ന്യൂഡൽഹി: പ്രധാനമന്ത്രി ഭാരതീയ ജനൗഷധി പരിയോജന കഴിഞ്ഞ 8 വർഷത്തിനിടെ അദ്ഭുതകരമായ വളർച്ചയാണ് കൈവരിച്ചതെന്നും, രാജ്യത്തെ പാവപ്പെട്ടവരുടെ ഫാർമസിയായി ജനൗഷധി കേന്ദ്രം മാറിയെന്നും കേന്ദ്ര ആരോഗ്യ, രാസ, രാസവള മന്ത്രി ഡോ. മൻസുഖ് മാണ്ഡവ്യ പറഞ്ഞു. പ്രധാനമന്ത്രി ഭാരതീയ ജനൗഷധി പരിയോജനയ്ക്ക് കീഴിൽ പ്രവർത്തിക്കുന്ന 8,809 ജനൗഷധി ഔട്ട്ലെറ്റുകൾ ഓരോ വ്യക്തിക്കും ഉയർന്ന നിലവാരമുള്ള, ന്യായമായ വിലയ്ക്ക് മരുന്നുകൾ വിതരണം ചെയ്യുന്നുണ്ടെന്ന് മാധ്യമങ്ങൾക്ക് മുന്നിൽ വിശദാംശങ്ങൾ പങ്കുവെച്ചുകൊണ്ട് ഡോ. മൻസുഖ് മാണ്ഡവ്യ പറഞ്ഞു. കഴിഞ്ഞ എട്ട് വർഷത്തിനിടെ ജനൗഷധി കേന്ദ്രങ്ങളുടെ എണ്ണം 100 മടങ്ങ് വർധിച്ചു. 2014-ൽ രാജ്യത്തിന്റെ വിവിധ പ്രദേശങ്ങളിലായി 80-ഓളം ജനൗഷധി കേന്ദ്രങ്ങൾ ഉണ്ടായിരുന്നു. എന്നാൽ 2022-ഓടെ അത് 8,800-ലധികമായി വർദ്ധിച്ചു. ഇത് 100 മടങ്ങ് വർധിച്ചതായി മൻസുഖ് മാണ്ഡവ്യ പറഞ്ഞു. “ജനൗഷധി കേന്ദ്രത്തിന്റെ ശരാശരി പ്രതിദിന ഗുണഭോക്താക്കൾ 4.5 ലക്ഷത്തിലധികം ആളുകളാണ്. കൂടാതെ,…
പാവപ്പെട്ടവരുടെ ഫാര്മസിയായി ജനൗഷധി കേന്ദ്രം മാറി: ഡോ. മന്സുഖ് മാണ്ഡവ്യ
