുടർന്ന് ജില്ലയിൽ റെഡ് അലേർട്ട് പ്രഖ്യാപിച്ചു. പൊതുജന സുരക്ഷ ഉറപ്പാക്കുന്നതിനുള്ള മുൻകരുതൽ നടപടികളുടെ ഭാഗമാണിത്. ഈ സാഹചര്യത്തിൽ, കാസർഗോഡ് ജില്ലയിലെ കോളേജുകൾ, പ്രൊഫഷണൽ കോളേജുകൾ, കേന്ദ്രീയ വിദ്യാലയങ്ങൾ, ട്യൂഷൻ സെന്ററുകൾ, മദ്രസകൾ, അങ്കണവാടികൾ, സ്പെഷ്യൽ ക്ലാസുകൾ എന്നിവയുൾപ്പെടെ എല്ലാ…

മക്കരപ്പറമ്പ് : നിലമ്പൂർ ഉപതെരെഞ്ഞെടുപ്പ് മുൻനിർത്തി ജമാഅത്തെ ഇസ്ലാമിയെ പൈശാചികവത്കരിക്കുന്ന പ്രചരണങ്ങൾ നടത്തുന്ന സി.പി.എം നടത്തുന്നത് ധ്രുവീകരണ രാഷ്ട്രീയമാണെന്ന് സോളിഡാരിറ്റി യൂത്ത് മൂവ്മെന്റ് സംസ്ഥാന കമ്മിറ്റി അംഗം സി.ടി സുഹൈബ്. ‘വംശീയതയെ ചെറുക്കുക നീതിയുടെ യൗവനമാവുക’ പ്രമേയത്തിൽ സോളിഡാരിറ്റി കാമ്പയിനോടനുബന്ധിച്ച് മക്കരപ്പറമ്പ് ഏരിയ കമ്മിറ്റി മക്കരപ്പറമ്പിൽ സംഘടിപ്പിച്ച പൊതുയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മുസ്ലിം വിരുദ്ധ ഹിന്ദുത്വ വംശീയത നിറഞ്ഞാടുന്ന കാലത്ത് രഷ്ട്രീയ താൽപര്യങ്ങൾക്കായി കേരളത്തെ സംഘ്പരിവാറിന് തീറെഴുതി കൊടുക്കുന്ന പ്രവർത്തനങ്ങളിൽ നിന്ന് ഇടത് പക്ഷം പിൻമാറമെന്നും അദ്ദേഹം കൂട്ടിച്ചേർത്തു. സോളിഡാരിറ്റി മലപ്പുറം ജില്ല സെക്രട്ടേറിയറ്റ് അംഗം മുനീർ മങ്കട അദ്ധ്യക്ഷത വഹിച്ചു. ജമാഅത്തെ ഇസ്ലാമി മലപ്പുറം ജില്ല സമിതിയംഗം എ.ടി ഷറഫുദ്ദീൻ മുഖ്യപ്രഭാഷണം നടത്തി. വനിതാ വിഭാഗം ഏരിയ വൈസ് പ്രസിഡന്റ് ഇ.സി സൗദ, എസ്‌.ഐ.ഒ ഏരിയ സെക്രട്ടേറിയറ്റ് അംഗം അൻസിൽ കടുങ്ങൂത്ത്, ജി.ഐ.ഒ…

കൊച്ചി: ഈ മാസം 9-ാം തീയതി കെനിയയിൽ വിനോദയാത്രയ്ക്കിടെ ഉണ്ടായ ബസ് അപകടത്തിൽ മരിച്ച അഞ്ച് മലയാളികളുടെ മൃതദേഹങ്ങൾ ദോഹയിൽ നിന്ന് ഖത്തർ എയർവേയ്‌സ് വിമാനത്തിൽ ഇന്ന് (ഞായറാഴ്ച) രാവിലെ കൊച്ചി അന്താരാഷ്ട്ര വിമാനത്താവളത്തിൽ എത്തിച്ചു. മൂവാറ്റുപുഴ പേഴയ്ക്കപ്പിള്ളി സ്വദേശി മക്കാറിന്റെ മകൾ ജെസ്‌ന (29), മകൾ റൂഹി മെഹ്‌റിൻ (ഒന്നര), പാലക്കാട് മണ്ണൂർ കാഞ്ഞിരംപാറ സ്വദേശി പുത്തൻപുരയിൽ രാധാകൃഷ്ണന്റെ മകൾ റിയ ആൻ (41), മകൾ ടൈറ (എട്ട്), കൊച്ചി പാലാരിവട്ടത്ത് താമസക്കാരിയുമായ ഗീത ഷോജി ഐസക് (58) എന്നിവരാണ് മരിച്ചത്. ജെസ്‌നയുടെ ഭർത്താവ് തൃശൂർ വെങ്കിടങ്ങ് സ്വദേശി മുഹമ്മദ് ഹനീഫ, റിയയുടെ ഭർത്താവ് ജോയൽ, മകൻ ട്രാവിസ് എന്നിവർ പരിക്കേറ്റവരിൽ ഉൾപ്പെടുന്നു. അവരെ നെയ്‌റോബിയിലെ ആഗാ ഖാൻ ആശുപത്രിയില്‍ പ്രവേശിപ്പിച്ചു. കൊച്ചിയിൽ നിന്ന് നാല് പേരുടെ മൃതദേഹങ്ങൾ അതത് സ്ഥലങ്ങളിലേക്ക് കൊണ്ടുപോയി, ഒരാളുടെ മൃതദേഹം…

ഇനിയൊരു അറിയിപ്പ് ഉണ്ടാകുന്നതുവരെ രാജ്യത്തുടനീളമുള്ള പൗരന്മാർക്ക് ബോംബ് ഷെൽട്ടറുകൾക്ക് സമീപം തന്നെ തുടരണമെന്ന് ഇസ്രായേൽ പ്രതിരോധ സേന (ഐഡിഎഫ്) ഹോം ഫ്രണ്ട് കമാൻഡ് ഉത്തരവ് പുറപ്പെടുവിച്ചു. ഇറാനിൽ നിന്നുള്ള ബാലിസ്റ്റിക് മിസൈൽ ആക്രമണ സാധ്യതയെക്കുറിച്ചുള്ള ആശങ്കകൾക്കിടയിലാണ് ഈ മുന്നറിയിപ്പ്. മിഡിൽ ഈസ്റ്റിൽ വർദ്ധിച്ചുവരുന്ന സംഘർഷങ്ങൾ കാരണം ഇസ്രായേൽ സുരക്ഷാ തയ്യാറെടുപ്പുകൾ കൂടുതൽ ശക്തമാക്കിയിട്ടുണ്ട്. പൊതുസ്ഥലങ്ങളിലെ സഞ്ചാരം പൗരന്മാർ കുറയ്ക്കണമെന്നും ആൾക്കൂട്ടങ്ങൾ പൂർണ്ണമായും ഒഴിവാക്കണമെന്നും ഐഡിഎഫ് വ്യക്തമായ നിർദ്ദേശങ്ങൾ നൽകിയിട്ടുണ്ട്. “പൊതുസ്ഥലങ്ങളിലെ സഞ്ചാരം പരമാവധി കുറയ്ക്കുക, പൊതുസമ്മേളനങ്ങൾ ഒഴിവാക്കുക” എന്നും പ്രസ്താവനയിൽ പറയുന്നു. കൂടാതെ, ആക്രമണത്തെക്കുറിച്ചുള്ള മുന്നറിയിപ്പ് ലഭിച്ചാൽ ഉടൻ തന്നെ സുരക്ഷിതമായ സ്ഥലത്തേക്ക് മാറുകയും ഔദ്യോഗിക അപ്‌ഡേറ്റ് ലഭിക്കുന്നതുവരെ അവിടെ തുടരുകയും ചെയ്യുക എന്നും ഐഡിഎഫ് പറഞ്ഞു. ഇസ്രായേലിന്റെ സൈനിക, ആണവ സ്ഥാപനങ്ങൾ ആക്രമിച്ച ഇറാന്റെ പ്രതികാര നടപടികൾ സ്ഥിതി കൂടുതൽ സങ്കീർണ്ണമാക്കിയിരിക്കുകയാണ്. ഈ മുന്നറിയിപ്പ് സാധ്യമായ…

ചാരുംമൂട് : ആലപ്പുഴ ജില്ലയിൽ ചാരുംമൂട് സ്വദേശിയായ ഫാത്തിമാസ് വീട്ടിൽ ഫസീല ബീഗത്തിന് രക്തദാനവും ഉദ്യാന പരിപാലനവും ജീവിതത്തിന്റെ ഭാഗമാണ്. ജനകീയ രക്‌തദാന സേനയുടെ ആലപ്പുഴ ജില്ല ചീഫ് കോർഡിനേറ്ററായ ഫസീല ബീഗത്തിന് ലോക രക്തദാന ദിനത്തിൽ ആശംസകളുടെ പ്രവാഹമാണ്. 53 വയസ്സിനുള്ളിൽ 121 തവണ രക്തം ദാനം ചെയ്ത അപൂർവ്വ ബഹുമതിയും ഈ ലോക രക്തദാന ദിനത്തിൽ ഫസീലയ്ക്ക് സ്വന്തം.119 തവണ പിന്നിട്ടപ്പോൾ ലയൺസ് ക്ലബ് ഓഫ് എടത്വ ടൗൺ അനുമോദിച്ചിരുന്നു. നാഷണൽ ഹ്യൂമൻ റൈറ്റ്സ് ആൻഡ് ആന്റി കറപ്ഷൻ ഫോഴ്‌സിന്റെ റീജിയണൽ കോർഡിനേറ്ററും സെൻട്രൽ കമ്മിറ്റി അംഗവും, നാഷണൽ ചൈൽഡ് ആൻഡ് വുമൺ ഡവലപ്പ്മെന്റ് കൗൺസിൽ സംസ്ഥാന പ്രസിഡന്റും ആയി സേവനം ചെയ്യുന്നു. 7 വർഷം മുമ്പ് വീടിനോട് ചേർന്ന് ആരംഭിച്ച ചെറിയ ഉദ്യാനം ഇപ്പോൾ ബിഗോണിയ നേഴ്സറി ആയി മാറ്റപെട്ടു. ബിസിനസിൽ നിന്നും…

എടത്വ : കാലവർഷക്കെടുതി മൂലം ദുരിതമനുഭവിക്കുന്നവർക്ക് ലയൺസ് ക്ലബ്സ് ഇന്റർനാഷണൽ ഫൗണ്ടേഷന്റെ സഹായത്തോടെ വെള്ളപൊക്ക ദുരിത ബാധിത മേഖലകളിൽ ലയൺസ് ക്ലബ് ഓഫ് എടത്വ ടൗണിന്റെ ഭക്ഷ്യധാന്യ കിറ്റ് വിതരണം നടത്തി. കുട്ടനാടിൻ്റെയും സമീപ പ്രദേശങ്ങളിലുമായി വിവിധ ക്ളബുകളിലൂടെ 12.6 ലക്ഷം രൂപയുടെ കിറ്റുകളാണ് ലയൺസ് ക്ലബ്സ് ഇന്റർനാഷനൽ ഫൗണ്ടേഷൻ വിതരണം ചെയ്യുന്നത്.എടത്വയിലെ വിതരണോദ്ഘാടനം സോൺ ചെയർമാൻ ഇലക്ട് ജൂണി കുതിരവട്ടം നിർവഹിച്ചു.പ്രസിഡന്റ് ഡോ. ജോൺസൺ വി ഇടിക്കുള അധ്യക്ഷത വഹിച്ചു.റീജിയൺ ചെയർമാൻ ഇലക്ട് സുരേഷ് ബാബു പൊതു സമ്മേളനം ഉദ്ഘാടനം ചെയ്തു. അഹമ്മദാബാദിൽ ലോകത്തെ നടുക്കിയ വിമാന ദുരന്തത്തിൽ മരണപ്പെട്ടവർക്ക് ആദരാഞ്ജലികൾ അർപ്പിച്ചു കൊണ്ടാണ് യോഗം ആരംഭിച്ചത്.സെക്രട്ടറി ബിൽബി മാത്യൂ കണ്ടത്തിൽ അനുശോചന പ്രമേയം വായിച്ചു. ഡിസ്ട്രിക്ട് ഗവർണർ ആർ വെങ്കിടാചലം,ക്യാബിനറ്റ് സെക്രട്ടറി വി.കെ സജീവ്, ട്രഷറാർ സുരേഷ് ജയിംസ് വഞ്ചിപ്പാലം,അഡ്മിനിസ്‌ട്രേറ്റര്‍ പിസി ചാക്കോ,റീജിയൺ ചെയർമാൻ…