Year: 2022

ന്യൂജേഴ്‌സി: ടെക്സാസിലെ യുവാൽഡിയയിലെ പ്രൈമറി സ്കൂളിൽ വെടിയേറ്റ് മരിച്ച 19 കുട്ടികൾക്ക് അമേരിക്കയിലെ ക്നാനായ റീജിയണിലെ ചെറുപുഷ്‌പ മിഷൻ ലീഗ് അംഗങ്ങൾ പ്രാത്ഥനകൾ അർപ്പിച്ചു. ഈ കഴിഞ്ഞ ഞായറാഴ്ച ക്നാനായ റീജിയണിലെ വിവിധ ഇടവകളിൽ മിഷൻ ലീഗിന്റെ ആഭിമുഖ്യത്തിൽ പരേതർക്കു വേണ്ടി മെഴിത്തിരികൾ തെളിച്ചു പ്രത്യേക പ്രാത്ഥന ശുശൂഷകൾ നടത്തി. ന്യൂ ജേഴ്‌സി ക്രൈസ്റ്റ് ദി കിംഗ് ക്‌നാനായ കത്തോലിക്കാ പള്ളിയിലേയും ഫിലാഡൽഫിയ ക്‌നാനായ കത്തോലിക്കാ മിഷനിലെയും പ്രാത്ഥന ശുശൂഷകൾക്ക് മിഷൻ ലീഗ് റീജിയണൽ ഡയറക്ടർ ഫാ. ബിൻസ് ചേത്തലിൽ നേതൃത്വം നൽകി.

വാഷിംഗ്ടണ്‍:  റഷ്യന്‍ – യുക്രെയിന്‍ യുദ്ധം അനിശ്ചിതമായി തുടരുന്നതിനിടയില്‍ അമേരിക്ക 40 മുതല്‍ 300 മൈല്‍ വരെ അനായാസം തൊടുത്തു വിടാവുന്ന ഏറ്റവും ഉയര്‍ന്ന സാങ്കേതിക വിദ്യ ഉള്‍ക്കൊള്ളുന്ന പ്രിസിഷന്‍ റോക്കറ്റുകള്‍ യുക്രെയിന് നല്‍കുമെന്ന് മെയ് 31 ന് പ്രസിദ്ധീകരിച്ച റിപ്പോര്‍ട്ടില്‍ ചൂണ്ടികാണിക്കുന്നു . ഇത്തരം റോക്കറ്റുകള്‍ യുക്രെയിന്‍ അതിര്‍ത്തിയില്‍ മാത്രം ഉപയോഗിക്കണമെന്നും റഷ്യയെ ലക്ഷ്യം വെക്കരുതെന്നും അമേരിക്ക കര്‍ശ്ശന നിര്‍ദേശം നല്‍കിയിട്ടുണ്ട് . ജനാധിപത്യ, സ്വതന്ത്ര രാഷ്ട്രമായി യുക്രെയിനെ കാണണമെന്നാണ് അമേരിക്ക ആഗ്രഹിക്കുന്നത് . മാത്രമല്ല റഷ്യന്‍ അധിനിവേശത്തെ ചെറുത്തു തോല്‍പ്പിക്കണമെന്നും അമേരിക്ക ആഗ്രഹിക്കുന്നു . ഈ ലക്ഷ്യം നിറവേറ്റുന്നതിനാണ്  യുക്രെയിനെ സഹായിക്കുന്നതെന്നും അമേരിക്ക തുറന്നു സമ്മതിക്കുന്നു . യുക്രെയിന്‍ – റഷ്യന്‍ യുദ്ധം ഒരു ന്യുക്ലിയര്‍ വാറിലേക്ക് നയിക്കുമോ എന്നും അമേരിക്ക ഭയപ്പെടുന്നു . റഷ്യ ന്യുക്ലിയര്‍ ആയുധങ്ങള്‍ യുക്രെയിന് നേരെ ഉപയോഗിക്കുകയില്ല എന്നാണ്…

വാഷിംഗ്ടണ്‍ : പ്രസിഡന്റ് ജോ ബൈഡൻ എല്ലാ കൈത്തോക്കുകളുടെയും നിരോധനത്തെ പിന്തുണയ്ക്കുന്നില്ലെന്നും, എന്നാൽ ആക്രമണ ആയുധങ്ങളുടെയും ഉയർന്ന മാരക ശേഷിയുള്ള മാസികകളുടെയും വിൽപ്പന നിരോധിക്കുന്നതിനെയും, പശ്ചാത്തല പരിശോധനകള്‍ കര്‍ശനമാക്കുന്നതിനേയും പിന്തുണയ്‌ക്കുന്നതായും യുഎസ് പ്രസ് സെക്രട്ടറി കരീൻ ജീൻ പിയറി ചൊവ്വാഴ്ച വൈറ്റ് ഹൗസ് പത്രസമ്മേളനത്തിൽ പറഞ്ഞു. കാനഡ അടുത്തിടെ കൈത്തോക്ക് വിൽപ്പന മരവിപ്പിച്ചതിനെത്തുടർന്ന് അമേരിക്കയും അത് പരിഗണിക്കുമോ എന്ന മാധ്യമ പ്രവർത്തകന്റെ ചോദ്യത്തിന് മറുപടി പറയുകയായിരുന്നു പ്രസ് സെക്രട്ടറി. ആക്രമണ രീതിയിലുള്ള ആയുധങ്ങളും ഉയർന്ന ശേഷിയുള്ള മാസികകളും നിരോധിക്കുന്നതിന് ബൈഡൻ പിന്തുണ നൽകുമെന്ന് ജീൻ-പിയറി പറഞ്ഞു. എന്നാൽ, “എല്ലാ കൈത്തോക്കുകളുടെയും വിൽപ്പന നിരോധിക്കുന്നതിനെ അദ്ദേഹം പിന്തുണയ്ക്കുന്നില്ല.” പുനരുജ്ജീവിപ്പിച്ച തോക്ക് ചർച്ചകൾക്കിടയിൽ കോൺഗ്രസ് നടപടിയെ പ്രോത്സാഹിപ്പിക്കുന്നതിന് ബൈഡന്‍ എന്ത് നടപടികളാണ് സ്വീകരിക്കുന്നതെന്ന് ജീൻ-പിയറോട് ആവർത്തിച്ച് ചോദിച്ചു. കോൺഗ്രസിലെ പ്രധാന അംഗങ്ങളുമായി അടുത്ത ബന്ധം പുലർത്തുന്ന ഒരു ടീം വൈറ്റ്…

മലപ്പുറം: മൈക്രോവേവ് ഒവനില്‍ സ്വര്‍ണ്ണം ഒളിപ്പിച്ച് കടത്താന്‍ ശ്രമിച്ച തലശ്ശേരി സ്വദേശിയെ കരിപ്പൂർ വിമാനത്താവളത്തിൽ എയര്‍ കസ്റ്റംസ് പിടികൂടി. ദുബായില്‍ നിന്നും എത്തിയ യാത്രക്കാരന്‍ കൊണ്ടുവന്ന മൈക്രോവേവിനകത്താണ് ഇയാള്‍ സ്വര്‍ണ്ണം ഒളിപ്പിച്ചു വെച്ചിരുന്നത്. ലക്ഷങ്ങൾ വിലമതിക്കുന്ന സ്വർണമാണ് ഇയാളുടെ പക്കൽ നിന്നും പിടികൂടിയത്. തലശ്ശേരി പൊന്ന്യം വെസ്റ്റ് സ്വദേശി ഗഫൂറാണ് കസ്റ്റംസിന്റെ പിടിയിലായത്. ഇതുമായി ബന്ധപ്പെട്ട് രഹസ്യവിവരം ലഭിച്ചിരുന്നതിന്റെ അടിസ്ഥാനത്തിൽ നടത്തിയ പരിശോധനയിലാണ് സ്വർണം പിടികൂടിയത്. 1560 ഗ്രാം സ്വർണമാണ് മൈക്രോ വേവ് ഒവനിൽ ഒളിപ്പിച്ച് ഇയാൾ കടത്താൻ ശ്രമിച്ചത്. ദുബായിൽ നിന്നുമാണ് ഇയാൾ എത്തിയതെന്ന് പോലീസ് പറഞ്ഞു. സംഭവത്തിൽ പോലീസ് അന്വേഷണം ആരംഭിച്ചു. ഗഫൂറിനെ കൂടുതൽ ചോദ്യം ചെയ്തുവരികയാണ്.

തിരുവനന്തപുരം: വിശ്വഹിന്ദു പരിഷത്തിന്റെ (വിഎച്ച്പി) വനിതാ വിഭാഗമായ ദുർഗാവാഹിനിയിലെ 250 അംഗങ്ങൾക്കെതിരെ ആര്യങ്കോട് പൊലീസ് ജാമ്യമില്ലാ വകുപ്പുകൾ പ്രകാരം കേസെടുത്തു. സരസ്വതി വിദ്യാലയത്തിലെ പരിശീലന പരിപാടിയെ തുടർന്ന് മേയ് 22 ന് കാട്ടാക്കട പോലീസ് സബ് ഡിവിഷനിൽ ഉൾപ്പെടുന്ന കീഴാറൂരിൽ നടത്തിയ റാലിയിലാണ് ദുർഗ്ഗാവാഹിനി അംഗങ്ങൾ വാളുകൾ വീശിയത്. 15നും 35നും ഇടയിൽ പ്രായമുള്ള 15-ഓളം സ്ത്രീകളും പെൺകുട്ടികളും ഓരോ ജില്ലയിൽനിന്നും റാലിയിൽ പങ്കെടുത്തതായി ആര്യങ്കോട് എസ്എച്ച്ഒ പി ശ്രീകുമാർ പറഞ്ഞു. റസിഡൻഷ്യൽ പരിശീലന ക്യാമ്പിനെക്കുറിച്ച് സംഘാടകർ പോലീസിനെ അറിയിച്ചിരുന്നെങ്കിലും പൊതു മാർച്ച് നടത്താൻ അനുമതി വാങ്ങിയില്ലെന്ന് ശ്രീകുമാർ പറഞ്ഞു. പഠനശിബിരത്തിൻ്റെ ഭാഗമായി പദ സഞ്ചലനത്തിന് മാത്രമാണ് പൊലീസ് അനുമതി നൽകിയിരുന്നത്. എന്നാൽ പെൺകുട്ടികളടക്കം ചേർന്ന് വാളുമേന്തി ‘ദുർഗാവാഹിനി’ റാലി നടത്തുകയായിരുന്നു. ആയുധനിയമപ്രകാരവും, സമുദായങ്ങൾക്കിടയിൽ മതസ്പർദ്ധ വളർത്താൻ ശ്രമിച്ചു എന്നുമുള്ള വകുപ്പുകൾ ചുമത്തിയാണ് കേസെടുത്തിരിക്കുന്നത്. സമൂഹമാധ്യമങ്ങളിൽ ആയുധമേന്തി…