കൊച്ചി: കുട്ടനാട്ടിലെ തകഴി കുന്നമ്മ സ്വദേശി കെ.ജി.പ്രസാദ് കടക്കെണിയില് ആത്മഹത്യ ചെയ്തതിന്റെ പിന്നില് സംസ്ഥാന സര്ക്കാരിന്റെ വന്വീഴ്ചയാണുള്ളതെന്നും പ്രസാദിന്റെ കുടുംബത്തിന് ഒരുകോടി രൂപ നഷ്ടപരിഹാരം നല്കുകയും കൃഷിവകുപ്പിനെയും സപ്ലൈകോയെയും പ്രതിയാക്കി നരഹത്യയ്ക്ക് മനുഷ്യാവകാശ കമ്മീഷന് കേസെടുക്കണമെന്നും രാഷ്ട്രീയ കിസാന് മഹാസംഘ് സംസ്ഥാന സമിതി ആവശ്യപ്പെട്ടു. സംഭരിച്ച നെല്ലിന്റെ പണം ലഭിക്കാത്തതും സപ്ലൈകോയുടെ തുടര്ച്ചയായ നീതി നിഷേധവും മൂലം ബാങ്കില് നിന്ന് ലോണ് കിട്ടാതെ വന്നതുമാണ് ആത്മഹത്യയുടെ കാരണമെന്ന് തെളിവുകള് പുറത്തുവന്നിട്ടുണ്ട്. ഇനിയും സര്ക്കാര് കര്ഷകവിരുദ്ധ സമീപനം തുടര്ന്നാല് സംസ്ഥാനത്ത് കര്ഷക ആത്മഹത്യകള് ആവര്ത്തിക്കും. പ്രസാദിന്റെ അനന്തരാവകാശിക്ക് സര്ക്കാര് ജോലിയും ഉറപ്പാക്കണം. കര്ഷക ആത്മഹത്യകള് പെരുകുമ്പോള് കടംവാങ്ങി ആഘോഷങ്ങളിലും ധൂര്ത്തിലും ആറാടുന്ന സംസ്ഥാന സര്ക്കാരിനെ കുറ്റവിചാരണ നടത്താന് മനുഷ്യാവകാശ കമ്മീഷനും കര്ഷകസമൂഹവും തയ്യാറാകണമെന്നും ഈ നില തുടര്ന്നാല് കര്ഷകര് നിയമം കൈയിലെടുക്കുന്ന സാഹചര്യമുണ്ടാകുമെന്നും സംസ്ഥാന സമിതി ഉദ്ഘാടനം ചെയ്തുകൊണ്ട്…
കടക്കെണിയില് ആത്മഹത്യ ചെയ്ത കര്ഷകന് പ്രസാദിന്റെ കുടുംബത്തിന് ഒരു കോടി രൂപ നഷ്ടപരിഹാരം നല്കണം: രാഷ്ട്രീയ കിസാന് മഹാസംഘ്
