Month: September 2026

ഹ്യൂസ്റ്റൺ : ഹ്യൂസ്റ്റണിൽ 21 കാരിയായ യുവതിയെ കൊലപ്പെടുത്തിയ കേസിൽ പ്രതിക്ക് 75 വർഷം കഠിനതടവ് ശിക്ഷ വിധിച്ചു. 2023 സെപ്റ്റംബറിലാണ് ഒരു കുട്ടിയുടെ അമ്മയായ ഡിയുൺഡ്രിയ ഫോർഡ്  കാണാതാകുന്നത്. ഹാരിസ് കൗണ്ടി ജൂരി പ്രതി കുറ്റക്കാരനാണെന്ന് കണ്ടെത്തുകയും, 2026 സെപ്റ്റംബർ 18-ന് കോടതി 75 വർഷത്തെ തടവ് ശിക്ഷ വിധിക്കുകയും ചെയ്തു. 2023 സെപ്റ്റംബർ 22-ന് ജോലിസ്ഥലത്തുനിന്നും ഒരു പുരുഷനൊപ്പം പോയ ഡിയുൺഡ്രിയ ഫോർഡിനെ പിന്നീട് കാണാതാകുകയായിരുന്നു.54 കാരനായ യോളണ്ട് ജെ. വാഷിംഗ്ടൺ ആണ് കൊലപാതകം നടത്തിയത്. പ്രതിയുടെ വാനിൽ നിന്നും വസ്ത്രങ്ങളിൽ നിന്നും കൊല്ലപ്പെട്ട യുവതിയുടെ രക്തക്കറയും ഡിഎൻഎയും ശാസ്ത്രീയ പരിശോധനയിൽ കണ്ടെത്തി. ഡാളസിൽ കണ്ടെത്തിയ അസ്ഥികൂടാവശിഷ്ടങ്ങൾ 2024 സെപ്റ്റംബറിൽ ഡിയുൺഡ്രിയയുടേതാണെന്ന് സ്ഥിരീകരിച്ചു.

വാഷിംഗ്ടണ്‍: ലാറ്റിനമേരിക്കയിൽ നിന്നുള്ള മയക്കുമരുന്ന് കടത്ത് തടയുന്നതിനായി ട്രംപ് ഭരണകൂടം സ്വീകരിച്ചുവരുന്ന സൈനിക നടപടികളുടെ ഭാഗമായി കരീബിയൻ കടലിൽ സംശയാസ്പദമായ ബോട്ടിന് നേരെ യുഎസ് സൈന്യം ആക്രമണം നടത്തി. ശനിയാഴ്ച നടന്ന ആക്രമണത്തിൽ ബോട്ടിലുണ്ടായിരുന്ന നാല് പേർ കൊല്ലപ്പെട്ടതായാണ് റിപ്പോർട്ട്. കരീബിയൻ മേഖലയിലും കിഴക്കൻ പസഫിക്കിലും മയക്കുമരുന്ന് കടത്തുമായി ബന്ധമുണ്ടെന്ന് ആരോപിക്കപ്പെടുന്ന ബോട്ടുകൾക്കെതിരെ യുഎസ് നടത്തുന്ന സൈനിക നടപടികളുടെ തുടർച്ചയായാണ് പുതിയ ആക്രമണം. ഈ നടപടികളിൽ ഇതുവരെ കൊല്ലപ്പെട്ടവരുടെ എണ്ണം കുറഞ്ഞത് 231 ആയതായും റിപ്പോർട്ടുകളുണ്ട്. ലാറ്റിനമേരിക്കൻ സമുദ്രമേഖലകളിൽ പ്രവർത്തിക്കുന്ന മയക്കുമരുന്ന് കടത്ത് സംഘങ്ങൾക്കെതിരെ ട്രംപ് ഭരണകൂടം ആരംഭിച്ച കാമ്പയിന്റെ ഭാഗമായി യുഎസ് സേന 69-ലധികം മാരകമായ ആക്രമണങ്ങൾ നടത്തിയിട്ടുണ്ടെന്നാണ് യുഎസ് സതേൺ കമാൻഡിനെ ഉദ്ധരിച്ചുള്ള വിവരം. യുഎസിലേക്ക് അനധികൃത മയക്കുമരുന്ന് എത്തിക്കാൻ ഉപയോഗിക്കുന്നതായി അധികൃതർ പറയുന്ന പരമ്പരാഗത സമുദ്ര കള്ളക്കടത്ത് പാതകൾ കേന്ദ്രീകരിച്ചാണ് പ്രധാനമായും ഇത്തരം…

തിരുവനന്തപുരം: വിഴിഞ്ഞം അന്താരാഷ്ട്ര തുറമുഖത്തെ രാജ്യത്തിന്റെ പ്രധാന റെയിൽവേ ശൃംഖലയുമായി ബന്ധിപ്പിക്കുന്ന നിർദ്ദിഷ്ട വിഴിഞ്ഞം–ബാലരാമപുരം റെയിൽ ലിങ്ക് പദ്ധതിക്കായുള്ള ഭൂമി ഏറ്റെടുക്കൽ നടപടികൾ കൂടുതൽ വിപുലീകരിച്ചു. പള്ളിച്ചൽ, ബാലരാമപുരം ഗ്രാമങ്ങളിലെ അധിക ഭൂമി കൂടി ഏറ്റെടുക്കൽ പരിധിയിൽ ഉൾപ്പെടുത്തി റവന്യൂ വകുപ്പ് പുതിയ വിജ്ഞാപനം പുറത്തിറക്കി. സെപ്റ്റംബർ 14ന് പുറത്തിറക്കിയ വിജ്ഞാപനപ്രകാരം, സർക്കാർ ഭൂമിക്കു പുറമെ സ്വകാര്യ ഉടമസ്ഥതയിലുള്ള ഏകദേശം 2.3195 ഹെക്ടർ ഭൂമിയാണ് പുതുതായി ഏറ്റെടുക്കൽ നടപടികളുടെ പരിധിയിൽ വരുന്നത്. നെയ്യാറ്റിൻകര താലൂക്കിലെ പള്ളിച്ചൽ, ബാലരാമപുരം ഗ്രാമങ്ങളിലായാണ് ഈ ഭൂമി സ്ഥിതി ചെയ്യുന്നത്. റെയിൽ ലിങ്കിന്റെ നിർമാണത്തിന് ആവശ്യമായ ഭൂമി ലഭ്യമാക്കുന്നതിനുള്ള നടപടികളുടെ തുടർച്ചയായാണ് പുതിയ വിജ്ഞാപനം. മുൻപ് പുറത്തിറക്കിയ ഭൂമി ഏറ്റെടുക്കൽ വിജ്ഞാപനത്തിൽ ഉൾപ്പെടാതിരുന്ന വിവിധ പ്രദേശങ്ങളും പുതിയ വിജ്ഞാപനത്തിൽ ഉൾപ്പെടുത്തിയിട്ടുണ്ട്. ലഭ്യമായ വിവരങ്ങൾ പ്രകാരം 104 ഭൂമി ഏറ്റെടുക്കൽ ഉപവിഭാഗങ്ങളാണ് പദ്ധതിയിലേക്ക് പുതുതായി…

പെൻസിൽവാനിയ: 2026-ലെ മാർത്തോമ്മാ സേവികാസംഘം ദേശീയ സമ്മേളനം  ഒക്ടോബർ 1 മുതൽ 4 വരെ പെൻസിൽവാനിയയിലെ കിംഗ് ഓഫ് പ്രഷ്യയിലുള്ള വാലി ഫോർജ് കാസിനോ റിസോർട്ടിൽ  വെച്ച് നടക്കും. ഫിലഡെൽഫിയ ക്രൈസ്തോസ് മാർത്തോമ്മാ ഇടവകയാണ്  ഈ സമ്മേളനത്തിന് ആതിഥേയത്വം വഹിക്കുന്നത്. ” (Women: Rooted in Christ and Routed for Mission) എന്നതാണ് ഈ സമ്മേളനത്തിന്റെ മുഖ്യചിന്താവിഷയം. ഭദ്രാസനാധിപൻ  അബ്രഹാം മാർ പൗലോസ് തിരുമേനിയുടെ നേതൃത്വത്തിലും മാർഗനിർദ്ദേശത്തിലുമാണ് സമ്മേളന പരിപാടികൾ ക്രമീകരിച്ചിരിക്കുന്നത്. കൂടാതെ, വിവിധ സെഷനുകൾക്ക് നേതൃത്വം നൽകാൻ  റവ. സാം കോശി ,ഡോ. ലീന കെ. ചെറിയാൻ ,റ്റിൻസി സഖറിയ,ഡോ. ബെറ്റി എൽസ ജേക്കബ്,തുടങ്ങി പ്രമുഖരായ നേതാക്കളും ഈ സമ്മേളനത്തിൽ പങ്കെടുക്കുന്നുണ്ട്:    ആത്മീയ കൂട്ടായ്മയും പ്രാർത്ഥനയും ലക്ഷ്യമിട്ട് നടത്തുന്ന ഈ ദേശീയ സമ്മേളനത്തിൽ ഈ ദേശീയ സമ്മേളനത്തിൽ അമേരിക്കയിൽ നിന്നും, കാനഡയിൽ നിന്നും…

ഡാളസ്: സെന്റ് പോൾസ് മാർത്തോമാ ചർച്ചിന്റെ 2026 പിക്നിക് പ്രോഗ്രാം ഉല്ലാസത്തിന്റെയും വിനോദത്തിന്റെയും അതിലുപരി ആലിമീക ഉണർവിന്റേയും അവസരമായി മാറി. പൊള്ളുന്ന ചൂടിൽ 200 പരം ആൾക്കാർ വളരെ ആവേശത്തോടുകൂടിയാണ് പിക്നിക്കിൽ എത്തിയത്. ഇടവക വികാരി റെജിൻ രാജു, സെക്രട്ടറി സോജി സ്കറിയ, ഫിൽ മാത്യു, രാജു ചാക്കോ, റിപ്‌സൺ തുടങ്ങിയ ഇടവക ഭാരവാഹികൾ പിക്നിക് ഒരുക്കങ്ങൾക്ക് ചുക്കാൻ പിടിച്ചു. ഉഷ്ണധിക്യത്തെ അതിജീവിക്കുവാൻ വേണ്ട ക്രമീകരങ്ങൾ നടത്തിയിരുന്നു. കുട്ടികൾക്കുവേണ്ടയും യുവജങ്ങൾക്കു വേണ്ടിയും മുതിർന്നവർക്കു വേണ്ടിയുമുള്ള വിവിധ കലാപരിപാടികൾ നടത്തി. കലാപരിപാടികൾക്ക് ശേഷം പുരുഷന്മാരുടെയും സ്ത്രീകളുടെയും വടംവലി മത്സരം ഒരുക്കിയിരുന്നു. രാവിലെ മുതൽ വളരെ രുചികരമായ ഭക്ഷണ പാനീയങ്ങൾ ക്രമീകരിച്ചിരുന്നു. രാവിലെ 8 മണിക്ക് വികാരി റവ. റെജിന്‍ രാജുവിന്റെ പ്രാരംഭ പ്രാത്ഥനയോടുകൂടി തുടങ്ങിയ പിക്നിക് ഉച്ചകഴിഞ്ഞ് മൂന്നു മണിയോടെ അവസാനിച്ചു.

ലോസ് ഏഞ്ചൽസ്: ആർട്ടിഫിഷ്യൽ ഇന്റലിജൻസ് (എഐ) സാങ്കേതികവിദ്യയുടെ വളർച്ചയ്ക്കിടയിൽ ഹോളിവുഡ് ജീവനക്കാരെ സഹായിക്കാനായി കാലിഫോർണിയ ഗവർണർ ഗവിൻ ഗ്യുസം പുതിയ നിയമത്തിൽ ഒപ്പുവെച്ചു. ഹോളിവുഡ് സിനിമകളെയും എഐയെയും ബന്ധപ്പെടുത്തി കാലിഫോർണിയയിൽ വരുന്ന ആദ്യ നിയമങ്ങളിൽ ഒന്നാണിത്. കമ്മ്യൂണിറ്റി കോളേജുകളിൽ പരിശീലനത്തിനായി 15 ദശലക്ഷം ഡോളറിന്റെ പൈലറ്റ് പ്രോഗ്രാമിന് ഈ നിയമം രൂപം നൽകുന്നു.സാങ്കേതികവിദ്യയോടൊപ്പം മനുഷ്യന്റെ തൊഴിലിനെയും സർഗ്ഗാത്മകതയെയും സംരക്ഷിക്കുകയാണ് ഇതിന്റെ ലക്ഷ്യം. യൂണിയനുകളുടെയും തൊഴിലുടമകളുടെയും സഹകരണത്തോടെ കാലിഫോർണിയ കമ്മ്യൂണിറ്റി കോളേജസ് ചാൻസലർ ഓഫീസ് ഈ പരിശീലന പദ്ധതിക്ക് നേതൃത്വം നൽകും. സാഗ്-ആഫ്ത്ര (SAG-AFTRA) ഉൾപ്പെടെയുള്ള സംഘടനകൾ ഈ ബില്ലിനെ പിന്തുണച്ചിട്ടുണ്ട്.  

മോണ്ടാന: അമേരിക്കയിലെ മോണ്ടാനയിൽ സഹോദരിയെ പുഴയിൽ ഒഴുക്കിൽപ്പെടാതെ രക്ഷിച്ച 13 വയസ്സുകാരൻ മുങ്ങിമരിച്ചു. എഫ്രേം ഡെയ്‌ലി  എന്ന കുട്ടിയാണ് മരിച്ചത്.വ്യാഴാഴ്ചയായിരുന്നു ഈ ദുരന്തം . മോണ്ടാനയിലെ ഫ്രോംബർഗിന് സമീപം ക്ലാർക്ക്സ് ഫോർക്ക് നദിയിൽ ട്യൂബിങ് നടത്തുന്നതിനിടെയാണ് വ്യാഴാഴ്ചയായിരുന്നു ഈ സംഭവം. സഹോദരി വെള്ളത്തിൽ അപകടത്തിൽപ്പെട്ടത് കണ്ട് എഫ്രേം അവളെ രക്ഷപ്പെടുത്തുകയായിരുന്നു. സഹോദരിയെ സുരക്ഷിതമായി കരയിലെത്തിക്കാൻ കഴിഞ്ഞെങ്കിലും, എഫ്രേം ശക്തമായ ഒഴുക്കിൽപ്പെട്ട് വെള്ളത്തിനടിയിലേക്ക് താഴുകയായിരുന്നു. തുടർന്ന് നടത്തിയ തീവ്രമായ തെരച്ചിലിനൊടുവിൽ, പിറ്റേദിവസം ഉച്ചയോടെയാണ് പ്രത്യേക ഡൈവിംഗ് ഉപകരണങ്ങളും ഹെലികോപ്റ്ററും ഡ്രോണുകളും ഉപയോഗിച്ച് കുട്ടിയുടെ മൃതദേഹം കണ്ടെടുത്തത്. ഒൻപത് മക്കളുള്ള കുടുംബത്തിലെ അംഗമായ എഫ്രേമിനെ ബന്ധുക്കളും സുഹൃത്തുക്കളും ഒരു ‘ഹീറോ’ എന്നാണ് വിശേഷിപ്പിക്കുന്നത്. ഈ ദാരുണ സംഭവം പ്രദേശത്ത് വലിയ ദുഃഖം സൃഷ്ടിച്ചിട്ടുണ്ട്.

വടക്കാങ്ങര: എം.പി.ജി.യു.പി. സ്കൂളിലെ കലൈമാനി സ്കൂൾ കലോത്സവം ഗായകനും പൂർവ്വവിദ്യാർത്ഥിയുമായ ഷബീർ വീനസ് ഉദ്ഘാടനം ചെയ്തു. ഹെഡ്മിസ്ട്രസ് സീമ, പി.ടി.എ പ്രസിഡന്റ് സഹീർ, വാർഡ് അംഗം നാസർ കൊളക്കന്താറ്റിൽ, സ്റ്റാഫ് സെക്രട്ടറി ഇ. അബ്ദുൽ ഷുക്കൂർ, ശിഹാബുദ്ദീൻ, റഷീദ്, സുധീർ സി.കെ, അനീസ, ശ്രുതി, രമ്യ വി.എസ് എന്നിവർ സംസാരിച്ചു.