ഡാളസ്: മാർത്തോമ്മാ സഭയുടെ ആഭിമുഖ്യത്തിൽ ലോകമെമ്പാടുമുള്ള ഇടവകകളിൽ ആചരിക്കുന്ന ലോക സൺഡേ സ്കൂൾ ദിനത്തിന്റെ ഭാഗമായി ഡാളസ് സെന്റ് പോൾസ് മാർത്തോമ്മാ പള്ളിയിലും വിവിധ പരിപാടികൾ സംഘടിപ്പിച്ചു. നോവമ്പര് 1 ഞായറാഴ്ച രാവിലെ സൺഡേ സ്കൂൾ വിദ്യാർത്ഥികൾ അണിനിരന്ന വർണാഭമായ റാലിയോടെയാണ് പരിപാടികൾക്ക് തുടക്കമായത്. ദേവാലയ പരിസരത്തുനിന്ന് ആരംഭിച്ച റാലിയിൽ ഇടവക വികാരി റവ രേജിന് രാജുവിന്റെ നേത്ര്വത്വത്തിൽ നിരവധി വിദ്യാർത്ഥികൾ പങ്കെടുത്തു. വിശ്വാസവും ഐക്യവും പ്രകടമാക്കിയ റാലിക്കുശേഷം വിദ്യാർത്ഥികൾ ദേവാലയത്തിലേക്ക് പ്രവേശിച്ചു. തുടർന്ന് നടന്ന വിശുദ്ധ കുർബാന ശുശ്രൂഷയിൽ സൺഡേ സ്കൂൾ വിദ്യാർത്ഥികൾ സജീവമായി പങ്കെടുത്തു. വിശുദ്ധ കുർബാനയോടനുബന്ധിച്ചുള്ള ഗാനശുശ്രൂഷയ്ക്കും വചന ശുശ്രുഷകും വിദ്യാർത്ഥികൾ നേതൃത്വം നൽകി. കുട്ടികളിൽ ക്രിസ്തീയ വിശ്വാസവും മൂല്യങ്ങളും വളർത്തുന്നതിനും ദൈവവചനത്തിൽ അധിഷ്ഠിതമായ ജീവിതത്തിന് അവരെ പ്രാപ്തരാക്കുന്നതിനും സൺഡേ സ്കൂൾ നൽകുന്ന സംഭാവനകൾ ഓർമിപ്പിക്കുന്നതായിരുന്നു ദിനാചരണം.
Year: 1 നവംബർ 2026
സാഹിത്യവേദി നവംബർ 6-ന്; മഹാകവി അക്കിത്തത്തിന്റെ ജന്മശതാബ്ദി വർഷത്തിൽ അദ്ദേഹത്തിന്റെ ഓർമ്മകൾ മകൻ പങ്കു വെക്കുന്നു
ഷിക്കാഗോ: സാഹിത്യവേദിയുടെ അടുത്ത സമ്മേളനം നവംബർ 6 വെള്ളിയാഴ്ച ഷിക്കാഗോ സമയം വൈകുന്നേരം 7:30 നു (ഇന്ത്യൻ സമയം ശനിയാഴ്ച രാവിലെ 7:00 മണിക്ക്) സൂം വെബ് കോൺഫറൻസ് വഴിയായി കൂടുന്നതാണ്. (Zoom Meeting Link https://us02web.zoom.us/j/81475259178 Passcode: 2990 Meeting ID: 814 7525 9178) ജ്ഞാനപീഠം പുരസ്കാര ജേതാവും ഇരുപതാം നൂറ്റാണ്ടിന്റെ ഇതിഹാസം എന്ന ഖണ്ഡകാവ്യത്തിലൂടെ മലയാളകവിതയിൽ ആധുനികതയുടെ വിത്ത് പാകുകയും ചെയ്ത മഹാകവി അക്കിത്തം അച്യുതൻ നമ്പൂതിരി ജനിച്ചത് 1926 മാർച്ച് 18-ന് പാലക്കാട് ജില്ലയിലെ കുമരനല്ലൂർ ഗ്രാമത്തിലാണ്. അദ്ദേഹത്തിന്റെ ജന്മശതാബ്ദി ആഘോഷിക്കുന്ന ഈ വർഷം അദ്ദേഹത്തിന്റെ മകനും പ്രശസ്ത ചിത്രകാരനുമായ വാസുദേവൻ അക്കിത്തം തന്റെ പിതാവിന്റെ ഓർമ്മകൾ നമ്മോടൊത്തു പങ്കുവക്കും. മറ്റു കുടുംബാംഗങ്ങളും ഈ കൂട്ടായ്മയിൽ പങ്കെടുക്കുന്നതാണ്. ശ്രീ വാസുദേവൻ അക്കിത്തം 1958-ൽ കുമരനല്ലൂരിൽ ജനിച്ചു. എം എസ് യൂണിവേഴ്സിറ്റി ഓഫ്…
കലിഫോർണിയയിൽ പെൺവാണിഭത്തിന് എത്തിയ 21 പേർ അറസ്റ്റിലായി
കലിഫോർണിയ:കലിഫോർണിയയിലെ പ്ലേസർ കൗണ്ടിയിൽ നടന്ന മനുഷ്യക്കടത്ത് വിരുദ്ധ പരിശോധനയിൽ പെൺവാണിഭത്തിന് എത്തിയ 21 പേർ അറസ്റ്റിലായി. പൊലീസ് ഉദ്യോഗസ്ഥരെ കണ്ട് ഓടിരക്ഷപ്പെടാൻ ശ്രമിച്ച പ്രതികളെയാണ് പിടികൂടിയത്. പ്ലേസർ കൗണ്ടി ഷെരീഫ് ഓഫീസിന്റെ നേതൃത്വത്തിൽ രണ്ട് ദിവസമായി നടത്തിയ രഹസ്യ പരിശോധനയിലാണ് ഇവർ പിടിയിലായത്. പിടിയിലായവരിൽ നാല് പേർക്ക് മയക്കുമരുന്ന് കൈവശം വെച്ചതിനും, ഒരാൾക്ക് അനധികൃതമായി തോക്ക് കൈവശം വെച്ചതിനും എതിരെ കേസെടുത്തിട്ടുണ്ട്. മനുഷ്യക്കടത്തും പെൺവാണിഭവും തടയുന്നതിന്റെ ഭാഗമായി സന്നദ്ധ സംഘടനകളുടെ സഹകരണത്തോടെ ബോധവൽക്കരണ പ്രവർത്തനങ്ങളും നടത്തിവരുന്നതായി അധികൃതർ അറിയിച്ചു.
ബിഷപ്പ് എബ്രഹാം മാർ ജൂലിയോസിന്റെ 41-ാം ചരമദിനാചരണം ഹൂസ്റ്റണിൽ ഭക്തിനിർഭരമായി
ഹൂസ്റ്റൺ: മലങ്കര കത്തോലിക്കാ സഭയുടെ മൂവാറ്റുപുഴ രൂപതയുടെ രണ്ടാമത്തെ മെത്രാനായിരുന്ന അഭിവന്ദ്യ ബിഷപ്പ് എബ്രഹാം മാർ ജൂലിയോസിന്റെ 41-ാം ചരമദിനാചരണം ഹൂസ്റ്റണിലെ സെന്റ് പീറ്റേഴ്സ് മലങ്കര കത്തോലിക്കാ ദേവാലയത്തിൽ ഭക്തിനിർഭരമായ ചടങ്ങുകളോടെ ആചരിച്ചു. മോൺസിഞ്ഞോർ പീറ്റർ കൊച്ചേരി കോർ എപ്പിസ്കോപ്പ, റവ. ഫാ. ജോസ് തറയിൽ, ഇടവക വികാരി റവ. ഡോ. ബിന്നി ഫിലിപ്പ് എന്നിവർ ചേർന്ന് വിശുദ്ധ കുർബാന അർപ്പിച്ചു. ദിവ്യബലി മധ്യേയുള്ള വചനസന്ദേശത്തിൽ മോൺസിഞ്ഞോർ പീറ്റർ കൊച്ചേരി കോർ എപ്പിസ്കോപ്പ, നവംബർ ഒന്നിന് സഭ ആചരിക്കുന്ന സർവവിശുദ്ധരുടെയും തിരുനാളിന്റെ (All Saints’ Day) പ്രാധാന്യത്തെക്കുറിച്ച് വിശദീകരിച്ചു. അതോടൊപ്പം സഭയുടെ വിശുദ്ധീകരണത്തെക്കുറിച്ചും അദ്ദേഹം പ്രത്യേകം പരാമർശിച്ചു. ക്രിസ്തുവിന്റെ ശരീരമായ സഭയുടെ വിശുദ്ധിയും ദൗത്യവും ഓരോ വിശ്വാസിയും ജീവിതത്തിൽ ഉൾക്കൊള്ളണമെന്ന് അദ്ദേഹം ഉദ്ബോധിപ്പിച്ചു. ക്രിസ്തുവിന്റെ ജനനത്തെ അനുസ്മരിക്കുന്ന മംഗളവാർത്താക്കാലത്തിലേക്ക് പ്രവേശിക്കുന്നതിനുമുമ്പ് ആത്മീയ ശുദ്ധീകരണത്തിനും വിശ്വാസജീവിതത്തിന്റെ നവീകരണത്തിനും സഭ നൽകുന്ന പ്രാധാന്യവും…
ഡാലസിൽ കേരള ലിറ്റററി സൊസൈറ്റിയുടെ കേരളപ്പിറവി ആഘോഷം വർണ്ണാഭമായി
ഡാലസ്: കേരള ലിറ്റററി സൊസൈറ്റിയുടെ ആഭിമുഖ്യത്തിൽ 2026 നവംബർ 1 ഞായറാഴ്ച വൈകിട്ട് 3.30 മുതൽ കേരളപ്പിറവി ആഘോഷം വിപുലമായ പരിപാടികളോടെ സംഘടിപ്പിച്ചു. വൈകിട്ട് 3.30-ന് ചായയും പരിപ്പുവടയും വിതരണം ചെയ്തു സൗഹൃദം പുതുക്കിക്കൊണ്ട് പരിപാടികൾക്ക് തുടക്കമായി. തുടർന്ന് 4.00 മണിക്ക് കേരളപ്പിറവി പൊതുയോഗം ആരംഭിച്ചു. കേരള ലിറ്റററി സൊസൈറ്റി വൈസ് പ്രസിഡന്റ് പി. പി. ചെറിയാൻ സ്വാഗതം ആശംസിച്ചു. പ്രസിഡന്റ് അനശ്വരം മാമ്പിള്ളി ചടങ്ങിന് അധ്യക്ഷത വഹിച്ചു. സണ്ണി വെയിൽ മേയർ സജി ജോർജ് മുഖ്യ സന്ദേശം നൽകി. ലാന പ്രസിഡന്റ് സാമുവൽ യോഹന്നാൻ, കെ.എ.ഡി പ്രസിഡന്റ് ഷിജു എബ്രഹാം, ജോസ് ഓച്ചാലിൽ, ജോസൻ ജോർജ്ജ്, സി. വി. ജോർജ്ജ്, സിജു വി. ജോർജ്ജ്, സാറ ചെറിയാൻ, റോസമ്മ ജോർജ്ജ് എന്നിവർ ആശംസ സന്ദേശങ്ങൾ അർപ്പിച്ചു. ആഘോഷപരിപാടികളുടെ ഭാഗമായി വിവിധ കലാപരിപാടികൾ അരങ്ങേറി: ഉഷാ നായർ,…
ഇടക്കാല തിരഞ്ഞെടുപ്പിന് പിന്നാലെ ഇറാനെതിരെ വൻ സൈനിക ആക്രമണത്തിന് അമേരിക്ക തയ്യാറെടുക്കുന്നുവോ? ട്രംപിന്റെ നീക്കങ്ങളെക്കുറിച്ച് നിർണായക റിപ്പോർട്ടുകൾ; ആരോപണങ്ങൾ തള്ളി വൈറ്റ് ഹൗസ്
വാഷിംഗ്ടണ്: അമേരിക്കയും ഇറാനും തമ്മിലുള്ള സംഘർഷം വീണ്ടും രൂക്ഷമാകുമെന്ന ആശങ്കകൾക്കിടെ, യുഎസ് ഇടക്കാല തിരഞ്ഞെടുപ്പിന് പിന്നാലെ ഇറാനെതിരെ വൻ സൈനിക നടപടി സ്വീകരിക്കാൻ പ്രസിഡന്റ് ഡൊണാൾഡ് ട്രംപ് ആലോചിക്കുന്നതായി റിപ്പോർട്ടുകൾ. ഇറാനെ ലക്ഷ്യമിട്ട് പരിമിതമായ കാലയളവിൽ ശക്തമായ സൈനിക ആക്രമണം നടത്താനുള്ള സാധ്യതകൾ അമേരിക്കൻ ഭരണകൂടം പരിശോധിക്കുന്നുണ്ടെന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്. എന്നാൽ, തിരഞ്ഞെടുപ്പ് ഫലങ്ങളുടെ അടിസ്ഥാനത്തിൽ ഇറാനെതിരായ അമേരിക്കയുടെ നയത്തിലോ സൈനിക തീരുമാനങ്ങളിലോ മാറ്റമുണ്ടാകുമെന്ന പ്രചാരണം വൈറ്റ് ഹൗസ് തള്ളിക്കളഞ്ഞിട്ടുണ്ട്. അമേരിക്കയിലെ ഇടക്കാല തിരഞ്ഞെടുപ്പിന്റെ പശ്ചാത്തലത്തിലാണ് ഇറാനെതിരായ സൈനിക നീക്കങ്ങളെക്കുറിച്ചുള്ള റിപ്പോർട്ടുകൾ പുറത്തുവരുന്നത്. തിരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് തിരിച്ചടി നേരിട്ടാൽ ട്രംപ് ഇറാനെതിരെ കൂടുതൽ കടുത്ത നിലപാട് സ്വീകരിച്ചേക്കാമെന്നാണ് ചില യുഎസ് ഉദ്യോഗസ്ഥരെ ഉദ്ധരിച്ചുള്ള റിപ്പോർട്ടുകൾ സൂചിപ്പിക്കുന്നത്. അതേസമയം, ഇറാനെതിരായ സൈനിക നടപടിയെക്കുറിച്ച് അന്തിമ തീരുമാനമെടുത്തതായി ഔദ്യോഗിക സ്ഥിരീകരണമില്ല. ആക്സിയോസ് പുറത്തുവിട്ട റിപ്പോർട്ടിലാണ് ഇറാനെതിരായ…
‘അവിടെ കാശ് കൊടുക്കുന്നു, ഇവിടെ ദോശ ചുടുന്നു’; വോട്ടര്മാരെ കൈയ്യിലെടുക്കാന് ഇന്ത്യയിലെയും അമേരിക്കയിലേയും രാഷ്ട്രീയ നേതാക്കളുടെ വ്യത്യസ്ഥ സമീപനം
അമേരിക്കയിലെ ഇടക്കാല തിരഞ്ഞെടുപ്പ് അടുത്തു വരുന്നതിനിടെ ഇന്ത്യൻ-അമേരിക്കൻ വോട്ടർമാരുടെ പിന്തുണ ഉറപ്പാക്കാൻ വ്യത്യസ്തമായ പ്രചാരണ തന്ത്രങ്ങളുമായി രാഷ്ട്രീയ നേതാക്കൾ രംഗത്തെത്തിക്കഴിഞ്ഞു. പരമ്പരാഗത തിരഞ്ഞെടുപ്പ് റാലികൾക്കും പ്രസംഗങ്ങൾക്കും പുറമെ ഇന്ത്യൻ സംസ്കാരത്തോടും ഭക്ഷണരീതികളോടും മതവിശ്വാസങ്ങളോടും അടുത്തു നിൽക്കുന്ന പ്രവർത്തനങ്ങളിലൂടെയാണ് സ്ഥാനാർത്ഥികൾ വോട്ടർമാരുടെ മനസ്സിൽ ഇടംനേടാൻ ശ്രമിക്കുന്നത്. ചിലർ ഇന്ത്യൻ റസ്റ്റോറന്റുകളിൽ നേരിട്ടെത്തി ദോശ ചുട്ട് വിളമ്പുമ്പോൾ മറ്റു ചിലരാകട്ടേ ഹിന്ദു ക്ഷേത്രങ്ങൾ സന്ദർശിക്കുകയും ദീപാവലി ഉൾപ്പടെയുള്ള ആഘോഷങ്ങളിൽ സജീവമായി പങ്കെടുക്കുകയും ചെയ്യുന്നു. അമേരിക്കൻ രാഷ്ട്രീയത്തിൽ ഇന്ത്യൻ വംശജരുടെ വർധിച്ചുവരുന്ന സ്വാധീനമാണ് ഇത്തരം പ്രചാരണങ്ങൾക്ക് പിന്നിലെ പ്രധാന ഘടകം. അതേസമയം, ഇന്ത്യയിലാകട്ടേ വോട്ടർമാരെ സ്വാധീനിക്കാന് വിവിധ രാഷ്ട്രീയ പാർട്ടികൾ കോടിക്കണക്കിന് രൂപയാണ് ജനങ്ങള്ക്കിടയില് വിതരണം ചെയ്യുന്നത്. ഇന്ത്യൻ തിരഞ്ഞെടുപ്പ് രാഷ്ട്രീയത്തിൽ പണത്തിന്റെ സ്വാധീനം അനുദിനമാണ് വര്ധിച്ചു വരുന്നത്. വോട്ടർമാരെ സ്വാധീനിക്കാനും അധികാരം നിലനിർത്താനും എന്തും ചെയ്യാമെന്ന അവസ്ഥയിലാണ് ഇന്ത്യന് രാഷ്ട്രീയം.…
സ്തനാർബുദ ബോധവൽക്കരണ സെമിനാർ സംഘടിപ്പിച്ച് വേൾഡ് മലയാളി കൗൺസിൽ അമേരിക്ക റീജിയൻ വനിതാ ഫോറം
വാഷിംഗ്ടൺ: സ്ത്രീകളുടെ ആരോഗ്യസംരക്ഷണത്തിനും സ്തനാർബുദത്തെക്കുറിച്ചുള്ള അവബോധം വർധിപ്പിക്കുന്നതിനും ലക്ഷ്യമിട്ട് വേൾഡ് മലയാളി കൗൺസിൽ (WMC) അമേരിക്ക റീജിയൻ വനിതാ ഫോറത്തിന്റെ 2026–2028 നേതൃത്വത്തിൽ സ്തനാർബുദ ബോധവൽക്കരണ സെമിനാർ സംഘടിപ്പിച്ചു. “Breast Cancer Awareness: Beyond Healthy Habits, Towards Early Detection” എന്ന വിഷയത്തിൽ ഒക്ടോബർ 31 ശനിയാഴ്ച സൂം പ്ലാറ്റ്ഫോമിലൂടെ സംഘടിപ്പിച്ച സെമിനാറിൽ വിവിധ മേഖലകളിൽ നിന്നുള്ള വിദഗ്ധർ പങ്കെടുത്ത് ആരോഗ്യപരവും മാനസികവുമായ വിവിധ വശങ്ങൾ ചർച്ച ചെയ്തു. കോട്ടയം കാരിത്താസ് ആശുപത്രിയിലെ സീനിയർ റേഡിയേഷൻ ഓങ്കോളജിസ്റ്റ് ഡോ. ജെന്നി ജോസഫ് (MBBS, DMRT) മുഖ്യപ്രഭാഷണം നടത്തി. സ്തനാർബുദം നേരത്തേ കണ്ടെത്തേണ്ടതിന്റെ പ്രാധാന്യം, രോഗലക്ഷണങ്ങൾ തിരിച്ചറിയൽ, സ്വയംപരിശോധനയുടെയും കൃത്യമായ മെഡിക്കൽ സ്ക്രീനിങ്ങിന്റെയും പ്രസക്തി, ആധുനിക രോഗനിർണയ-ചികിത്സാ രീതികൾ എന്നിവയെക്കുറിച്ച് അവർ വിശദമായി സംസാരിച്ചു. ആരോഗ്യകരമായ ജീവിതശൈലിക്കൊപ്പം കൃത്യമായ പരിശോധനകളും രോഗനിർണയത്തിലെ കാലതാമസം ഒഴിവാക്കലും അത്യന്താപേക്ഷിതമാണെന്ന് അവർ…
കൊച്ചിൻ കാൻസർ റിസർച്ച് സെന്ററിന്റെ പത്താം വാർഷികാഘോഷങ്ങൾക്ക് പ്രൗഢഗംഭീരമായ തുടക്കം; മുഖ്യമന്ത്രി വി.ഡി. സതീശൻ ഉദ്ഘാടനം ചെയ്തു
കൊച്ചി: കേരളത്തിലെ കാൻസർ ചികിത്സാ-ഗവേഷണ രംഗത്ത് ശ്രദ്ധേയമായ സംഭാവനകൾ നൽകിവരുന്ന കൊച്ചിൻ കാൻസർ റിസർച്ച് സെന്ററിന്റെ (CCRC) പത്താം വാർഷികാഘോഷങ്ങൾക്ക് പ്രൗഢഗംഭീരമായ തുടക്കം. ഒക്ടോബര് 31-ന് സംഘടിപ്പിച്ച വാർഷികാഘോഷ ചടങ്ങുകൾ മുഖ്യമന്ത്രി വി.ഡി. സതീശൻ ഉദ്ഘാടനം ചെയ്തു. സ്ഥാപനത്തിന്റെ പത്തു വർഷത്തെ പ്രവർത്തനങ്ങളും നേട്ടങ്ങളും അടയാളപ്പെടുത്തുന്ന സുവനീറിന്റെ പ്രകാശനവും മുഖ്യമന്ത്രി നിർവഹിച്ചു. ആരോഗ്യവകുപ്പ് മന്ത്രി കെ. മുരളീധരൻ അധ്യക്ഷത വഹിച്ച ചടങ്ങിൽ ഫിഷറീസ് വകുപ്പ് മന്ത്രി വി.ഇ. അബ്ദുൾ ഗഫൂർ മുഖ്യാതിഥിയായി പങ്കെടുത്തു. മത്സ്യത്തൊഴിലാളികൾക്കിടയിൽ വായിലെ കാൻസർ നേരത്തേ കണ്ടെത്തുന്നതിനും പ്രതിരോധ ബോധവത്കരണം ശക്തിപ്പെടുത്തുന്നതിനുമായി ആവിഷ്കരിച്ച പ്രത്യേക കാൻസർ പരിശോധനാ പരിപാടിയുടെ പ്രഖ്യാപനം ഫിഷറീസ് മന്ത്രി നിർവഹിച്ചു. തീരദേശ മേഖലയിലെ ജനങ്ങൾക്ക് കാൻസർ പരിശോധനയും തുടർചികിത്സയും കൂടുതൽ പ്രാപ്യമാക്കുകയെന്ന ലക്ഷ്യത്തോടെയാണ് പദ്ധതി നടപ്പാക്കുന്നത്. 2016 നവംബർ ഒന്നിന് എറണാകുളം ഗവൺമെന്റ് മെഡിക്കൽ കോളേജിലെ താൽക്കാലിക കെട്ടിടത്തിൽ പ്രവർത്തനം…
പത്മശ്രീ ചെറുവയൽ രാമന്റെ പേരിൽ മികച്ച കർഷകർക്ക് അവാർഡ് നൽകും: പ്രവാസി വെൽഫെയർ വയനാട് ജില്ലാ കമ്മിറ്റി
ദോഹ: ഖത്തറില് കാര്ഷിക രംഗത്ത് മികവ് കാട്ടുന്ന മലയാളി കർഷകരെ തെരഞ്ഞെടുത്ത് എല്ലാവര്ഷവും ചിങ്ങ മാസത്തില് പത്മശ്രീ ചെറുവയൽ രാമന്റെ നാമധേയത്തില് പുരസ്കാരം നല്കി ആദരിക്കാന് പ്രവാസി വെൽഫെയർ വയനാട് ജില്ലാ കമ്മിറ്റി തീരുമാനിച്ചു. വയനാട് ജില്ലാ കമ്മിറ്റിയുടെ ആഭിമുഖ്യത്തിൽ നടന്ന പത്മശ്രീ ചെറുവയൽ രാമൻ അനുസ്മരണ സദസ്സിൽ ആണ് ഭാരവാഹികൾ ഈ കാര്യം അറിയിച്ചത്. അനുസ്മരണ പരിപാടിയിൽ പ്രവാസി വെൽഫെയർ സംസ്ഥാന പ്രസിഡണ്ട് ആർ ചന്ദ്രമോഹൻ അനുസ്മരണ പ്രഭാഷണം നടത്തി. കർഷകരെ ചൂഷണം ചെയ്യുകയും കർഷകരുടെ ആവശ്യങ്ങളെ തിരസ്കരിക്കുകയും ചെയ്യുന്ന സമകാലിക സാഹചര്യത്തിൽ, രാമനെപ്പോലുള്ള കർഷകരുടെ അനുസ്മരണം ഏറെ സാമൂഹിക പ്രസക്തിയുള്ളതാണെന്ന് അദ്ദേഹം ചൂണ്ടിക്കാട്ടി. കേരള സർക്കാർ അദ്ദേഹത്തിന്റെ പേരിൽ അവാർഡ് പ്രഖ്യാപിക്കണമെന്നും പരമാവധി ജൈവകർഷകരെ പ്രോത്സാഹിപ്പിക്കാനുള്ള നടപടികൾ സ്വീകരിക്കണമെന്നും അദ്ദേഹം ആവശ്യപ്പെട്ടു. ചെറുവയൽ രാമൻ വിസ്മൃതിയിലേക്ക് ആണ്ടു പോകാതെ അദ്ദേഹത്തിന്റെ ഓർമ്മകൾ എന്നും നിലനിർത്തിക്കൊണ്ട്…
