Author: മുര്‍ഷിദ

കൊടുങ്ങല്ലൂര്‍: പ്രായപൂര്‍ത്തിയാകാത്ത 9-ാം ക്ലാസ് വിദ്യാര്‍ത്ഥിനിയെ പീഡിപ്പിച്ച ബസ് കണ്ടക്ടറെ പോലീസ് അറസ്റ്റു ചെയ്തു. കൊടുങ്ങല്ലൂരിലാണ് സംഭവം നടന്നത്. കൊടുങ്ങല്ലൂര്‍-അഴീക്കോട് റൂട്ടിൽ സർവീസ് നടത്തുന്ന ഷാജി എന്ന ബസിലെ കണ്ടക്ടർ മുള്ളൻബസാർ സ്വദേശി കൊട്ടേക്കാട്ട് സ്വദേശി അച്ചു എന്ന അനീഷിനെ (35) യാന് കൊടുങ്ങല്ലൂർ പൊലീസ് അറസ്റ്റ് ചെയ്തത്. ഫേസ്ബുക്ക് വഴി പരിചയപ്പെട്ട പെൺകുട്ടിയെ ഇയാൾ പ്രണയം നടിച്ച് പീഡിപ്പിക്കുകയായിരുന്നുവെന്ന് പൊലീസ് പറഞ്ഞു. സംഭവം വീട്ടുകാർ അറിഞ്ഞതോടെയാണ് പരാതിയുമായി പൊലീസ് സ്റ്റേഷനിലെത്തിയത്. 2021 ഒക്ടോബർ മുതൽ പലതവണ ഇയാൾ പീഡിപ്പിച്ചിരുന്നതായി പെൺകുട്ടി മൊഴി നൽകി.

തിരുവനന്തപുരം: അനശ്വര സംഗീതജ്ഞൻ ജി. ദേവരാജൻ മാസ്റ്ററുടെ 95-ാം ജന്മദിനം ദേവരാജൻ മാസ്റ്റർ ഫൗണ്ടേഷന്റെ നേതൃത്വത്തിൽ ആഘോഷിച്ചു. ഇന്നലെ മാനവീയം വീഥി ദേവരാജൻ സ്‌ക്വയറിൽ അദ്ദേഹത്തിന്റെ പ്രിയ ശിഷ്യരും പിന്നണി ഗായകരും ആരാധകരും ചേർന്ന് പുഷ്പാർച്ചനയും ഗാനാർച്ചനയും നടത്തി. ഗായകരായ കല്ലറ ഗോപന്‍, രാജീവ് ഒ. എവി, രാജലക്ഷ്മി, സരിത രാജീവ്, അപര്‍ണ രാജീവ്, ഫൗണ്ടേഷന്‍ പ്രസിഡന്റ് ജയമോഹന്‍, സെക്രട്ടറി കരമന ഹരി എന്നിവരോടൊപ്പം തിരുവനതപുരം കോര്‍പ്പറേഷന്റെ ശുചീകരണ തൊഴിലാളികളും ചേര്‍ന്ന് ദീപങ്ങള്‍ തെളിയിച്ചു. ഒ.എന്‍.വി. ദേവരാജന്‍ കൂട്ടുകെട്ടിലെ അനശ്വര ഗാനമായ വരിക ഗന്ധര്‍വ്വ ഗായകാ വീണ്ടും എന്ന ഗാനം ഗായകര്‍ ആലപിച്ചു. ദേവരാജ സംഗീതത്തിൽ ‘മനുഷ്യൻ മതങ്ങളെ സൃഷ്ടിച്ചു’ എന്ന ഗാനത്തിന്റെ 50-ാം വാർഷികാഘോഷം ദേവരാജൻ മാസ്റ്റർ ഫൗണ്ടേഷൻ ഒക്ടോബറിൽ സംഘടിപ്പിക്കും. വാർഷികാഘോഷം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.  

മലപ്പുറം : ഉത്തരാഖണ്ഡിൽ റിസപ്ഷനിസ്റ്റായ 19 കാരിയെ ബിജെപി നേതാവിന്റെ മകൻ കൊലപ്പെടുത്തിയെന്നാരോപിച്ച് ഉത്തരേന്ത്യയിൽ പ്രതിഷേധത്തിന് ഇടയാക്കിയ വിഷയം കോൺഗ്രസ് നേതാവ് രാഹുൽ ഗാന്ധി ചൊവ്വാഴ്ച ഭാരത് ജോഡോ യാത്രാ പ്രസംഗത്തിൽ ഉന്നയിച്ചു. സ്ത്രീകളെ ഒരു ‘വസ്തുവായി’ കാണുന്ന ബിജെപിയുടെയും ആർഎസ്എസിന്റെയും പ്രത്യയശാസ്ത്രത്തെയാണ് ഈ സംഭവം സൂചിപ്പിക്കുന്നത്. അങ്കിത ഭണ്ഡാരി എന്ന യുവതിയുടെ കൊലപാതകത്തെ പരാമർശിച്ച് കോൺഗ്രസ് നേതാവ് ആരോപിച്ചു, “ഹോട്ടൽ ഉടമയായ ബിജെപി നേതാവും ഹോട്ടൽ നടത്തിയിരുന്ന അദ്ദേഹത്തിന്റെ മകനും ഒരു പെൺകുട്ടിയെ വേശ്യയാക്കാൻ നിർബന്ധിക്കുകയായിരുന്നു. അവൾ വിസമ്മതിച്ചപ്പോഴാണ് ആറ് ദിവസത്തിന് ശേഷം ഋഷികേശിന് സമീപമുള്ള ചീല കനാലിൽ ഭണ്ഡാരിയുടെ മൃതദേഹം കണ്ടെത്തിയത്. അങ്ങനെയാണ് ബിജെപി സ്ത്രീകളോട് പെരുമാറുന്നതെന്നും വയനാട് എംപി കൂടിയായ രാഹുല്‍ ഗാന്ധി ആരോപിച്ചു. അങ്കിത ഭണ്ഡാരിക്ക് നീതി ആവശ്യപ്പെട്ട് ജനങ്ങള്‍ സെപ്റ്റംബർ 25 ന് ഉത്തരാഖണ്ഡിലെ ഒരു പ്രധാന ഹൈവേ എട്ട്…

പാലക്കാട്: രണ്ട് ദിവസമായി ജില്ലയിലെ കാമ്പസുകളിൽ ആവേശം തീർത്ത ഫ്രറ്റേണിറ്റി കാമ്പസ് കാരവന് സമാപനമായി. ചൊവ്വാഴ്ച രാവിലെ പട്ടാമ്പി എസ്.എൻ.ജി.എസ് കോളേജിലായിരുന്നു ആദ്യ പര്യടനം. സി.ഐയുടെ അനുമതി വേണമെന്ന് പറഞ്ഞ് പോലീസ് കാരവനെ കാമ്പസിന് മുന്നിൽ തടഞ്ഞു. പോലീസും ഫ്രറ്റേണിറ്റി പ്രവർത്തകരും വാക്കുതർക്കത്തിലായതിനെ തുടർന്ന് സി.ഐ സ്ഥലത്തെത്തി. തുടർന്ന് ഫ്രറ്റേണിറ്റി കോളേജ് യൂണിറ്റ് കമ്മിറ്റി കാരവന് സ്വീകരണം നൽകി. സംസ്ഥാന സെക്രട്ടറിയേറ്റംഗം നുജൈം പി.കെ ഉദ്ഘാടനം ചെയ്തു. ജില്ല സെക്രട്ടറിയേറ്റംഗം ആബിദ് വല്ലപ്പുഴ മുഖ്യപ്രഭാഷണം നടത്തി. സംഘടനയിലേക്ക് പുതുതായി കടന്നുവന്ന പ്രവർത്തകർക്ക് അംഗത്വ കാർഡ് നൽകി. യൂണിറ്റ് ഭാരവാഹികളായ റിഷാന, സഫ് വ,ഫാദിയ, മണ്ഡലം അസി.കൺവീനർ ഷിബിൻ എന്നിവർ സംസാരിച്ചു. മണ്ണാർക്കാട് എം.ഇ.എസ് കല്ലടി കോളേജ് യൂണിറ്റും കാരവന് സ്വീകരണം നൽകി. ജില്ല സെക്രട്ടറിയേറ്റംഗം റഷാദ് പുതുനഗരം, യൂണിറ്റ് ഭാരവാഹികളായ ഹസ്ന തസ്നി, സഫ് വാൻ എന്നിവർ…

പ്രൊവിഡൻസ് സ്കൂളിലെ ഹിജാബ് വിലക്കിനെതിരെ എസ്.ഐ.ഒ – ജി.ഐ.ഒ നടത്തിയ ബഹുജന മാർച്ചിൽ പോലീസ് അതിക്രമം നടത്തുകയും സംസ്ഥാന സെക്രട്ടറിമാരടക്കം നിരവധി പ്രവർത്തകരെ അറസ്റ്റ് ചെയ്ത് ജയിലിലടക്കുകയും ചെയ്തത് ജനാധിപത്യ വിരുദ്ധമാണെന്നും ജയിലിലടച്ച് പ്രവർത്തകരെ എത്രയും വേഗം വിട്ടയക്കണമെന്നും ജമാഅത്തെ ഇസ്ലാമി കോഴിക്കോട് ജില്ലാ പ്രസിഡന്റ് ടി.ശാക്കിർ, കാലിക്കറ്റ് പ്രസ്ക്ലബിൽ നടന്ന പത്രസമ്മേളനത്തിൽ സംസാരിക്കുകയായിരുന്നു അദ്ദേഹം. ഹിജാബ് ധരിക്കുന്നതിന് വിലക്കേർപ്പെടുത്തി കൊണ്ട് ഭരണഘടന രാജ്യത്തെ പൗരന്മാർക്ക് ഉറപ്പ് നൽകുന്ന അവകാശങ്ങളെ നിഷേധിക്കുന്ന കോഴിക്കോട് നടക്കാവ് പ്രൊവിഡൻസ് സ്കൂളിന്റെ എയ്ഡഡ് പദവി സർക്കാർ റദ്ദാക്കണമെന്നും അദ്ദേഹം ആവശ്യപ്പെട്ടു. സ്കൂൾ പി.ടി.എ പ്രസിഡന്റിന്റെ മുസ്ലിം വിരുദ്ധ പരാമർശത്തിനെതിരെ നടപടി സ്വീകരിക്കാത്തത് അനീതിയാണ്. ഹിജാബ് നിരോധനം കാരണം മുസ്ലിം വിദ്യാർത്ഥിനികൾ ടി.സി വാങ്ങി മറ്റ് സ്ഥാപനങ്ങളിൽ അഡ്മിഷൻ എടുക്കേണ്ട സാഹചര്യമാണുള്ളത്. നികുതിപ്പണം ഉപയോഗിച്ച് സർക്കാർ അംഗീകാരത്തോടെ പ്രവർത്തിക്കുന്ന സ്ഥാപനത്തിന്റെ ഭാഗത്ത് നിന്നുണ്ടായ…

ദുബൈ: ദീർഘകാല താമസത്തിനുള്ള അവസരങ്ങൾക്കായി യുണൈറ്റഡ് അറബ് എമിറേറ്റ്സ് ഏര്‍പ്പെടുത്തിയിട്ടുള്ള ഗോൾഡൻ വിസ ഡോ.എം.കെ മുനീറിനും ലഭിച്ചു. ഇതാദ്യമായാണ് കേരളത്തില്‍ നിന്നുള്ള ഒരു രാഷ്ട്രീയക്കാരന് ഗോൾഡൻ വിസ ലഭിക്കുന്നത്. ഇന്ത്യൻ യൂണിയൻ മുസ്ലീം ലീഗ് (ഐയുഎംഎൽ) മുതിർന്ന നേതാവായ എം കെ മുനീർ കേരളത്തിലെ മുസ്ലീം രാഷ്ട്രീയത്തിലെ പുരോഗമന മുഖങ്ങളിൽ ഒരാളാണ്. ഡോക്ടറായി മാറിയ മുനീർ, പ്രസാധകൻ, സാമൂഹിക സംരംഭകൻ, കാർട്ടൂണിസ്റ്റ്, ചിത്രകാരൻ, പിന്നണി ഗായകൻ എന്നീ നിലകളിലും പ്രശസ്തനാണ്. തനിക്ക് ലഭിച്ച “ബഹുമാനത്തിനും പദവിക്കും” മുനീര്‍ യു എ ഇ യോട് നന്ദി പറഞ്ഞു. ഫെയ്സ്ബുക്കിലൂടെയാണ് അദ്ദേഹം നന്ദി അറിയിച്ചത്…. “യുഎഇയുടെ ഗോൾഡൻ വിസ ലഭിച്ചതിന്റെ സന്തോഷം എന്റെ എല്ലാ സ്നേഹജനങ്ങളുമായും പങ്കുവെക്കുന്നു. അനുദിനം ലോകത്തിന്റെ നെറുകയിലേക്ക് വളർന്നു കൊണ്ടിരിക്കുന്ന ഏറ്റവും സുന്ദരമായ ഒരു രാജ്യമാണ് യുഎഇ. സ്നേഹമെന്ന വികാരം എത്ര മനോഹരമായാണ് ഇമറാത്തികൾ പ്രകടിപ്പിക്കുന്നത്.…

ചിക്കാഗോ: ചിക്കാഗോ സീറോ മലബാർ രുപതയുടെ രണ്ടാമത്തെ മെത്രാനായ മാർ ജോയി ആലപ്പാട്ടിന്റെ സ്ഥാനരോഹാണ ചടങ്ങിന്റെ വിജയത്തിനായി വിവിധ കമ്മറ്റികൾ അക്ഷീണം പ്രയത്നിച്ചു വരുന്നു. പരിശുദ്ധ തിരുകർമ്മങ്ങൾക്ക് സീറോ മലബാർ സഭയുടെ തലവനും പിതാവുമായ മേജർ ആർച്ച് ബിഷപ്പ് മാർ ജോർജ് ആലഞ്ചേരി നേതൃത്വം കൊടുക്കുമ്പോൾ, രുപതായുടെ പ്രഥമ മെത്രാനും അന്നേ ദിവസം സ്ഥാനം ഒഴിയുന്നതുമായ മാർ ജേക്കബ്ബ് അങ്ങാടിയത്തും, ജോയി ആലപ്പാട്ട് പിതാവിന്റെ ജന്മസ്ഥലമായ ഇരിഞ്ഞാലകുട രൂപതായുടെ മെത്രാനായ മാർ പോളി കണ്ണുക്കാടൻ പിതാവും സഹ കാർമ്മികരായിരിക്കും. ഒന്നാം തിയതി രാവിലെ 8.30 ന് മാർതോമ സ്ലിഹാ കത്തീഡ്രലിന്റെ പാരിഷ് ഹാളിൽ നിന്നും തിരുവസ്ത്രങ്ങളണിഞ്ഞ്, ബിഷപ്പുമാരും, വൈദികരും പ്രാത്ഥനാ മന്ത്രങ്ങള്‍ ഉരുവിട്ടുകൊണ്ട് ദേവാലയത്തിലേക്ക് പ്രദക്ഷിണമായി പ്രവേശിക്കുന്നു. ഈ അവസരത്തിൽ വിശിഷ്ട വ്യക്‌തികളും, ബഹുമാനപ്പെട്ട സന്യാസിനികളും, ദൈവജനവും ദേവലായത്തിൽ തങ്ങളുടെ സ്ഥാനങ്ങളിൽ ഇരിക്കേണ്ടതാണ്. തദവസരത്തിൽ രൂപതയെക്കുറിച്ചും, മാർ…

ന്യൂയോര്‍ക്ക്: പരിശുദ്ധന്മാരോടും ശുദ്ധിമതികളോടുമുള്ള മധ്യസ്ഥത സ്വന്ത കാര്യപ്രാപ്തിക്കുള്ള യാചന മാത്രമായി കാണരുത്‌. എന്നാല്‍, അവരുടെ ജീവിതം മനസിലാക്കി, നമ്മുടെ ജീവിതവും ക്രമപ്പെടുത്തുന്നതിനുള്ള അവസരമായി അതിനെ പ്രയോജനപ്പെടുത്തണമെന്ന് മലങ്കര ഓര്‍ത്തഡോക്‌സ്‌ സഭയുടെ കാതോലിക്കായും, മലങ്കര മെത്രാപ്പോലീത്തയുമായ പരിശുദ്ധ ബസേലിയോസ്‌ മാര്‍ത്തോമാ മാത്യൂസ്‌ തൃതീയന്‍ ഉത്ബോധിപ്പിച്ചു. ഇക്കഴിഞ്ഞ സെപ്റ്റംബര്‍ 24 ശനിയാഴ്ച ന്യൂയോര്‍ക്കിലെ ചെറി ലെയിന്‍ സെന്‍റ്‌ ഗ്രീഗോറിയോസ്‌ ഓര്‍ത്തഡോക്‌സ്‌ പള്ളിയില്‍ കുര്‍ബാനമധ്യേ ചെയ്ത പ്രസംഗത്തിലാണ്‌ ഇക്കാര്യം ഉത്ബോധിപ്പിച്ചത്‌. ശനിയാഴ്ച രാവിലെ 7 മണിക്ക്‌ അനേകം വൈദികര്‍, ശെമ്മാശന്മാര്‍, സെമിനാരി വിദ്യാര്‍ത്ഥികള്‍, ഭക്തജനങ്ങള്‍ ഇവര്‍ ചേര്‍ന്ന്‌ പരിശുദ്ധ ബാവയെ സ്വീകരിച്ചു ഘോഷയാത്രയായി ദേവാലയത്തിലേക്ക്‌ ആനയിച്ചു. തുടര്‍ന്ന്‌ പരിശുദ്ധ ബാവായുടെ പ്രധാന കാര്‍മികത്വത്തില്‍ വിശുദ്ധ കുര്‍ബാന അര്‍പ്പിക്കപ്പെട്ടു. തുടര്‍ന്ന്‌ ചെറി ലെയിന്‍ സെന്‍റ്‌ ഗ്രീഗോറിയോസ്‌ ഇടവക പുനര്‍ നിര്‍മിക്കാനിരിക്കുന്ന ദേവാലയത്തിന്റെ അടിസ്ഥാന ശില പരിശുദ്ധ ബാവ ശുദ്ധീകരിച്ചു. ശിശ്രുഷകള്‍ക്കും ചടങ്ങുകള്‍ക്കും ശേഷം…