മലപ്പുറം: നിലമ്പൂർ ഉപതിരഞ്ഞെടുപ്പിൽ തൃണമൂൽ കോൺഗ്രസ് സ്ഥാനാർത്ഥിയും മുൻ എംഎൽഎയുമായ പിവി അൻവറിന്റെ ആസ്തികള് വെളിപ്പെടുത്തി. നാമനിർദ്ദേശ പത്രികയ്ക്കൊപ്പം സമർപ്പിച്ച സത്യവാങ്മൂലത്തിലാണ് അൻവർ തന്റെ ആസ്തികളുടെ വിവരങ്ങള് വെളിപ്പെടുത്തിയിരിക്കുന്നത്. സ്ഥാവര- ജംഗമ സ്വത്തുക്കളുടെ ആകെ മൂല്യം 34.07 കോടി രൂപയാണ്. 20.60 കോടി രൂപയുടെ ബാധ്യതയുമുണ്ട്. കൈവശം 25,000 രൂപയുണ്ടെന്ന് സത്യവാങ്മൂലത്തിൽ പറയുന്നു. രണ്ട് ഭാര്യമാർക്കും 10,000 രൂപ വീതമുണ്ട്. ഓരോ ഭാര്യമാർക്കും 1.06 കോടി രൂപ വിലമതിക്കുന്ന 150 പവൻ ആഭരണങ്ങൾ ഉണ്ട്. അൻവറിന് 18.14 കോടി രൂപയുടെ ജംഗമ ആസ്തികളുണ്ട്. ബാങ്ക് വായ്പകളും മറ്റും ഉൾപ്പെടെ 20 കോടി രൂപയുടെ ബാധ്യതകൾ ഉണ്ടെന്നും സത്യവാങ്മൂലത്തിൽ പറയുന്നു. 2021 ൽ മത്സരിക്കുമ്പോൾ അദ്ദേഹത്തിന്റെ ജംഗമ ആസ്തികൾ 18.57 കോടി രൂപയായിരുന്നു. ബാധ്യത 16.94 കോടി രൂപയായിരുന്നു. നിലമ്പൂരിൽ സിറ്റിംഗ് എംഎൽഎയായ അൻവർ രാജിവച്ച ഒഴിവിലാണ് ഉപതെരഞ്ഞെടുപ്പ്…
അൻവറിന്റെ സത്യവാങ്മൂലം: ആസ്തി 34 കോടി രൂപയും ബാധ്യത 20 കോടി രൂപ
