Month: May 2026

അബ്രഹാം കരാറിൽ ചേരാനുള്ള ഡൊണാൾഡ് ട്രംപിന്റെ ആഹ്വാനം പാക്കിസ്താനെ പ്രതിസന്ധിയിലാക്കി. ഇസ്രയേലിനെ പാക്കിസ്താൻ അംഗീകരിക്കില്ലെന്നും, കരാറിൽ ചേരുന്നത് അവരുടെ പ്രത്യയശാസ്ത്രത്തിന് എതിരാണെന്നും പ്രതിരോധ മന്ത്രി ഖ്വാജ ആസിഫ് വ്യക്തമായി പ്രസ്താവിച്ചു. അമേരിക്കയ്ക്കും ഇറാനും ഇടയിൽ മധ്യസ്ഥത വഹിച്ച് “ചൗധരി”യാകാൻ ശ്രമിക്കുന്ന പാക്കിസ്താന്‍ കടുത്ത പ്രതിസന്ധിയിലായി. ഇസ്രായേലുമായുള്ള നയതന്ത്ര ബന്ധം പുനഃസ്ഥാപിക്കുന്നതുമായി ബന്ധപ്പെട്ടാണ് പാക്കിസ്താൻ പ്രതിസന്ധിയിലായത്. വാസ്തവത്തിൽ, അറബ്, മുസ്ലീം രാജ്യങ്ങൾ അബ്രഹാം കരാറിൽ ചേരണമെന്ന് യുഎസ് പ്രസിഡന്റ് ഡൊണാൾഡ് ട്രംപ് അഭ്യർത്ഥിച്ചതാണ് ഇപ്പോള്‍ പാക്കിസ്താനെ വെട്ടിലാക്കിയിരിക്കുന്നത്. ഈ വിഷയം വിഴുങ്ങാനോ തുപ്പാനോ കഴിയാത്ത അവസ്ഥയിലാണ് പാക്കിസ്താനിപ്പോള്‍. രണ്ട് ദിവസം മുമ്പ്, അറബ്, മുസ്ലീം രാജ്യങ്ങളുമായുള്ള ഒരു കോൺഫറൻസ് കോളിൽ ട്രംപ് ഈ വിഷയം ഉന്നയിച്ചപ്പോൾ, പാക്കിസ്താൻ നിശബ്ദരായി. പാക്കിസ്താൻ കോളിൽ തുടരുന്നുണ്ടോ അതോ പോയതാണോ എന്ന് ട്രംപ് തന്നെ പരിഹാസപൂർവ്വം ചോദിച്ചു. ഇപ്പോൾ, പാക്കിസ്താൻ പ്രതിരോധ മന്ത്രി…

വടക്കേ അമേരിക്കയിലെ ആദ്യത്തെ ഔദ്യോഗിക മലയാളി എഞ്ചിനീയേഴ്‌സ് അസോസിയേഷനായ MEANA, 2026 മെയ് 30 ശനിയാഴ്ച വൈകുന്നേരം 6 മുതൽ 9 വരെ ഇല്ലിനോയിസിലെ സൗത്ത് ബാരിംഗ്ടണിൽ (3 Tennis Club Lane) വാർഷിക പ്രൊഫഷണൽ നെറ്റ്‌വർക്കിംഗ് ഇവന്റ് സംഘടിപ്പിക്കുന്നു. എഞ്ചിനീയർമാർ, ഐടി പ്രൊഫഷണലുകൾ, ബിസിനസ് നേതാക്കൾ, വിദ്യാർത്ഥികൾ, കുടുംബങ്ങൾ — എല്ലാവർക്കുമായി തുറന്നിരിക്കുന്ന ഈ വേദി നെറ്റ്‌വർക്കിംഗ്, മെന്റർഷിപ്പ്, പ്രൊഫഷണൽ സഹകരണം എന്നിവയ്ക്കുള്ള ഒരു സജീവ ഇടമായിരിക്കും. AI, എഞ്ചിനീയറിംഗ് നേതൃത്വം, കരിയർ വികസനം, ഉയർന്നുവരുന്ന സാങ്കേതികവിദ്യകൾ, തൊഴിൽ മേഖലയിലെ മാറ്റങ്ങൾ എന്നിവയിൽ പ്രമുഖ പ്രഭാഷകർ സംസാരിക്കും. നിലവിലെ തൊഴിൽ വിപണിയിലെ അനിശ്ചിതത്വങ്ങൾ കണക്കിലെടുത്ത്, ജോലി അന്വേഷിക്കുന്ന വിദ്യാർത്ഥികൾക്കും പുതിയ ബിരുദധാരികൾക്കും MEANA ബോർഡ് സൗജന്യ പ്രവേശനം അനുവദിച്ചിട്ടുണ്ട്. റെസ്യൂമെ കൈയിൽ കരുതി വന്നാൽ, പരിചയസമ്പന്നരായ പ്രൊഫഷണലുകളുമായി നേരിട്ട് സംവദിക്കാനുള്ള അവസരം ഇവിടെ കാത്തിരിക്കുന്നു. ഇവന്റിനു…

വാഷിംഗ്ടൺ: ചൈനീസ് സർക്കാരിന്റെ രഹസ്യ ഏജന്റായി പ്രവർത്തിച്ചുവെന്ന കുറ്റത്തിന് പ്രമുഖ അമേരിക്കൻ മാധ്യമപ്രവർത്തകനും രാഷ്ട്രീയ നിരീക്ഷകനുമായ തോമസ് പോക്കൻ യു.എസിൽ അറസ്റ്റിലായി. കഴിഞ്ഞ പത്ത് വർഷത്തിലേറെയായി ചൈനയിൽ താമസിക്കുന്ന ഇദ്ദേഹം, ചൈനീസ് പ്രസിഡന്റ് ഷി ജിൻപിങ്ങിന് വരെ കൈമാറാനായി രഹസ്യ റിപ്പോർട്ടുകൾ തയ്യാറാക്കി നൽകിയെന്നാണ് എഫ്.ബി.ഐ കണ്ടെത്തൽ. ട്രംപ് ഭരണകൂടത്തിൽ സ്വാധീനമുള്ള ഉദ്യോഗസ്ഥരെ ചൈനീസ് ഇന്റലിജൻസുമായി ബന്ധിപ്പിക്കാൻ തോമസ് ഇടനിലക്കാരനായി പ്രവർത്തിച്ചു. ഇത്തരത്തിൽ താൻ ചൈനീസ് ഹാൻഡ്‌ലർക്ക് പരിചയപ്പെടുത്തിയ ഒരു അമേരിക്കൻ ഉദ്യോഗസ്ഥൻ ചൈനയ്ക്ക് രഹസ്യവിവരങ്ങൾ ചോർത്തി നൽകാൻ ’80 ശതമാനവും സാധ്യതയുണ്ടെന്ന്’ തോമസ് എഫ്.ബി.ഐയോട് സമ്മതിച്ചതായും കോടതി രേഖകൾ വ്യക്തമാക്കുന്നു. കഴിഞ്ഞ ഫെബ്രുവരിയിലാണ് തോമസിനെ എഫ്.ബി.ഐ അറസ്റ്റ് ചെയ്തത്. തുടർന്ന് നടത്തിയ അന്വേഷണത്തിൽ ഇയാൾ ചൈനീസ് നിർദ്ദേശപ്രകാരം യു.എസ് ഉദ്യോഗസ്ഥർക്ക് ലാപ്ടോപ്പും മൊബൈൽ ഫോണുകളും കൈമാറിയതായും കണ്ടെത്തി. ചൈനീസ് മാധ്യമങ്ങളിൽ ‘ടോം മക്ഗ്രെഗർ’ എന്ന വ്യാജപ്പേരിൽ…

ന്യൂയോർക്ക്: മാർത്തോമ്മ സഭയുടെ നോർത്ത് അമേരിക്ക ഭദ്രാസനാധ്യക്ഷനും, ക്രൈസ്തവ സഭകളുടെ ആഗോള വേദിയായ വേൾഡ് കൗൺസിൽ ഓഫ് ചർച്ചസിന്റെ (WCC) എക്സിക്യൂട്ടീവ് കമ്മിറ്റി അംഗം കൂടിയായ ബിഷപ്പ് ഡോ.എബ്രഹാം മാർ പൗലോസിനെ ന്യൂയോർക്ക് ജനറൽ തിയോളജിക്കൽ സെമിനാരി ഡോക്ടർ ഓഫ് ഡിവിനിറ്റി ബിരുദം നൽകി ആദരിച്ചു. യുണൈറ്റഡ് സ്റ്റേറ്റ്സിലെ എട്ട് ഔദ്യോഗിക എപ്പിസ്കോപ്പൽ സെമിനാരികളിൽ ഒന്നാണ് ന്യൂയോർക്കിലെ മാൻഹട്ടനിൽ സ്ഥിതിചെയ്യുന്ന ജനറൽ തിയോളജിക്കൽ സെമിനാരി. അമേരിക്കയിലെ പ്രിൻസ്റ്റൺ യൂണിവേഴ്‌സിറ്റിയിലെ ഉന്നത പഠനത്തിനു ശേഷം ബോസ്റ്റൺ യൂണിവേഴ്‌സിറ്റിയിൽ നിന്ന് ക്രിസ്ത്യൻ എഡ്യൂക്കേഷനിലും ബിഷപ്പ് ഡോ.മാർ പൗലോസ് ഡോക്ടറേറ്റ് നേടിയിട്ടുണ്ട്. 2005 മെയ് 14-ന് മാർത്തോമ്മാ സഭയിൽ എപ്പിസ്കോപ്പയായി സ്ഥാനാരോഹണം ചെയ്യപ്പെട്ട ഡോ.മാർ പൗലോസ് കോട്ടയം മാങ്ങാനം സെന്റ് പീറ്റേഴ്‌സ് മാർത്തോമ്മാ ഇടവകയിലെ കാഞ്ഞിരത്തറ കെ.സി. ഉതുപ്പിന്റെയും സോസമ്മയുടെയും മകനാണ്. ദൈവശാസ്ത്ര പഠനത്തിനിടയിൽ സെറാംപൂർ സർവകലാശാലയുടെ സെനറ്റിലേക്ക് തിരഞ്ഞെടുക്കപ്പെട്ട മാർ…

ഡിട്രോയിറ്റ്: ആഗോള പ്രാർത്ഥനാ കൂട്ടായ്മയായ ഇന്റർനാഷണൽ പ്രയർ ലൈനിന്റെ (IPL) പന്ത്രണ്ടാം വാർഷികാഘോഷ സമ്മേളനം രാത്രി ഭക്തിസാന്ദ്രമായ അന്തരീക്ഷത്തിൽ നടന്നു. കഴിഞ്ഞ 12 വർഷത്തെ പ്രാർത്ഥനാ ശുശ്രൂഷകളിലൂടെ ദൈവം നൽകിയ വിശ്വസ്തതയ്ക്കും വഴിനടത്തലിനും അനുഗ്രഹങ്ങൾക്കുമായി പ്രാർത്ഥനാ ജനസമൂഹം ഒന്നടങ്കം യോഗത്തിൽ നന്ദി അർപ്പിച്ചു. യു.എസ് സമയപ്രകാരം രാത്രി 9 മണിക്ക് (EST) ആരംഭിച്ച വാർഷിക സമ്മേളനത്തിൽ വാഷിംഗ്ടൺ ഡി.സി.യിൽ നിന്നുള്ള പ്രമുഖ വചനപ്രഘോഷകൻ റവ. ഫാദർ ഡോ. അലക്സാണ്ടർ കുര്യൻ മുഖ്യാതിഥിയായിരുന്നു. സമ്മേളനത്തിൽ മുഖ്യപ്രഭാഷണം നടത്തിയ അദ്ദേഹം, പ്രതിസന്ധികളിലും തകർച്ചകളിലും ഉഴലുന്ന ദൈവജനത്തിന് പ്രത്യാശയും വീണ്ടെടുപ്പും പകരുന്ന ശക്തമായ ആത്മീയ സന്ദേശം പങ്കുവെച്ചു. ‘പുനരുജ്ജീവനവും പുനഃസ്ഥാപനവും’  എന്ന വിഷയത്തെ ആസ്പദമാക്കിയായിരുന്നു അദ്ദേഹത്തിന്റെ പ്രസംഗം. യെശയ്യാവ് 60:22-ലെ “ചെറിയവൻ ആയിരവും എളിയവൻ ബലമുള്ളൊരു ജാതിയും ആയിത്തീരും; യഹോവയായ ഞാൻ തക്കസമയത്തു അതിനെ വേഗത്തിലാക്കും” എന്ന തിരുവചനത്തെ മുൻനിർത്തി, തകർന്നടിഞ്ഞ…