Year: 2022

ഡാളസ് : ഇര്‍വിംഗ് സെന്റ് ജോര്‍ജ് മലങ്കര ഓര്‍ത്തഡോക്‌സ് ഇടവകയിൽ വിശുദ്ധ ഗീവര്‍ഗീസ് സഹദായുടെ ഓര്‍മ്മ പെരുന്നാള്‍ മെയ് 6 വെള്ളി മുതല്‍ 8 ഞായര്‍ ദിവസങ്ങളിൽ നടത്തപ്പെടും. മെയ് 6 വെള്ളിയാഴ്ച വൈകിട്ട് 7 മണിക്കും, മെയ് 7 ശനിയാഴ്ച്ച വൈകിട്ട് 6 മണിക്കും സന്ധ്യാ പ്രാർത്ഥനയോടും, ഗാന ശുശ്രുഷയോടും കൂടെ ആരംഭിക്കുന്ന ഓർമ്മപ്പെരുന്നാൾ ശുശ്രുഷയിൽ ഹ്യൂസ്റ്റൺ സെൻറ് പീറ്റേഴ്സ് ആൻഡ് സെൻറ് പോൾസ് ഇടവക വികാരിയായിരിക്കുന്ന റവ.ഫാ. ഐസക് ബി. പ്രകാശ് മുഖ്യ സുവിശേഷ പ്രഭാഷണം നടത്തുന്നതാണ്. ശനിയാഴ്ച വൈകിട്ട് 8 മണിയോടെ അലങ്കരിച്ച വാഹനത്തിന്റെയും, വാദ്യമേളത്തിന്റെയും അകമ്പടിയോടു കൂടി ഭക്തി നിർഭരമായ റാസയും, ആശിർവാദവും നേർച്ച വിളമ്പും കൂടാതെ അന്നേദിവസം ആത്‌മീയ പ്രസ്ഥാനങ്ങളുടെയും സൺ‌ഡേ സ്കൂളിന്റേയും നേതൃത്വത്തിൽ നാടൻ തനിമയോടെ പലവിധ ഭക്ഷണ സ്റ്റാളുകളും മറ്റു വിവിധങ്ങളായ സ്റ്റാളുകളും ഉണ്ടായിരിക്കുന്നതാണെന്ന് സംഘാടകർ അറിയിച്ചു.…

ഹൂസ്റ്റൺ: ഇമ്മാനുവേൽ മാർതോമ്മ ഇടവകാംഗം ഡീക്കൻ ജെയ്സൺ വർഗീസ് മാർത്തോമാ സഭ നോർത്ത് അമേരിക്ക – യൂറോപ്പ് ഭദ്രാസനാദ്ധ്യക്ഷൻ അഭിവന്ദ്യ ഡോ.ഐസക്ക് മാർ ഫീലക്സിനോസ് എപ്പിസ്‌കോപ്പയിൽ നിന്ന് കശ്ശീശാ പട്ടം സ്വീകരിച്ചു. ഏപ്രിൽ 30 നു ശനിയാഴ്ച രാവിലെ ഹൂസ്റ്റൺ ഇമ്മാനുവേൽ മാർത്തോമാ ദേവാലയത്തിൽ നടന്ന ശുശ്രൂഷകൾ ഭക്തിനിർഭരമായിരുന്നു. രാവിലെ 7:30 നു ഗായകസംഘത്തിന്റെ നേതൃത്വത്തിൽ ആലപിച്ച “സേനയിൻ യഹോവയെ നീ വനസേനയോടെഴുന്നള്ളേണമേ ശാലേമിതിൽ ” എന്ന ഗീതത്തിന്റെ അകമ്പടിയോടെ വൈദികർ ദേവാലയത്തിനുള്ളിലേക്ക് പ്രവേശിച്ചു. തുടർന്ന് ശുശ്രൂഷയുടെ ആദ്യഭാഗമായി അഭിവന്ദ്യ തിരുമേനിയുടെ മുഖ്യ കാർമികത്വത്തിൽ വിശുദ്ധ കുർബാന ശുശ്രൂഷ ആരംഭിച്ചു. ഓസ്റ്റിൻ മാർത്തോമാ ഇടവക വികാരി റവ. ഡെന്നിസ് എബ്രഹാം ശുശ്രൂഷ മദ്ധ്യേ ധ്യാന പ്രസംഗം നടത്തി. കൊലോസ്സിയർ 3 : 12 – 17 വരെയുളള വാക്യങ്ങളെ ആധാരമാക്കി നടത്തിയ വചന ശുശ്രൂഷയിൽ കശ്ശീശാ പട്ടത്വത്തിലേക്കു…

ന്യൂയോർക്ക്: ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി) യുഎസ്എ വെസ്റ്റേൺ റീജിയൻ ഭാരവാഹികളെ കെപിസിസി പ്രസിഡണ്ട് കെ. സുധാകരന്റെ ഔദ്യോഗിക അംഗീകാരത്തോടെ ഒഐസിസി ഗ്ലോബൽ ചെയർമാൻ കുമ്പളത്ത് ശങ്കരപ്പിള്ള പ്രഖ്യാപിച്ചു. നോർത്തേൺ, സതേൺ റീജിയൺ ഭാരവാഹികളെ മുമ്പ് പ്രഖ്യാപിച്ചിരുന്നു. എന്നാൽ ഒഐസിസിയുടെ പ്രവർത്തനങ്ങൾ അമേരിക്കയിൽ കൂടുതൽ വിപുലപ്പെടുത്തുന്നതിന്റെ ഭാഗമായി വെസ്റ്റേൺ, ഈസ്റ്റേൺ റീജിയനുകൾ കൂടി പുതുതായി രൂപീകരിക്കുന്നതിന് നാഷണൽ കമ്മിറ്റി തീരുമാനിച്ചിരുന്നു. അധികം വൈകാതെ തന്നെ ഫ്ലോറിഡ, ജോർജിയ തുടങ്ങിയ സംസ്ഥാനങ്ങളെ ഉൾപ്പെടുത്തി ഈസ്റ്റേൺ റീജിയൻ ഭാരവാഹികളെയും പ്രഖ്യാപിക്കുന്നതാണ്. വെസ്റ്റേൺ റീജിയനിൽ കാലിഫോർണിയ, അരിസോണ, നെവാഡ, വാഷിങ്ടൺ തുടങ്ങിയ സംസ്ഥാനങ്ങൾ ഉൾപ്പെടുന്നു. ചെയർമാൻ: ജോസഫ് ഔസോ (ലോസ് ആഞ്ചലസ്‌), പ്രസിഡണ്ട്: ഇ.സാം ഉമ്മൻ (ലോസ് ആഞ്ചലസ്‌), ജനറൽ സെക്രട്ടറി: രാജേഷ് മാത്യു (ഫീനിക്സ് ), ട്രഷറർ: ജെനു മാത്യു (ഫീനിക്സ്) വൈസ് ചെയർമാന്മാർ: ഫിലിപ്പ് എബ്രഹാം (…

കോഴിക്കോട്: വ്ലോഗർ റിഫ മേനുവിന്റെ ദുരൂഹ മരണത്തിലെ ദുരൂഹത അകറ്റാന്‍ മൃതദേഹം പുറത്തെടുക്കാനും പോസ്റ്റ്‌മോർട്ടം നടത്താനും ആർഡിഒ അനുമതി നൽകി. റിഫയുടെ കുടുംബത്തിന്റെ പരാതിയിലാണ് പോലീസ് അനുമതി തേടിയത്. മാർച്ച് ഒന്നിന് ദുബായിലെ ഫ്ലാറ്റിൽ മരിച്ച നിലയിൽ കണ്ടെത്തിയ റിഫയുടെ മൃതദേഹം അവിടെ പോസ്റ്റ്‌മോർട്ടം നടത്താതെ നാട്ടില്‍ കൊണ്ടുവന്ന് മറവു ചെയ്യുകയായിരുന്നു. മരണത്തില്‍ 306, 498 എ ഉള്‍പ്പെടെയുള്ള വകുപ്പുകള്‍ ചേര്‍ത്ത് റിഫയുടെ ഭര്‍ത്താവ് മെഹ്നാസിനെതിരെ കാക്കൂര്‍ പൊലീസ് കേസെടുത്തിരുന്നു. കുറ്റം തെളിഞ്ഞാല്‍ 10 വര്‍ഷം വരെ തടവ് ലഭിക്കാവുന്ന കുറ്റങ്ങളാണിവ. ആത്മഹത്യാ പ്രേരണയ്ക്കും, മാനസികമായും ശാരീരികമായും ഉപദ്രവിച്ചതിനുമാണ് ജാമ്യമില്ലാ വകുപ്പുകൾ ചുമത്തി കേസ് എടുത്തത്. കഴിഞ്ഞ മാർച്ചിലാണ് ദുബായിലെ ഫ്‌ളാറ്റില്‍ റിഫയെ മരിച്ച നിലയിൽ കണ്ടെത്തിയത്. റിഫയ്ക്ക് അവിഹിത ബന്ധമുള്ളതായി ആരോപിച്ച് മെഹ്നാസ് മർദ്ദിച്ചെന്നും ഇയാളുടെ പീഡനം സഹിക്കാനാവാതെയാണ് റിഫയുടെ ആത്മഹത്യയെന്നും ബന്ധുക്കൾ നൽകിയ പരാതിയിൽ…

പലസ്തീൻ: കിഴക്കൻ ജറുസലേമിലെ വിശുദ്ധ പള്ളിയിൽ അതിക്രമിച്ച് കടക്കാൻ ജൂത പ്രവർത്തകർ തീരുമാനിച്ചതിന് പിന്നാലെ, ഫലസ്തീനികൾക്കെതിരായ സംഘർഷം വർദ്ധിപ്പിക്കുന്നതിൽ നിന്ന് ഇസ്രായേലിനെ തടയാൻ ഫലസ്തീൻ ഐക്യരാഷ്ട്രസഭയുടെ രക്ഷാസമിതിയോട് ആവശ്യപ്പെട്ടു. വിവിധ ജൂത സംഘടനകളിൽ നിന്നുള്ള പ്രവർത്തകർ “അൽ-അഖ്സ മസ്ജിദിന്റെ കോമ്പൗണ്ടിലേക്ക് നുഴഞ്ഞുകയറ്റത്തിന്” ആഹ്വാനം ചെയ്തിട്ടുണ്ട്. ഇത് വ്യാഴാഴ്ച രാവിലെ ആരംഭിച്ച് ഉച്ചവരെ നീണ്ടുനിൽക്കുമെന്ന് ഇസ്രായേൽ മാധ്യമങ്ങൾ റിപ്പോർട്ട് ചെയ്യുന്നു. ഫലസ്തീൻ വിദേശകാര്യ മന്ത്രാലയം പള്ളിയിൽ ഇസ്രായേൽ പതാക ഉയർത്താനും ഇസ്രായേൽ ദേശീയ ഗാനം ആലപിക്കാനുമുള്ള പ്രവർത്തകരുടെ പദ്ധതികളെ അപലപിച്ചു. “ഈ ലംഘനങ്ങൾ സ്ഥിതിഗതികൾ വർദ്ധിപ്പിക്കുന്നതിനും അധിനിവേശം നിലനിർത്താനുള്ള അവരുടെ പദ്ധതികൾ നടപ്പിലാക്കുന്നതിനുമുള്ള ഔദ്യോഗിക ഇസ്രായേലിന്റെ നിർബന്ധത്തെ പ്രതിഫലിപ്പിക്കുന്നു,” പ്രസ്താവനയില്‍ പറയുന്നു. ഫലസ്തീൻ ജനതയ്‌ക്കെതിരായ ആക്രമണം അവസാനിപ്പിക്കാൻ ഇസ്രയേലിനുമേൽ സമ്മർദ്ദം ചെലുത്താൻ ഉചിതമായ നടപടികൾ കൈക്കൊള്ളണമെന്ന് യുഎൻ രക്ഷാസമിതിയോട് മന്ത്രാലയം ആവശ്യപ്പെട്ടു. പലസ്തീൻ ലിബറേഷൻ ഓർഗനൈസേഷന്റെ എക്‌സിക്യൂട്ടീവ് കമ്മിറ്റി…

കാസർകോട്: വിദ്യാർഥിയുടെ മരണത്തിന് കാരണമായ കൂൾബാറിലെ ഭക്ഷണ സാമ്പിളുകളിൽ ഇ-കോളിയുടെയും കോളിഫോം ബാക്ടീരിയയുടെയും സാന്നിധ്യം കണ്ടെത്തി. ഭക്ഷ്യസുരക്ഷാ വിഭാഗം പരിശോധനയ്ക്ക് അയച്ച സാമ്പിളിലാണ് ബാക്ടീരിയയുടെ സാന്നിധ്യം കണ്ടെത്തിയത്. ഷവര്‍മ, മയോണൈസ്, ഉപ്പിലിട്ടത്, മസാലപ്പൊടികള്‍ എന്നിവയാണ് കോഴിക്കോട്ടെ റീജിയണല്‍ അനലറ്റിക്കല്‍ ലാബില്‍ പരിശോധിച്ചത്. വൃത്തിഹീനമായ അന്തരീക്ഷത്തിലാണ് ഭക്ഷ്യവസ്തുക്കള്‍ കൈകാര്യം ചെയ്തതെന്ന് വ്യക്തമായിട്ടുണ്ട്. ഭക്ഷ്യവസ്തുക്കളില്‍ ഷിഗെല്ല, സാല്‍മണെല്ല ബാക്ടീരിയകളുടെ സാന്നിധ്യമുണ്ടോ എന്നറിയാന്‍ പരിശോധന നടത്തുകയാണ്. കഴിഞ്ഞ വെള്ളിയാഴ്ച കാസർകോട് ചെറുവത്തൂർ ഐഡിയൽ ഫുഡ് പോയിന്റിൽ നിന്ന് ഷവർമ കഴിച്ചവർക്കാണ് ഭക്ഷ്യവിഷബാധയേറ്റത്. അതിൽ ഒരു പെൺകുട്ടിയെ മരിച്ച നിലയിൽ കണ്ടെത്തി. ഭക്ഷ്യവിഷബാധയേറ്റ് മുപ്പതിലധികം പേർ ചികിത്സ തേടി.