Year: 2025

മൊറയൂർ: ജില്ലക്ക് പുറത്ത് നിന്നുമുള്ള പ്ലാസ്റ്റിക് മാലിന്യവും മറ്റ് അജൈവ മാലിന്യങ്ങളും പ്രകൃതിരമണീയമായ മിനിഊട്ടിയിൽ തള്ളിയ നടപടിയിൽ ഉടനടി പരിഹാരം വേണമെന്ന് വെൽഫയർ പാർട്ടി ജില്ല സെക്രട്ടറി ശാക്കിർ മോങ്ങം ആവശ്യപ്പെട്ടു. മിനി ഊട്ടിയുടെ വിവിധ ഭാഗങ്ങളിൽ ധാരാളം മാലിന്യങ്ങളാണ് തളളിയിരിക്കുന്നത്. മഴ പെയ്താൽ ഇവ കൃഷിയിടങ്ങളിലും  ജനവാസ കേന്ദ്രങ്ങളും എത്തിച്ചേർന്ന് വലിയ പാരിസ്ഥിതിക പ്രയാസങ്ങൾ ഉണ്ടാക്കും. ഇവ ശാസ്ത്രീയമായി നീക്കം ചെയ്യാൻ സർക്കാർ, പഞ്ചായത്ത്  അധികൃതർ സത്വര നടപടികൾ സ്വീകരിക്കുകയും ഇത്തരം പ്രവൃത്തികൾ ആവർത്തിക്കാതിരിക്കാൻ സമൂഹ്യദ്രോഹികളെ  നിയമത്തിന് മുന്നിൽ  കൊണ്ടുവരികയും മാതൃകാപരമായി ശിക്ഷിക്കുകയും ചെയ്യണമെന്ന് അദ്ദേഹം ആവശ്യപ്പെട്ടു. മാലിന്യങ്ങൾ നിക്ഷേപിച്ച സ്ഥലങ്ങൾ വെൽഫെയർ പാർട്ടി മൊറയൂർ പഞ്ചായത്ത് പ്രസിഡണ്ട് ഷെരീഫ് മൊറയൂർ, നേതാക്കളായ എംസി കുഞ്ഞു, അലവിക്കുട്ടി കാരാട്ടിൽ, മുഹമ്മദ് മീറാൻ അരിമ്പ്ര, ഇൻശാദ് മാരാത്ത് എന്നിവരുടെ നേതൃത്വത്തിലുള്ള സംഘം സന്ദർശിച്ചു.

ലെനിൻഗ്രാഡ് മേഖലയിലെ പുൽകോവോ വിമാനത്താവളം ഉൾപ്പെടെ നിരവധി റഷ്യൻ വിമാനത്താവളങ്ങളിൽ രാത്രിയിൽ മണിക്കൂറുകളോളം വിമാന സർവീസുകൾ നിർത്തിവച്ചതായി റഷ്യയുടെ സിവിൽ ഏവിയേഷൻ അതോറിറ്റിയായ റോസാവിയറ്റ്സിയ അറിയിച്ചു. കൂടാതെ, തെക്കൻ റഷ്യൻ നഗരമായ സിസ്രാനിലെ ഒരു വ്യാവസായിക സംരംഭത്തിൽ ഉക്രേനിയൻ ഡ്രോണുകൾ ആക്രമണം നടത്തി ഒരു കുട്ടിക്ക് പരിക്കേറ്റു. അതേസമയം, ഞായറാഴ്ച (ഓഗസ്റ്റ് 24) റഷ്യയിൽ ഉക്രെയ്ൻ വൻ ഡ്രോൺ ആക്രമണം നടത്തിയതായും ഇത് റഷ്യയിലെ ഏറ്റവും വലിയ ആണവ നിലയങ്ങളിലൊന്നിന്റെ റിയാക്ടർ ശേഷിയിൽ കുത്തനെ ഇടിവുണ്ടാക്കിയതായും പ്രധാന ഉസ്റ്റ്-ലുഗ ഇന്ധന കയറ്റുമതി ടെർമിനലിൽ വൻ തീപിടുത്തമുണ്ടായതായും റഷ്യൻ ഉദ്യോഗസ്ഥർ പറഞ്ഞു. റഷ്യയും ഉക്രെയ്നും തമ്മിലുള്ള സമാധാന ചർച്ചകൾക്കിടയിലും, രണ്ടാം ലോക മഹായുദ്ധത്തിനു ശേഷമുള്ള യൂറോപ്പിലെ ഏറ്റവും മാരകമായ യുദ്ധം 2,000 കിലോമീറ്റർ നീളമുള്ള അതിർത്തി രേഖയിൽ തുടരുന്നു, ഇരു രാജ്യങ്ങളിലും ആഴത്തിൽ മിസൈൽ, ഡ്രോൺ ആക്രമണങ്ങൾ നടക്കുന്നു.…

സമാധാന ചർച്ചകളിൽ ഇന്ത്യയെ ഒരു പ്രധാന പങ്കാളിയായി ഉക്രെയ്ൻ കണക്കാക്കുന്നതിനാൽ റഷ്യ-ഉക്രെയ്ൻ യുദ്ധം അവസാനിപ്പിക്കുന്നതിൽ ഇന്ത്യ കൂടുതൽ വലിയ പങ്ക് വഹിക്കണമെന്ന് ഇന്ത്യയിലെ ഉക്രെയ്ൻ അംബാസഡർ ഒലെക്സാണ്ടർ പോളിഷ്ചുക്ക്. ഇന്ത്യയുടെ സജീവ പങ്കാളിത്തം സമാധാനത്തിലേക്കുള്ള പാത എളുപ്പമാക്കുമെന്ന് പോളിഷ്ചുക്ക് ഊന്നിപ്പറഞ്ഞു. റഷ്യ-ഉക്രെയ്ൻ യുദ്ധം പരിഹരിക്കുന്നതിൽ ഇന്ത്യയ്ക്ക് കൂടുതൽ സജീവമായ പങ്ക് വഹിക്കാൻ കഴിയുമെന്ന് ഉക്രെയ്ൻ സൂചിപ്പിച്ചു. ഇന്ത്യയിലെ ഉക്രെയ്ൻ അംബാസഡർ ഒലെക്സാണ്ടർ പോളിഷ്ചുക്കിന്റെ അഭിപ്രായത്തിൽ, സമാധാന ചർച്ചകളിൽ ഇന്ത്യയുടെ പങ്ക് പ്രധാനമാണ്, റഷ്യയുടെ പഴയ സഖ്യകക്ഷി എന്ന നിലയിൽ, ഇന്ത്യയ്ക്ക് ഈ ദിശയിൽ കൃത്യമായ മുൻകൈകൾ എടുക്കാൻ കഴിയും. ഉക്രെയ്നിന്റെ ദേശീയ പതാക ദിനത്തിൽ നൽകിയ അഭിമുഖത്തിൽ, 2023 മുതൽ ഇന്ത്യ-ഉക്രെയ്ൻ സംഭാഷണം ശക്തി പ്രാപിച്ചിട്ടുണ്ടെന്ന് പോളിഷ്ചുക്ക് പറഞ്ഞു. റഷ്യ-ഉക്രെയ്ൻ സംഘർഷത്തിൽ ഇന്ത്യ നിഷ്പക്ഷത പുലർത്തുന്നില്ലെന്നും എന്നാൽ സമാധാനത്തിന് അനുകൂലമാണെന്നും സംഭാഷണത്തിലൂടെയുള്ള പരിഹാരത്തെ പിന്തുണയ്ക്കുന്നുവെന്നും അന്ന് പ്രധാനമന്ത്രി…

യുവ നേതാക്കൾക്ക് പ്രവർത്തിക്കാനും തിരഞ്ഞെടുപ്പുകളിൽ മത്സരിക്കാനും അവസരമില്ലാത്ത പാർട്ടിയാണ് കോൺഗ്രസെന്ന് ആക്ഷേപങ്ങളുണ്ടായിരുന്നു. രാഹുൽ ഗാന്ധി കോൺഗ്രസിന്റെ ദേശീയ നേതൃത്വം ഏറ്റെടുത്ത ശേഷം അത്തരം അവഗണനകൾ യുവാക്കൾക്ക് നേരിടേണ്ടി വന്നിട്ടില്ല. എല്ലാ സംസ്ഥാനങ്ങളിലും കോൺഗ്രസ് നേതൃത്വത്തിലേക്ക് യുവാക്കളെത്തി. കേരളത്തിലും അതിനനുസൃതമായി വലിയ മാറ്റങ്ങളുണ്ടായി. ചാനൽ ചർച്ചകളിൽ മാത്രം മുഖം കാണിച്ചു കൊണ്ടിരുന്ന രാഹുൽ മാങ്കൂട്ടത്തിലിനെപ്പോലെ ഒരുപറ്റം ചെറുപ്പക്കാരെ ഫീൽഡിലേക്ക് ഇറക്കി. ഷാഫി പറമ്പിലും ഹൈബി ഈഡനും ചാണ്ടി ഉമ്മനുമൊക്കെ അങ്ങനെ ഉയർന്നുവന്നവരാണ്. ഗാന്ധിജിയും നെഹ്രുവും ഇന്ദിരാഗാന്ധിയും കോൺഗ്രസ് പ്രസ്ഥാനത്തിന് ആദർശം പകർന്ന മാതൃകാ നേതാക്കളാണ്. ജനക്ഷേമത്തിന് സത്യസന്ധമായി പ്രവർത്തിക്കാനാണ് നേതാക്കൾ അധികാരത്തെ ഉപയോഗിച്ചിരുന്നത്. ആ പാരമ്പര്യം കെടാതെ കാക്കുന്നവരാണ് കോൺഗ്രസിന്റെ ഇപ്പോഴത്തെ മുതിർന്ന നേതാക്കൾ. പക്ഷെ, എം. എൽ. എയും യൂത്ത് കോൺഗ്രസ് സംസ്ഥാന പ്രസിഡന്റുമായിരിക്കെ രാഹുൽ മാങ്കൂട്ടത്തിലിനെതിരെ ഉയർന്ന ലൈംഗികാക്ഷേപങ്ങൾ പാർട്ടിക്ക് ദേശീയ തലത്തിൽ തന്നെ നാക്കേടുണ്ടാക്കിയിരിക്കുന്നു.…