Month: May 2026

അറ്റ്ലാന്റ: ജോർജിയയിലെ ഡോസൺ കൗണ്ടിയിൽ ഒരു ആഘോഷ വിവാഹദിനം ദുരന്തമായി മാറി. നവദമ്പതികൾ സഞ്ചരിച്ചിരുന്ന ഹെലികോപ്റ്റർ തകർന്നുവീണ് വരനും പൈലറ്റും മരിക്കുകയും വധുവിനെ ആശുപത്രിയിൽ പ്രവേശിപ്പിക്കുകയും ചെയ്തു. മരിച്ച വരൻ അറ്റ്ലാന്റ നിവാസിയും ഡെൽറ്റ എയർലൈൻസിലെ പൈലറ്റുമായ ഡേവ് ഫിജിയാണെന്ന് തിരിച്ചറിഞ്ഞിട്ടുണ്ട്. പൈലറ്റിന്റെ ഐഡന്റിറ്റി ഇതുവരെ ഔദ്യോഗികമായി പുറത്തുവിട്ടിട്ടില്ല. മെയ് 29 ന് ഡേവിന്റെയും ജെസ്നിയുടെയും വിവാഹ ചടങ്ങിന് തൊട്ടുപിന്നാലെയാണ് സംഭവം നടന്നതെന്ന് പ്രാദേശിക റിപ്പോർട്ടുകൾ പറയുന്നു. ഡോസൺവില്ലയിലെ 24 മൗണ്ട് വെർനോൺ ഡ്രൈവിന് സമീപമാണ് ദമ്പതികൾ സഞ്ചരിച്ച റോബിൻസൺ ആർ 66 ഹെലികോപ്റ്റര്‍ തകര്‍ന്നു വീണത്. ഡേവിനും പൈലറ്റിനും മാരകമായ പരിക്കേറ്റതായും സംഭവസ്ഥലത്ത് തന്നെ മരിച്ചതായും ആദ്യം പ്രതികരിച്ചവർ പറഞ്ഞു. വധു ജെസ്നിയെ പരിക്കുകളോടെ അടുത്തുള്ള ആശുപത്രിയിലേക്ക് കൊണ്ടുപോയി. അവര്‍ അവിടെ ചികിത്സയിലാണ്. ഔദ്യോഗിക കാരണം കണ്ടെത്തിയിട്ടില്ലെങ്കിലും, പ്രദേശത്തെ മോശം കാലാവസ്ഥയായിരിക്കാം അപകടത്തിന് കാരണമെന്ന് പ്രാദേശിക…

മിസൂറി സിറ്റി (ടെക്സസ്): കടൽ കടന്നെത്തിയ കാരുണ്യത്തിന് കാൽ നൂറ്റാണ്ടിന്റെ സഫല യാത്ര. മിഷണറി സിസ്റ്റേഴ്സ് ഓഫ് മേരി ഇമ്മാക്കുലേറ്റ് (MSMI) സന്യാസിനീ സമൂഹം അമേരിക്കയിലെ സാന്നിധ്യത്തിന്റെയും ശുശ്രൂഷയുടെയും രജതജൂബിലി, ടെക്സസിലെ മിസൂറി സിറ്റിയിലുള്ള സെന്റ് ജോസഫ് സിറോ-മലബാർ കാത്തലിക് ചർച്ച് ഓഫ് ഹൂസ്റ്റണിൽ ആഘോഷിച്ചപ്പോൾ അത് സേവനത്തിന്റെ പാതയിൽ അവർ നടന്നു തീർത്ത യാത്രയുടെ കൂടി ഓർമ പങ്കുവയ്ക്കലായി. കൃതജ്ഞതാ ബലിയോടെയും പൊതുസമ്മേളനത്തോടെയും ഭക്തിപൂർവ്വം നടന്ന ആഘോഷങ്ങൾ മലയാളികൾ ഉൾപ്പെടുന്ന സമൂഹത്തിന്റെ കൂടി സാന്നിധ്യത്താൽ ശ്രദ്ധേയമായി. ചിക്കാഗോ സെന്റ് തോമസ് സിറോ-മലബാർ രൂപതാധ്യക്ഷൻ മാർ ജോയ് ആലപ്പാട്ടിന്റെ മുഖ്യകാർമ്മികത്വത്തിലാണ് വിശുദ്ധ കുർബാന അർപ്പിക്കപ്പെട്ടത്. മുൻ രൂപതാധ്യക്ഷൻ മാർ ജേക്കബ് അങ്ങാടിയത്ത്, നിരവധി വൈദികർ എന്നിവർ സഹകാർമ്മികരായിരുന്നു. അമേരിക്കയിലെ സിറോ-മലബാർ സഭയുടെ വളർച്ചയിൽ എം.എസ്.എം.ഐ സിസ്റ്റേഴ്സ് വഹിച്ച സുപ്രധാന പങ്കിനെക്കുറിച്ച് മാർ ജോയ് ആലപ്പാട്ട് തന്റെ വചനസന്ദേശത്തിൽ…

തിരുവനന്തപുരം: മെട്രോമാന്‍ ഇ. ശ്രീധരൻ തയ്യാറാക്കിയ തിരുവനന്തപുരം-കണ്ണൂർ അതിവേഗ റെയിൽപ്പാതയുടെ പദ്ധതി റിപ്പോർട്ട് മുഖ്യമന്ത്രി വി ഡി സതീശന് കൈമാറി. റെയിൽവേ മന്ത്രി അശ്വിനി വൈഷ്ണവിന്റെ നിർദ്ദേശപ്രകാരമാണ് ശ്രീധരൻ പദ്ധതി റിപ്പോര്‍ട്ട് തയ്യാറാക്കിയത്. സംസ്ഥാനത്തിന്റെ അനുമതിയില്ലാതെ സർവേ നടത്താൻ കഴിയാത്തതിനാലാണ് ഇടക്കാല റിപ്പോർട്ട് മുഖ്യമന്ത്രിക്ക് കൈമാറിയത്. യു.ഡി.എഫും മന്ത്രിസഭയും അംഗീകരിച്ച ശേഷം സർവേ പൂർത്തിയാക്കി അന്തിമ റിപ്പോര്‍ട്ട് കേന്ദ്രത്തിന് കൈമാറും. തിരുവനന്തപുരത്തെ പൂജപ്പുര മുതൽ കണ്ണൂരിലെ മുണ്ടയാട് വരെ ഇരട്ടപ്പാത നിർമ്മിക്കാൻ റിപ്പോർട്ട് നിർദ്ദേശിക്കുന്നു. 473.2 കിലോമീറ്റർ ദൂരം മൂന്നര മണിക്കൂര്‍ കൊണ്ട് പിന്നിടാൻ കഴിയുമെന്നാണ് റിപ്പോര്‍ട്ട് അവകാശപ്പെടുന്നത്. ചെലവും ഭൂമി ഏറ്റെടുക്കലും വളരെ കുറവാണ്. കിലോമീറ്ററിന് ഏകദേശം 127 കോടി രൂപ നിർമ്മാണ ചെലവുള്ള ഒരു സ്റ്റാൻഡേർഡ്-ഗേജ് റെയിൽവേ ആയിരിക്കും ഇത്. സ്റ്റേഷനുകൾ ശരാശരി 21.5 കിലോമീറ്റർ ഇടവേളയിലായിരിക്കും. തിരുവനന്തപുരം, നെടുമ്പാശ്ശേരി, കരിപ്പൂർ വിമാനത്താവളങ്ങളെ ഇത്…

കോഴിക്കോട്: മുൻ മേയറും മുതിർന്ന കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്) നേതാവുമായ ടി പി ദാസൻ (76) അന്തരിച്ചു. ഇന്ന് (ശനിയാഴ്ച) പുലർച്ചെ 12 മണിയോടെ കോഴിക്കോട്ടെ ഒരു സ്വകാര്യ ആശുപത്രിയിൽ വെച്ചായിരുന്നു അന്ത്യം. 1950 ജൂൺ ഒന്നിന്‌ കൊയിലാണ്ടിയിലാണ്‌ ജനനം. കാരയാട്‌ എൽപി, കൽപ്പത്തൂർ യുപി, മേപ്പയൂർ ഹൈസ്‌കൂൾ എന്നിവിടങ്ങളിലായിരുന്നു വിദ്യാഭ്യാസം. തുടർന്ന്‌ കോഴിക്കോട്‌ ഫിസിക്കൽ എഡ്യുക്കേഷൻ കോളജിൽനിന്ന്‌ ഡിപ്ലോമയും നേടി. പഠനശേഷം തളി ഗവ. യുപി സ്‌കൂളിൽ താൽക്കാലിക കായികാധ്യാപകനായി. 1973ലെ അധ്യാപക സമരത്തിൽ ജയിലിലായതോടെ ജോലി നഷ്‌ടമായി. സിപിഐ (എം) ന്റെ കോഴിക്കോട് ടൗൺ ഏരിയ കമ്മിറ്റി അംഗമായിരുന്നു അദ്ദേഹം. ദീർഘകാലം പാർട്ടിയുടെ ജില്ലാ സെക്രട്ടേറിയറ്റ് അംഗമായിരുന്നു. കഴിഞ്ഞ കുറച്ച് കാലമായി രോഗബാധയെ തുടര്‍ന്ന് വിശ്രമത്തിലായിരുന്നു. അസുഖം മൂർച്‌ഛിച്ചതിനെ തുടർന്ന് വെള്ളിയാഴ്‌ച രാത്രി ആശുപത്രിയിലെത്തിച്ചു. തുടര്‍ന്ന് മരിക്കുകയായിരുന്നു. സഹകാരി, കായിക സംഘാടകൻ…