Year: 2022

കോട്ടയം: വനമേഖലകളുടെ സംരക്ഷണത്തിനായി കര്‍ഷകരുടെ കൃഷിഭൂമി കയ്യേറി ബഫര്‍സോണ്‍ അനുവദിക്കാനാവില്ലെന്നും ബഫര്‍സോണ്‍ വനത്തിനുള്ളില്‍ മാത്രമായി നിജപ്പെടുത്തി വനാതിര്‍ത്തി പുനര്‍നിര്‍ണ്ണയിക്കുകയാണ് വേണ്ടതെന്നും ഇന്‍ഫാം ദേശിയ സെക്രട്ടറി ജനറല്‍ ഷെവലിയര്‍ അഡ്വ.വി.സി.സെബാസ്റ്റ്യന്‍ ആവശ്യപ്പെട്ടു. ജനവാസമേഖലകളെയും കൃഷിയിടങ്ങളെയും കൈവശഭൂമിയേയും ബഫര്‍സോണായി കണക്കാക്കി കര്‍ഷകരുള്‍പ്പെടെ മലയോരജനതയുടെ ജീവിതത്തിനു വെല്ലുവിളിയുയര്‍ത്തുന്ന സുപ്രീം കോടതി വിധി രാജ്യത്തുടനീളം വന്‍ പ്രത്യാഘാതങ്ങളുണ്ടാക്കും. വനവല്‍ക്കരണത്തിന്റെ മറവില്‍ കര്‍ഷകഭൂമി കയ്യേറാന്‍ ആരെയും അനുവദിക്കില്ല. സുപ്രീം കോടതി വിധി വനാതിര്‍ത്തിക്ക് പുറത്തേയ്ക്ക് പരിസ്ഥിതി ലോലമേഖല വ്യാപിപ്പിക്കാനുള്ള നിര്‍ദ്ദേശമായി വ്യാഖ്യാനിച്ച് ഉദ്യോഗസ്ഥ ഇടപെടലുകളുണ്ടായാല്‍ എന്തുവിലകൊടുത്തും കര്‍ഷകര്‍ എതിര്‍ക്കും. വനവും വന്യജീവികളേയും സംരക്ഷിക്കുവാന്‍ നിയമങ്ങള്‍ സൃഷ്ടിക്കുന്നവരും ഉത്തരവുകളിറക്കുന്നവരും നീതിനിര്‍വ്വഹണ സംവിധാനങ്ങളും കൃഷിഭൂമിയില്‍ ജീവിക്കാന്‍വേണ്ടി കഷ്ടപ്പെടുന്ന കര്‍ഷകരെ ബലിയാടാക്കുന്നത് അപലപനീയമാണ്. ഖനനവും വന്‍കിട ഫാക്ടറികളും കര്‍ഷകരുടേതല്ല. ഖനനമാഫിയകള്‍ സംരക്ഷിത വനമേഖലകളിലുണ്ടെങ്കില്‍ വനംവകുപ്പിന്റെയും രാഷ്ട്രീയ ഭരണനേതൃത്വങ്ങളുടെയും ഒത്താശയോടെയാണിവര്‍ പ്രവര്‍ത്തിക്കുന്നത്. ഖനനമാഫിയകളുടെയും വനം വന്യജീവി സംരക്ഷണത്തിന്റെയും മറവില്‍ കര്‍ഷകരെ…

കൊച്ചി: കേരള നിയമസഭയിൽ ‘സെഞ്ച്വറി’ നേടാമെന്ന എൽഡിഎഫിന്റെ തകർപ്പൻ പ്രതീക്ഷകൾ തകർത്താണ് തൃക്കാക്കര ഉപതെരഞ്ഞെടുപ്പിൽ യു ഡി എഫിലെ ഉമാ തോമസ് 25,016 വോട്ടിന്റെ റെക്കോർഡ് വിജയം നേടിയത്. ഇതോടെ, 2011ൽ മണ്ഡലം രൂപീകരിച്ചതിന് ശേഷം തൃക്കാക്കരയിൽ യുഡിഎഫ് ഇതുവരെ തോറ്റിട്ടില്ല – 2021ലെ നിയമസഭയിലെ തോൽവിക്ക് ശേഷം കോൺഗ്രസിന് പുതിയ ഊർജം പകരുന്ന വോട്ടെടുപ്പ്. മണ്ഡലത്തിന് ഗുണകരമെന്ന് മുന്നണി വിലയിരുത്തിയ സിൽവർ ലൈൻ അതിവേഗ റെയിൽ പദ്ധതിക്കും ‘ക്യാപ്റ്റൻ’ മുഖ്യമന്ത്രി പിണറായി വിജയനിലൂടെ മുന്നണിയുടെ വൻ പ്രചാരണം അഴിച്ചുവിട്ടതും എൽഡിഎഫിന് തിരിച്ചടിയായി. എന്നാൽ, തെരഞ്ഞെടുപ്പ് ഫലം വന്നയുടൻ മുഖ്യമന്ത്രി പ്രചാരണത്തിന് നേതൃത്വം നൽകിയെന്ന വാർത്ത സിപിഎം ജില്ലാ നേതൃത്വം നിഷേധിച്ചു. ഉമയുടെ വിജയ മാർജിൻ 2011 ലെ നിയമസഭാ തിരഞ്ഞെടുപ്പിൽ ബെന്നി ബഹനാന്റെ 22,313-നെ മറികടന്ന് മണ്ഡലത്തിലെ ഏറ്റവും ഉയർന്ന വിജയമാണ്. 2021ൽ പി.ടി.യുടെ വിജയ…

തിരുവനന്തപുരം: ബസ് ജീവനക്കാര്‍ വിദ്യാര്‍ത്ഥികളെ ബസ്സില്‍ കയറാന്‍ അനുവദിച്ചില്ലെങ്കില്‍ ബസ്സുടമകള്‍ക്കെതിരെ കടുത്ത നടപടിയെടുക്കുമെന്ന് മോട്ടോർ വാഹന വകുപ്പ് അറിയിച്ചു. വിദ്യാർഥികൾക്ക് കൺസഷൻ നിഷേധിക്കുക, ഇരിക്കാൻ അനുവദിക്കാതിരിക്കുക തുടങ്ങിയ പരാതികൾ വര്‍ദ്ധിച്ചതിനാലാണ് ഈ നടപടി. പോലീസും മോട്ടോർ വാഹന വകുപ്പും ബസുകളിൽ പരിശോധന ശക്തമാക്കിയിട്ടുണ്ട്. ബസ് ജീവനക്കാരുടെ ഭാഗത്ത് നിന്ന് മോശം അനുഭവങ്ങൾ ഉണ്ടായാൽ വിദ്യാര്‍ത്ഥികള്‍ക്ക് പരാതി നല്‍കാമെന്നും അധികൃതര്‍ അറിയിച്ചു. സ്‌റ്റോപ്പില്‍ വിദ്യാര്‍ഥികളെ കണ്ടാല്‍ ഡബിള്‍ ബെല്ലടിച്ച്‌ പോവുക, ബസില്‍ കയറ്റാതിരിക്കുക, കയറിയാല്‍ മോശമായി പെരുമാറുക, കണ്‍സെഷന്‍ ആവശ്യപ്പെടുമ്പോൾ അപമാനിക്കുക, ശാരീരികമായി ഉപദ്രവിക്കുക തുടങ്ങിയ സംഭവങ്ങളുണ്ടായാല്‍ വിദ്യാര്‍ഥികള്‍ക്ക് മോട്ടോര്‍ പൊലീസിലോ വാഹന വകുപ്പിലോ പരാതി നല്‍കാമെന്നും, പരാതി ലഭിച്ചാല്‍ കേസ് ഫയല്‍ ചെയ്യുമെന്നും അധികൃതര്‍ അറിയിച്ചു.

ഹൂസ്റ്റൺ: തൃക്കാക്കര ഉപതെരഞ്ഞെടുപ്പിൽ 25000 ൽ പരം വോട്ടുകളുടെ ഭൂരിപക്ഷത്തോടെ ഉജ്ജ്വല വിജയം കരസ്ഥമാക്കിയ ഉമാ തോമസിൻെറ വിജയം ആഘോഷിക്കുന്നതിന് ഒരു വിജയാഹ്ളാദ സമ്മേളനം ഹൂസ്റ്റണിൽ വച്ച് നടത്തപ്പെടുന്നു. കെപിസിസിയുടെ നേരിട്ടുള്ള നിയന്ത്രണത്തിൽ പ്രവർത്തിക്കുന്ന ഓവർസീസ് ഇന്ത്യൻ കൾച്ചറൽ കോൺഗ്രസിന്റെ (ഒഐസിസി യുഎസ്എ) ഹൂസ്റ്റൺ ചാപ്റ്ററിന്റെ നേതൃത്വത്തിലാണ് സമ്മേളമാ ക്രമീകരിച്ചിരിക്കുന്നത്. സ്റ്റാഫോർഡിൽ ഡെലിഷിയസ് കേരളാ കിച്ചൺ റെസ്റ്റോറന്റിൽ (732, Murphy Road, Stafford, TX 77477) വച്ച് ജൂൺ 5 ഞായറാഴ്ച വൈകുന്നേരം 4:30 നു ആരംഭിക്കുന്ന സമ്മേളനത്തിൽ ഹൂസ്റ്റണിലെ ഒഐസിസി യുഎസ്എ ചെയർമാൻ ജെയിംസ് കൂടൽ, പ്രസിഡണ്ട് ബേബി മണക്കുന്നേൽ, ജനറൽ സെക്രട്ടറി ജീമോൻ റാന്നി, മറ്റു കോൺഗ്രസ്, യുഡിഎഫ് നേതാക്കൾ, സാമൂഹ്യ സാംസ്‌കാരിക നേതാക്കൾ തുടങ്ങിയവർ സംബന്ധിക്കുന്നതാണ്. തൃക്കാക്കര ഉപതെരഞ്ഞെടുപ്പ് പ്രഖ്യാപിച്ച സമയം മുതൽ ഉമ തോമസിന്റെ വിജയത്തിനുവേണ്ടി വിവിധ രീതികളിൽ സഹായിക്കുന്നതിന്ന് ഒഐസിസി…

ഡാളസ്: കറ്റാനം കട്ടച്ചിറ നെടിയത്ത് പുന്തലതറയിൽ റിട്ട. കേരളാ പോലീസ് സബ് ഇൻസ്‌പെക്ടർ എൻ.എൻ ശാമുവേൽ (89) നിര്യാതനായി. തൃശൂർ കാവുങ്കൽ കുടുംബാംഗം അന്നമ്മ ശാമുവേൽ ആണ് സഹധർമ്മിണി. മക്കൾ: സുബി റെജി (ഏഴംകുളം), ബിനു ശാമുവേൽ (ഡാളസ് കരോൾട്ടൺ മാർത്തോമ്മാ ഇടവകാംഗം, ഒഐസിസി അമേരിക്ക സതേൺ റീജിയണൽ കമ്മറ്റി അംഗം). മരുമക്കൾ: പരേതനായ റെജി ബേബി, മറിയാമ്മ ബിനു. കൊച്ചുമക്കൾ: ജിൻസു, സോജൻ, ബിയ, ബ്ലിസ്. സംസ്കാരം ജൂൺ 7 ചൊവ്വാഴ്ച രാവിലെ 10.30ന് കറ്റാനം മാർത്തോമ്മ പള്ളി സെമിത്തേരിയിൽ. ചടങ്ങുകൾ www.tinyurl.com/nnsamuel എന്ന ലിങ്കിൽ ദർശിക്കാവുന്നതാണ്. കൂടുതൽ വിവരങ്ങൾക്ക് : ബിനു ശാമുവേൽ 972 626 2160.