Author: റബീഅ്‌സമാന്‍

കൊച്ചി: സിഎംആർഎൽ–എക്‌സാലോജിക് സാമ്പത്തിക ഇടപാടുമായി ബന്ധപ്പെട്ട വിവാദ മാസപ്പടിക്കേസിൽ മുഖ്യമന്ത്രി പിണറായി വിജയന് താൽക്കാലിക ആശ്വാസം. കേസിൽ വിജിലൻസ് അന്വേഷണം നടത്താനുള്ള നടപടികൾ കേരള ഹൈക്കോടതി സ്റ്റേ ചെയ്തു. പിണറായി വിജയൻ സമർപ്പിച്ച അപ്പീൽ ഫയലിൽ സ്വീകരിച്ച ഹൈക്കോടതി ഡിവിഷൻ ബെഞ്ചാണ് അന്വേഷണ നടപടികൾ താൽക്കാലികമായി തടഞ്ഞത്. അപ്പീലിൽ വാദം പൂർത്തിയാകുന്നതുവരെ കേസുമായി ബന്ധപ്പെട്ട എഫ്‌ഐആറിൽ തുടർനടപടികൾ സ്വീകരിക്കരുതെന്നും കോടതി നിർദേശിച്ചു. ജസ്റ്റിസുമാരായ ടി. നടരാജൻ, ജോൺസൺ ജോൺ എന്നിവരടങ്ങിയ ഡിവിഷൻ ബെഞ്ചാണ് അപ്പീൽ പരിഗണിച്ചത്. മുഖ്യമന്ത്രി പിണറായി വിജയൻ, മകൾ ടി. വീണ, മുഹമ്മദ് റിയാസ് എംഎൽഎ എന്നിവർക്കെതിരായ കൈക്കൂലി, ഹവാല ആരോപണങ്ങളുമായി ബന്ധപ്പെട്ട അന്വേഷണ നടപടികൾക്കാണ് കോടതിയുടെ ഇടക്കാല വിലക്ക്. കേസിൽ വിശദമായ വാദം നവംബർ 25ന് ആരംഭിക്കും. അതുവരെ അന്വേഷണവുമായി ബന്ധപ്പെട്ട തുടർനടപടികൾക്ക് നിയന്ത്രണമുണ്ടാകും. സിഎംആർഎൽ എന്ന സ്വകാര്യ കമ്പനിയും മുഖ്യമന്ത്രി പിണറായി…

കൊച്ചി: നീതിന്യായ സംവിധാനത്തിന്റെ ശക്തി അധികാരത്തിന്റെ ആധിപത്യത്തിലല്ല, മറിച്ച് അച്ചടക്കത്തിലും പരസ്പര ബഹുമാനത്തിലുമാണെന്ന് കേരള ഹൈക്കോടതി. ഹൈക്കോടതിയിലെ എല്ലാ ജഡ്ജിമാരും പദവിയിലും അധികാരത്തിലും തുല്യരാണെന്നും ഒരു ബെഞ്ചിനും മറ്റൊരു ബെഞ്ചിനുമേൽ സ്ഥാപനപരമായ മേൽക്കോയ്മ അവകാശപ്പെടാൻ കഴിയില്ലെന്നും ഡിവിഷൻ ബെഞ്ച് വ്യക്തമാക്കി. സഹജഡ്ജിമാരുടെ പ്രവർത്തനരീതിയെക്കുറിച്ചോ വിധിന്യായങ്ങളിൽ അഭിപ്രായങ്ങൾ രേഖപ്പെടുത്തുന്ന രീതിയെക്കുറിച്ചോ നിർദേശങ്ങൾ നൽകുന്നതും വിമർശനപരമായ പരാമർശങ്ങൾ നടത്തുന്നതും ജുഡീഷ്യൽ ഔചിത്യത്തിന് നിരക്കുന്നതല്ലെന്നും കോടതി നിരീക്ഷിച്ചു. തിരുവനന്തപുരം സർവീസ് സഹകരണ ബാങ്കിലെ ജീവനക്കാരിയായ ബിന്ദുവിനെതിരായ അച്ചടക്കനടപടികളുമായി ബന്ധപ്പെട്ട റിട്ട് അപ്പീൽ പരിഗണിക്കുന്നതിനിടെയാണ് ജസ്റ്റിസ് ദേവൻ രാമചന്ദ്രൻ, ജസ്റ്റിസ് ബസന്ത് ബാലാജി എന്നിവരടങ്ങിയ ഡിവിഷൻ ബെഞ്ച് സുപ്രധാന നിരീക്ഷണങ്ങൾ നടത്തിയത്. ഹൈക്കോടതിയിലെ വിവിധ ബെഞ്ചുകൾ തമ്മിലുള്ള അധികാരപരിധി, പരസ്പര ബഹുമാനം, ജുഡീഷ്യൽ അച്ചടക്കം എന്നിവ സംബന്ധിച്ച നിർണായകമായ നിയമതത്ത്വങ്ങളാണ് കോടതി വിശദീകരിച്ചത്. നീതിന്യായ സംവിധാനത്തിന്റെ വിശ്വാസ്യതയും അന്തസ്സും നിലനിർത്തുന്നതിന് ജഡ്ജിമാർ തമ്മിലുള്ള…

തിരുവനന്തപുരം: സംസ്ഥാന ആസൂത്രണ ബോർഡുമായി ബന്ധപ്പെട്ട പരീക്ഷാ ക്രമക്കേട് കേസിൽ ഉദ്യോഗസ്ഥർക്കെതിരെ കർശന നടപടികളുമായി സംസ്ഥാന സർക്കാർ. കേസിൽ പ്രതിചേർക്കപ്പെട്ട പബ്ലിക് സർവീസ് കമ്മീഷൻ (പിഎസ്‌സി) പരീക്ഷാ വിഭാഗം അഡീഷണൽ സെക്രട്ടറി ആർ. ഹരിയെ സർവീസിൽനിന്ന് സസ്‌പെൻഡ് ചെയ്തു. ഇതോടൊപ്പം ഡെപ്യൂട്ടി സെക്രട്ടറി പി. സതീഷിന്റെ സർവീസ് ആനുകൂല്യങ്ങൾ തടഞ്ഞുവയ്ക്കാനും തീരുമാനിച്ചു. പരീക്ഷാ നടത്തിപ്പുമായി ബന്ധപ്പെട്ട ക്രമക്കേടുകൾ അന്വേഷിക്കുന്ന പ്രത്യേക അന്വേഷണ സംഘം (എസ്ഐടി) ഇരുവരെയും പ്രതിചേർത്തതിന് പിന്നാലെയാണ് സർക്കാർ നടപടി സ്വീകരിച്ചത്. പരീക്ഷാ നടത്തിപ്പിലും അതുമായി ബന്ധപ്പെട്ട ഔദ്യോഗിക നടപടിക്രമങ്ങളിലും ഗുരുതരമായ വീഴ്ചകളുണ്ടായെന്ന കണ്ടെത്തലാണ് ഉദ്യോഗസ്ഥർക്കെതിരായ നടപടിക്ക് കാരണമായത്. പിഎസ്‌സിയുടെ ആഭ്യന്തര വിജിലൻസ് വിഭാഗം നടത്തിയ പരിശോധനയിലും ഇരുവരുടെയും ഭാഗത്തുനിന്ന് വീഴ്ചകൾ സംഭവിച്ചതായി കണ്ടെത്തിയിരുന്നു. എന്നാൽ, ഈ വീഴ്ചകൾ ബോധപൂർവം വരുത്തിയതാണോ അതോ ഔദ്യോഗിക ചുമതലകൾ നിർവഹിക്കുന്നതിനിടെ സംഭവിച്ച മാനുഷിക പിഴവുകളാണോ എന്ന കാര്യത്തിൽ വ്യക്തത…

കൊച്ചി: എറണാകുളം ചേരാനെല്ലൂരിൽ പ്രായപൂർത്തിയാകാത്ത കുട്ടി ഓടിച്ച ബെൻസ് കാറിടിച്ച് സ്‌കൂട്ടർ യാത്രികനായ ജയപാലകൃഷ്ണൻ മരിച്ച സംഭവത്തിൽ അന്വേഷണം കൂടുതൽ ശക്തമാക്കാൻ പോലീസ്. അപകടമുണ്ടാക്കിയ കാർ ഓടിച്ച 17 വയസ്സുകാരന്റെ പിതാവും അഡീഷണൽ ജില്ലാ ജഡ്ജിയുമായ ഉദ്യോഗസ്ഥനെതിരെയും പോലീസ് കേസെടുത്തു. ഇരിങ്ങാലക്കുട മോട്ടോർ ആക്സിഡന്റ് ക്ലെയിംസ് ട്രിബ്യൂണലിന്റെ ചുമതലയുള്ള അഡീഷണൽ ജില്ലാ ജഡ്ജിക്കെതിരെയാണ് നടപടി സ്വീകരിച്ചിരിക്കുന്നത്. പ്രായപൂർത്തിയാകാത്ത മകന് വാഹനം ഓടിക്കാൻ നൽകിയെന്ന കണ്ടെത്തലിന്റെ അടിസ്ഥാനത്തിലാണ് കേസെടുത്തത്. ജഡ്ജിയുടെ ഉടമസ്ഥതയിലുള്ള മെഴ്‌സിഡസ് ബെൻസ് കാറാണ് അപകടത്തിൽപ്പെട്ടത്. നിയമപരമായി വാഹനം ഓടിക്കാൻ പ്രായമാകാത്ത മകന് കാർ ഉപയോഗിക്കാൻ അനുവദിച്ചതുമായി ബന്ധപ്പെട്ടാണ് പിതാവിനെതിരെയും നിയമനടപടി ആരംഭിച്ചിരിക്കുന്നത്. സംഭവത്തിൽ പോലീസിന്റെ ഭാഗത്തുനിന്ന് ഗുരുതരമായ വീഴ്ചകളുണ്ടായെന്ന ആരോപണവുമായി മരിച്ച ജയപാലകൃഷ്ണന്റെ കുടുംബം രംഗത്തെത്തിയതോടെയാണ് കേസ് കൂടുതൽ വിവാദമായത്. കുടുംബം ഉന്നയിച്ച പരാതികൾ വിശദമായി പരിശോധിക്കുന്നതിനായി പ്രത്യേക അന്വേഷണ സംഘത്തെ (എസ്‌ഐടി) രൂപവത്കരിക്കാനും തീരുമാനമായിട്ടുണ്ട്.…

ഡാളസ്: ഐ.പി.സി നോർത്ത് അമേരിക്കൻ ഫാമിലി കോൺഫറൻസിന്റെ (IPCNAFC) രജിസ്ട്രേഷൻ കിക്കോഫും സംഗീത സായ്ഹാനവും നവംബർ 15 ഞായറാഴ്ച വൈകിട്ട് 5:30-ന് ഡാളസിലെ ഫിലാഡൽഫിയ പെന്തക്കോസ്തൽ ചർച്ച് ഓഫ് ഡാളസിൽ (7200 Rowlett Rd, Rowlett, TX 75089) വെച്ച് നടത്തപ്പെടും. അനുഗ്രഹീത പ്രഭാഷകൻ പാസ്റ്റർ കെ. ജോയി (ഡാളസ്) മുഖ്യ വചന സന്ദേശം നൽകും. ബ്രദർ ജിനു വർഗീസും വർഷിപ്പ് ടീമും ആത്മീയ സംഗീത ആരാധനയ്ക്ക് നേതൃത്വം നൽകും. ഡാളസിലും പരിസര പ്രദേശങ്ങളിലുമുള്ള ഐ.പി.സി സഭാ ശുശ്രൂഷകന്മാരും സഭാ പ്രതിനിധികളും യോഗത്തിൽ സംബദ്ധിക്കും. നാഷണൽ പ്രതിനിധി ബ്രദർ ജോൺ വർഗീസ് ക്രമീകരണങ്ങൾക്ക് നേതൃത്വം നൽകും. നാഷണൽ കൺവീനർ പാസ്റ്റർ റോയ് വാകത്താനം, നാഷണൽ സെക്രട്ടറി ബ്രദർ രാജൻ ആര്യപ്പള്ളിൽ , നാഷണൽ ട്രഷറർ ബ്രദർ സാക്ക് ചെറിയാൻ, നാഷണൽ യൂത്ത് കോർഡിനേറ്റർ ബ്രദർ ജോമി ജോർജ്,…